المساعد الشخصي الرقمي

مشاهدة النسخة كاملة : طريقة عمل المُرتة فى المنزل



نهر الحياة
19-05-2007, 09:42 AM
كلنا نحب اللبن او انا هكذا احب جميع منتجات الالبان والمُرتة من المنتجات الظريفة جدا

واكلها ميتشبعش منة

واقولك على طريقة لعملها سهلة وبسيطة

***//اغلى كميى اللبن التى تستعمليها يوميا ثم ضعيها فى الثلاجة

فى اليوم التالى اقشطى الوجة المتكون على اللبن وضعية فى اناء عميق فى

الفريزرورشى عليها كمية قليلة من الملح

قومى بتكرار هذة العملية عدة مرات حتى يتكون لديك كمية من القشطة

بعد كدا يمكنك عمل المُرتة بطريقتان

الاولى ان اردتى كمية كبيرة منها

اخرجى القشطة من الفريزر وضعيها فى اناء على النارمع التقليب باستمرار الى ان

تحمر قليلا اى يصبح لونها محمر فاتح

اتركيها تبرد قليلا ثم صفى السمن البلدى الناتج فى برطمان

بهذة الطريفة تحصلين على كمية كبيرة من المُرتة ولكنها مش بتكون ناعمة للحصول

على شكلها المعروف قومى بوضعها فى الكبة بعدما تبرد واضيفى قليل من اللبن

الحليب المغلى طبعا واضربيهم فى الكبة تحصلين على مُرتة ناعمة وجميلة

طبعا ملحها انتى اللى بتتحكمى فية

الطريقة الثانية

بها تحصلين على كمية قليلة من المُرتة ناعمة لا تحتاج الضرب فى الكبة

بعد اخراج كمية القشطة المتوفرة لديكى من الفريزر قومى بدعك القشطة

سوف تحصلين على زبدة وسائل صفى السائل وذلك بالضغط على الزبد بين راحتى

يديك.

قومى بوضع الزبد على النار وقلبى باستمرار حتى تحصلى على المرتة ذات اللون

المعروف صفى السمن البلدى واستعمى المُرتة وهاانت قد حصلتى على عدد 2 من

منتجات الالبان السمن البلدى والمُرتة

لكى تحياتى

نهاية الحياة

boukybouky
19-05-2007, 12:57 PM
ايه الروايح الحلوة بتاعة السمن البلدي ديه :)

الأول ازيك نهاية حياة و حمد الله علي سلامتك

علشان انا بقي لي فترة من قبل سفري انت غير متواجدة

انا بعشق المرتة أصلاً بس عيبها بتتخن بشكل رهييييييييييييييب

يوم ما بسيح الزبدة مش بعرف اقاوم اكل المرتة

تسلم إيدك ياقمر

في رعاية الله ،،،

نهر الحياة
19-05-2007, 01:14 PM
الاخت العزيزة //بوكى بوكى

حمدا لله على سلامتك ان شاء الله يكون سفر موفق .

واللهى يا اختى معاكى حق لما يعملها وبالذات لما متكنش ملحة اوى بأكل منها

ومتعديش عدد ارغفة العيش اللى بتخلص فعلا دا عيبها ومقلكيش على الوزن بقى

لك شكرى على مرورك الكريم وجوزيتى خيرا وشاكرة لك سؤالك عن صحتى الحمد لله

بفضل من الله ونعمة تحياتى لك
نهاية الحياة

جلنار
06-06-2007, 10:49 AM
ماشاء الله عليكى

وصفة حلوة وسهلة كتير

مشكورة ياغالية

نهر الحياة
06-06-2007, 11:16 AM
الاخت العزيزة // جلنار

اسعدنى كثيرا مرورك فهذة اول مره تشرفى موضوعات لى واسعدنى تعليقك بارك الله لك اختى العزيزة
ارجو ان تجربيها فهى سهلة لك تحياتى

حمادو
06-06-2007, 06:08 PM
السلام عليكم

اشكرك جداااااااااا على الوصفة السهلة للمرطة...
انتى ماتعرفيش اد ايه انا سعيد انى لقيتها دلوقتي وان شاء الله في اقرب وقت هاعملها...

وعندي لكي طلب..
فيه حاجة اسمها تقريبا مفقعة او مفتقه او حاجة كده باسم مكلكع..
ودي عبارة عن عسل اسود وسمسم تقريبا
الله يكرمك لو تعرفي بتتعمل ازاي ماتبخليش علينا بطريقة عملها وتحطيها في موضوع لان اخوكي محتاج الحاجات اللى تتخن دي..

وجزاكي الله خيرا

*(@_@)* ملك..
06-06-2007, 08:01 PM
*(@_@)* ميــــــــــــــــــــــــــــــــــــــــــــــــ ـــــــــــرسي على الوصفه *(@_@)*

سـيف الديـن
07-06-2007, 12:23 AM
أنا كنت أعرف طريقة واحدة للحصول على المورتة وهى تسييح الزبدة البلدى ونحصل منها على سمن بلدى ومورتة والتى تكون هى الهدف الذى طال إنتظاره :1:

ولكن تفضلت أختنا الفاضلة الحياة بإضافة طرق أخرى جديرة بالتجربة :y:

شـكراً على الوصفات الجميلة :f:

:f2:

نهر الحياة
10-06-2007, 10:23 PM
الكريم //سيف الدين

بارك الله فيك واشكرك على المرور والتعليق جوزيت خيرا

حمادو
24-06-2007, 10:14 AM
السلام عليكم اختى العزيزة
انا عملت دلوقتي المرطة...
بصراحة طعمها ممتاز جدا وقعدت ادعي ليكي طول الوقت وانا باعملها

تسلم ايديكي وتسلم وصفاتك يارب...صدقيني فكرتيني بمصر وبالبلد دلوقتي

نهر الحياة
26-06-2007, 12:49 PM
الابنة العزيزة //ملك

اشكرك بُنيتى على مرورك والتعليق بس ياريت تجربيها بارك الله فيكى بُنيتى وجوزيتى خيرا

نهر الحياة
26-06-2007, 01:08 PM
الاخ الكريم // حمادو

اسفة لتأخرى فى الرد بالنسبة للمفتقة كنت بشتريها من عند العطار بس فية واحدة صحبتى جابت لنا حاجة كدا قريبة من المفتقة بس مش مفتقة اوصف لك مكونتها هى عبارة عن كيلو بلح بيتعمل فى بلد جنب دمياط متخصصين فية عارف انت البلح الاسود بس بيجففوة ازاى معرفش ولة مقادير من البشر جوز الهند والسمسم وعسل اسود ولهم خلطة كدا بتجى من العطار شبيهه بخلطة المغات او المحوجة وبتتخلط المقادير دى وتتسوى على النار لو عاوز الوصفة اجبها من صديقتى هى جابت لنا المقادير واحنا يا دوب عملناها .
بس النصيحة لله متفكرش تتخن ابدا التخن هيجى هيجى مع تقدم السن ونرجع نعمل ابر صينية ونشترى شيتوكال وندفع فلوس كتير اوى علشان نخس 2 كيلو فى الشهر ونعتبر نفسنا انجزنا .
مبسوطة جدا انك عملت المرتة وعجبتك وجزاك الله خيرا على دعائك لى وانا كذلك ادعوا لك ان يردك الله الى بلدك مصر سالما غانما ان شاء الله بورك فيك وجوزيت خيرا

sea horse
30-06-2007, 06:00 PM
العزيزه نهاية الحياة
تسلم ايدك ومتابع لموضوعاتك الجميله
ولو تسمحى لى اشارك معاكى بوصفة المفتقة
المفتقة ( الحلاوة السودة )
دى مقادير متناسقه بمعنى ممكن نعمل نصها او ضعفها حسب الرغبه
7 كيلو عسل اسود كثيف من السرجه (وليس البقال)
كيلو ونص زيت ذره و معلقة صغيره ملح ليمون
25 جرام كتيره و 50 جرام حبه خضرا وربع كيلو كركم
200 جرام تحويجة مفتقة و ربع كيلو حبة بركه مطحونه ( عجينه)
البنود الخمسه الاخيره من عند العطار عادى
نص كيلو سمسم وربع كيلو جوز هند
نص كيلو مشكل عين جمل وبندق ولوز مجروشين خشن
نحط حبة البركة والحبة الخضرا فى 2 كيلو عسل ونقلبهم قبل الشغل بيوم
ونحط الكتيرة فى نص كوباية ميه كبيره
تانى يوم ....
هانجيب حله كبيره بحيث لما نحط العسل لا يزيد عن التلت
الحله دى هانحطها على النار فاضيه ونحط الزيت كله
لما يغلى نحط السمسم والمكسرات والكركم
واول ما يصفروا نشيل نصهم بره ونحط عالباقى العسل كله
ونحط العسل اللى بايت فيه الحبه الخضرا وحبة البركة
ثم نضيف الكتيره المنقوعه بميتها
ونسيب الكل عالنار حتى الغليان ويبدأ العسل فى الفوران ويزيد
علشان كده قلنا حله كبيره علشان تتقبل الزياده فى الحجم
و يستمر الغليان مع التقليب المستمر وبعد نص ساعه نضيف ملح الليمون
ونستمر فى الغليان والتقليب
هانلاقى الخليط بيتخن شويه شويه ولونه بيسود مع تركيز العسل
لغاية مانقطى الخليط تسقط من المعلقه بالراحه وليس سريع
ونلاقى فجوات الغليان بتتجمع فى النص ( اسمها مرحلة عين الكتكوت)
ودى علامة السوى
ونطفى النار ونسيبها لتانى يوم علشان تبرد
ونكون مجهزين البرطمانات الجافة تماما ونعبيها ناقص سم
ونضيف على وش كل برطمان معلقة كبيره من خلطة المكسرات اللى حجزناها من الاول
وبالف هنا
معلش الطريقه طويله شويه لكن تستاهل فى الشتاء البارد
ومساء الفل
:eat:

حمادو
02-07-2007, 12:11 AM
السلام عليكم
نهاية الحياة
سي هورس

اشكركم على طريقة عمل المفتقة بس شكلى كده مش هاقدر اعملها هنا لعدم توافر بعض المكونات...
بجد انا عاجز عن الشكر

boukybouky
02-07-2007, 08:22 PM
يا نهاري مفتقة يا حمادو!!!!

مفتقة يا مفتري حرام عليك

ديه بتخن اوييييييييييييي

في رعاية الله،،

سـيف الديـن
02-07-2007, 08:52 PM
العزيزه نهاية الحياة
تسلم ايدك ومتابع لموضوعاتك الجميله
ولو تسمحى لى اشارك معاكى بوصفة المفتقة
المفتقة ( الحلاوة السودة )
دى مقادير متناسقه بمعنى ممكن نعمل نصها او ضعفها حسب الرغبه
7 كيلو عسل اسود كثيف من السرجه (وليس البقال)
كيلو ونص زيت ذره و معلقة صغيره ملح ليمون
25 جرام كتيره و 50 جرام حبه خضرا وربع كيلو كركم
200 جرام تحويجة مفتقة و ربع كيلو حبة بركه مطحونه ( عجينه)
البنود الخمسه الاخيره من عند العطار عادى
نص كيلو سمسم وربع كيلو جوز هند
نص كيلو مشكل عين جمل وبندق ولوز مجروشين خشن
نحط حبة البركة والحبة الخضرا فى 2 كيلو عسل ونقلبهم قبل الشغل بيوم
ونحط الكتيرة فى نص كوباية ميه كبيره
تانى يوم ....
هانجيب حله كبيره بحيث لما نحط العسل لا يزيد عن التلت
الحله دى هانحطها على النار فاضيه ونحط الزيت كله
لما يغلى نحط السمسم والمكسرات والكركم
واول ما يصفروا نشيل نصهم بره ونحط عالباقى العسل كله
ونحط العسل اللى بايت فيه الحبه الخضرا وحبة البركة
ثم نضيف الكتيره المنقوعه بميتها
ونسيب الكل عالنار حتى الغليان ويبدأ العسل فى الفوران ويزيد
علشان كده قلنا حله كبيره علشان تتقبل الزياده فى الحجم
و يستمر الغليان مع التقليب المستمر وبعد نص ساعه نضيف ملح الليمون
ونستمر فى الغليان والتقليب
هانلاقى الخليط بيتخن شويه شويه ولونه بيسود مع تركيز العسل
لغاية مانقطى الخليط تسقط من المعلقه بالراحه وليس سريع
ونلاقى فجوات الغليان بتتجمع فى النص ( اسمها مرحلة عين الكتكوت)
ودى علامة السوى
ونطفى النار ونسيبها لتانى يوم علشان تبرد
ونكون مجهزين البرطمانات الجافة تماما ونعبيها ناقص سم
ونضيف على وش كل برطمان معلقة كبيره من خلطة المكسرات اللى حجزناها من الاول
وبالف هنا
معلش الطريقه طويله شويه لكن تستاهل فى الشتاء البارد
ومساء الفل
:eat:
شـكراً على طريقة عمل المفتقة يا أستاذ sea horse :f:

:f2:

sea horse
03-07-2007, 11:28 AM
العزيز سيف
العزيز حمادو
لا شكر على وصفه
و مستنى راى صاحبة الموضوع الاصلى
صباح الفل
:eat:

نهر الحياة
03-07-2007, 12:48 PM
[الاخ الكريم //سى هورس

لك كل الشكر على مدخلتك الجميلة وعلى وصفة المفتقة ولما قراتها كنت هطلب منك ترسلها لاخانا حمادو فى رسالة خاصة لانه طلبها وسعدت جدا عندما وجدتة قد قرأها
بارك الله لك اخى وجوزيت عنا خيرا

الاخ الكريم // حمادو

حمدت الله انك متابع وربنا يردك سالما غانما وتعملها هنا فى مصرنا الحبيبة ان شاء الله
فقد وصفها الاخ سى هورس بدقة حتى لو لمتقف فى المطبخ ابدا يسهل عليك تنفيذها .
والمكونات موجودة فى مصر بس ترجع بالسلامة

الاخت العزيزة // بوكى بوبكى

سعدت بتعليقك والله قلت له متسعاش للتخن التخن جاى جاى مع العمر والعوامل الاخرى على الله يسمع الكلام بدل ما بعد كام سنة امد الله فى عمر الجميع يقول ياجماعة نظام رجيم لو سمحتوا ز
لك شكرى اختى العزيزة

sea horse
08-07-2007, 06:51 AM
العزيزه نهاية الحياة
شكرا لذوقك وترحيبك واسعدنى المشاركة فى موضوعك
فى انتظار المزيد
صباح الفل
:eat:

نهر الحياة
16-07-2007, 12:31 PM
الاخ الكريم// سى هورس

يسعدنى دائما مرورك بموضوعاتى ومشاركتك بالاضافات المفيدة

بورك فيك وجزاك الله خيرا وانتظر منك الجديد

nnnnnnn
11-01-2009, 04:07 AM
انا اسفة جدا سؤالي طويل
انا كنت أشتريت مقادير المفتقة قبل ما اقرأهذه الطريقة والعطار اعطاني6 انواع مش خمسة منها ملح الليمون والحبة الخضراء والكركم ولبان دكر ومغات وفي حاجتين انا مش عارفاهم حاجة لونها بيج ولما اضغط عليها صوتها مثل النشا وحاجة لونها تقريبا اصفر فاتح جدا او بيج غامق ولما أضغط عليا مثل الدقيق بس لونها غامق جدا عن الدقيق

هل الكتيرة هي لبان الدكر
وهل حبة البركة المطحونة هي اللي لونها بيج
وما هي تحويجة المفتقة هل هي المغات فقط ولا معاها الحاجة اللي ذي الدقيق ولو مش بتستخدم معاها هل يمكن اضافتها وامتي واية الكمية



العزيزه نهاية الحياة
تسلم ايدك ومتابع لموضوعاتك الجميله
ولو تسمحى لى اشارك معاكى بوصفة المفتقة
المفتقة ( الحلاوة السودة )
دى مقادير متناسقه بمعنى ممكن نعمل نصها او ضعفها حسب الرغبه
7 كيلو عسل اسود كثيف من السرجه (وليس البقال)
كيلو ونص زيت ذره و معلقة صغيره ملح ليمون
25 جرام كتيره و 50 جرام حبه خضرا وربع كيلو كركم
200 جرام تحويجة مفتقة و ربع كيلو حبة بركه مطحونه ( عجينه)
البنود الخمسه الاخيره من عند العطار عادى
نص كيلو سمسم وربع كيلو جوز هند
نص كيلو مشكل عين جمل وبندق ولوز مجروشين خشن
نحط حبة البركة والحبة الخضرا فى 2 كيلو عسل ونقلبهم قبل الشغل بيوم
ونحط الكتيرة فى نص كوباية ميه كبيره
تانى يوم ....
هانجيب حله كبيره بحيث لما نحط العسل لا يزيد عن التلت
الحله دى هانحطها على النار فاضيه ونحط الزيت كله
لما يغلى نحط السمسم والمكسرات والكركم
واول ما يصفروا نشيل نصهم بره ونحط عالباقى العسل كله
ونحط العسل اللى بايت فيه الحبه الخضرا وحبة البركة
ثم نضيف الكتيره المنقوعه بميتها
ونسيب الكل عالنار حتى الغليان ويبدأ العسل فى الفوران ويزيد
علشان كده قلنا حله كبيره علشان تتقبل الزياده فى الحجم
و يستمر الغليان مع التقليب المستمر وبعد نص ساعه نضيف ملح الليمون
ونستمر فى الغليان والتقليب
هانلاقى الخليط بيتخن شويه شويه ولونه بيسود مع تركيز العسل
لغاية مانقطى الخليط تسقط من المعلقه بالراحه وليس سريع
ونلاقى فجوات الغليان بتتجمع فى النص ( اسمها مرحلة عين الكتكوت)
ودى علامة السوى
ونطفى النار ونسيبها لتانى يوم علشان تبرد
ونكون مجهزين البرطمانات الجافة تماما ونعبيها ناقص سم
ونضيف على وش كل برطمان معلقة كبيره من خلطة المكسرات اللى حجزناها من الاول
وبالف هنا
معلش الطريقه طويله شويه لكن تستاهل فى الشتاء البارد
ومساء الفل
:eat: