المساعد الشخصي الرقمي

مشاهدة النسخة كاملة : تخيل اتنين سمعهم تقيل لو اتكلموا هيحصل ايه ؟ اللى هيحصل انه ...........



جنان الفردوس
11-06-2003, 12:10 AM
تخيلوا لو اتنين سمعهم تقيل اتكلموا مع بعض!! . ايه اللي ممكن يحصل ؟ تعالوا نشوف اتنين من دول، واقفين على محطة الاتوبيس ودار بينهم الحوار ده

الأول : الاتوبيس ده بيروح مــصر الجديدة؟

الثاني : على الحديدة !!... ليه انت طالب احسان

الأول : بذرة الكتان !! لا ..دي تلاقيها عند العطار

الثاني : جزار!! اه ..قوللي كده .. عايز تشتري لحمة

الأول : معك حق.. الدنيا زحمة ..علشان ده ميعاد خروج الموظفين

الثاني : نور الدين !! لا والله .. ماعرفوهش

الأول : ما بتشربوش!! ليه ..كفا الله الشر

الثاني : رأس البر !!! ..ده مــصيف هادي

الأول .: عايز تركب للمعادي... دي منطقة جميلة

الثاني : بليلة !! انت شكلك كده جعان

الأول : عيان!!! أي والله .انت باين عليك عيان ..طيب ما تروح للدكتور

الثاني: الحنطور!! ده احسن من الأتوبيس ، وبيوصلني لحد الباب

الأول : هبــــاب !!! وانا اللي كنت فاكرك محترم

الثاني : اتخـرم !! هو مين ؟؟

الأول : عاوز اسـبرين ! ليه انت عندك صداع ؟

الثاني : قراع !!! ينهار اسود . ده مرض خطير

الأول : لا والله مش عايز. وبعدين مش بأحب الفطير. تقيل على المعدة وتمنه غالي

الثاني: خالي.. انت تعرف خالي ؟ ده راجل كبير في السن

الأول : الجن .. نهارك مش فايت ..انت عليك عفريت .!؟

الثاني : لا والله ..ممعاييش.. انت عايز الكبريت ليه . عايز تولع؟


الأول : أدلع ! أدلع عليك انت!؟ انت ما تملاش عنيا

الثاني :يقبضوا عليا !! ليه !؟

الأول : انت غريب يا راجل انت..شكلك شحات ، (يدفعه من القميص) روح اشتغل شغلة تاكل منها عيش

الثاني : خيش!! والله ده صوف انجليزي

الأول: بنتك زيزي!!! ربنا يخلي...

الثاني : أنتاج محلي .!!!! ده مستورد


يمر شاويش من بتوعنا ... يلفت انتباه الحوار، : بتعمل ايه يا جدع منك له!!!

الاتنين: ايوة يا شاويش ...احنا مستنين الأتوبيس


الشاويش :! نهاركم مش فايت .... جواسيس !!! قدامي على القسم





منقوووول

إسلام شمس الدين
11-06-2003, 12:16 AM
:D :D :D

جنان الفردوس
11-06-2003, 12:48 AM
معلش الموضوع اتحمل مرتين
غصب عني لان النت فصل فجأه
ومكنتش اعرف ان الموضوع ده
اتحمل على النت فحملته تاني
انا اسفة

NADEEN
11-06-2003, 06:55 PM
ناشفه ؟اا هي ايه دي اللي ناشفه؟
المفروض تقولي اسفه

أشرف المجاهد
11-06-2003, 07:12 PM
بسم الله الرحمن الرحيم

يعنى الموضوع ان الجمل وقع فى حفرتين

ولا يهمك يا جنان الفردوس ما يقع الا الشاطر :D:3::p


تصبحى على خير بقىىىىىىى:4:

جنان الفردوس
12-06-2003, 01:33 AM
الأخت الفاضلة نادين
بتقولى ايه خايفة خايفة من ايه
هو فيه حاجة في موضوعي تخوف:D

جنان الفردوس
12-06-2003, 01:37 AM
اخي العزيز كوكب
وانت من اهله
بس مقلتليش ايه
رأيك في الموضوع السيئ
ده

ابن البلد
12-06-2003, 07:38 AM
جنااااااننن
انت جناااااانن يا جناااااااننن :D:D:30:

بنت مصر
12-06-2003, 07:43 AM
موتيني من الضحك يا حنان :D مش اسمك برضه حنان :D

Mrs. Virgo
12-06-2003, 07:48 AM
:D جنان الفردوس ... موضوع جميل قوي ..انا قعدت اضحك ساعه :D

:cool: بس بعد كده بقى خليهم يلبسوا نظارتهم علشان يسمعوا كويس :D

جنان الفردوس
12-06-2003, 03:55 PM
أهلا ابنن بلاددن
يارب يكون عجبك:D

جنان الفردوس
12-06-2003, 03:58 PM
بنت العصر
اهلا بيك
انا اسمى احلام مش حنان

جنان الفردوس
12-06-2003, 04:01 PM
ميس فيرجو يا مرحب يامرحب
وانا اقول الموضوع منور ليه
انتي عايزاهم ياخذوا احتياطتهم ليه
هم عملوا حاجة:D

ابن البلد
12-06-2003, 04:08 PM
مين قال أنه عجبني ههههههههههههههه :p:p:p

محمد النادي
12-06-2003, 05:21 PM
السلام عليكم ورحمة الله وبركاته

تحياتي جنان الفردوس

الحمدلله ان الاتنين ما بيشوفوش كويس......وبس........حاجة بسيطة:1:

وان سمعهم 6\6..............:3:

جنان الفردوس
12-06-2003, 10:41 PM
ابن البلد بأه كده طيييب استنى عليا

جنان الفردوس
12-06-2003, 10:55 PM
اهلا بالعضو فادي

بتقول ايه مبيكلوش كويس
لا دول امبارح متعشيين فول وطعميه

العمدة
13-06-2003, 07:39 AM
يا جنان ... لآ حنان

سمعك تقيل ... ماتاكلش كتيييييير

موضوع جميل .... شفت الفيل

يووووووه .... أيووووووووووووه

جنان الفردوس
13-06-2003, 07:49 AM
يا أهلا هريدي ولا العمدة
عايز مين .....رايح فين
آآآآآآآه قول كده
طب سلام

ديدي
23-03-2005, 10:41 AM
للرفع

نادر فؤاد
27-05-2005, 01:40 AM
حوار جميل جدا ههههههههههههه شكر احلام
شكر اختى العزيزة ديدى

أم أحمد
22-02-2006, 11:35 AM
للرفع

أم أحمد
09-06-2006, 01:25 PM
للرفع
شكرا جنان الفردوس

شاعر الرومانسية
09-06-2006, 03:07 PM
للدفع

دفع اية


اااااه

ماهم شفروا ماتشات كاس العالم

amak_77
09-06-2006, 03:21 PM
سالم
لا لسه ما جاش
موضوع حلو كتييييييييير
ضحكت عليه كتيييييييير
شكرا جنان الفردوس

Far&Away
09-06-2006, 03:27 PM
هيبقى زى لعبة تخيل لو انك اطرش

نفس الفكرة


Photo Gallery