المساعد الشخصي الرقمي

مشاهدة النسخة كاملة : أنا خلصت أضحكوا بقه



دكتور مهندس جمال الشربينى
22-07-2007, 02:26 PM
يا ترى حأقدر أفك تكشيرتى عندكم و يا ريت كمان اشارك معاكم فى قاعة فك التكشيرة لحسن الجماعة فى قاعة القضايا السياسية فاكرين و أنا منهم أننا حنقدر نعمل حاجة و نغير فى بلدنا مصر إلى الأحسن و جه الصيف و النهارده واحد منهم قال انه رايح المصيف شهر و نص أجازة يا بخته ...المهم سمعتوا آخر نقطة سياسية جاية من بلدى الثانى الهند حيث يركبون الأفيال الأهرام النهاردة جاب الخبر ده فين فى الصفحة الأولى:




امرأة علي مقعد الرئيس لأول مرة في تاريخ الهند


نيودلهي ـ وكالات الأنباء‏:‏

في خطوة تاريخية هي الأولي من نوعها في تاريخ الهند‏,‏ فازت المحامية براتيبها ديفيسينج باتيل‏72‏ عاما بمنصب رئيسة البلاد خلفا للرئيس الحالي أبوبكر زين الدين عبدالكلام الذي ستنتهي فترة ولايته بعد غد‏.‏




حد يصدق الكلام ده واحد رئيس مسلم هندى يسيب كرسى الرئاسة طواعية لواحدة هندية و هندوسية كمان...أكيد كتير منكم حيقولوا أه ماهو هندى...و لكن إمتى يا رب ممكن نقلد الهنود و نبقى هنود بحق و حقيقى...أنا خلصت أضحكوا بقه مع الإعتذار لعمرو خالد لما قال أنا خلصت عيطوا بقه



http://www.wildlife-pictures-online.com/image-files/chimpanzee_nlp-3264_blog.jpg

ضحكة كبيرة من قلبه

لكن ملاحظين بياض و نظافة أسنانه

عارفين إيه السبب

لأنه غير مدخن و لا يشرب الشاى

برغوتة
22-07-2007, 05:06 PM
ههههههههههههههه

هنبقى هنود لما نبطل كلام ونعمل اللى بنقولوة

مش هيبقى كلام وبس

تسجيل دخول ولى عودة بإذن الله

om elbanat
23-07-2007, 02:17 AM
السلام عليكم
اهلا بك دكتور جمال وبزوجتك الكريمه وان شاء الله نتقابل فى الهند احتمال يفتحوا باب الهجره الى هناك هههههههههههه ويتم تشكيل لجنه فى اعضاء منتدى ابناء مصر للاطلاع الى احدث ماتوصلت اليه الخبره الهنديه تقبلوا مشاركتى ولنا عوده بمشيئه الله

دكتور مهندس جمال الشربينى
23-07-2007, 12:28 PM
السلام عليكم
اهلا بك دكتور جمال وبزوجتك الكريمه وان شاء الله نتقابل فى الهند احتمال يفتحوا باب الهجره الى هناك هههههههههههه ويتم تشكيل لجنه فى اعضاء منتدى ابناء مصر للاطلاع الى احدث ماتوصلت اليه الخبره الهنديه تقبلوا مشاركتى ولنا عوده بمشيئه الله


أهلا و مرحبا بالعزيزات بأم البنات و برغوته
و أحب أقول لأم البنات أن الهجرة لو فتحت لكل الأجناس حيقفلوها فى وشنا خوفا من نقل عدوى الفيروس المسمى EgYpT 2007
لعلمهم أن الذى يصاب به يقل أو يكاد ينعدم نشاطه تماما للدرجة التى يتحول فيها المصاب إلى تيس خامل supine goat
زائد فيروس تانى أسمه ديكتاتورية الفراعنه
ولكن أكيد سيقبلوا هجرتنا لو أكدنا لهم أننا المصريين و زى ما أنتم عارفين الأغنية اللى بتقول "المصريين أهمه عزم و قوة" و بلاها نيلة حكاية إيجيبت ديت هى اللى جايبانا ورا


Photo Gallery