المساعد الشخصي الرقمي

مشاهدة النسخة كاملة : عزومة فريق الكاكا



boukybouky
06-05-2007, 10:49 PM
السلام عليكم و رحمة الله و بركاته

اليوم موعدنا و ثاني فريق في المسابقة

فريق الكاكا

http://photos1.blogger.com/blogger/2119/1778/320/image001%5B2%5D.jpg

أعضاء الفريق

بنت شهريار

ابن البلد

zizo_Ya_zizo

شاعر الرومانسية

من اليوم الإثنين 7 مايو حتي يوم الأربع 9 مايو الساعة 11.59 بالليل

في إنتظاركم و أشهي الوجبات التي ستقدمونها

برجاء الإطلاع مجدداً علي شروط المسابقة و في حالة وجود أي إستفسار

برجاء مراسلتنا انا أو أم أحمد و الله ولي التوفيق

دمتم بكل خير

في رعاية الله ،،،

أم أحمد
06-05-2007, 11:27 PM
اهلا بيكم فريق الكاكا
يلا في انتظار اننا نشوف ابداعتكم
ما تغيبوش علينا
عصافير بطننا بتصوصو

الدكتورة نسيبة
07-05-2007, 12:09 AM
يلا بقى انتوا لسه منزلتوش الاكل

ايه التاخير ده

ده جزء من التشجيع اللى اخدوه الفرولات وان شاء الله هالف قصيدة زى استاذ حسن وارجع احطها

تسلم ايادكم مقدما

بس ان شاء الله مفيش غير الفراولة

boukybouky
07-05-2007, 01:03 AM
ايه يا جماعة هم لسه مش نزلوا اكل؟؟؟؟

خير هم تاهوا؟؟ http://smilies.sofrayt.com/fsc/speak%20no%20evil.gif

طيب ابعتوا حد يسأل عليهم و ينادي http://smilies.sofrayt.com/%5E/u/director.gif

كان نفسي الحق اي اكله قبل سفري بس يلا بقي كل شئ نصيب

اتابع بعد رجوعي ان شاء الله

في رعاية الله،،،

شاعر الرومانسية
07-05-2007, 01:53 AM
اخيرا ويعد طول انتظار ...
جاء موعدكم اعزائى الصغار والكبار
مع فريق الكاكا الجبار


وبداية نحب نعرفكم بينا ...
( مع اننا عارفين طبعا ان اصواتكم معانا )....:m7:


احتفالية وفيها الكل
جاى علينا بضحكة يطل
دة يهنينا .. ودة بيحيينا
يا اجمل صحبة .. مساكم فل

http://up.haridy.org/storage/59r11aq27.gif (http://up.haridy.org)


بداية القول ... وكدة علطول
احنا فريق الطبخ الاول
ولا حكايات .. ولا اشتغالات
ولا تأخير ولا وقت يطوّل

عارفين مين اعضاء الفرقة
ناس كلها حنية ورقة

أحمد باشا ويا جنبنا
جاى حيطبخ مش بس يدوق
ابن البلد اللى مجمعنا
اخ وفعلا ذوق الذوق

اوعوا تقولوا حيعمل كوسة
او حيخلى القاعدة بالوظة
لاء دة مش احنا اللى نطبّخها
ودة ببساطة .. ومش بألاطة
ومن غير دوشة وهيصة وزيطة
عندنا سمعة سابقها تاريخها

عضو كمان ويا فريقنا
أبو حميد .. ودة بقى مالاخر
قولولى بقى مين يسابقنا
واحنا معانا زيزو شوماخر


اما الوردة اللى فى بستانّا
ف عبير الورد فى طلتها
سبحانة فى الخيرجمّعنا
صحبة جميلة وهى زادتها

ماتفكرشى ولا تحتار...
احنا معنا بنت شهريار

اخر عضو .. هو محدثكم
لتقولوا علية حسن الكلمة
انا بشكركم .. ودة من ذوقكم
ودة من ربى فضل ونعمة
ومن غيرحيرة ولا دبلوماسية
معكم كان .. شاعرالرومانسية


ولا ننساش طبعا حبايبنا
بوكى و ام احمد وتعبهم
عملوا مسابقة جمعتنا
اللهى يارب يعمّر بيتهم
وختاما .. منّا احلى تحية
ليهم ومعاها وردة هدية:f2:


وادى ساحة المعركة ... اللى شهدت ايام كفاحنا ونضالنا عشان نخرج مائدتنا العامرة


http://up.haridy.org/storage/kitc8.jpg (http://up.haridy.org)


سفرتنا الليلة با حبايبنا .... سفرة مخصوصة http://up.haridy.org/storage/23_133_4.gif (http://up.haridy.org)
معموله خصيصا لابناء مصر الحلوين
سفرة من......




[CENTER]المأكولات البحرية



يلا خلى المنتدى كله ينور :m6:



ومعكم الان الشيف الهمام " ابن البلد "

http://up.haridy.org/storage/che12f1.gif (http://up.haridy.org)



ومعه طبق البداية ...
شوربة السى فود
وكمان احلى طبق من المشهيات ....
شرائح السمك الملفوف مع الخضروات



نرجوا الهدوء وعدم الهتافات ... ودعونا نعمل فى صمتhttp://up.haridy.org/storage/h41.gif (http://up.haridy.org)


واتفضلوا بقى على السفرة

http://up.haridy.org/storage/D-22.jpg (http://up.haridy.org)

ابن البلد
07-05-2007, 02:05 AM
الطبق الاول
http://up.haridy.org/storage/Gazpacho_with_Shrimp.jpg
شوربة السى فود

المقادير:
كيلو سمك ( شعور متقطع جزل )
كيلو كابوريا ( تقطع انصاف وتغلى غلوة واحد وتصفى )
نص كيلو جمبرى بقشره
ربع كيلو باكلويز ( بلح البحر )
ثلاث بصلات كبيرة ( مقطعة مكعلات )
خمس اعواد كرفس افرنجى ( مكعبات )
خمس فصوص ثوم مهروسين
جزرتين مقطعين مكعبات
معلقتين زيت نباتى
معلقة كبيرة دقيق
ملح وفلفل ومستكة وحبهان
عصير ليمون

الطريقة :
- فى وعاء كبير الحجم نضع الزيت والمستكة والبصل والثوم ونقلب لحد ماالبصل يبقى شفاف اللون من غير ما يصفر
- نضيف مكعبات الكرفس والجزر ونستمر فى التقليب ثم نضيف معلقة الدقيق ونقلب حتى يمتزج البصل مع الدقسق بدون ما الدقيق يصفر
- نحط قطع السمك ثم الكابوريا ثم الجمبرى ثم الباكلويز على الترتيب ونقلب لحد السمك ما يشرب من الخلطة السابقة وميته تنشف
-نضيف الماء والتوابل ونشيل الريم ان وجد ... وقبل النهاية نضبف اوراق الكرفس
-ننشل السمك والقشريات من الشوربة ونشيل الشوك من السمك
-تصفى الشوربة بمصفاه سلك ونغرفها فى طبق الشوربة ونحط السمك والقشريا وعصير الليمون
نزين الوجه باوراق البقدونس وتقدم مع عيش توست محمص


الطيق الثانى

http://up.haridy.org/storage/malfollff.jpg
شرائح السمك الملفوف مع الخضروات

المقادير
2 ملعقة كبيرة زيت
1 كوسة مقطعة شرائح رفيعة
2 فص ثوم مقطع شرائح
1 كوب شرائح فاصوليا خضراء
4/1 كيلو جمبري
1 باذنجان مقطع شرائح رفيعة
1 كوب أوراق جرجير
1 كوب أوراق رجلة
1 بصل أخضر مقطع
2/1 كوب أوراق كزبرة خضراء
ملح و فلفل
زيت سمسم للتزيين

الطريقة
- يُسخن الزيت في مقلاة علي النار ثم تُضاف الكوسة و الثوم ، الفاصوليا ، الباذنجان و يُقلب.
- يُضاف الجمبري و يُقلب الخليط و يُغطي حتي تمام النضج.
- يُضاف الجرجير ، الرجلة ، البصل ، الكزبرة ثم يُقلب .
- يُصب في طبق التقديم و يُزين بزيت السمسم و يُقدم مع خبز.
وبالهنا والشفا

أم أحمد
07-05-2007, 02:24 AM
الله الله علي الحاجات الحلوة
وهلت البشائر اهو
والريحة تجنن
تسلم ايدكم وفي انتظار الباقي

zizoYAzizo
07-05-2007, 03:09 AM
ومعكم الان الشيف الهمام " شاعر الرومانسية "

مع اطباق

صنية سمك بالبطاطس والجزر

طاجن جمبرى وسبيط



http://up.haridy.org/storage/che12f1.gif

شاعر الرومانسية
07-05-2007, 04:04 AM
والا ن حان موعدنا مع الطبق الرئيسى ....

صينية سمك بالبطاطس والجزر
http://up.haridy.org/storage/uiui.gif

http://up.haridy.org/storage/60464d.JPG (http://up.haridy.org)

http://up.haridy.org/storage/uiui.gif

المقادير
سمكة كبير مشقوقة بالطول وبدون شوك ( فليية )
1/2 كيلو بطاطس مقطعة شرائح سميكة
1/4 كيلو جزر شرائح
3 اعواد كرفس افرنجى مكعبات صغيرة
راس ثوم مقطعة ومش مفرومة
كمية من زيت الزيتون
فلفل الوان شرائح ( احمر واصفر و اخضر )
شرائح ليمون
ملح وفلفل وكمون

http://up.haridy.org/storage/uiui.gif

الطريقة

نعمل تتبيلة من الثوم والكرفس وزيت الزيتون وعصير الليمون والتوابل.. ونحجز جزء على جنب
نقلب شرائح البطاطس والجزر فى التتبيلة السابقة كويس ونفرشهم فى الصينية ومعاهم شرائح الفلفل
نحط السمكة على وش الخضروات وهى مفتوحة طبعا ونحط باقى الخلطة على وشها وطبقة من الفلفل الالوان وشرائح الليمون .. وندخلها الفرن تستوى فى ميتها وبدون اضافة اى سوائل

http://up.haridy.org/storage/uiui.gif

شاعر الرومانسية
07-05-2007, 04:06 AM
الطبق الثانى

طاجن الجمبرى والسبيط
http://up.haridy.org/storage/uiui.gif

http://up.haridy.org/storage/cont_4_326_1.jpg

http://up.haridy.org/storage/uiui.gif

المقادير
تلت تربع كيلو جمبرى مقشر
نص كيلوسبيط ( كليمارى) مقطع شرايح
ملعقتين زيت زيتون
راس توم مقطع
فلفل احمر حامى
ملعقتين من الثوم المفرى
فلفلتين رومى اخضر مقطه مكعبات
بصلة مفرية
طماطماية مكعبات
ملعقتين صلصة
بشر ليمونة كبيرة
حزمتين كسبرة خضراء مفرية

http://up.haridy.org/storage/uiui.gif

الطريقة

فى طاسة نيفال نحط السبيط والجمبرى والتوم المقطع والفلفلة الحمرا وزيت الزيتون ونشوحهم لحد ما ينزل ميته ويشربها ونتبلهم بالملح والفلفل الاسمر

وفى طاسة تانية ( تيفال برضة ) نحط ملعقتين زيت زيتون ونحط ملعقتين من الثوم المفرى وفلفلتين رومى اخضر مقطه مكعبات وبصلة مفرية وطماطماية مكعبات وملعقتين صلصة وبشر ليمونة كبيرة ( ونراعى الترتيب السابق ...) ونقلب شوية وبعدين نحط حزمتين كسبرة خضراء مفرية فى الاخر خالص

نجيب الطاجن ونحط نصف التخديعة السابقة وبعدين نصب الجمبرى بالسبيط ونكمل على الوش بباقى الخلطة وعلى الوش حلقات طماطم وندخله الفرن فترة مش كبيرة قد ربع ساعة لحد ما يتشرب ...

واول ما يخرج نسقية بعصير ليمونة ونجمله باوراق البقدونس

http://up.haridy.org/storage/uiui.gif

zizoYAzizo
07-05-2007, 04:10 AM
طبق الارز بالجمبـــــــــــرى
http://up.haridy.org/storage/uiui.gif


http://up.haridy.org/storage/54.JPG (http://up.haridy.org)

http://up.haridy.org/storage/uiui.gif


المقادير
4 كوب ارز
½ ملعقة صغيرة زعفران
¼ كوب ماء دافىء
¼ كوب زيت
1 ملعقة صغيرة زنجبيل طازج، مفروم
2–4 قطعة ثوم ، مفروم
2 حبة كبيرة بصل، مفروم
½ كوب كزبرة خضراء ، مفرومة
1 ملعقة صغيرة هيل ، مطحون
1 عود قرفة
2 ملعقة صغيرة بهارات سمك1 ملعقة صغيرة كمون
½ ملعقة صغيرة لومي مجفف ، مطحون
1 ملعقة كبيرة ملح
1/2 ملعقة صغيرة فلفل اسود
1 كيلو جمبرى مقشر
4 كوب ماء ( نفس عدد كبايات الرز )

http://up.haridy.org/storage/uiui.gif


الطريقة
نغسل الرز وبعدين ننقعه فى ماء مملح مده 20 دقيقة ثم ننقع الزعفران في الماء الدافىء ،ونتركه جانبا
وبعدين نسخن الزيت، اونضيف الزنجبيل، الثوم والبصل، ونقلبهم لمدة 4 – 5 دقائق لغايه لما يكون لونه ذهبى و نضيفي الكزبرة ونقلب لمده دقيقة
نضيف الهيل، القرفة،البهارات ،الكمون،الملح و الفلفل . ونحط الجمبرى ونقلب على نار جامده 4 – 5 دقائق لغايه لما الجمبرى يبقى لونه وردى
نرتب الجمبرى فى الحله بشكل جميل وبعدين نحط الرز فوقيه ونوزعه
نضيف الماء للرز ونتركه على نار قويه لغايه لما يتشرب الميه وبعدين نحطه على نار هاديه يكمل سوا تقريبا 20 دقيقه علشان الرز يستوى ونحط على الوش الزعفران ونسيبه تقريبا 10 دقايق
ويتقلب بحركه بهلاونيه فى طبق التقديم بقى وبالهنا والشفا :d
http://up.haridy.org/storage/uiui.gif

zizoYAzizo
07-05-2007, 04:13 AM
ارز الصيدية
http://up.haridy.org/storage/uiui.gif


http://up.haridy.org/storage/cont_4_83_1.jpg (http://up.haridy.org)

http://up.haridy.org/storage/uiui.gif

المقادير
2 كوب ارز مصرى
2 بصلة مقطعة صغير
3 فصوص ثوم كبيرة
ملح / فلفل / بهارات سمك / كركم لاكساب اللون
كيلو سمك مقطع جزل ومتبل فى الثوم والملح والكمون والليمون

http://up.haridy.org/storage/uiui.gif


الطريقة

يقلى السمك فى الزيت نصف قلى .
نقلى البصل ومعه الثوم فى كمية من زيت قلى السمك حتى الغمقان ونضيف التوابل والكركم ونقوم باضافة نصف هذا الخليط على الارز المغسول
ونقلبه كويس ...
فى وعاء اخر نرص السمك النصف مقلى فى ارضية الوعاء ونحط علية خلطة الارز والبصل
اما وعاء البصل الاولانى نضيف علية ماء كافى لتسوية الارز ونقلبه ونضيف على السمك وارز بدون تحرلايك السمك
اما وعاء البصل الاولانى نضيف علية ماء كافى لتسوية الارز ونقلبه ونضيفه على السمك وارز بدون تحرلايك السمك
وبعد الاستواء نقلب الوعاء فى سرفيص التقديم ويبق الارز من تحت وقطع السمك من اعلى
وبالهنا والشفا
http://up.haridy.org/storage/uiui.gif

بنت شهريار
07-05-2007, 04:21 AM
فطيرة هشة بالشيكولاتة
http://up.haridy.org/storage/uiui.gif

http://up.haridy.org/storage/cont_4_299_1.jpg (http://up.haridy.org)

http://up.haridy.org/storage/uiui.gif

المقادير
للفطيرة

6 ملعقه/ كوب زبدة لينة
3/2 1 كوب سكر
3 بيض
1 كوب حليب
2/1 2 كوب دقيق
1 ملعقة/كوب بيكينج بودر
ملح
فانيليا

للشيكولاتة


2/1 1 كوب كريمة لباني
1 ك شيكولاتة قطع (خاصة بالطهي)

http://up.haridy.org/storage/uiui.gif

الطريقة


للفطيرة


يُجهز الفرن بتسخينه على درجة حرارة 180 درجة مئوية و تُخفق الزبدة والسكر حتى تصبح كالكريمة و يُضاف البيض لخليط الزبدة ويُخفق الخليط حتى تندمج كل المكونات
يُنخل الدقيق والبيكينج بودر والملح والفانيليا ويُضاف للخيط ويُقلب حتى تندمج المكونات.
يُضاف الحليب ويُقلب الخليط حتى تتداخل المكونات.
يُصب العجين في قالب فرن مدهون بقليل من الزبدة.
تُخبز الفطيرة في الفرن لمدة 30-35 دقيقة.


للشيكولاتة


- توضع الكريمة اللباني في وعاء وتوضع في حمام ماء على نار متوسطة وتُترك حتى الغليان.
- تُضاف قطع الشيكولاتة إلى الكريمة اللباني وتُقلب حتى تسيح السيكولاتة ويندمج الخليط.
- تُرفع عن النار وتُصب فوق الفطيرة.

وبالهنا والشفا

http://up.haridy.org/storage/uiui.gif

بنت شهريار
07-05-2007, 04:22 AM
أيــس كــريـم بالـحـلـيـب
http://up.haridy.org/storage/uiui.gif

http://up.haridy.org/storage/sawssan_tabak18c96H4.jpg (http://up.haridy.org)

http://up.haridy.org/storage/uiui.gif


المقادير

‏6 أكواب حليب أو لتر حليب سائل
‏2 كوب كريما
‏2كوب سكر بودره
‏1 ملعقة فانيليا
‏6 بيضات صفار ‏

http://up.haridy.org/storage/uiui.gif

الطريقة

نخلط الحليب و الفانيليا ونضعهم على نار حتى درجة الغليان وبعدها نتركهم لمدة عشر دقائق
في الوقت هذا نخلط صفار البيض والسكر حتى يذوب السكر ونصبه على الحليب مع التحريك ‏المستمر
ونرجعه مره ثانيه على النار وتكون النار هادئة جدا ومع التحريك المستمر ودون الوصول ‏إلى درجة الغليان
عند تكوينه وبيكون مثل شكل الكاستر والمهلبية ونطفي النار عليه ونتركه ‏يبرد وبعدها نضيف الكريما مع الخلط جيدا ويصب في وعاء البلاستيكي ويترك في الثلاجة حتى ‏اليوم الثاني
ثم توضع فى الكأس وتزين بالكريم شانتيه وحبات الكريز والشيكولاته الساخنة

وبالهنا والشفا
http://up.haridy.org/storage/uiui.gif

الدكتورة نسيبة
07-05-2007, 05:32 AM
ما شاء الله تسلم الايادى يافريق الكاكا

بس برضه ده ميعنيش ان ان شاء الله احنا الفايزين

يافرولة يا بلاش فريق غيره مينفعناش هههههههههههه

تسلم ايدكم وبالتوفيق لينا كلنا ان شاء الله

زهــــراء
07-05-2007, 08:47 AM
الله الله ايه الحاجات الجميييييييييييييلة دي
بصراحة عاملين مجهود جميل جدا بس الكيوي هو اللي هيفوز هههههههههه
روح رياضية بقى ههههههه
تسلم الايااااااااااااااااادي
بالتوفيق للجميع

emerald
07-05-2007, 03:09 PM
السلام عليكم ..

لزيزة الاطباق .. عن نفسي احب السمك جدا .. بس ما احب اطبخة ههههههههههه.!!


وعشان نعرفو ان فريق الفراولة فريق متفاني .. ومحب الخير للجميع .. شوفي الحلى الاول .. حتلاقونا هنااااااك ههههههههههه.

تسلم اياديكم ..

بارك الله فيكم .

ندى الايام
07-05-2007, 04:42 PM
اممممممممممم :m: :m:
رغم انكم بالنسبة لفريقى الاخوة الاعداء لكن فى وسطكم حببتى بنت شهريار
للاسف للاسف وبروح رياضية هقولكم بالتوفيق وتسلم الايادى
والقاعه ريحتها فظيعة من السمك ده كله ههههههههههه معطر جو بئى ارحمونا

نانيس
07-05-2007, 06:58 PM
أحييكم يا فريق الكاكا
ومجهود تشكرون عليه ، وإن كنت لا أحب الأسماك وكل ما يمت للمأكولات البحرية بصلة
بالتوفيق لنا جميعا.

شاعر الرومانسية
07-05-2007, 09:33 PM
اهلا بيكم فريق الكاكا
يلا في انتظار اننا نشوف ابداعتكم
ما تغيبوش علينا
عصافير بطننا بتصوصو


اهلا بيكى اختنا العزيزة ... أم احمد

وشكرا ليكى المرور والاهتمام

وحسك معانا بقى فى التصويت ههههههههههههه
( دى محاولة للتأتأثير على اللجنة الحكم على فكرة:m19: )


تقبلى اطيب وجباتى ،،،:f:

رحمة
07-05-2007, 11:24 PM
بسم الله ما شاء الله
تسلم الأيادى السى فود من أجمل و أشهى الأكلات
بالتوفيق إن شاء الله للفريق

boukybouky
17-05-2007, 04:58 PM
ما شاء الله القاعة نورت من الفسفور

ايه كل السمك و الجمبري ده يا جماعة هههههههههه

ربنا يوفقكم و اكل جميل

نلقاكم في التوصيت ان شاء الله

في رعاية الله ،،،

اسكندرانى
22-10-2011, 10:44 PM
للرفع واستعادة الذكريات الحلوة والمسابقات الجميله