المساعد الشخصي الرقمي

مشاهدة النسخة كاملة : خيار مخلل يؤكل بعد ساعة



نهر الحياة
04-06-2007, 07:04 AM
الحقبقة انا مش بعملة بمقادير لكن بصراحة الجميع هنا خبرات وعارفة موضوع المقادير بيكون مش مهم

المكونات :- كمية خيار تكفى لك ولاسرتك يوم او يومين

قطعيعا بعد غسلها طبعا كما تحبين شرائح مستديرة او طولية حسب الرغبة

كمية ماء ضعيها فى اناء وملحيها حسب رغبتك

اضيفى للماء شوية خل ابيض + فصوص ثوم مقطعة

ضعى الماء + الخل + الملح +الثوم فى الاناء على النار حتى تغلى

انزليها من على النار اضيفى الخيار المقطع وغطى الاناء

عندما يبرد تستطيعين اكلة حالا

ارجو ان يعجبكم

لكم تحياتى

نهاية الحياة

bedo_ic
04-06-2007, 09:55 AM
حنجرب ونشوف ونقول
ربنا يستر
د.بيدوووووووووووووووووو

نهر الحياة
04-06-2007, 10:55 AM
الاخ الكريم //بيدوووووو

اشكر لك المرور والتعليق بس حقيقى جربة وامانة تقولى النتيجة دا مش بيأخذ وقت والنتيجة مضمونة بس تعمل كمية تكفى بالكتير يومين لان دا مش طريقة للتخزين فى انتظار ردك جزاك الله خيرا

emerald
04-06-2007, 12:54 PM
السلام عليكم ..

ممتاز يا اختي الحياة .. رائع جدا .
ان شاء الله لما يخلص المخلل الي عندنا اعمل الطريقة دي .
بس هل ينفع مع كل الخضروات زي الفلفل والجرز .. يا ليت لو تقوليلي .

بارك الله فيكِ..

نهر الحياة
05-06-2007, 03:37 AM
الاخت العزيزة //emerald

مشكورة اختى على المرور والتعليق ولكن الطريقة دى مع الجزر فقط ومش للتخزين يعنى تعملى كمية تكفى يومين بالكتير ويوضع فى المية بتاعتة ولو فضل لتانى يوم ضعية فى الثلاجة.
جوزيتى خيرا

نهر الحياة
05-06-2007, 03:44 AM
اسفة خطا كتبت الجزر اقصد الخيار فقط فى حدود خبرتى اكرر خطا غير مقصود

ليلة عشق
05-06-2007, 08:11 AM
الغالية نهاية الحياة

سلمتِ وسلمت يداكِ علي الطريقة ....
فعلا اوقات كتير بيخلص المخلل في البيت وبتكوني مضطرة انك تشتري جاهز وقتها ....
لكن بالطريقة دي بصراحة تسعف في الوقت .....
لكِ خالص الشكر والتقدير .....

تحياتي
ليلة عشق

ام هاجر
05-06-2007, 03:20 PM
مشكورة اختى نهاية الحياة اود منك مساعدةانا بعمل اكلات من المحاشى فيه مشكلة بتصادفنى هى حفظ الاطعمة مثل البازنجان والكوسة والكرنب والبطاطس حفظها سنويا بالديب فريزر ولك جزيل الشكر

جلنار
06-06-2007, 08:05 AM
وصفة سهلة وسرعة

بس انا عندى طريقة تخليل حلوة برضو

بنحط الماء دافئ وعليه الخل ومعلقة ثوم مدقوق
ويغطى ويؤكل ثانى يوم وبيكون الخيار ماسك نفسة
يعنى مابيكون طرى

وبالهنااااااااء

شعاع من نور
06-06-2007, 08:55 AM
العزيزة...نهاية الحياة..

بجد أنا متشكرة قوي قوي....كنت لسه هدور على طريقة عمل الخيار المخلل...لأنه بيتعملي بس بصراحة أنا في حياتي معملتوش فكنت عاوزة أجرب....:m19:

متشكرة جداً جداً و جاري التجربة...

تحياتي....

نهر الحياة
06-06-2007, 09:42 PM
الاخت العزيزة // ليلة عشق
مشكورة اختى على المرور والتعليق بارك الله لك وجزاكى خيرا

نهر الحياة
06-06-2007, 10:09 PM
الاخت العزيزة // ام هاجر

شرفتى ام هاجر مشكورة على المرور
بالنسبةلتخزين الخضروات فى الفريزر الخاصة بانواع المحشى المختلفة انا بخزن ورقالعنب سواء مسلوق نص سلق او مخلل فى برطمانات وورق اللفت والكرنب مسلوقنص سلق فى الفريزر اما الكوسة والبدنجان والبطاطس فانا لم احفظهم فبل كدا ومسمعتش عن حد عملهم ولو حد من الاخوة فى المنتدى يعرف يبقى نذداد معلومة
اما مثلا فى الخضر العادية زى القرنبيط بيتحفط بعد سلقة دى حدود معلوماتى وخبرتى اللى على ادى خالص المنتدى فية الحقيقة استذة للجميع تحياتى
جزاكى الله خيرا اختى ام هاجر ولك تحياتى

نهاية الحياة

نهر الحياة
06-06-2007, 10:13 PM
الاخت العزيزة // جلنار

سعدت بمرورك وعلى فكرة جربى الطريقة دى مش هتلاقى الخيار طرى
طريقتك انا مجربتهاش بس ان شاء الله اجربها بس الطريقة اللى قلتها انا تؤكل فى نفس اليوم بعد ما يبرد على طول
جزاكى الله خيرا ولك تحياتى

نهر الحياة
06-06-2007, 10:29 PM
الاخت العزيزة // شعاع من نور

مشكورة عزيزتى على المرور والتعليق جربية بس متكتريش الكمية لانة مش بيتخزن كدا او كدا ميفضلش مدة طويلة وبالهناء يارب جوزيتى خيرا اختى العزيزة لك تحياتى

اختك نهاية الحياة

سـيف الديـن
06-06-2007, 11:29 PM
عودة للمطبخ الجميل ، مطبخ أختنا الفاضلة الحياة :f:

الخيار المخلل من أجمل المخللات بجوار العديد من الأكلات
فيه كمان الفلفل الأخضر المخلل ( وياحبذا لو كان بلدى ) ويمكن تخليل الخيار والفلفل مع بعض فى نفس البرطمان مع لمونتين قطع وقرنين شطة فى نفس الماء الذى تم تجهيزه بطريقة أختنا الفاضلة الحياة (خل وملح وماء بكميات مناسبة) ولكن على البارد ولمدة ثلاثة أو أربعة ايام بدون فتح غطاء البرطمان قبل تغير لون الخيار والفلفل .

لو محتاجين مقادير
كيلو خيار متوسط الحجم أو صغير ( أصغر من صابع الموز البلدى :1: ) .
نص كيلو فلفل أخضر متوسط الحجم أو صغير ( بحجم بيضة الدجاجة أو اكبر قليلاً ) ويفضل يكون فلفل بلدى .
قرنين شطة خضراء ( ولو مفيش ممكن نصف ملعقة صغيرة شطة حمراء )
3 ليمونات مقطعين أنصاف
كباية كبيرة خل
ربع كيلو أو 350 جرام ملح
لتر ماء أو أقل حسب الحاجة

طريقة الإعداد والتجهيز
يُغسل الخيار جيداً ويقلم ( قطع الأطراف ) ويمكن شقه طولياً من المنتصف بالسكينة بدون الوصول للأطراف إذا كان الخيار سميك مع الحفاظ على الخيارة متماسكة :y: .
يُغسل الفلفل جيداً ثم طعنه طعنة واحدة قاتلة بالسكين :1: ، مع الحفاظ على قرن الفلفل سليم ومتماسك ، ولا ننسى قرنين الشطة الخضراء إن وجد .
يضاف الملح إلى الماء تدريجياً مع التقليب حتى نحصل على درجة ملوحة مناسبة للتخليل .
يضاف الخل إلى الماء حتى تظهر ائحته وطعمه بشكل واضح فى الماء .
يتم عصر الليمون فى الماء مع إلقاء قشر الليمون المعصور أيضاً فى الماء .
يُرص الخيار مع الفلفل فى برطمان بحجم مناسب ( يفضل أن يكون زجاجى ) و بشكل متلاصق ومنتظم حتى يمتلئ
يضاف إليه خلطة الماء التى تم تجهيزها .
يمكن فى النهاية إضافة قطع فصين ثوم حسب الرغبة .
يغلق البرطمان جيداً ويحفظ بعيداً عن الضوء والحرارة ولايتم فتحه إلا بعد ثلاث أو أربعة أيام مع ملاحظة التغير فى اللون للخيار والفلفل .

طريقة الإستخدام
دى هسيبها عليكم :d

يمكنكم الآن البدء فى إستخدامه وتقديمه بجانب الوجبات :eat:

وبالهنا والشفا .


ملاحظة
لو كان الخيار والفلفل مالح أكثر من المطلوب يمكنكم وضع الكمية التى سيتم تقديمها على السفرة فى ماء بدون أى إضافات لمدة نصف ساعة قبل التقديم وستقل درجة الملوحة بشكل ملحوظ .
يجب الإجهاز على الكمية كلها خلال مدة لاتتجاوز 10 أيام .

شـكراً لأختنا الفاضلة الحياة ونحن دائماً بإنتظار ماتقدميه لنا من طرق سهلة لصنع مأكولات شهية ولذيذة :eat:

:f2:

نهر الحياة
07-06-2007, 08:45 AM
الاخ الكريم // سيف الدين

اشكر لك تعليقك الطيب واشكر لك الاضافة وبصراحة حضرتك خبرة لا يستهان بها والواحد يشرفة مرورك وتعليقك ويعمل لرأيك الف حساب ويستفيد من اضافاتك بارك الله لك وجزاك خيرا

emerald
09-06-2007, 11:11 AM
السلام عليكم..

ماشاء الله يا سيف .. الطريقة جدا جميلة تسلم ايدك .. وزي ما قالت الحياة .. انك خبرة لا يستهان بها ..:2:

مشكور يا اخي على الوصفة .. خصوصا ان فيها فلفل ههههه ..

وشكرا لكِ يا حياة على وصفتك .. وردك على سؤالي .. جزاكِ الله خير.

بارك الله فيك .

نهر الحياة
09-06-2007, 03:01 PM
الاخ الكريم // سيف الدين

اشكر لك مرورك الكريم والتعليق ولا اشك لحظة فى ان حضرتك خبرة لا يستهان بها ويتعمل لردها الف حساب ويستفاد من اضافاتها بارك الله لك وجوزيت خيرا

نهر الحياة
09-06-2007, 03:05 PM
الاخ الكريم // سيف الدين

اشكر لك مرورك الكريم والتعليق ولا اشك لحظة فى ان حضرتك خبرة لا يستهان بها ويتعمل لردها الف حساب ويستفاد من اضافاتها بارك الله لك وجوزيت خيراعلى الاضافة
لكم تحياتى

نهر الحياة
09-06-2007, 03:06 PM
الاخ الكريم // سيف الدين

اشكر لك مرورك الكريم والتعليق ولا اشك لحظة فى ان حضرتك خبرة لا يستهان بها ويتعمل لردها الف حساب ويستفاد من اضافاتها بارك الله لك وجوزيت خيراعلى الاضافة

نهر الحياة
09-06-2007, 03:13 PM
اسفة جدا التكرار غير مقصود ولكن دا كلة خبرة رهيبة فى الكمبيوتر

بوناسيرا
12-07-2007, 07:54 PM
شكرااااااااا ..

heba_ic
12-07-2007, 11:21 PM
مشكوره طبعا على الطريقه السريعه دى .........و انا سبق لى انى عرفتها بس من الليبيين لما كنت عايشه هناك......... على فكره هما بيحبوه جدا و دايما موجود على موائدهم.............لكن الفرق بقى انهم بيضيفو عليه الشطه الخضرا الحراقه طبعا متقطعه زى الخيار .........لانهم عموما بيحبو الاكل الحراق ..........بس مش بيقولو حراق زينا بيقولو "حار"........و كمان بيضيفو الثوم مع الخيار يعنى بعد الميه ما تغلى و تنزل من على النار و له اسم مختلف عندهم......عموما هو سريع و لذيذ جدا حتى ان الميه بتاعته ممكن تتشرب لانها مش بتبقى مالحه اوى و كمان بيبقى فيها ليمون كنوع من انواع فواتح الشهيه طبعا..........تحياتى ليكى يا جميل

نهر الحياة
16-07-2007, 11:56 AM
الاخت العزيزة // بوناسيرا

اشكر لك مرورك وتعليقك جزاك الله خيرا

نهر الحياة
16-07-2007, 12:08 PM
الاخت العزيزة //heba_ic

اشكر لك مرورك وتعليقك انا عشت فى ليبيا فترة وتعجبنى اكلاتهم واكلهم الحار

جميل بس معرفتش منهم الخيار عرفت منهم الدبلة و المقطع و الرز المبوخ و

الكسكسى والمكرونة المبوخة وحاجات كدا اكيد انتى عارفاها

لك سلامى واشواقى لليبيا وشعبها العزيز

جوزيتى خيرا سعدت لمرورك

سـيف الديـن
16-07-2007, 02:16 PM
السلام عليكم..

ماشاء الله يا سيف .. الطريقة جدا جميلة تسلم ايدك .. وزي ما قالت الحياة .. انك خبرة لا يستهان بها ..:2:

مشكور يا اخي على الوصفة .. خصوصا ان فيها فلفل ههههه ..

وشكرا لكِ يا حياة على وصفتك .. وردك على سؤالي .. جزاكِ الله خير.

بارك الله فيك .
أشـكرك أختنا الفاضلة emerald على كلماتك المشجعة :f:
والشكر موصول للأخت الفاضلة الحياة على الوصفات الجميلة :f:

:f2:

ديدي
19-07-2007, 05:45 PM
شكرا اختى العزيزة نهاية الحياة
طريقة سهلة وسريعة وممكن تحل فعلا مشكلة كبيرة فى الوقت
وشكرا لاخى سيف الدين على طريقته المفصلة
تسلم ايديكم

نهر الحياة
22-07-2007, 01:15 PM
الاخت العزيزة // ديدى

اشكر لك مرورك الكريم وتعليقك اسعدنى ان يعجبك بورك فيكى ودمتى بخير

ابن البلد
23-07-2007, 11:29 AM
حلو موضوع الخيار المخلل تسلم ايدك :f:
بس لو عايزين طريقة كويسة لأحسن مخلل بقه ويعقد أسبوع براحته يعني
من غير مياه سخنه ؟
ممكن الطريقة ؟

aynad
27-07-2007, 04:29 PM
برافو عليكي يا حياااااة
طريقة سهلة جدا جدا
والله تسلم ايدك يا حبيبتي

والف الف شكر لسيف الدين علي الاضافة الجميلة ةاستفدت بردوا منه
الف شكر لكم كلكم

krkr
04-08-2007, 01:31 PM
شكرا على الوصفة السهلة اووووى ده

ديدي
04-08-2007, 01:49 PM
انا جربت وفعلا طلع كويس جدااا
وكمان قدرت احتفظ بيه فى الثلاجة اكتر من اسبوع
ولا حصل له اى شىء
شكرا مرة تانية

نهر الحياة
05-08-2007, 10:38 PM
الاخت العزيزة ...aynad

اشكر لك مرورك الكريم وتعليقك

اسعدنى كثيرا مرورك

جزاكى الله خيرا

نهر الحياة
05-08-2007, 10:42 PM
الاخ الكريم ...ابن البلد

جوزيت خيرا على مرورك واليك طريقة عمل المخلل الذى تريدكما كتبها اخونا سيف الدين

الخيار المخلل من أجمل المخللات بجوار العديد من الأكلات
فيه كمان الفلفل الأخضر المخلل ( وياحبذا لو كان بلدى ) ويمكن تخليل الخيار والفلفل مع بعض فى نفس البرطمان مع لمونتين قطع وقرنين شطة فى نفس الماء الذى تم تجهيزه بطريقة أختنا الفاضلة الحياة (خل وملح وماء بكميات مناسبة) ولكن على البارد ولمدة ثلاثة أو أربعة ايام بدون فتح غطاء البرطمان قبل تغير لون الخيار والفلفل .

لو محتاجين مقادير
كيلو خيار متوسط الحجم أو صغير ( أصغر من صابع الموز البلدى ) .
نص كيلو فلفل أخضر متوسط الحجم أو صغير ( بحجم بيضة الدجاجة أو اكبر قليلاً ) ويفضل يكون فلفل بلدى .
قرنين شطة خضراء ( ولو مفيش ممكن نصف ملعقة صغيرة شطة حمراء )
3 ليمونات مقطعين أنصاف
كباية كبيرة خل
ربع كيلو أو 350 جرام ملح
لتر ماء أو أقل حسب الحاجة

طريقة الإعداد والتجهيز
يُغسل الخيار جيداً ويقلم ( قطع الأطراف ) ويمكن شقه طولياً من المنتصف بالسكينة بدون الوصول للأطراف إذا كان الخيار سميك مع الحفاظ على الخيارة متماسكة .
يُغسل الفلفل جيداً ثم طعنه طعنة واحدة قاتلة بالسكين ، مع الحفاظ على قرن الفلفل سليم ومتماسك ، ولا ننسى قرنين الشطة الخضراء إن وجد .
يضاف الملح إلى الماء تدريجياً مع التقليب حتى نحصل على درجة ملوحة مناسبة للتخليل .
يضاف الخل إلى الماء حتى تظهر ائحته وطعمه بشكل واضح فى الماء .
يتم عصر الليمون فى الماء مع إلقاء قشر الليمون المعصور أيضاً فى الماء .
يُرص الخيار مع الفلفل فى برطمان بحجم مناسب ( يفضل أن يكون زجاجى ) و بشكل متلاصق ومنتظم حتى يمتلئ
يضاف إليه خلطة الماء التى تم تجهيزها .
يمكن فى النهاية إضافة قطع فصين ثوم حسب الرغبة .
يغلق البرطمان جيداً ويحفظ بعيداً عن الضوء والحرارة ولايتم فتحه إلا بعد ثلاث أو أربعة أيام مع ملاحظة التغير فى اللون للخيار والفلفل .

طريقة الإستخدام
دى هسيبها عليكم

يمكنكم الآن البدء فى إستخدامه وتقديمه بجانب الوجبات

وبالهنا والشفا .


ملاحظة
لو كان الخيار والفلفل مالح أكثر من المطلوب يمكنكم وضع الكمية التى سيتم تقديمها على السفرة فى ماء بدون أى إضافات لمدة نصف ساعة قبل التقديم وستقل درجة الملوحة بشكل ملحوظ .
يجب الإجهاز على الكمية كلها خلال مدة لاتتجاوز 10 أيام .

لك شكرى على مرورك

نهر الحياة
05-08-2007, 10:43 PM
عزيزتى... كركر

لك كل الشكر على المرور الطيب جوزيتى خيرا عزيزتى

نهر الحياة
05-08-2007, 10:46 PM
عزيزتى ...ديدى

سعدت جدا بمرورك الكريم واسعدنى ان جربتى المخلل وعجبك بالهنا والشفا

بورك فيكى اختى العزيزة

وجزاكى الله خيرا سعدت بكى

نهر الحياة
10-06-2008, 11:09 PM
الاخوة الاعزاء


منذ عدة ايام قمت بتقطيع الفلفل الاخضر ووضعتة مع الخيار


وكانت النتيجة ممتازة يؤكل بعد ساعة وهو مخلل كالخيار تماما

اردت ان تعرفوا لتصنعوة وجربوا

تحيتى للجميع