المساعد الشخصي الرقمي

مشاهدة النسخة كاملة : تعالوا شوفوا مكرونه تجنن ماما نفسها بتطلبها منى



nono92
17-07-2007, 03:53 PM
شوفوا بقى يا جماعه فى طريقه لعمل المكرونة بس جميله جربوها وحتدعولى بصه بقى يا بنات و ستات حنعمل ايه :
المقادير :
*كوب ونص لبن اللى هى عاملة زى كوبايات الشاى كده دى لبن بودرة او عادى كامل الدسم او خالى ونص دسم عادى برضه .
*حتجيبوا طبعا ملح وفلفل .
*حوالى 4 مشرومات كبار كتقطعين فى مشروم فى السوق معلب تقريبا ب 7 او 9 جنيه بس العلبة متوسطه الحجم قد علبة الكومبوت مشروم مخلى ا و مش مخلى عادى يعنى .
*مكعب ماجى او شوربه عادى يعنى لو حتجيبوا شوربه يبقى خليه نص كوب لبن اى نكهه مش مهم نكهه الدجاج او نكهه اللحم مش مهم .
*شويه زبد صغيرين جدا عشان تشوحه المشروم والفلفل الاخضر او احمر او اصفر وحار عادى على حسب المذاق يعنى .
*حوالى 3 ملاعق كبار جبنه موتزاريللا ولو محنطوش مفيش مشاكل وطبعا لازم جبنه نسته لازم جبنه نسته مثلث واحد بس .
*حوالى 5 ملاعق زيتون اسود او اخضر برضه عادى .
*ذرة كركم مش كتير بسيط قوى وملعقه كبيرة نعناع ناشف ومتكسر عارفينه طبعا .
*وطبعا اهم حاجه المكرونه حوالى 5 كبشات مكرونه مسلوقه اى شكل عندكوا عادى يعنى .
الطريقه :
توضع الزبد فى طاسه طبعا وبعدين تحطى المشروم متقطع طبعا ومعاه الزيتون والفلفل ليحد ما يستوى على الاخر .
وبعدين بتجيبنى الحلة تحطى فيها اللبن والشوربه او المكعب طبعا بتكسريه الاول وبعدين والجبنه النسته طبعا مع التقليب حتى تمام الذوبان ويضاف الملح والفلفل والكركم وتحطه المشروم والزيتون والفلفل مع التقليب المستمر وبعدين تحطه المكرونة وطبعا تحطة الجبنه الموتزاريللا مع التقليب ممكن تحطه شويه لبن صغيرين بعد المكرونه لو لقيتوها يعنى الخليط مش عامل زى الشوربه .
الوجبة دى بتكفى شخصين بس فيها حوالى 735 كالورى للفرد .
بس انصحكوا بجد تجربوها حلوة جدا جدا مالهاش حل اصلا . :good:

أنفـــــال
17-07-2007, 04:23 PM
تسلم ايديكي يا نونو يا حبيبتي ..
ما شاء الله .. اكيد المكرونة دي لذيذة بجد بجد :)
اهلا بيكي في المطبخ .. و لو عندك اي وصفة تانية اكتبيهالنا ..
عشان كلنا بنحب الافكار الجديدة ..
و شكرا يا حبيبتي .
:f2:

boukybouky
17-07-2007, 07:52 PM
تسلم إيدك نونو

الريحة خلاص هنشمها بس بقي انا عايزة تجربة عملي :)

طالما ماما بتطلبها انا كمان عايزة منها يعني هندبسك يا قمر هههههه

الف شكر لك يا جميلة و في إنتظارك دوماً في المطبخ

في رعاية الله ،،،

emerald
18-07-2007, 07:03 AM
السلام عليكم ..

لزيزة يا نونو .. ماشاء الله عليكي .
تسلم ايدك يا حبيبتي .. واهلا بيكي معانا .. منورة يا نونو .
بارك الله فيكِ.

nono92
18-07-2007, 06:55 PM
ميرسى كتير يا قمامير ميرسى قوى على ذوقكم وقريب قوى حجيب طريقه عمل التورته بتاعتى ان شاء الله متشكرة