المساعد الشخصي الرقمي

مشاهدة النسخة كاملة : باركوا لي جبت بطاطا...بس مش عارف اعملها ازاي



حمادو
18-04-2007, 11:48 AM
باركوا لي يا جماعة لقيت بطاطا مصري عظيمة بطينها

بس المشكلة انى مش عارف اعملها ازاي.
ياريت بأه كده تمخمخوا لي في كام طريقة كده اعملها بيها, وعلى فكرة البوتجاز اللى عندي كهرباء مش نار, يعني مش هاعرف اشويها...


الحقوني وانقذوني :m: :m: :m:
حسنة قليلة تمنع بلاوي كتيرة يا ابناء مصر, وهنيالك يافاعل الخير.

حبك خيال
18-04-2007, 02:18 PM
بص يا سيدي

تغسل البطاطا كويس جدا
وتجيب حله
وترص فيها البطاطا
وتجيب نص كبايه ميه
وترش على البطاطا
ترش ها موش تحميها
وبعد كده
تجيب ورق جرائد مبلول وتغطي بيح الحله بس من جوه الحله نفسها موش تطلعه بره ماشي
وبعد كده
تجيب غطا الحله وتغطيها
وتحطها على النار
وتوطي النار
وهيا ان شاء الله هاتستوي

وبالهنا والشفا
طمني على البطاطا بعد كده الهي يسترك
هاهاهاهاهاهاهاهاها

حمادو
18-04-2007, 02:24 PM
الله يخليكي يا حبك خيال واشوفك كده عندك مشروع بطاطا اد الدنيا.....


حلوة قوي الطريقة دي بس فيه طريقة تانية بتكون بالحليب والمكسرات وكده....ماتعرفيش بتتعمل ازاي؟؟؟؟

رحال اسكندراني بصراحة اداني طريقة عشرة على عشرة بس برضه زيادة الخير خيرين


والله مش عارف اشكرك ازاي لاني بجد شعر راسي وقع ورموشي كمان وقعت من كتر الانتظار وكنت حاسس ان انا هاعمل البطاطا مخلل علشان مافيش حد عبرني
هههههههههههههه


ياريت بأه تمخمخي لنا في طريقة تانية بتاعة الحليب والمكسرات وكده
واعملي حسابك انا مش عندي ناار في البوتجاز...كله كهرباء

حبك خيال
18-04-2007, 02:28 PM
هاهاهاهاهاهاهاهاهاها
انا اول مره اسمع عن موضوع اللبن والمكسرات دا
بس هاسألك
انما تعالى هنا قوللي.... انت ناوي تعمل كام صنف بطاطا؟؟
ماكنتش بطاطا دي اللي جبتها
هاهاهاهاهاهاهاهاهاهاهاهاهاهاهاها

حبك خيال
18-04-2007, 02:34 PM
بص يا سيدي
البطاطا بالمكسرات واللبن
تجيب البطاطا
وتسلقها في ميه
وبعد كده تقشرها
وتعجنها في بعض وكده وتحطها في صينيه وتحط عليها مكسرات
براحتك بقى
عايز تعمل راء بطاطا وتحشي مكسرات وبعدين راء بطاطا تاني
او البطاطا كلها وترش عليها مكسرات من فوق
اللي يعجبك
وبعد كده تروح حاطط عليها لبن
وماتنساش
لو البطاطا محليه اوي ( معسله يعني) ضيف للخليط دا كله شويه سكر صغننين
لو ماسخه
موش محليه اوي
زود لها سكر زي ماتحب
وبعد كده تروح حاططها على النار وتوطي لغايه ما تحس انها استوت


وفي كمان طريقه بالبشاميل بس بدل ما البشاميل حادق نخليه مسكر
انا بردو اول مره اسمع عن البطاطا بالبشاميل
بس لو عايزني امخمخلك
هامخمخ
أأمر يا حمادو تجاب

حمادو
18-04-2007, 02:46 PM
يا سلالالالالالالالالالالالالالالام
انا كده مش عايز حاجة من الدنيا خلاص
حققت كل احلامي في الحياة


بجد والله ياحبك خيال لو انا كنت في مصر دلوقتي كنت جبت ليكي صينية بطاطا مخصوص اشكرك بيها...

روحي ياشيخة ربنا يفتح على ايديكي كل مشاريع البطاطا في مصر..

كفاية عليا طريقة البطاطا باللبن والمكسرات....هي دي بصراحة اللى كنت عايزها...
الله يخليكي والله مش لاقي كلام اعبر بيه عن اللى جوايا...
انا متأثر جدا جدا وحاسس انى مش ماشي على الارض (بالرغم من ان انا مربع رجلي دلوقتي وقاعد على الارض)

تسلم ايديكي وتسلم وصفاتك قادر ياكريم.
هاروح اعملها واصورها واوريكي النتيجة...
ربنا يخليكم ليا وتشوفني كده بتاع بطاطا اد الدنيا.

حبك خيال
18-04-2007, 02:51 PM
هاهاهاهاهاهاهاهاهاهاهاهاهاهاها
بالهنا والشفا يا سيدي
الف هنا يا رب
أأمر والله يا حمادو
احنا عنينا ليك اهم حاجه مايبقاش نفسك في حاجه ابدا

وفكر في مشروعنا البطاطوي المشترك
هاتزهزه وتروق وتحلى كده والبليه هاتلعب معانا بالمشروع دا
عربيه بطاطا
هاهاهاهاهاهاهاهاهاهاهاها

أم أحمد
18-04-2007, 04:10 PM
بالف هنا البطاطا يا حمادو
وكل الشكر لحبك خيال علي الطريقة
ايه يا خواتي الناس الجميلة دي
منورين والله يا جماعة
ابقي قولنا الاخبار يا حمادو

حمادو
18-04-2007, 06:12 PM
رحال اسكندراني
حبك خيال
ليلة عشق
ام احمد

اشكركم كلكم على الاهتمام والاجابة بالوصفات الممتازة اللى بجد افادتني كتير قوي في معركة البطاطا....بصراحة طعمها طلع ممتاز جدا جدا جدا بنفس طريقة رحال وحبك خيال, واضافة ليلة عشق(انى اقلب البطاطا المهروسة بالحليب والسكر والزبدة قبل ما احطها في الفرن)

بجد بجد انا مش عارف اقول لكم ايه....طعمها ممتاز جدا, والفضل يرجع ليكم كلكم... :m7:
روحوا الهي ربنا كده يفتح لكم كل اسواق البطاطا قادر ياكريم...وبالمناسبة كيلو البطاطا هنا ب30 جنيه !!!!!!
بس انا ليا سؤال...المفروض تكون متماسكة زي البسبوسة؟؟؟ لانها معايا مش كانت متماسكة, يمكن علشان انا حطيت حليب كتير شوية؟؟؟ بس طعمها ايه بأه ممتااااااااااااااااز


http://i166.photobucket.com/albums/u110/hamado_album/DSCN3795.jpg



ملحوظة: مشرفي القاعة ممكن يمسحوا الموضوع بدون الرجوع ليا لاني الحمد لله عرفت اللى كنت عايز اعرفه...وشكرا للجميع

حبك خيال
18-04-2007, 07:22 PM
حمااااادو
الف مبروك يا جميل
ما شاء الله شكلك بجد طباخ بريمو
الاكله شكلها يشهي
صحتين
و الف هنا
واي وصفه يا جميل
نحن في الخدمه
وعلى فكره هيا موش متماسكه عشان انت زودت الحليب


ام احمد
اشكرك على كلامك الجميل
ربنا يخليكي يا رب
دا نورك

emerald
18-04-2007, 07:51 PM
السلام عليكم ..


ممتااااااازة يا حمادو .. ماشاء الله عليك .. برافو برافو برافو ..

وشكرا يا ليلة عشق .. ورحال .. وحبك خيال .. وام احمد .. والله فيكم الخير يا جماعة ..

بارك الله فيكم..

على فكرة يا حمادو .. سلم على رحال كثير السلام .

saladino
18-04-2007, 11:59 PM
مشكورر اخي الكريم على المشاركة وبانتظار جديدك

الف هنا وشفا

boukybouky
19-04-2007, 03:08 AM
يا نهاري كل ده علشان صينية بطاطا http://smilies.sofrayt.com/fsc/speak%20no%20evil.gif
ديه ريحتها حتي وصلت الشرق الأقصي و بعتوا يسألوا http://smilies.sofrayt.com/sae/tourist7.gif

طيب يا حمادو انت بخيل اوي مش تبعت حتة مثلا مش هنقول صينية

علي العموم بالهنا و الشفا و تسلم إيدك حبك خيال علي الوصفات الجميلة :m17:

في رعاية الله ،،،

ليلة عشق
19-04-2007, 08:06 AM
الأخ الفاضل حمادو

برافو عليك بجد طلعت شاطر شكلها بيجنن ......
وكل فكرة هي لما تبرد هتلاقيها متماسكة .......
الف هنا وشفا ليك يارب ...
لك خالص تقديري واحترامي ......

تحياتي
ليلة عشق

حمادو
19-04-2007, 09:28 AM
حمااااادو
الف مبروك يا جميل
ما شاء الله شكلك بجد طباخ بريمو
الاكله شكلها يشهي
صحتين
و الف هنا
واي وصفه يا جميل
نحن في الخدمه
وعلى فكره هيا موش متماسكه عشان انت زودت الحليب


ام احمد
اشكرك على كلامك الجميل
ربنا يخليكي يا رب
دا نورك

الله يبارك فيكي يا حبك خيال, والله انا عايزك تشكري ماما اد كده :m17:
وعلى فكرة انا طباخ بريمو بجد والله بس مشكلتي انى مش باعرف اطبخ مصري خالص لاني اتعلمت الطبيخ هنا مش في مصر :m:
وان شاء الله لما انزل مصر ابقي اعمل لكل واحد فيكم واحدة :m6:

بجد والله يا حبك خيال انا اشكرك جدا جدا جدا والله اعلم مدى فرحتي لما عملت البطاطا واكلتها...الغربة بأه بتخلي اي حاجة من ريحة مصر لها طعم خاص وذكريات حلوة :m9:

واشكر معاكي ام احمد واقول لها يالا اتوكلي على الله وورينا البطاطا بتاعتك شكلها عامل ازاي

تقبلي تحياتي

حمادو
19-04-2007, 09:32 AM
السلام عليكم ..


ممتااااااازة يا حمادو .. ماشاء الله عليك .. برافو برافو برافو ..

وشكرا يا ليلة عشق .. ورحال .. وحبك خيال .. وام احمد .. والله فيكم الخير يا جماعة ..

بارك الله فيكم..

على فكرة يا حمادو .. سلم على رحال كثير السلام .

وعليكم السلام emerald

ايه رأيك في الشكل؟ حمرا وجميلة وطعمها كان جميل قوي قوي قوي ما اقدر اوصفه

وبخصوص رحال ان شاء الله اسلم ليكي عليه واتمنى انه يكون شايف ردك علشان يعرف ان غيبته الكام يوم اللى فاتوا اظهرت له حب اعضاء المنتدى له كأخ.

اشكرك على الرد وتقبلي تحياتي

حمادو
19-04-2007, 09:34 AM
مشكورر اخي الكريم على المشاركة وبانتظار جديدك

الف هنا وشفا

الله يهنيك يا صلادينو...وان شاء الله النهاردة هاعمل اختراع جديد باستخدام البطاطا....هاعمل كيكة بطاطا ان شاء الله وهافرجكم برضه عليها لو طلعت حلوة....ادعوا لي بأه يطلع طعمها حلو.

تقبل تحياتي

حمادو
19-04-2007, 09:37 AM
يا نهاري كل ده علشان صينية بطاطا http://smilies.sofrayt.com/fsc/speak%20no%20evil.gif
ديه ريحتها حتي وصلت الشرق الأقصي و بعتوا يسألوا http://smilies.sofrayt.com/sae/tourist7.gif

طيب يا حمادو انت بخيل اوي مش تبعت حتة مثلا مش هنقول صينية

علي العموم بالهنا و الشفا و تسلم إيدك حبك خيال علي الوصفات الجميلة :m17:

في رعاية الله ،،،


بوكي بوووووكيييييييييييييي

ايوه طبعا ريحتها لازم توصل للشرق الاقصي....يا ماما دي وصفة ابناء مصر لعمل البطاطا بالمكسرات, لازم طبعا تكون شهية وتوصل لكل الدنيا.

انتى اول مرة تعرفي ان انا بخيل؟؟ على فكرة انا من المنصووووووورة :m28: يعني احنا اللى علمنا المنايفة والدمايطة يبقوا بخلاء... ههههههههه

وبجد يا بوكي اشكرك على اللون الجميل اللى نصحتيني بيه...انا عملته بس منتظر اروح البيت اشيل اللزق واصوره وافرجك.

تقبلي تحياتي

حمادو
19-04-2007, 09:40 AM
الأخ الفاضل حمادو

برافو عليك بجد طلعت شاطر شكلها بيجنن ......
وكل فكرة هي لما تبرد هتلاقيها متماسكة .......
الف هنا وشفا ليك يارب ...
لك خالص تقديري واحترامي ......

تحياتي
ليلة عشق

الاخت العزيزة على قلبي ليلة عشق

الله يخليكي يارب... انا كنت بدأت اعمل البطاطا فعلا وفي اخر لحظة وصلتني رسالتك الخاصة بتقليب البطاطا في الزبدة الاول....ماتعرفيش وقتها كنت عامل ازاي من الانبساط

والحمد لله ان شكلها طلع حلو وهي فعلا تماسكت لما بردت بس تقريبا انا زودت الحليب زي ما حبك خيال قالت لانها مش متماسكة قوي.

تقبلي تحياتي اختى العزيزة

حبك خيال
19-04-2007, 10:28 AM
الله يبارك فيكي يا حبك خيال, والله انا عايزك تشكري ماما اد كده :m17:
وعلى فكرة انا طباخ بريمو بجد والله بس مشكلتي انى مش باعرف اطبخ مصري خالص لاني اتعلمت الطبيخ هنا مش في مصر :m:
وان شاء الله لما انزل مصر ابقي اعمل لكل واحد فيكم واحدة :m6:

بجد والله يا حبك خيال انا اشكرك جدا جدا جدا والله اعلم مدى فرحتي لما عملت البطاطا واكلتها...الغربة بأه بتخلي اي حاجة من ريحة مصر لها طعم خاص وذكريات حلوة :m9:

واشكر معاكي ام احمد واقول لها يالا اتوكلي على الله وورينا البطاطا بتاعتك شكلها عامل ازاي

تقبلي تحياتي


حمادو العزيز ....
لا شكر على واجب
وان شاء الله شكرك يوصل بأذن الله
انا اصلا جبت ماما فرجتها على الشكل النهائي وهيا كمان بتقول عليك شاطر ماشاء الله
واي وصفات تانيه ... بعون الله احنا في الخدمه


بوكي وايميرالد ...
ميرسي على كلامكم الجميل ...انا موش عملت حاجه والله
انا وصفت بس وحمادو ماشاء الله تفنن فيها
ان شاء الله تجربوها وتقولولنا بردو ايه رأيكو

تقبلو ارق تحياتي

osha
19-04-2007, 03:41 PM
ياصباح البطاطا
عارف ان زوجي العزيز بقاله كام يوم مشبعنا بطاطا من النوع الغامق اللي هي بيسموها قرطاس العسل
هو بيجيبها ويرصها في صينية وعلى الفرن عدل تتشوي يعني
بس طعمها يجنن والله اكتفينا بيها كعشاء مرتين

جرب الطريقة دي يمكن تعجبك

سموره
19-04-2007, 09:32 PM
حمادو انزل هات بطاطا تاني وتعالي اقولك علي كام طريقه تحفه

بص بقي يا سيدي انت تجيب البطاطا بطينها ولازم الطين ده احسن الوصفه تبوظ:d

تجيب البطاطا وتغسلها كويس وبعدين تقشرها بالمقشره تمام

وبعدين تقطعها طرنشات مدوره سميكه شويه سليم

قول سليم

وبعدين تحطها في صنيه وتحط عليها شويه مايه صغيره وسكروتحطها عل النار وهتستوي علي طول
وهي خلاص قربت تستوي تحط معلقه سمنه

بص بقي يا استاذ حمادو انت ممكن طبعا تاكلها كده وممكن تضيف اضفات اخري
1-ممكن نضيف عليها قشطه او لبن ومكسرات
2_وممكن نضيف ايس كريم
3_ وممكن نهرسها ونحط مكسرات ونحطها في بيركس وعليها بشاميل حلو وتبقي نفس فكره القرع العسلي

بس كده كفايه عشان الناس اللي بتعمل رجيم هتموتني ههههههههههه
وبالهنا والشفا يا حمادو

حمادو
19-04-2007, 11:20 PM
ياصباح البطاطا
عارف ان زوجي العزيز بقاله كام يوم مشبعنا بطاطا من النوع الغامق اللي هي بيسموها قرطاس العسل
هو بيجيبها ويرصها في صينية وعلى الفرن عدل تتشوي يعني
بس طعمها يجنن والله اكتفينا بيها كعشاء مرتين

جرب الطريقة دي يمكن تعجبك

والله يا اوشا دي اول مرة اشوف فيها اصلا بطاطا من يوم ما جيت هنا....جبت لي كام كيلو حلوين كده, بس مشكلتي ان البوتاجاز عندي مش نار وغاز...دا كله كهرباء وحاجات اخدت فيها دورة علشان اعرف اتعامل معاه..... :m: :m: يعني تقريبا مش هاينفع اشوي البطاطا الا في الصيف بأه ووقتها مش هالاقي البطاطا تاني :m: :m: دا غير انها كانت غالية قوي :m:
بس فكرة ممتازة بصراحة وربنا يسهل والاقي بطاطا في الصيف واشويها واقول ليكي النتيجة....
شكرا على الطريقة وبالهنا والشفا ليكم يارب

تقبلي تحياتي

حمادو
19-04-2007, 11:24 PM
حمادو انزل هات بطاطا تاني وتعالي اقولك علي كام طريقه تحفه

بص بقي يا سيدي انت تجيب البطاطا بطينها ولازم الطين ده احسن الوصفه تبوظ:d

تجيب البطاطا وتغسلها كويس وبعدين تقشرها بالمقشره تمام

وبعدين تقطعها طرنشات مدوره سميكه شويه سليم

قول سليم

وبعدين تحطها في صنيه وتحط عليها شويه مايه صغيره وسكروتحطها عل النار وهتستوي علي طول
وهي خلاص قربت تستوي تحط معلقه سمنه

بص بقي يا استاذ حمادو انت ممكن طبعا تاكلها كده وممكن تضيف اضفات اخري
1-ممكن نضيف عليها قشطه او لبن ومكسرات
2_وممكن نضيف ايس كريم
3_ وممكن نهرسها ونحط مكسرات ونحطها في بيركس وعليها بشاميل حلو وتبقي نفس فكره القرع العسلي

بس كده كفايه عشان الناس اللي بتعمل رجيم هتموتني ههههههههههه
وبالهنا والشفا يا حمادو

ياسلالالالالالالالالام على كلامك يا سموره
والله مش عارف اقول ليكي ايه على الوصفة دي

انا هاجربها ان شاء الله الاسبوع الجاي واقول ليكي على الطريقة
وعلى فكرة انا قلت سليم...ههههههههههههههه

تسلم ايديكي على الطريقة الممتازة دي وفعلا شكلها كده تقيلة قوي بس سيبك...احنا محتاجين تغذية في بلاد الغربة....هههههههههههه

اشكرك على الوصفة
تقبلي تحياتي

حمادو
24-04-2007, 06:36 PM
انا النهاردة عملت اختراع جديد باستخدام البطاطا بس طعمها جميل جدا جدا جدا بصراحة
واليكم الاختراع

3 بطاطا
5 بيض
100 جرام زبدة
150 جرام سكر (طبعا في مصر تقدروا تحطوا اكتر لاننا في مصر بنحب السكر قوي)
مكسرات
نصف ليمونة معصورة
200 جرام دقيق
بيكنباودر

طريقة العمل
تقطع البطاطا طرنشات صغيرة جدا, ويضاف عليها كل ما سبق ونحطهم في الخلاط مع بعض, وبعد كده نحطهم في الصينية ونحط على الوش مكسرات وندخل الصينية في الفرن...نص ساعة بعد كده نخرج الصينية وندهن الوش بعسل وندخلها تاني في الفرن لغاية ما شكلها يبقي احمر وتستوى...
وبالهنا والشفا.

المفروض شكلها يبقي كده بعد ما تطلع ان شاء الله


http://up.haridy.org/storage/Neuer%20Ordner.jpg


استخراع ...صح؟ يالا بالهنا والشفا لكم .. وقبل ماتعملوها اتصلوا بالطوارئ وانا مش مسئول عن اي حوادث تحصل...ههههههههههههه

ليلة عشق
24-04-2007, 06:45 PM
الأخ العزيز حمادو

بجد شكلها رائع وأكيد كمان الطعم جنان ......
ده انت طلعت أستاذ كبير قوي في المطبخ أهو ....
سلمت يداك وفكرة العسل دي جديدة جدا باذن الله بجربها ......
الف شكر وفي انتظار باقي اختراعاتك المطبخية القيمة ......
لك خالص التقدير والاحترام .....

تحياتي
ليلة عشق