المساعد الشخصي الرقمي

مشاهدة النسخة كاملة : لسان العصفور بالكبد والقوانص



نهر الحياة
30-04-2007, 06:30 AM
لسان عصفور بالكبد والقوانص


المكونات:- كمية مناسبة من لبد وقوانص الفراخ (الدجاج)

كمية مناسبة من مكرونة لسان العصفور

بصل مفروم +ملح +فلفل +بهارات لحمة

زيت


الطريقة :-يحمر لسان العصفور فى الزيت ويوضع فى مصفاه حتى نتخلص من الزيت

الزائد

قطعى الكبد والقوانص قطع صغيرة ضعى البصل المفروم والتوابل والملح فى

اناء على النار مع كمية ماء حتى تدخل مرحلة النضوج دون وضع اى مادة دهنية

اضيفى لسان العصفور الى الكبد والقوانص وضعى كمية ماء مناسبة لنضج لسان

العصفور

يقدم على الغداء وبالهنا

سـيف الديـن
30-04-2007, 06:45 AM
شأكراً أختنا الكريمة نهاية الحياة على الأكلة الخفيفة واللذيذة

أحب أن أضيف بأنه يجب غلى القوانص و الكبد فى كمية مناسبة من الماء قبل تقطيعها ثم تصفيتها من الماء وعدم استخدام الماء وذلك لتطهيرها تماما وللتسريع من وقت نضجها ويفضل أن تغلى القوانص لفترة أطول لإختلاف الوقت اللازم للنضج بينها وبين الكبد

وبالهنا والشفا :eat:

:f2:

نهر الحياة
01-05-2007, 07:50 AM
الاخ الكريم/ سيف الدين

جزاك الله خيرا على الاضافتين وان شاء الله هعمل الاولى لكن التانية دى زيادةفى غسل المواعين ياسيدى لو استوت الكبدة زيادة شوية مش مشكلة الف الف شكر على الاضافة
بس اكلة فى منتهى الجمال ولادى كلهم بيحبوها مع تحياتى
نهاية الحياة

سـيف الديـن
02-05-2007, 05:45 AM
الاخ الكريم/ سيف الدين

جزاك الله خيرا على الاضافتين وان شاء الله هعمل الاولى لكن التانية دى زيادةفى غسل المواعين ياسيدى لو استوت الكبدة زيادة شوية مش مشكلة الف الف شكر على الاضافة
بس اكلة فى منتهى الجمال ولادى كلهم بيحبوها مع تحياتى
نهاية الحياة
العفو أختنا الفاضلة بل الشـكر لكى ، بالنسبة لزيادة المواعين فلايوجد زيادة وهذا بإضافة القوانص أولاً للماء المغلى وتركها تغلى لمدة من 5 إلى 10 دقائق ثم إضافة الكبد إليها وتركهما معاً لمدة خمس دقائق أخرى على الأقل لأن كبدة الفراخ سريعة النضج ثم تصفية الماء ثم تركها لتبرد ثم التقطيع لقطع بحجم قوالب السكر ثم إضافتها إلى زيت الذرة ( أو السمن البلدى أو الدهن حسب ماتفضلونها ) والبصل المقطع والتشويح على النار حتى يتم النضج للدرجة المطلوبة مع إضافة الفلفل الأسمر والملح ويمكن أثناء عملية التحمير إضافة قطع الفلفل الأخضر وقطع الطماطم أيضاً لتأخذ شكل مختلف وطعم مختلف ويمكن تناولها على هذا الشكل بعمل سندوتشات منها أو إضافة لسان العصفور والماء لعمل شوربة لسان العصفور وفى حالة لسان العصفور لايتم إضافة فلفل أخضر وبالهنا والشفا لحضرتك وللأسرة الكريمة .

نفس العملية يمكن تطبيقها مع اللحم البتلو ولكن فى هذه الحالة يمكن استغلال ماء الغلى كشوربة بعد تجهيزها أثناء عملية الغلى والسليق بالحبهان والبصل والفلفل الأسمر وورق اللورى إن وجد لإضافتها لاحقاً بعد تصفيتها إلى لسان العصفور بدلاً من الماء أو تقديمها ساخنة بجانب سندوتشات اللحمة المحمرة بالبصل .

لاشك بأن إستخدام الدهن الضانى أو البقرى فى التحمير يعطى أفضل طعم وأفضل رائحة ولكنه كما هو معرف الأكثر تشبعاً بالهيدروجين وبه أكبر نسبة من الكلسترول أى الأكثر ضررا بين الدهون إن تم تناوله بشكل دورى وبكثره .

أنا كده فعلاً جعت وشكلها هترسى على كبد وقوانص :1:

أطيب تمنياتى بالتوفيق

:f2:

أم أحمد
02-05-2007, 10:39 AM
تسلم ايدك اختي الغالية
وكل الشكر لسيف علي توضيحه الجميل
تحياتي لكم وخالص تقديري
:f2:

aynad
02-05-2007, 07:19 PM
تسلم ايدك يا نهاية الحياة
واضح ان شكلها لذييييييييييييذ والله فتحتي نفسي اعملها
جااااري التجربة
وميرسي لسيف للاضافة

نهر الحياة
10-05-2007, 10:48 AM
الاخ الكريم /سيف شكرا لك للاضافة بس لو هتذود الطماطم يبقى على طول سندوتشات مش مع لسان العصفور المحمر وانا بعملها كدا للسندوتشات والاولاد بيحبوهاجدا لك جزيل الشكر


الاخت الكريمة// ام احمد

بارك الله فبكى يارب ولك تحياتى


الاخت الكريمة//aynad

جزاكى الله خيرا على مرورك وبدام جارى التجربة مستنية اعرف النتيجة مع تحياتى

اختكم نهاية الحياة

اميرة الشرق
24-05-2007, 05:39 PM
هناااااااااااااااااكل هايه هايه
ايه الجمال ده جوعتونا
الا قولي يا سيف انت بتشتغل ايه؟؟؟
تسلم ايدك يا نهاية الحياه

نهر الحياة
24-05-2007, 10:56 PM
الاخت العزيزة //اميرة الشرق

اشكرك على المرور جوزيتى خيرا ولا اخفيكى سرا اشعر احيانا ان الرجال فى هذا المنتدى بيعرفوا فى المطبخ عننا ماشاء الله عليهم بارك الله فيكم جميعا

نهاية الحياة

سـيف الديـن
25-05-2007, 04:09 AM
العفو أختنا الفاضلة أم أحمد والشكر لكم لثنائكم وتشجيعكم

أشـكرك يا أيناد ولا ميرسى على واجب


الاخ الكريم /سيف شكرا لك للاضافة بس لو هتذود الطماطم يبقى على طول سندوتشات مش مع لسان العصفور المحمر وانا بعملها كدا للسندوتشات والاولاد بيحبوهاجدا لك جزيل الشكر
بارك الله فيكى أختنا الفاضلة الحياة والشـكر لكى للسماح لنا بمشاركتك موضوعك الجميل
بالتأكيد إضافة قطع الطماطم الصغيرة وقطع الفلفل الأخضر مع التشويح من أجل السندوتشات وبالهنا والشفا لحضرتك وللأولاد والسرة الكريمة


الا قولي يا سيف انت بتشتغل ايه؟؟؟
أهلاً بكى أختنا الكريمة اميرة الشرق
مفيش إختيارات لإجابة السؤال :d


:f2:

نهر الحياة
01-06-2007, 07:38 PM
الاخ الكريم // سيف

جزاك الله خيرا على التعليق

الاخت الكريمة //اميرة الشرق

اى كان عمل الاخ سيف انا ارى انة ذو خبرة ممتازة فى المطبخ بارك الله فيكم جميعا ويسعدنى ان ارى التعليقات ويسعدنى ان اجرب الاضافات لكم جميعا تحياتى

اختكم نهاية الحياة

رورو قمر
01-06-2007, 07:57 PM
يا سـ،ـ،ـ،ـ،ـ،ـ،ـ،ـ،ـ،ـ،ـ،ـــــــــــــــــــــــــــ ـــ،ـ،ـ،ـ،ـ،ـ،ـ،ـ،ـ،ـ،ـ،ـ،ـ،ـ،ـ،ـلام
شكلها لذيذة
اشكرك على الوصفة الجامدة

نهر الحياة
01-06-2007, 11:22 PM
الاخت العزيزة //رورو قمر

اشكر لك مرورك الكريم وهى فعلا واللهى اكلة جميلة جربيها كدا وقولى ليا رأيك جوزيتى خيرا وبارك الله فيكى

ليلة عشق
05-06-2007, 08:22 AM
الغالية نهاية الحياة

هايلة الطريقة دي وجديدة ....
هجربها اليوم شكلها بيجنن .....
لكِ خالص الشكر والتقدير .....

تحياتي
ليلة عشق

جلنار
06-06-2007, 10:38 AM
يسلموااااااااااااااااااااااااا

نهر الحياة
06-06-2007, 11:43 AM
الاخت العزيزة // ليلة عشق

جربيها ان شاء الله هتعجبك جدا لك شكرى على المرور والتعليق وجوزيتى خيرا اختى الكريمة وياريت تقولى لى النتيجة لك تحياتى

نهاية الحياة

نهر الحياة
06-06-2007, 11:46 AM
الاخت العزيزة // جلنار


بارك الله فيكى اختى جلنار وجزاكى خيرا