المساعد الشخصي الرقمي

مشاهدة النسخة كاملة : نفسكوا تاكلوا ايه يامغتربين؟



بوكا بوكا
01-07-2007, 10:20 AM
نفسكوا تاكلوا ايه يامغتربين؟

صحيت الصبح النهاردة كده لقيت نفسي هفتني علي فطير مشلتت ولو اني ماكنتش باكله في مصر اصلا بس تقول ايه بقي طفاسة :smilie_keks: وبعيد عنكم يامغتربين دوشت جوزي من الصبح انا عايزة فطير مشلتت ماليش دعوة . طيب اجيبلك منين يابنت الحلال فطير مشلتت دلوقتي المهم راسي والف سيف واحنا دلوقتي بندور علي حد بيعمله
طيب بذمتكم ماوحشتكوش الملوخية والكشك( ليا قصة معاه كمان هابقي احكيهالكم بعدين) ولا نفسكم كده ماهفيتكوش علي ام علي ولا رز معمر ولا ماجيتوش في يوم وهاتموتوا وتاكلوا رنجة ولا فسيخ مع بصل اخضر واديها ماترحمهاش
ماوحشتكش الفتة بالخل والتوم وتلاقي هبر اللحمة في وسطها بتندهلك وتقولك ارجوك كلني ، نفسك في ايه؟
تصحي الصبح تفطر طبق فول معتبر من ايد الست الوالدة مع حتتين جبنة قريش وبيض بالسمن البلدي وبعدين تتغدي بطة محترمة محشية مع رز بالخلطة والشوربة بقي اللي طعمها ماتلاقيش زيه وبعد كده تحلي بالفاكهة التمام اللي ليها طعم مش زي هنا ولا تاكل حلويات كنافة، هريسة، رز بلبن ياسلااااااام
وبعد كده بالليل تخرج تتمشي مع اصحابك وطبعا لازم مايفوتكوش الدرة المشوي ولا تشربوا عرقسوس مية مية ولا تاكلولكوا شوية حرنكش ولا ولا ولا
كل حاجة وحشتني في مصر يابختكم ياللي قاعدين في مصر ، ما تبعتولي حتة فطير مشلتت ينوبكم فيا ثواب:)

ويلا
03-07-2007, 04:25 PM
اه اه والله قلبت علية المواجع:m:
انا اكتر حاجة بتوحشنى من مصر عصير القصب بيوحشنى اوى
وطبعا الجبنة الحدقة مع العيش البلدى

ربنا يكون معانا
لما لبقى ارجع مصر هبقى البعتللك بالبريد فطير

Escandaranya
04-07-2007, 10:49 AM
أيوووووه حرام عليكي ,, شهيتيـني ...

بصراحة (بوكا بوكا) .. انا بقى بحن للكسكسي الاسكندراني .... بصراحة أجمل لحظات عشتها لما كنا بنتمشى عالشط الجميل الرااائع مع العيلة وفي إيدينا أطباق الكسكسي ... ولا البيتزا بتاعة (أنا ميدو) ... ولا سندويتشات الكبده اللي تجنن ...
ولا المشوي من عند حسني وأبو راوية ..........

يوووه أكلات كتيرة ورهيبة يا بوكا بتووحشنا أوي أوي أوي....

بس يا بوكا ... مش المفترض تجيبي معاكي أكلتين حلوين كده ... :m19:

مش انتي اللي فتحتي الموضوع

:m3: :m3:

أنا بقى ... جبت لك حبة أكل من اللي قلبك يحبووووووه :m:

16818
ده فطير ... بس مش المشلتت طبعاً

16819
ده بقى الكشري الجناااان

16820
وده المششششششششششوي

16821
وده بقى ورق العنب الراائع

موعـ ووو ـود
05-07-2007, 06:04 PM
والله فعلا انت رجعتنى لايام اتمنى ترجع ايام سفره الست
الوالده لما كانت مليان بخيرات ربنا- محشى , فته , كمونيه
كوارع والاهم الحواوشى والكبده الاسكندرانى
ايييييييه ايام
انا شاكر ليك ياصاحبى انك شاركتنا معاك اللحظات الحلوه دى
تحياتى ليك وتقديرى
اخوك
موعـ ووو ـود

smara_eg
07-07-2007, 07:22 PM
ياااااااااه

نفسي آكل حمام وأشرب عصير قصب وشوية لب حلوين


ونفسي في كبده معتبرة




حد يجيبهم لي بلييييييييييييييييز
لحسن هعيط بجد

(كيوبيد**الحب)
07-07-2007, 07:25 PM
مشكووووووووووور جــــــدأ بــوكــا بــوكــا

أنا نفسي نفسي أكــل أكل علقه

عشان مسمعتش الكلام وجلست جنب المدام

مشكوووووووووووووووور مره اخري

بوكا بوكا
08-07-2007, 07:15 AM
مستنية الفطير ياويلا ووعد الحر دين عليه بس هاتنزلي مصر امتي؟؟؟؟ طمنيني

وفكرتيني بعصير القصب ليه كده ياويلا بس تفكريني باللذي مضي طيب ايه رأيك بقي

اني انا نفسي في قصب كده مش عصير يعني نمصه بقي وياسلااااااااااااااااااااااااام

فين ايامك يامصر

بوكا بوكا
08-07-2007, 07:21 AM
ايوووووووووووووووه عليكوا يااسكندرانية كده يعني ده احنا كنا بالكلام مش مستحملين

تقومي تجيبيلنا صور كمان . روحي ياشيخة الهي يرزقك بطبق كشري بالشطة من عند

الحجاز اللي ادام الجامعة وبعده سندوتشين فول من عند البغل وتحلي بايس كريم من

عند ______:helpsmilie2: اسمه ايه، اسمه ايه، ياشيخة حرام عليكي نسيتيني اسمي

بوكا بوكا
08-07-2007, 07:26 AM
موعووووووووود الظاهر كده ان الست الوالدة نفسها في الاكل ماحصلش وانت بقي

اللي جبته لنفسك ياباشا اول ما ننزل مصر عايزة انا من السفرة دي اللي عليها ما لذ

وطاب بس اوعي تنسي الطحينة

بوكا بوكا
08-07-2007, 07:31 AM
سمارة جيتي علي الجرح فين ايام قزقزة اللب والسوداني ولا يوم الخميس بابا يجيبلنا

فول سوداني ولب ابيض واسمر وخشب ونقعدبقي نتلم ادام التليفزيون واديها قزقزة

اهئ اهئ انا عملت الموضوع ده ليه بس اهئ اهئ انا هاعيط اهو ياريت اخوانا اللي

قاعدين في مصر ما يغيظوناش بس

بوكا بوكا
08-07-2007, 07:38 AM
كيوبيد الحب ياعم أجل العلقة لبعدين دي ملحوق عليها في مصر او برة مصر حتي اكيد

ليها نفس الطعم والنكهة خليك انت بس كده افتكر لما كنت تاكل انت والمدام حتي لو

بتاكلوا عيش بلدي( ياسلام عليه وحشني موت) وجبنة قديمة (امممممممم) ومخلل

من عند بتاع الفول اللي جمبكم اداهولكوا ببلاش المرة دي عشان انتوا زباين دايمين عنده

انا عايزة اكل طعمييييييييييييييييييييييييييييييييية. ماليش دعوة


Photo Gallery