المساعد الشخصي الرقمي

مشاهدة النسخة كاملة : زوجة.... خنيقة



moura
14-07-2007, 03:59 PM
هو:حبيبتي أنا حأطلب بيتزا ، عايزة حاجة ؟

هي:لا يا حبيبي

هو :اوكي

هي:ولا اقولك ..؟

هو:ها ، أطلب لك كمان ؟

هي:مش عارفة

هو :مش عارفة اذا كنتي عايزة ؟

هي:لا

هو:انتي جعانة ؟

هي:يعني

هو :يعني إيه يعني...؟

هي:يعني مش متأكدة اذا كنت جعانة ولا لأ.

هو:الواحد لما بيكون جعان بيعرف

هي :لأ بس يمكن اجوع بعدين

هو:يعني اطلب لك بيتزا؟

هي:طيب واذا ما كنتش جعانة وقتها..؟

هو :ما تاكليش

هي :بس ده كدة يبقى تبذير

هو:خلاص ، تبقي تاكليها بكرة

هي:و اذا ما كانش لي نفس آكل بيتزا بكرة؟

هو :مش محتاجة نفس ، الواحد عادي ممكن ياكل بيتزا كل يوم

هي:انا لا .. أنا مش باكل بيتزا الا لما يكون عندي نفس للبيتزا

هو:طيب بلاش ، أطلب لك حاجة تانية؟

هي:بس أنا مش عايزة حاجة تانية

هو:يعني عايزة بيتزا؟

هي :لا

هو:يعني مش عايزة حاجة؟

هي:لأ برضه

هو :جننتيني ، طب أعمل إيه؟

هي:اطلب انت لنفسك

هو:الحمد لله ، اخيرا .. ماشي ..

هي :بس اطلب بيتزا بالتونة

هو:نعم ؟ انا مش بحب البيتزا التونة

هي:بس انا بحبها

هو:وانتي مالك ؟ هو انا حاطلب ليا ولا ليكي

هي:ليك طبعا

هو:طيب أطلبها ليه بأة بالتونة...؟

هي:يمكن اجوع لما يوصل الاكل

هو :وبعدين؟

هي:يا سلام ، يعني تفتكر آكل حاجة مش عاجباني؟

هو:ليه هو انتي – أصلاً - عايزة تاكلي؟

هي :ليه لأ ؟

هو:يا مثبت العقل .. هو أنا حاطلب بيتزا لي , عشان احتمال انتي تاكليها اذا كنتي جعانة؟؟

هي:بالضبط

هو:وأنا بلاش آكل؟

هي:يمكن وقتها أكون مش جعانة


ملاحظة


محكمة الجنايات قررت تبرئة الزوج من تهمة
"قتل الزوجة مع سبق الإصرار والترصد"
وتحويل التهمة إلى ..
"قتل الزوجة دفاعاً عن النفس :good:


ملطووووش

الشيمـــاء
14-07-2007, 06:23 PM
و بعدين يا مورا
كلة كدة جاي علي البنات
حتوقفوا حالنا كدة
ههههههههههههههه
حلو الموضوع
تسلمي يا قمر

oshena
15-07-2007, 04:14 PM
ههههههههههههههههه
دى فعلا زوجه خنيقه اوى

بنت شهريار
15-07-2007, 05:41 PM
هههههههههههههههههههههههههههههههههههههه
والله تستاهل
دى خنيقه بجد
ههههههههههههههههههههههههههههه
تسلم ايدك مورا
تحيااااااااااتى

moura
15-07-2007, 08:22 PM
و بعدين يا مورا
كلة كدة جاي علي البنات
حتوقفوا حالنا كدة
ههههههههههههههه
حلو الموضوع
تسلمي يا قمر




ههههههههههههههههههههههههههه

معلش يا قمر..حبة كدة وحبة كدة..

وبعدين دى خنقته يعنى..

ههههههههههههههههههههههههههههههه

مرسيه يا عسل على مرورك وردك الجميل

moura
15-07-2007, 08:54 PM
ههههههههههههههههه
دى فعلا زوجه خنيقه اوى


اهلا بيكى اوشينا معانا فى المنتدى..

وان شاء الله تسعدى بتواجدك معنا..

والف شكر على مرورك وردك العسل يا عسل..

moura
15-07-2007, 08:58 PM
هههههههههههههههههههههههههههههههههههههه
والله تستاهل
دى خنيقه بجد
ههههههههههههههههههههههههههههه
تسلم ايدك مورا
تحيااااااااااتى



بنت شهريااااااااااااااااااااااااااااااااااار

حبيبتى ..:h: :h:

هههههههههههههههههههههههههههه

تسلمى يا روحى..

نورتى الموضوع :h:

kandeeel
16-07-2007, 08:10 AM
حياك الله على هذا الموضوع

وهي لا ترحم ولا تسيب رحمه ربنا تنزل

الله يكون في عون الرجاله اللي عندهم حريم من عينه اختنا

والله يحفظكم يارب

سوني
16-07-2007, 03:15 PM
ايه الزوجة الرخمة دى

كتر خير الزوج والله وكويس قوى انه

استحملها للاخر انا لو مكانة كنت قتلتها

بعد نص الحوار بس

هههههههههههههههههه

تسلم ايدك يا مورا

سلام يا جميل............

moura
16-07-2007, 03:53 PM
حياك الله على هذا الموضوع

وهي لا ترحم ولا تسيب رحمه ربنا تنزل

الله يكون في عون الرجاله اللي عندهم حريم من عينه اختنا

والله يحفظكم يارب


هههههههههههههههههههههههههههههه

الف شكر اخى على مرورك وردك..

تقبل تحياتى.

moura
16-07-2007, 03:59 PM
ايه الزوجة الرخمة دى

كتر خير الزوج والله وكويس قوى انه

استحملها للاخر انا لو مكانة كنت قتلتها

بعد نص الحوار بس

هههههههههههههههههه

تسلم ايدك يا مورا

سلام يا جميل............




ههههههههههههههههههههههههههههههههههههههههه

المهم انه قتلها يا سونى..

نورتينى بردك يا قمر..:h:

the_chemist
08-06-2008, 09:36 PM
محكمة

حكمت المحكمة علي القتيلة بما هو آتى:

إعادة القتل 5 مرات

إعادتها للحياة مع رجل خنيق

و علي الزوج بالبراءة و تزويجه من زوجة خنيقة

"قاضي اليمين هامساً لقاضي اليسار: يمكن يخلصنا منهم كلهم"

شكرا مورا

pure-love
12-06-2008, 11:12 PM
ههههههههههههههههههههههههههههه
دي حلال فيها القتل الف مره
ربنا يكون في عون الزوج اللي متجوز واحد رخمه بالشكل الشنيع ده
ميرسي يا مورا
تسلم ايدك


Photo Gallery