المساعد الشخصي الرقمي

مشاهدة النسخة كاملة : بطاطس بورية00صنية00أقراص محمرة00أقراص باللحم



نهر الحياة
02-06-2007, 12:05 AM
البطاطس من الاكلات التى يحبها الجميع صغار وكبار

هحاول اكتب مقادير بس ما شاء الله بحس فى المنتدى يقدر الواحد يقول من غير مقادير

والكل ما شاء الله خبرة فى المطبخ

المكونات:- *** كمية من البطاطس المسلوقة سلق جيد جدا مقشرة (2كيلو مثلا )

ضعى اثناء السلق 3فصوص ثوم فى ماء السلق


*** كمية من العصاج 0(لحم مفروم +بصل +عصير طماطم )0

يتم تسويتة وتسبيكة


*** بهارات +ملح وفلفل

*** ربطة كسبرة خضراء مقطعة ناعم جدا

***نصف كوب لبن حسب كمية البطاطس التى تكفى الاسرة

***2بيضة

الطريقة :-


اهرسى البطاطس المسلوقة اما بشوكة او بهراسة البطاطس

اضيفى الملح والفلفل والبهارات واللبن والبيض وقلبى جيدا الى ان يمتزج الجميع

فى طبق صغير انقصى جزءقليل من هذا الخليط حوالى 5 ملاعق عادية

اضيفى للخليط السابق الكسبرة المقطعة ناعم جدا وقلبية

ادهنى صنية بالزيت افرغى الخليط بها وسوى الوجة على الوجة افردى العصاج

ثم بقمع الكريمة الملحق بمكبس البتى فور ضعى كمية البطاطس التى تم نقصها قبل

وضع الكسبرة الخضراء ثم قومى بعمل وردات بها موزعة على وجه العصاج متقرقة نوعا

ما او على مسافات قريبة نسبيا مع مراعاة ان يظهر العصاخ بين الوردات او زينيها حسب

زوقك ادخلى الصنية الفرن حتى تنضج ((مش بتأخذ وقت كبير ))

قدميها وبالهناء

الصنية بطريقة اخرى

قومى بدهن صنية بالزيت وافرغى بها نصف مقدار خليط البطاطس سوية براحى اليد

افردى العصاج فوقة ثم افردى النصف الثانى من خليط البطاطس وادخليها فى الفرن

((فى هذة الحالة لن تنقصى بطاطس بدون كسبرة ))


اقراص البطاطس البورية المحمرة

نفس الخليط السابق بدون اللبن واعملية اقراص حمريها فى كمية زيت مناسبة

اقراص البطاطس البورية بالعصاج

الخليط السابق خذى من جزء افردية على راحة يدك واحشية بكمية مناسبة من العصاج

ثم كورية واضغطى علية ضغطة خفيفة براحة اليد يكون لديك البطاطس البورية بداخلها

العصاج حمريها فى كمية زيت مناسبة اخرجيها على مناديل المطبخ الورقية حتى تمتص

كمية الزيت الزائد جملى الاطباق بالبقدونس والكسبرة الخضراء او كيفما ترغبين

كدا تقدرى تعملى من البطاطس البورية ثلاثة اصناف

اتمنى ان تعجبك

تحياتى

نهاية الحياة

سـيف الديـن
02-06-2007, 03:33 AM
ما شاء الله
أكلة شهية ولذيذة وصحية ومغذية وبالطاقة مليانة .
بحب كل أنواع البطاطس سواء مهروسة أو مقلية أو شيبسى أو أى طريقة أخرى وياحبذا لو تكون بالكمون وممكن الفلفل الأسمر .
شـكراً أختنا الفاضلة حياة على الأكلات الجميلة :f:
جزاكى الله خيراً


ياريت بس مؤقتاً سندوتش بطاطس مهروسة بالملح والكمون وقطع البقدونس والسمنة بلدى :1:

:f2:

شعاع من نور
02-06-2007, 05:32 AM
الغالية...نهاية الحياة...

تصدقي كان نفسي أعمل بوريه النهاردة بس رجعت قلت لأ....شغلانة...بس بعد أما شفت الموضوع هعملها إن شاء الله...ههههههههههههههههههه...

بس متهيألي يا نهاية إننا لو عملناها و قليناها زي ماهي كده مش هتمسك نفسها في القلي:33: :33: ...عن نفسي على طول باحطها في البيض و البقسماط عشان متفكش من بعضها في القلي...ده غير إنه البيض و البقسماط بيدو طعم...

بس وصفة الصينية تحفة...إن شاء الله هجربها...:y: :y: :y:

تسلم ايدك يا قمر...

تحياتي...

نهر الحياة
02-06-2007, 10:55 AM
الاخ الكريم //سيف الدين

جزاك الله خيرا على المرور الطيب وعلى تعليقك فعلا البطاطس يحبها الجميع كبار وصغار لك شكرى وتحياتى

نهر الحياة
02-06-2007, 11:04 AM
الاخت العزيزة// شعاع من نور

لكى شكرى على مرورك وتعليقك
وفعلا يا اختى احيانا البطاطس بتتفرفت فى الزيت فى هذة الحالة اما يكون مش مهروسة كويس او يكون البيض كتير على الكمية فى حالة كتر البيض يمكن اضافة البقسماط وعجنها بة كويس لحد ما تتماسك ويمكن كذلك دحرجتها فية قبل التحمير واى كان فانا افضل الصنية وبالذات بالطريقة الاولى بتدى شكل رائع ومفيش نسبة دهون تذكر
اما المحمرة فحقيقى بتشرب دهون كتير
تسلمى لى وجزاكى الله خيرا على تعليقك لكى تحياتى

aynad
02-06-2007, 07:19 PM
واااااااااااااااو
طريقتها تفتح النفس والله يا نهاية الحياااة
وكان نفسي اعرف الطريقة من زمااان
تسلم ايدك يا حياتي

نهر الحياة
04-06-2007, 06:54 AM
الاخت العزيزة //eynad
لك شكرى وتحياتى على مرورك والتعليق سلمتى من كل سوء وبارك الله فيكى


نهاية الحياة

ليلة عشق
05-06-2007, 08:20 AM
الغالية نهاية الحياه

سلمتِ وسلمت يداكِ ....
بالفعل كل وصفاتك جميلة جدا ...
وعلي فكرة لو حطينا البطاطس في التلاجة شوية قبل مانقليها في الزيت مش هتفك .....
انا جربتها وكانت الاول بتفك مني لغاية مابقيت احطها قبلها بفترة في التلاجة ......
الشكر لكِ عزيزتي علي وصفاتك المتميزة ......
لكِ خالص تقديري واحترامي .....

تحياتي
ليلة عشق

نهر الحياة
06-06-2007, 12:09 PM
الاخت العزيزة // ليلة عشق

بارك الله فيكى يا اختى وجزاكى خيرا على الاضافة

يسعدنى تشرفيك لموضوعاتى والتعليق والاضافة لك خالص تحياتى

اختك نهاية الحياة