المساعد الشخصي الرقمي

مشاهدة النسخة كاملة : أكلات سهله للاطفال.... يمكن ياكلوا هههههههه



سموره
26-02-2007, 06:16 PM
بسم الله الرحمن الرحيم

انا جايلكو النهارده وجايبلكوا وصفات لذيذه للاطفال :good:عشان يبقي تغيير وما يزهقوش من الاكل*67*
اولا افكار للفطار::smilie_keks:

1_ بيض باعيش التوست

نجيب 2بيضه ونضربهم كويس بالشوكه ونحط عليهم ملح وفلفل وشويه نعناع خفيف لو حبيتوا ونقطه لبن وبعيدين نجيب العيش التوست ونقلبه في الخليط السابق وبعدين نحمره في السمن علي الوجهين لحد ما يحمر وممكن كما نضيف جبن مبشور حسب الرغبه.

2_ بيض العيون

ده بقي سهل اوي نكسر البيض في الطاسه وبعدين نضع عليها غطاء عشان الصفار يستوي ولما يستوي ممكن برده نحط عليه جبن مبشور وطبعا متنسوش الملح والفلفل

3_البيض المسلوق والمحمر

نسلق البيض وبعدين نحمره شفته بقي السهوله مفيش اسهل من كده*145* وممكن يتاكل سليم او نهرسه ونحط معاه جبنه بيضا

4_ البطاطس المهروسه بالبيض
نسلق البطاطس بقشرها ولما تستوي نكون محضرين طاسه فيها سمنه ونحمر فيها بيض وبعدين نقوم ضايفين البطاطس المهروسه

ثانيا الغداء

1_الفراخ البانيه علي الطريقه السموريه ههههه:dنجيب الفراخ البانيه وطبعا نغسلها كويس ونتبلها بالبصل والملح والفلفل وبعدين فقطعها شرائح رفيعه بالطول ونحطها في البيض وبالقسماط ونضيف سمسم علي البقسماط ونحمرها في زيت غزير عشان تبقي مقرمشه وعشان تبقي زي الكرسبي ستريتبس ممكن نجيب الكورن فليكس ونكسره بأينا ونضيفه علي البقسماط . الوصفه دي كمان تنفع مع اللحمه

ولالكلات بقيه لحسن الولا د عايزيين يتعشوا*11* معدكوش افكار للعشا ههههههههههه:):)

نانيس
26-02-2007, 09:54 PM
تسلم ايدك يا سمورة
بإذن الله أجربهم مع اخواتي
يا رب ياكلوا.

redag
26-02-2007, 10:37 PM
ميرسى يا سموره

الدكتورة نسيبة
27-02-2007, 01:09 AM
تسلم ايدك يا سمورة

انا عندى فكرة للعشا شفتها مرة على التليفزيون وسهلة اوى

هنجيب عيش التوست ونحطه فى طاسة وقطاعة الكيك ونعمل زى فجوة فى النص وفى الفجوة دى نحط البيض ونسيبها شوية لحد ما البيض يستوى

يارب تكون وضحت الفكرة

تسلم ايديك

emerald
27-02-2007, 03:58 PM
السلام عليكم

وضفات سهلة يا سمورة .. تسلم ايدك والله ..

حلوة كمان فكرة الدكتورة نسيبة ..

بارك الله فيكم..

سموره
28-02-2007, 07:27 PM
تسلم ايدك يا سمورة
بإذن الله أجربهم مع اخواتي
يا رب ياكلوا.

مرسي يا نانيس ونورتي يا قمر
متنسيش تبقي تقولي رايك بعد ما اخواتك ياكلو*17*ا وبالهنا والشفا مقدما*8*

سموره
28-02-2007, 07:32 PM
ميرسى يا سموره

العفو يا redag نورتي يا جميله:m10:

سموره
28-02-2007, 08:00 PM
تسلم ايدك يا سمورة

انا عندى فكرة للعشا شفتها مرة على التليفزيون وسهلة اوى

هنجيب عيش التوست ونحطه فى طاسة وقطاعة الكيك ونعمل زى فجوة فى النص وفى الفجوة دى نحط البيض ونسيبها شوية لحد ما البيض يستوى

يارب تكون وضحت الفكرة

تسلم ايديك

الدكتوره نسبيه تسلم ايدك علي الوصفه دي يا جميله هجربها وقولك