المساعد الشخصي الرقمي

مشاهدة النسخة كاملة : الاهلى يهزم الاتحاد والباب العالى



يحيى زكريا
12-02-2007, 11:40 PM
فى مباراة عصيبه فاز النادى الاهلى على الاتحاد السكندرى 1/ صفر فى الوقت البدل الضائع من
الشوط الثانى وبهذا الهدف يكون الاهلى قد فاز ايضا على لجنة الحكام بقيادة افندينا جمال الغندور
الذى اصدر اوامره الى كل حاشيته والى رجال الانكشاريه بوأد اى ضربة جزاء تحسب للنادى الاهلى
فى مهدها واحباط اى تقدم او فوز للاهلى ومحاوله منعه من الحصول على اى نقاط جديده انتقاما
من المدرب الناجح مانويل جوزيه الذى صدرت اوامر افندينا ضده بالايقاف 4 مباريات وكان جوزيه قد
تجرأ واعلن التمرد والعصيان على بعض الفرمانات الغندوريه مما اثار الباب العالى الذى اعلن ان الذات
الغندوريه لايمكن المساس بها او التلميح او الاشاره اليها من قريب او بعيد الا بكل ماهو عظيم وكريم
وليس بما هو قبيح ولئيم ولان المدعو جوزيه والمغضوب عليه حاليا من الباب العالى وجناب افندينا
كان قد المح الى بعض الاعمال المشبوهه للجنة الحكام الذين هم فوق القانون وفوق الحساب وتحت
الاملاء والعربى والنحو وذلك باستقدام حكام احنت ظهورهم السنون وتخطتهم رسل المنون من بعض
الدول المجاوره التى هى بالمصالح عامره وللصبح فى خدمة الاعمال ساهره نقول ان الذات الغندوريه
قد اصدرت فرماناتها لكل الانكشاريه انتقموا من الاهلى ومن الاهلاويه واجهضوا كل محاولات الاهلى
للنهوض بسمعة الكره المصريه ولتكن ضرباتكم عنيفه وقويه حتى تسكتوا وتخرسوا السنة كل من
تسول له نفسه ان يفضح التربيطات والعمليات التى تتم فى القعدات والسهرات...
ولكن الله كان لرجال الانكشاريه بالمرصاد وفضحهم امام العباد وانا متاكد من الحكم عصام عبدالفتاح
سيلقى من التقريع والتوبيخ ما يجعله يتمنى ان يترك التحكيم ويبيع بطيخ فهو رغم عدم احتسابه
لضربتين جزاء فى 5 دقايق للاهلى الا انه لم يستطيع عدم احتساب هدف المُتعب متعب الذى كان
بمثابة الصفعه القويه على قفا افندينا ورجال الانكشاريه ...ضربتين جزاء واضحتين وضوح الشمس
عمنا عصام عبدالفتاح عمل نفسه مش واخد باله الاولى لمحمد شوقى المضروب بقوه فى كعبه
داخل منطقة الجزاء والثانيه عندما لعب مدافع الاتحاد الكره بيده جوه المنطقه لكن عصام عبدالفتاح
عمل عين من طين وعين من عجين وطبعا الطين والعجين مش بشوفوا تحت الاضواء الكاشفه اللى
بقت لكل حاجه كاشفه ..ولا يسعنا فى النهايه الا ان نهدى الى لجنه الحكام مقولة المتنبى
الشهيره يا امة ضحكت فأضحكت من جهلها الامم ولكن بعد التعديل حتى تناسب اللجنه الموقره
اللى للكوره مأخره
يا لجنة فسدت فافسدت بفسادها الحكام

moooooode
13-02-2007, 08:52 AM
تسلم يامان على المجهود الرائع دة

وفى الاخر هقول

الاهلى عمهم وحابس دمهم

لو لم اكن اهلاويا لوددت ان اكون اهلاويا

وطبيعى جدا ان الانسان لازم يكون اهلاويا

أحمد ناصر
13-02-2007, 01:21 PM
أخى الحبيب يحيى زكريا
مع كونى أهلاوى صميم زيك ويمكن أكتر
ومع كل إحترامى لك
أختلف معك
فعصام عبدالفتاح حكم ممتاز ومثل مصر فى كأس العالم
ولا أعتقد بأنه يمكن أن يضحى بتاريخه من أجل أية تعليمات
ولا أعتقد أيضا أن الغندور يمكن أن يصدر تلك التعليمات
عموما 1000 مبروك لنا الفوز الجميل الذى ذكرنى بالفوز على الصفاقس
وربما تكون هذه المباراة درس لجميع الفرق المصرية أن الدفاع والتكتل هو حجة البليد
فالإتحاد ككان رائع فى الشوط الأول وكاد أن يحرز فى الأهلى أهداف
وعندما لجأ للدفاع المتكتل أمام ال 18 فك عماد متعب الشفرة فى الدقائق الأخيرة
1000 مبروك
:f:

يحيى زكريا
13-02-2007, 03:38 PM
تسلم يامان على المجهود الرائع دة

وفى الاخر هقول

الاهلى عمهم وحابس دمهم

لو لم اكن اهلاويا لوددت ان اكون اهلاويا

وطبيعى جدا ان الانسان لازم يكون اهلاويا



أهلا وسهلا moooooodE

طبعا يا أخى فالمثل يقول ( أهلك لا تهلك)

ويارب أهلى وحبايبى....
اشكرك استاذى واشكر مرورك الرائع...

يحيى زكريا
13-02-2007, 03:45 PM
أخى الحبيب يحيى زكريا
مع كونى أهلاوى صميم زيك ويمكن أكتر
ومع كل إحترامى لك
أختلف معك
فعصام عبدالفتاح حكم ممتاز ومثل مصر فى كأس العالم
ولا أعتقد بأنه يمكن أن يضحى بتاريخه من أجل أية تعليمات
ولا أعتقد أيضا أن الغندور يمكن أن يصدر تلك التعليمات
عموما 1000 مبروك لنا الفوز الجميل الذى ذكرنى بالفوز على الصفاقس
وربما تكون هذه المباراة درس لجميع الفرق المصرية أن الدفاع والتكتل هو حجة البليد
فالإتحاد ككان رائع فى الشوط الأول وكاد أن يحرز فى الأهلى أهداف
وعندما لجأ للدفاع المتكتل أمام ال 18 فك عماد متعب الشفرة فى الدقائق الأخيرة
1000 مبروك
:f:


أخى الغالى أحمد...

إذن بماذا تفسر التغاضى عن ضربتين جزاء فى أقل من 5 دقايق لايمكن لاى حكم يعرف الف باء التحكيم

الا ان يحتسب احداها إن لم يكن الاثنين معا ....صدقنى هى حرب بين لجنة الحكام والاهلى لان جوزيه لسانه

طويل ولا يعجبه الاحوال المايله واسال اى انسان فى مصر الان ما هى عيوب الكره المصريه فورا سيقول

لك التحكيم عموما الف مبروك لحضرتك ولكل الاهلاويه الفوز الغالى رغم انف الباب العالى...

عصام كابو
13-02-2007, 11:50 PM
سيظل الاهلى هو البطل رغم انف الحاقدين

مهما حاولوا مش هايقدروا يهزوا الاهلى باذن الله

شكرا اخى يحيى على الموضوع

kethara
15-02-2007, 07:55 AM
أخى وأستاذى يحيى

مبروك للأهلى

القلعة الحمراء شامخة أبية
وهيئتها الادارية والفنية قوية
ولا ينفع يهزها حكام ولا ركلة جزاء
باينة او مستخبية
عشان متعب هوه اللى بيهز الشبكة
الهزة اللى هية
حتى لو فى اخر دقيقة هما دول الأهلاوية
إيباء ومهارة ولاعبين اخر شطارة
حتى لو ريحوا مرة شباك الفرق المهرية
تعبوا وقالوا جاى الأهلى خلص على الهمة البقية
وحسم الدورى من زمان لكنه كاصخرة العتية

لازال قلمى يخربش باوراقك سامحنى اصلى أهلاوية

مع تحيتى

يحيى زكريا
18-02-2007, 09:36 PM
سيظل الاهلى هو البطل رغم انف الحاقدين

مهما حاولوا مش هايقدروا يهزوا الاهلى باذن الله

شكرا اخى يحيى على الموضوع



استاذى عصام..النادى الاهلى كان ومازال وسيبقى باذن الله حامل لواء الدفاع عن شرف الكره المصريه

فهو اكبر قلعه للرياضه فى الشرق الاوسط والقلعه لا تتأثر بالقاء بعض الحصوات الصغيره عليها

وسيبقى النادى الاهلى هو الواجهه المشرفه لكل الرياضه فى مصر..

اشكرك اخى عصام واشكر تواجدك الجميل...

يحيى زكريا
18-02-2007, 09:46 PM
أخى وأستاذى يحيى

مبروك للأهلى

القلعة الحمراء شامخة أبية
وهيئتها الادارية والفنية قوية
ولا ينفع يهزها حكام ولا ركلة جزاء
باينة او مستخبية
عشان متعب هوه اللى بيهز الشبكة
الهزة اللى هية
حتى لو فى اخر دقيقة هما دول الأهلاوية
إيباء ومهارة ولاعبين اخر شطارة
حتى لو ريحوا مرة شباك الفرق المهرية
تعبوا وقالوا جاى الأهلى خلص على الهمة البقية
وحسم الدورى من زمان لكنه كاصخرة العتية

لازال قلمى يخربش باوراقك سامحنى اصلى أهلاوية

مع تحيتى



قيثاره النواره...

أخيرا الحمدلله اتفقنا فى موضوع ياه ....

أهو كده النونات الاهلاويه ولا بلاش وريهم السجع والبطوله والجدعنه النونيه الاهلاويه...

كده بقى اقدر اقول تحيا النونات الاهلاويه هنا بس طبعا انما فى الموضوع التانى ابدا...

سى السيد كان بيتفرج على ماتش الاهلى وراجع تانى بارم شنباته...

اشكرك قيثاره واشكر تواجدك الجميل...


Photo Gallery