المساعد الشخصي الرقمي

مشاهدة النسخة كاملة : دش لمدام طهقانة فى كنتاكى



Miss Engineer
08-07-2007, 01:41 PM
دش في كنتاكي


الحقيقة المرة ده موقفي صعب جدا جدا و مش عارفة اتصرف ازاي حاسة اني في نص هدومي من الكسوف و ححكيلكم الحكاية من الاول علشان تعذروني و تحسوا بيا:huh: :2:

نزلت اتمشى في النادي يوم الجمعة بصيت لقيت فريد جوز مها بيلف التراك مع واحدة اسمها هالة مرات مدحت و دول كنت اتعرفت عليهم في عيد ميلاد جارتنا و معرفتي بيهم سطحية

وقال هاتك يا ضحك و هزار و كانهم لسة في شهر العسل ،قعدت اشمشم يمكن الاقي جوز دي و لا مرات ده مفيش
عنها و رحت زارعة فدانين درا و لبدت فيهم لما اشوف اخرتها و بما اني مش فضولية و لا حشرية و شعاري في الحياة دع الملك للمالك، قررت اعرف حدود العلاقة بين المدهول فريد و الموكوسة هالة

بعد ما لفوا التراك قعدوا شربوا عصير و سبلوا و اتنحنحوا شوية و بعد كده قاموا، رحت هوووب قايمة وراهم ركبوا عربية فريد و مشيت وراهم بعربيتي لقيتهم وصلوا بيت مها و راح منزلها على اول الشارع
اوبااا …و ليه منزلها على الناصية! و منزلهاش قدام البيت! لازم في الموضوع ان
روحت البيت و انا بقرقض ضوافري من الغيظ و بما اني مليش غير طهقان اغلس عليه و اطهقه مسكته كتفته و حكيتله الحكاية من طقطق.. لسلامو عليكم
قالي: و انت اية مزعلك؟! ملكيش دعوة
انا: ازاي مليش دعوة مش اصحابنا و لازم نوعيهم و نفوقهم و ننصحهم
هو: و فيها اية يمكن قابلها بالصدفة في النادي و وصلها ذوقيا
انا: نعم و ليه نزلها على الناصية ؟؟ اكيد حاسس انه بيعمل حاجة غلط خايف حد يشوفه
هو: لا ابدا تلاقيه نزلها كده علشان يلف و يرجع على طول بدل ما ياخد الشارع لاخره ،خليكي حسنة النية و بلاش تفكري في نظرية الخيانة اللي مسيطرة عليكي دي

كتمت غيظي في قلبي و سكت
و قررت انزل بدري تاني يوم و معايا فدانين الدرا و اقف قدام بيت هالة و اشوف اخرة الموضوع ده و لو ثبتلي ان الراجل فريد ده بيلعب بديله.. حمسكه اغسله و انشره و احذره اني حقول لمراته يمكن يرجع لعقله، و اهو الواحد يعمل الخير و يرميه البحر و يمكن يقعدلي في سي طوطو لما يلعب في عداد عمره و يفكر يلعب بديله

وصلت لقيته بيركبها عربيته شوفوا البجاحة كده في وضح النهار و شرخوا على كنتاكي ، و انا …ورااااهم
لقيت سي فريد قاعد مع الست هالة و طالب لها مايتي زنجر و شوب كولا و واحد كولسلو و قاعدين يدردشوا و هيهيهيئ… هوهوهوؤ
اتفرست و اتنقط و رحت نازلة عليهم زي البراشوت
طهقانة:بغلاسة: صباح الخير
فريد: اهلا اهلا مدام طهقانة ازيك و ازي الاستاذ طهقان ان شاء الله يكون كويس و …
انا: امال فين مدام مها؟؟
هالة: بقالي كتير مش بشوفها الصراحة.. ازيها عاملة اية؟
انا: برخامة:كفاية بتشوفي الاستاذ فريد اهو برضه من ريحتها
هالة: بصتلي باستغراب و ابتسمت هههههههه
فريد : تحبي تاخدي اية؟ نايتي زنجر ده هايل و..0
انا: انا بقول نتصل بمدام مها تيجي تفطر معانا و لا اية؟
فريد: و الله فكرة بس اظن ان مدحت عنده شغل النهاردة مش حيقدر يجيبها .. و مها مبتعرفش تسوق
انا: و مال مدحت بمها ؟؟
فريد:الله مش مراته

يا نهار مش فايت اية مراجيح المولد اللي انا ركبتها دي و بتلف بيا و بعدين اية المطرة اللي بترخ فوق دماغي دي احنا مش في الصيف و لا اية؟
انا: ح. ض. ر. ت .ك بتقول مين متجوز مين؟؟
فريد: مدحت متجوز مها
هالة: ايوة مدام مها مرات مدحت انت كنت فاكرة اية؟

و افتكرت اني يوم عيد ميلاد جارتنا اللي اتعرفت عليهم فيه كان في ناس كتير و ان مها و فريد و مدحت و هالة كانوا قاعدين سوا و مش فاكرة بالظبط لما اتعرفت عليهم كان مين متجوز مين

انا :طيب استاذن انا علشان اروح اتنشف… اقصد اتمشى… سلام


و لما حكيت لطوطو لقيته اتفرس و اتنقط و ودانه الجميلة احمرت و قعد يضرب دماغه مني في الحيطة ليه بس انا عملت اية؟
ده انا كان هدفي نبيل و كنت عايزة اوعيهم قبل ما حد تاني غيري يعرف
انهم.. هاهاها …متجوزين
بس طوطو يطهق ليــــــــــــه!!!


هي دي حاجة تطهق؟؟؟؟



منقووووووووووول من مذكرات مدام طهقانه

لكم تحياتى:h:

مغترب
09-07-2007, 08:16 AM
جامدة جداااااا
و نطلع بدرس ان بلاش فدانين الدرة الى الناس بتلبد فيهم
ممكن نزرع بدلهم جرجير علشان يبقى اسهل فى التنقل

شكرا يا Miss Engineer
و فى انتظار جديدك

Miss Engineer
12-07-2007, 05:43 AM
الاخ العزيز مغترب
اشكر مرورك الكريم على الموضوع
وعندك حق لو كل واحد يخليه فى نفسه ويبطل
يشغل نفسه بالناس اللى حواليه عشان
يريح نفسه ويسيب الناس ترتااح بردة
الدنيا هاتبقى احلى
لك جزيل شكرى وتحياتى

Miss Engineer
17-07-2007, 05:53 AM
على فكرة انا قابلت واحدة فى حياتى زى مدام طهقانه فى حياتى
ناس بتبقى بسيطة جداا بس الفضول ومراقبه الناس من هواياتها دايما
ربنا يبعدهم عننا جميعا :)

Maruko
17-07-2007, 06:30 AM
على فكرة انا قابلت واحدة فى حياتى زى مدام طهقانه فى حياتى
ناس بتبقى بسيطة جداا بس الفضول ومراقبه الناس من هواياتها دايما
ربنا يبعدهم عننا جميعا :)


ههههههههههههههههههههه

يالهوى

ياااااااااااااااارب

هههههههههههههههههههههه

حلو اوى يا مس انجنير الموضوع

تسلمي

Miss Engineer
19-07-2007, 05:48 AM
شكراا جزيلا اختى
Maruko
على مرورك الجميل
والموضوع حلو بكل الناس الحلوة اللى بتقرااه
تحيـــــــــــــاتى

طهقان
10-09-2007, 11:44 AM
ميس انجنير

اعتقد ان مافيش واحدة بالشكل دا ..غير واحدة بس
واسأليني أنا


انا اللي دايق المر منها


تحياتي


طهقان
صاحب مدونة طهقان

Miss Engineer
11-09-2007, 06:37 AM
ميس انجنير

اعتقد ان مافيش واحدة بالشكل دا ..غير واحدة بس
واسأليني أنا


انا اللي دايق المر منها


تحياتي


طهقان
صاحب مدونة طهقان


اهلا وسهلا بيك اخى العزيز طهقان
اشكرك على مدونتك الجميله
اشكر مرورك الكريم على الموضوع
وربنا يكون فى عونك على الست اللى انت بتقول انك عارفهااا
تقبل تحياتى

طهقان
11-09-2007, 08:53 AM
اهلا وسهلا بيك اخى العزيز طهقان
اشكرك على مدونتك الجميله
اشكر مرورك الكريم على الموضوع
وربنا يكون فى عونك على الست اللى انت بتقول انك عارفهااا
تقبل تحياتى

هو في حد غيرها..
نفس الست اللي انت كتبتي عنها الموضوع

طهقانة هانم

صاحبة مدونة طهقانة
:)
تحياتي لك

saladino
11-09-2007, 12:03 PM
شكرا
مش كل واحد يبقى ف حاله احسن

Miss Engineer
10-10-2007, 06:51 AM
شكرا
مش كل واحد يبقى ف حاله احسن

اهلا بيك ياصلادينو نورت الموضوع
تقبل تحياتى

IL_RE_BAGGIO
11-10-2007, 01:02 AM
فعلا قصه لطيفه

Miss Engineer
11-10-2007, 06:39 AM
فعلا قصه لطيفه

اخى العزيز
Il_re_baggio
شكرا لمرورك الكريم
تقبل تحياتى

the_chemist
25-03-2008, 02:57 PM
الله عليكى

و الله فكرتينى بخالتى بمبة و جوزها عم سيد

"يا عينى على"

دى كانت جملتها الشهيرة بعد كل مصيبة تعملها

تسلمى

Miss Engineer
26-03-2008, 07:52 AM
The chemist
نورت الموضوع بجد
شكراا لمشاركتك اللطيفة فى الموضوع
تقبل تحياتى

طائر الشرق
26-03-2008, 08:19 AM
هههههههههههههههه

والله قصة جميل
مشكورة
والى الامام

بنت شهريار
26-03-2008, 09:06 AM
ههههههههههههههههههههههههههه
ملااااااااااااااااااااك ياخواتى
لا فعلا دع الخلق للخالق
هههههههههههههههههههههههههههههههههههههههه
تسلم ايدك اختى الفاضلة

شكرا كيميائى على الرفع
تحياتى

Miss Engineer
27-03-2008, 08:13 AM
هههههههههههههههه

والله قصة جميل
مشكورة
والى الامام

'طائر الشرق اشكر مرورك الكريم
واذا كانت القصة جميله فهى اجمل بمرور الاعضاء الكراام
تقبل تحياتى

Miss Engineer
27-03-2008, 08:15 AM
ههههههههههههههههههههههههههه
ملااااااااااااااااااااك ياخواتى
لا فعلا دع الخلق للخالق
هههههههههههههههههههههههههههههههههههههههه
تسلم ايدك اختى الفاضلة

شكرا كيميائى على الرفع
تحياتى

بنت شهريار الجميله
نورتى الموضوووع
وهى الدنيا كدة فيها زى مدام طهقانة كتييير
تحياتى لكى...


Photo Gallery