المساعد الشخصي الرقمي

مشاهدة النسخة كاملة : يوميات عريييييييييس مكافح



سمسم سماسيمو
30-06-2007, 03:31 PM
السلام عليكم
ازيكم يا اهل المنتدى ان شاء الله تكونوا بأفضل حال
طبعا من عنوان الموضوع خطر فى بالكم ان الموضوع كوميدى
هيا عبارة عن يوميات لشاب فكر فى الزواج وتبعا هايلاقى معظم العقبات اللى بتاقبل الشباب.
اسمه رامى وعنده 27 سنة شاب ميسور الحال حاصل على بكالريوس تجارة من عائلة متوسطة العدد تتكون منه وابوه وأمه واخته المتزوجة ريم .
مكافح جدا زى ماقلت .الحكاية ومافيها ان رامى ده هايحكى لنا يوميات من ساعة مافكر فى الزواج فى اطار كوميدى وهانكمل مع بعض بقى لحد مانشوف اللى
هايحصل ان شاء الله فيما بعد .
وتقريب دى حكاية معظم الشباب المصرى . وهاتكون عبارة عن حلقات متسلسلة هاحط حلقة كل يوم سبت ان شاء الله...
وطبعااااا من تأليف العبدة لله
وأول حلقة هاحاول احطها النهاردة ان شاء الله .بس ياريت أشوف منكم بعض الترحيب......
ودى كلمات جميلة تتناسب مع الموضوع
لسه باحاول أكون نفسي واللى بييجى مابيقضيش
وبقيت باحلم مركبى ترسي والقى عروسة ماترفضنيش
كله بيجرى ورا اللى معاه واللى ماعهوش الناس رفضاه ليه بنصعب شرع الله
ليه رافضين بقليله نعيش ولسه لسه باحاول.......
سمسمة

ويلا
30-06-2007, 04:57 PM
يلا انا اول المرحبين باليوميات

بالتوفيق ومنتظرة يوميات حلوة

elleader
30-06-2007, 05:09 PM
ماشاء الله جميل و بالتوفيق وننتظر المزيد

سمسم سماسيمو
30-06-2007, 06:13 PM
الحلقةالاولى على لسان رامىىىىى


بدأ كفاحى عندما نويت الخطوبة ويالها من نية كانت اسوأ نية فى حياتى،وعندما قررت الزواج كان اصعب قرار فى حياتى.:m19:
ومن هنااا بدأت رحلة الكفاح.....:m16:
أول من أخبرته بنيتى كان والدى العزيز فسخر منى بسبب انى لا أملك العمل المناسب الذى يهيئ لى بناء عش الزوجية ذلك العش الذى لابد ان يكون هانئا هادئا .

فأنا حاصل على بكالريوس تجارة:m27:
وأجيد الانجليزية واعمال الكمبيوتر فما ترتب على ذلك انى عملت ب((كافى نت)). وبصراحة كان هذا العمل لا يريح والدى تماما.:m:
فقررت البحث عن عمل اخر مناسب أستطيع البدء منه فى بناء عش الزووجية.:m7: :m7:

والى اللقاء فى حلقة قادمة

وياريت تنول اعجابكم

سوني
01-07-2007, 10:53 AM
يوميات جميلة ياسمسمة

وفعلا بتحكى عن حال معظم الشباب

انا مستنية الحلقة الجاية

يلا بقى بسرعة

سلام يا جميل........

سمسم سماسيمو
01-07-2007, 05:53 PM
اهلا بيكى بينولوبى نورتى حبيبتى وياريت تتابعى معايا وتقولى رأيك فى كل حلقة حتى لو كان نقد وده لكل الاعضاء الكل يكتب رأيه اعجاب اونقد اهو نستفيد وانا هاتقبل كله بصدر رحب ان شاء الله

واهلا بيك elleader
نورت وياريت تتابع معانا وتقول رأيك

اهلا بيكى ويلا نورتى تابعى معانا بقى وماتحرمنيش من ردك

فى انتظار تعليقاتكم وردودكم
............
سمسمة

أهلاوى صميييييم
01-07-2007, 07:47 PM
هى حلوة لكن لازم تطول شويه دا أنتى بتألفى الحلقه فى أسبوع

سمسم سماسيمو
07-07-2007, 06:59 PM
الجزء الثانى من يوميات عريسنا البائس (رامى)

بعد بحث طوييييل وصراع مع ((الموت)):ranting2: :ranting2: وصبر كاد ان لا يحتمل حصلت على عمل مناسب فى احدى الشركات التجارية كمحاسب:m27:

ومن هنا بدات الجد فى العمل:m5: وتم تثبيتى فى العمل بفضل مهاراتى طبعاااا. *7* وحصلت على مرتب لا بأس به (قابل للزيادة))
(لا داعى لذكره لعدم الصدمات).................

وبعد ان أنهيت مهمة البحث عن عمل*36* *36*
بدات فى مهمة أخرى،مهمة أصعب من الاولى وهلى مهمة البحث عن عروسة*29* ،عن شريكة
الحياة *30* المناسبة التى ستقبل هذا العريس البائس المكافح :m9: :m9: اللى باختصار
((على قده)).............*7* *7*

سوني
08-07-2007, 04:59 PM
حلقة جميييييلة يا سمسم

كويس ان رامى لقى وظيفة مناسبة

اما بخصوص المرتب اللى يصدم

فدا حال كل المتعينين جداد

ويحمد ربنا انه لقى شغل من اصله

المهم بقى هو هيختار مين يا ترى؟؟؟؟

متتاخريش علينا عايزين الحلقة الجديدة بسرررررررعة

سلام يا قمر.........

سمسم سماسيمو
09-07-2007, 04:55 AM
منوووووووووووورة سونى

فعلا الحمد لله انه لاقى شغل

ألف شكر ليكى على المرور والمتابعة

تسلمين

هاحاول أنزل حلقة قبل الاسبوع الجاى ان شاء الله

ســـــــــــــــــــــــــــــــلام

أشرف المصرى
09-07-2007, 11:31 PM
حلقة جميلة يا سمسمة

انا مستنى الحلقة الجاية

سمسم سماسيمو
10-07-2007, 03:43 AM
أهـــــــــــــــــــــــــــــــــــــــلا ،بيك أشرف المصرى منور

وان شاء الحلقة القادمة تنزل أقـــــــــرب وقت

تابع معانا

سمسم سماسيمو
14-07-2007, 09:30 PM
أذكركم انى المرة اللى فاتت حصلت عل ىالعمل بفضل الله تعالى هانشوف المرة دى اللى هايحصل لى :good: :2:
وعندما بدأت العمل واجتهدت فيه:m5:

أصبحت احد الموثوقين فيهم :2: وكنت انال اعجاب الجميع ماعدا أحد الزميلات:@

التى كانت لا تًُظهر هذا الاعجاب(وبصراحه أًُعجَبت أنا بها:h: :h: )

لما بها من رقه وثقه فى النفس (وبعض من الغرور:ranting2: )

كنت أحاول الحديث معها ولكنها كانت تتحدث فى حدود الشغل فقطط!!!!!:n: :n:

فقررت أن أًُجرىَ بعض الأبحاث:plane: عن أحوالها الاجتماعية وأسرتها وهكذا الخ الخ...........:stpd: :stpd:
فوجدتها فتاة خلوقة(تحمل صفات الأهليه):good:

من أسرة غنية(للأسف غنية جداجدا:n: :n: )

هاتقولو طب ليه كانت بتشتغل:2: :)

أقولكم لمزيد من اثبات الذات والثقة فى النفس(ده اللى فهمته):m28: :m28:

المهم فكرت فى خطبتها *8* *8*

والتقدم لأهلها*19* *19*

وعندما أخبرت والدايّا بتفكيرى *4* *4* وأخبرت والدى باسمها كاملا هنا كانت الصدمه:m: :m: *38* ................................

ما هى الصدمة هذا ما سنعرفه الحلقة القادمة مع عريسنا ((رامى)):stpd:

سوني
15-07-2007, 11:49 AM
حلقة حلوة ياسمسم

بس ايه دا انا لسه هستنى اسبوع

علشان اعرف الصدمة

لالا انا عايزة اعرف دلوقتى ........

الأنسه بكلويز
15-07-2007, 12:40 PM
سمسم سماسيمو
لالالالالالالالالالالالالالالالالالالالا
حرام عليكي تصدمي الولد
ده لسه في اول السكه
بلاش صدمات
يلا يلا هاتي الحلقه اللي وراها قوام قوام في السريع

سمسم سماسيمو
21-07-2007, 04:29 AM
والله يا جماعة الصدمة فى العروسة

ي اترى هاتطلع ايه بقى ده اللى هانعرفه مع

((رامـــــــــــــــــــــى))

فى الحلقة الجاية باب الحظ هايفتح لرامى بعد الصدمة اللى هاتحصله

يا ترى هايحصل ايه ده اللى هانعرفه

سمسم سماسيمو
21-07-2007, 05:24 AM
زى ما عرفتوا انى صدمت لما قلت بابا عالزميلة اللى فى الشغل :girl28:

وكانت الصدمة http://lazeeez.com/smiles/1108276368.gif ان باباها كان

رئيس والدى قبل ما يطلع عالمعاشhttp://lazeeez.com/smiles/1108017319.gif

وبكده ضاعت الجوازة لعدم التكافؤ الاجتماعىhttp://lazeeez.com/smiles/1108276432.gif http://lazeeez.com/smiles/1108016956.gif

وبدأت أمى تبحث عن عروسة :girl27: :girl27: وكذلك أختى المتزوجة فالبحث كان شديدا

جدااااااااااhttp://lazeeez.com/smiles/1108276394.gif

أروح لدى واتقدم لدى ،اللى عايزة شقة عالنيل واللى عايزة دهب بخمسة وعشرين ألف

جنيه http://lazeeez.com/smiles/1108276390.gif

،واللى أكبر منها ب11 سنة ((جايبين لى أطفال أربيهم))http://lazeeez.com/smiles/1108019742.gif http://lazeeez.com/smiles/1108019534.gif

واللى واللى واللى يعيش ياما يشوف http://lazeeez.com/smiles/1108276399.gif
واللى ماعجبتش باسمى http://lazeeez.com/smiles/1108276460.gif

واللى صوتى ماعجبهاش ودلع بنات كتير:girl5: ................

زهقت جدااااا وقررت التوقف عن البحث http://lazeeez.com/smiles/1108017327.gif ،ومن حسن حظى لمرة واحدة فى حياتى http://lazeeez.com/smiles/1108276493.gif سكن فى الشقة اللى قدامنا أسرة متوسطة العدد،شكلهم ميسورين الحالhttp://lazeeez.com/smiles/1108276343.gif ، زى حالتنا كده

حمدت ربناااا كتييييير .....ومن هنا بدأ الحظ يفتح لى بابه وهاتعرفوا بقى حكايتى مع الاسر دى اللى بتتكون من أب وأم وبنت كبرى وأخ صغير .....http://lazeeez.com/smiles/1108019765.gif

انتظرونـــــــــــا ..الاسبوع القادم وحلقة جديدة من

((يوميات العريس المكافح رامى))

سمسم سماسيمو
28-07-2007, 04:03 AM
ايه يا جمـــــــــــــــــاعة الحلقة وحشة اوى كده

ولا ايه النظام؟؟؟؟

ويلا
28-07-2007, 04:27 PM
السلام عليكم
بجد يومياتك حلوة اوى
بس فيها عيب واحد انها قصيرة جدا يعنى يدوب الواحد لسة بيقول يليهادى بح الاقيها خلصت
ودة بجد عيب فى اليوميات

بتمناللك انو تاخدى بنصيحتى
وبجد اليوميات حلوة وان شالة عاوزين نشوف قصة حب بين رامى وجارتة الجديدة

مع تحياتى ويلا

سمسم سماسيمو
29-07-2007, 03:51 AM
وعليكم السلام ورحمة الله

اهلا بيكى ويلا منووووووووورة تانى

وان شاء الله هاحاول اطول الحلقة شوية

لو هاتعجبكم كده

ميرسى كتير حبيبتى عالنصيحة

سوني
30-07-2007, 03:57 PM
الحلقة حلوة ياسمسم

بس انتى عارفة السبب اللى خلانى اتاخر فى الرد

وفعلا ياريت تطول شوية عن كدا زى ما قالت ويلا

وفى انتظار الحلقة الجديدة

سلااااااااااام يا قمر..........

د.نفرتيتى
04-08-2007, 02:59 PM
احنا انهارده يوم السبت اهه ولا فيه حلقه ولا حاجه
يلا احنا مستنيين بسرعه يا سمسم
الحلقات فعلا جميله بس عايزة تطول شويه

سمسم سماسيمو
04-08-2007, 05:50 PM
زى بقى ما قلت لكم عالناس اللى سكنوا فى الشقة اللى قدامنا ، وعندهم بنت كده شكلها

مناسب للزواج، وده عرفته بما انى شفتها كانت طالعة البلكونة بتنشر الغسيل وكانت كمان

محجبة ، عجبتى اوى حتة الحجاب دى، وبصيت فى ايديها اليمين والشمال ومملاقيتش اللى

بالى بالك................

وكان ليها زى ما قلت لكم أخ صغير طبعا اتعرفت عليه ،((بنية شيطانية جداااااا هاهاهاها))

هههههههههههههههههههههههههه..........

وعرفت منه كل حاجة عن اخته بالتدريج طبعاااا ..

عرفت ان اسمها مريم ( الله اسم حلو اوى)، وعندها 21 سنة ، وحاصلة على كلية رياض
أطفال................. وكمان حالتهم الاجتماعي مشابهة لينا تقريب ........

فيه توافق كويس بينا اوىىىىىىىىىىىىى

المهم فكرت انى اخبر الغالية وبالفعل روحت وقلت لها عالمواصفات والمعلومات ، قالت لى

وانت عرفت منين بقى يا فالح؟؟؟؟ وكان الاحرااااااج ههههه

قلت لها الصراحة وطبعا أخدت اللى فيه النصيب من ...................

عاوزين تعرفوا ماما قالت لى ايه ؟؟!!

انتظروووووووووووونىىىىىىىى قريبا

مع ((يوميات عريس مكاااااااااااااافح))

koky18
05-08-2007, 08:55 PM
الله الموضوع جميل جدا يلا بسرعه الحلقه الجايه وياريت تعتبريني صديقه

سوني
06-08-2007, 02:31 PM
حلقة حلوة يا سمسم

والعروسة مناسبة جدااااااااا

وان شاء الله والدة رامى توافق

انا مستنية الحلقة الجديدة...........

سمسم سماسيمو
14-08-2007, 03:24 PM
بعد ان أخبرت الوالدة الغالية بالبنت التى سكنت مؤخرا أمامنا، ونلت من الكلام ما هو مقدر لي،

أخبرت هى الوالد العزيز،واستقروا على زيارة العائلة المجاورة زيارة تعارف ............

فأخبر والدى أب العائلة الاخرى،لاختيار الوقت المناسب للزيارة ،وبالفعل اتفقا على ان نزور هم يوم الجمعة بعد صلاة العصر ،..

نزلت امى يوم الخميس واشترت علبة حلوى من أفخم محل فى المنطقة ، علشان يكون منظرنا حلو ..

وفى الوقت المحدد خرجنا من بابنا وطرقنا باب شقة الجيران،فتح الباب صديقى الطفل الامور(الواد اياه)ههههههههه...


دخلنا الصالون ودخل الجميع واتعرفنا ..ورحبوا بصراحة الجماعة اوى اوى ..ماحنا اول جيران ليهم..

المهم طول القاعدة اتكلم مع البنت (حد شاف رخامة بالشكل ده ) ،ومن هنا ظهر على الزيارة انها رسمية شوية...........

أخذ الحديث يطول ويطول الى ان أذن المغرب ..فاستأذن والدى ووالدتى بالانصراف

وانا صراحة كنت لا أود ذلك .....

فاضطررت لاظهار الرغبة فى الانصراف ((غصب عنى ،هاتيجى عليا أنا))

وذهبنا لصلاة المغرب وبعدها أخذنا فى الكلام عن انا وأبى وامى عن العائلة الجديدة..

فماذا كان راى الجميع؟؟؟ هذا ما سنعرفه لاحقا ؟؟ تابعوناااااااا

elleader
26-08-2007, 02:24 AM
ننتظر منك المزيد ماشاء الله الحلقات جميلة بس أنت اتاخرتى المرادى

the_chemist
30-04-2008, 08:12 PM
يااااااااااااااااااااااااااااااااااااه

لسه مش عارف رأى العيلة الكريمة إيه في العروسة

دى زمانها اتجوزت غيرك و جابت لها عيل و لا عيلة

noogy
30-04-2008, 08:32 PM
اليوميات حلوة جددددددددددددددا

بس ياخسارة بتخلص بسرعة اويييييييييييييييييييييييييييييييي

ياريت ماتغيبيش علينا وزى ماقال chemist زمانها اتجوزت وجابت عيال ولسه العيلة هتقول رايها ههههههههههههههه

تسلم ايدك


Photo Gallery