المساعد الشخصي الرقمي

مشاهدة النسخة كاملة : حوارات زوجين



Maruko
17-06-2007, 01:53 PM
السلام عليكم ورحمة الله وبركاته

ازيكم يا حلوين

انا كتبتلكم حاجة خفيفة كدة عن 2 متجوزين ويارب تعجبكم






الزوج : قومي ياولية حضريلي الغدا

الزوجه :وليه في عينك راجل0000000000000

الزوج :انا 00000000000صحيح الاختشو ماتو .انا اصلا غلطان الاخدتك عليا .الله يرحمك يابا

الزوجة :كان بيعمل ايه بابا يعني؟

الزوج :بابا ......ياسلام عليك يا عم علي .......كان يقول لامي قومي ياولية حضريلي الغدا ويديها بالبونية في خلقتها على طول تقوم تجري تجيبله المحمر و

المشمر............. مش انتي كل يوم عتس

الزوجه: بس انا سمعت غير كدة

الزوج:يالهوي وكمان بتسمعي من ورايا ..........انتي تستجري يابت .قولي فرحيني بيكي كمان اكتر واكتر

الزوجة:مابلاش

الزوج: وكمان فيها بلاش هتقولي يا ولية ولا 0000000000000

الزوجة :خلاص خلاص ياخويا متتحمقش كدا

الزوج(وهو مبسوط قوي طلع راجل ):ناس متجيش غير بالعين الحمرا ...........هع

الزوجة:خير اللهم اجعله خير يا خويا ......انا كنت بسمع وانا ماليش دعوة انا كنت بس بسمع سمع خير ان الحجة والدة حضرتك الي هي حماتي يعني ربنا يخليهالي يارب

(بسبته عشان المصيبة الهفقعهاله )كانت بتصبحه بعلقة وتمسيه بعلقة

الزوج:مين .........ايه .......فين ........انتي بتقولي ايه يا ولية دا هي مرة واحدة بس الس الست الوالدة مسكت المغرفة (فاق بس بعد ماسيح )..............ايه الكلام

الفاضي دا يا ولية جبتيه منين؟

الزوجة:لاجبت ولا بتاع خلاص حصل خير

الزوج:وكمان بتقوليلي حصل خير

الزوجة :وانت يعني داير تقول شكل للبيع؟

الزوج :وكمان بتردي لا دا انتي زودتيها قوي

الزوجة:انت باين عليك معملتش الحبتين بتوعك في الشغل وجاي تطلعه عليا

الزوج(ايه ده هي عرفت منين):اسكتي متجيبيليش سيرته

الزوجة :ليه ...خير ....اشجيني

الزوج:تخيلي الراجل جالي ومعاه الورق كامل يقدم لابنه في الوظيفة بس تخيلي والله العظيم انا مستغرب .........ناقص الدمغة وانتي عارفاني طبعا رحيم وقلبي طيب

.....وديته وجبته 7 مرات بس عشان اؤدي واجبي على اكمل وجه بامانة واخلاص عشان دا شغل حكومي والامانة .......اصل انا امين .......وفي الاخر تخيلي ايه

الزوجه :ايه؟

الزوج :بيقولي جاتكم البلا مليتو البلد

الزوجة(يستاهل وفرحت قوي معرفش باين عبيطة ولا ايه):ها ها ها ها ها ها ها...........سوري ......معلش بقة لازم تستحمل ......الناس بقت غريبة اوي الايام دي

الزوج :اه على رايك .بس ايه الريحة دي.........ريحة شياط دي ولا ايه

الزوجة :يالهوىىىىىىىىىىىىىىىىىىىىىىىىى مانت راجل مبيجيش من وراك غير المصايب .........انت نبرت فيها ......هتقوم تجبلنا اكلة عدلة ناكلها ولا

اعمل فيك زي ماعم على كان بيعمل في حماتي .
.
.
.
.
.
.
.

ودمتم

يارب تكون عجبتكم

تحياتي .......

oshena
24-01-2008, 04:24 PM
هههههههههههههههههههههههه
دول مفتريين على بعض قوى

natalia
27-01-2008, 03:44 PM
هههههههههههههههههههههههههههههههههههههههههههه

ايه يا شيري ده انا مت من كتر الضحك

ربنا يخليكي

the_chemist
29-01-2008, 12:06 PM
ايه ده يت ماروكو

ايه الافترا ده

دا انتو مفتريين بشكل

و تقولوا الرجالة مفترية

دا انتم ما قدرتكم الا ربنا


Photo Gallery