المساعد الشخصي الرقمي

مشاهدة النسخة كاملة : خلع بارتى



برغوتة
22-07-2007, 05:40 PM
الطرف الأول : الو هاى ازيك اخبارك ايه احنا النهاردة عاملين بارتى كبير وعازمينك علية ياريت تيجى من بدرى علشان فية سيربرايز كتييييير يو ول بى هابى

الطرف الثانى : مين عامل البارتى ومين دوول اللى عازمنى وبمناسبة ايه

الطرف الاول: بليز اسمعينى اكمل كلامى

الطرف الثانى :كملى ياستى كلى اذان صاغية

الطرف الاول انا وستة من اصحابى عامليين بارتى كبير وعازمين كل الفريندز بتوعنا على البارتى

الطرف الثانى :عرفنا انكوا عامليين حفلة بس بمناسبة ايه

االطرف الاول : بليز ليسن تو مى انت عارفة انى اتجوزت الصيف اللى فات من شاب اتعرفت علية على النت واتقابلنا وحبينا بعض واتجوزنا

الطرف الثانى : اة انا فاكرة ربنا يهنيكوا ببعض انا فاكرة فراحكوا كويس نص مطربين البلد ورقاصاتها حييوة وناس كتييير من الشخصيات العامة حضروا هى البارتى بمناسبة عيد جوازكوا

الطرف الاول :لالا انا خلعتة خلاص وعاملة خلع بارتى انا وصحابى اصلهم خلعوا خلاص وناويين يشاركونى البارتى

الطرف الثانى : ليه هو طلع بخيل والا طلع عينة زايغة

الطرف الاول : ياريت

الطرف الثانى : امال طلع اية

الطرف الاول : الغشاش النصاب طلع خريج جامعة حكومى وضحك عليا وخدعنى ومقاليش انة متخرج مع العيال البيئة من جامعة حكومي

الطرف الثانى : وفيها ايه لما يكون خريج جامعة حكومى مش فاهمة وجهه نظر سيادتك فى الموضوع

الطرف الأول : اكتشفت بعد الجواز ان طريقنا مش واحد بينا فروقات كتيير وخلافات علمية وفكرية

الطرف الثانى :بس الخلافات العلمية والفكرية بتيجى لما بيكون المستوى الثقافى مختلف والثقافة عمرها ما كان لها علاقة بنوع الجامعة والا مكانها وانت و جوزك على نفس المستوى التعليمى

الطرف الأول : لا انت فاكرة انة علشان معاة شهادة معلقها على الحيطة وفخور بيها انة كدة هيكون على نفس مستوايا الفرق كبيير بينا

الطرف الثانى :بس دى ممكن خلافات بتحصل فى أول سنة جواز ومتعارف عليها بين الناس

الطرف الأول : نو واى انى كنت اكمل معاة دة مش من مستوايا ودى غلطتى من البداية انى ارتبط بخريج جامعة حكومى

الطرف الثانى : طب انا عرفت انتى خلعتية لية امال الخمسة الباقيين خلعوا لية

ماهى دى المفاجأة نفس السبب احنا قررنا نخلع ان سايم تايم

الطرف الأول : طب اصحابك متجوزين من امتى

الطرف الثانى : فى منهم متجوز من اربع شهور وفى ناس تانية من اربع سنيين فى الرينج دة

متتأخريش اوكى باى

om elbanat
24-07-2007, 01:22 AM
السلام عليكم
موضوعك غريب قوى يابرغوته ولو انه ممكن ينطبق على فئه معينه من الشعب المصرى اصحاب الفخامه والمستوى المادى المرتفع لانه طبعا زى ماحضرتك عارفه الفئه المتوسطه فى الشعب بمجرد ان تتزوج فليس هناك مجال للخلع ولا دياولوا حيث انهم طلع عينهم فى تاسيس الشقه ولوازمها ومش ممكن ساعتها يفكروا هما متخرجين من جامعه خاصه ولامن عمر مكرم والى لقاء فى مداخلات جديده

برغوتة
02-08-2007, 02:31 AM
ام البنات

هو موضوع الخلع بقى كلة غريب

بقى زى الموضة كل يوم بيتغير وبتظهر فيها اشكال والوان المشكلة انة بقى مش مقصور على فئة معينة لان الكل بيقلد بعضة ومش بتفرق مدة الجواز ولا الفئة اللى بينتمى ليها المتزوجين لأن موضوع الزواج عندهم اصبح ندية مفيش طرف قادر يستحمل علشان الحياة تمشى .


Photo Gallery