المساعد الشخصي الرقمي

مشاهدة النسخة كاملة : اجمل صور قمت بتصويرها



الصفحات : 1 2 [3] 4

أحلى كلمة
10-05-2007, 07:48 PM
تسلم ايدك يا فنان

جميلة قوى الصور روووووعة

عجبتنى قوى صورة الغابات السوداء والشلال

فى انتظار المزيد و المزيد

حمادو
11-05-2007, 03:20 PM
الاخ الكريم حمادو
ماشاء الله ولا قوة الا بالله
صور غاية في الجمال كلها والصور في غاية النقاء
بجد فنان
وفي انتظار الكثير من ابداعاتك
دمت مع مزيد من التميّز والتقدّم
والف شكر على المجهود
تحيتي مع التقدير
الاخت الفاضلة نور...

اشكرك على المشاركة الاكثر من رائعة...
دمتي لنا اخت عزيزة موجودة في جميع المناسبات...

اشكرك على المداخلة الرائعة الدافئة كعادتك دائما...
تقبلي تحياتي سيدي الفاضلة.


http://up.haridy.org/storage/DSCN4200.jpg
منظر لاحد شوارع مدينتي الساعة 10 مساءا....هااااااااااااااادية وفاااااااضية ومختلفة تماما عن المدن الكبيرة

حمادو
12-05-2007, 07:19 PM
السلام عليكم ورحمة الله وبركاته
تسلم ايدك حمادو
الصورة الاخيرة دى تجنن بجد فيها عمق فظيع
وعجبتنى اوى من اول ما شوفتها فى موضوع الديسك توب
شكرا لك وفى انتظار المزيد

وعليكم السلام ورحمة الله وبركاته ندي الايام...
فعلا الصورة بتاعة الفتحة في القلعة انا بحبها جدا لنفس السبب اللى انتى قلتي عليه...

اشكرك على الدخول والمشاركة واتمنى ان الصور تعجب الجميع...
صدقيني والله لولا تشجيع الناس كنت عمري ما فكرت انى اهتم بالهواية دي.

تقبلي تحياتي


http://up.haridy.org/storage/Bad%20Saeckingen.jpg
صورة للمدينة اللى انا عايش فيها برضه بس المرة دي من على الكوبري....الجنب الشمال المانيا واليمين سويسرا

حمادو
14-05-2007, 01:40 PM
تسلم ايدك يا فنان

جميلة قوى الصور روووووعة

عجبتنى قوى صورة الغابات السوداء والشلال

فى انتظار المزيد و المزيد
اشكرك احلى كلمة على المداخلة الرقيقة...
الغابات السوداء دي انا باعتبرها حياتي...
لما باروح مدينة كبيرة بابقي مش قادر استحمل الضغط والزحمة اللى فيها, واول ما اروح البيت لازم اطلع الغابة اقعد فيها شوية...
بيكون ليها ريحة مختلفة, ريحة خشب جميلة جدا بخلاف انك بتسمعي اصوات الطيور من كل نوع, وبيحصل كتير قوي انى الاقي بجع يقف جنبي او غزال يجي يقعد جنبي....
احساس مختلف تماما عن اي مكان تاني في العالم, بيخليني يوم ورا يوم اشعر بانتمائي للمكان دا اكتر من اي مكان تاني...

اشكرك مرة تانية على المداخلة الجميلة
واتمنى ان عيون كل الاعضاء في المنتدى وفي اي مكان ماتشوفش الا كل جميل.
تقبلي تحياتي


http://up.haridy.org/storage/Stitched_002.jpg

حمادو
22-05-2007, 01:09 PM
http://up.haridy.org/storage/DSCN42000.jpg

امبارح الجو بصراحة كان حر قوي...وانا في الحر بحب اقعد في المكان دا اتشمس شوية وانزل المياه شوية
اسمها "لحظات مع الشمس"
طبعا اللى قال لي اسم الصورة عارف نفسه كويس
:m17:

مي مؤمن
22-05-2007, 05:06 PM
بجد تحفه ما شاء الله حلوة قوييييييييييييييييييييييييييييييييييييييييييييييي يا حمادو اد ايه المنظر دة في سحر وجمال و رومانسيه ما شاء الله حلوة خالص انت فنان فظيع ما شاء الله عليك وانت عارف ردودي دلوقتي بقت من قلبي خالص ههههههههههههههههههههه تحياتي لك بجد ولزوقك الرفيع والراقي

حمادو
02-06-2007, 01:03 PM
بجد تحفه ما شاء الله حلوة قوييييييييييييييييييييييييييييييييييييييييييييييي يا حمادو اد ايه المنظر دة في سحر وجمال و رومانسيه ما شاء الله حلوة خالص انت فنان فظيع ما شاء الله عليك وانت عارف ردودي دلوقتي بقت من قلبي خالص ههههههههههههههههههههه تحياتي لك بجد ولزوقك الرفيع والراقي

الله يخليكي يا مي والله على كلماتك الجميلة ويخلي لنا العصابة قادر يا كريم
بس موضوع قلبك دا بأه اشك فيه لانى من ساعة ما نزلت الصورة دي لغاية النهاردة والجو مطر وسيول وعواصف مالهاش نهاية...
:m: :m: :m:

والحمد لله ان الصورة عجبتك..
تقبلي تحياتي اختى العزيزة وامرك لله

http://up.haridy.org/storage/DSCN2542d.jpg
اكيد صورة على البحر يعني
اصل الجو دلوقتي مطر وبرد قلت احط حاجة فيها شمس

مي مؤمن
02-06-2007, 03:40 PM
الله يخليكي يا مي والله على كلماتك الجميلة ويخلي لنا العصابة قادر يا كريم
بس موضوع قلبك دا بأه اشك فيه لانى من ساعة ما نزلت الصورة دي لغاية النهاردة والجو مطر وسيول وعواصف مالهاش نهاية...
:m: :m: :m:

والحمد لله ان الصورة عجبتك..
تقبلي تحياتي اختى العزيزة وامرك لله

http://up.haridy.org/storage/DSCN2542d.jpg
اكيد صورة على البحر يعني
اصل الجو دلوقتي مطر وبرد قلت احط حاجة فيها شمس



ربنا يخليك يا حمادو والعصابه عنيها ليك والله .
انت عارف المطر دة خييييييييييييييييييييييييييييييييير خيرررررررررررررررررررررر
يلا مضطره اتقبل تحياتك اعمل ايه بقى هههههههههههههههههههههههههه
مرسي يا حمادو الصورة الجديدة دي تجنن لو اعرف اني لم اعبر من قلبي هيطلع صور زي دي كنت بعتهولك من زمان بجد تحفه ما شاء الله
تحياتي لك

حمادو
22-06-2007, 06:03 AM
العصابة عنيها ليا برضه يا مي؟
:m27:

ماشي هانضطر اصدقك
:m:


وmerci جدا على متابعتك للموضوع...حقيقي حقيقي مش لاقي كلام اعبر بيه عن فرحتي بوجودك
:m17:


بارك الله فيكي
واحترسى على نفسك
:m19:



http://up.haridy.org/storage/DSCN4740.jpg
الصورة دي كده انا ما عملتش اي تعديل عليها بعد ما صورتها...البحر كان لونه كده فعلا.
الصورة دي من جزيرة كانت في يوم من الايام تدين بالاسلام
وكانت...
كانت....
في يوم من الايام جزيرة عربية

نانيس
22-06-2007, 12:06 PM
السلام عليكم
الموضوع رائع جدا والصور كلها جميلة ، خصوصا آخر صورتين
تحياتي لكم أخي الفاضل

tota_9
29-06-2007, 04:40 PM
ايه ده ؟؟ايه الحلاوة دى؟؟ياااااااااااااااااااااااااااه :m28:
انا وانا بتفرج على الموضوع بقيت عاملة زي المجنونة كل شوية انزل بالماوس الاقي صورة احلى من اللى قبلها واقول اللله افتكروني اتجننت في البيت وبكلم نفسي*5*:d

مش ممكن بجد الصور كلها تحفة وفظيييييييييعة انت فنان بجد تسلم ايدك النقاء بتاعها جامد جدا
انا برضه بحب التصوير اوى بس طبعا الطبيعة في البلاد الاوروبية بتختلف
علشان كده يا ريت تعزمني عندك يومين اصور كام صورة واستمتع بالطبيعة الجميلة دى
*78*

ودي صورة من تصويري كده على الماشي بس معلش مش واضحة اوى من كاميرا الموبايل 16815

وهبقى اجيب صور تاني وشكرا على الصور الحلوة دى انت ورحال

حمادو
30-06-2007, 07:16 PM
السلام عليكم
الموضوع رائع جدا والصور كلها جميلة ، خصوصا آخر صورتين
تحياتي لكم أخي الفاضل

وعليكم السلام
اشكرك يا نانيس على الرد والتشجيع


http://up.haridy.org/storage/Mallorca%20%2833%29.jpg

حمادو
30-06-2007, 08:12 PM
ايه ده ؟؟ايه الحلاوة دى؟؟ياااااااااااااااااااااااااااه :m28:
انا وانا بتفرج على الموضوع بقيت عاملة زي المجنونة كل شوية انزل بالماوس الاقي صورة احلى من اللى قبلها واقول اللله افتكروني اتجننت في البيت وبكلم نفسي*5*:d

مش ممكن بجد الصور كلها تحفة وفظيييييييييعة انت فنان بجد تسلم ايدك النقاء بتاعها جامد جدا
انا برضه بحب التصوير اوى بس طبعا الطبيعة في البلاد الاوروبية بتختلف
علشان كده يا ريت تعزمني عندك يومين اصور كام صورة واستمتع بالطبيعة الجميلة دى
*78*

ودي صورة من تصويري كده على الماشي بس معلش مش واضحة اوى من كاميرا الموبايل 16815

وهبقى اجيب صور تاني وشكرا على الصور الحلوة دى انت ورحال

اهلا اهلا اهلا tota
لا جنان ايه يا ستى احنا مش اد الجنان
ههههههههههههههههههه
الله يخليكي يا رب على الكلام الحلو والتشجيع الجميل دا...
وزي ما انتى قلتي ان طبيعة المكان بتفرق في التصوير, ولو ان انا اعرف ناس مصورين محترفين بيعملوا صور حلوة جداااااااااااا لما بيكونوا في مصر...
ودي صورة عملها شخص سويسري اعرفه لما نزل مصر من كام شهر...
على فكرة الصورة دي حاططها على الديسك توب عندي
باحس ان السيدة دي بتحكي تاريخ مصر كله.


http://up.haridy.org/storage/7889788.jpg


صورتك جميلة جدا ماشاء الله وعلى فكرة الصورة واضحة وصافية قوي تسلم ايديكي
ومستني منك صور علطول ان شاء الله وتحطيها في مواضيع خاصة وتمتعينا بتصويرك الجميل

شعاع من نور
03-07-2007, 01:11 PM
حمادو...صورة الجزيرة اللي متاخده من فوق...خ ر ا ف ي ه...

في حياتي مشفتش منظر طبيعي بالسحر ده...زرقان المية ساحر بشكل مش طبيعي..

بعد إذنك أنا أخدت الصورة...بجد انت مبدع....

تحياتي...

حمادو
10-07-2007, 05:27 PM
حمادو...صورة الجزيرة اللي متاخده من فوق...خ ر ا ف ي ه...

في حياتي مشفتش منظر طبيعي بالسحر ده...زرقان المية ساحر بشكل مش طبيعي..

بعد إذنك أنا أخدت الصورة...بجد انت مبدع....

تحياتي...

اشكرك يا شعاع على الرد الجميل دا...وعلى فكرة انا عملت شوية تعديل على الوان الصورة لانها مش كانت تمام.
تعرفى؟ المنظر دا علشان تشوفيه بتطلعى بعربية على طريق جبلى منحدر وخطر جدا...سيبك بأه من الطرق اللى في ليبيا او السعودية, دا طريق صعب جدا بتطلعيه, ومرة واحدة تلاقى الجمال والالوان دي...ومهما كانت الصورة فهي لا تمثل اي شئ بالنسبة للحقيقة.

مرة تانية ا ش ك ر ك على الرد الجميل


http://up.haridy.org/storage/DSCN4608.jpg
ما تبقى من حضارة الاندلس في الجزيرة..
ذكريات..
مجرد ذكريات

قمرالمنصورة
25-07-2007, 04:29 PM
دي يا جماعة مجموعة من احلي الصور التى قمت بتصويرها

http://photos.hi5.com/0001/326/191/NPVQ4X326191-02.jpg
دا منظر لاقدم كوبري في اوربا...الكوبري دا خشبي بيربط بين المانيا وسويسرا

http://photos.hi5.com/0001/366/755/MWAEH1366755-02.jpg
دي وردتين من البلكونة عندي. المحزن في النوع دا من الزهور انه بيعيش يوم واحد بس وبعد كده بيموت.

http://photos.hi5.com/0001/227/857/XW0FHY227857-02.jpg
الباشمهندس دا عذبني علشان اعرف اصوره...نمت له على الطريق علشان اخد له اللقطة دي....قال ايه ومش عجباه

http://photos.hi5.com/0001/771/819/G8BM84771819-02.jpg
دا منظر لبتاع مش عارف اسمه ايه على نهر الراين في جنوووووووووووووووووووووووب المانيا

http://photos.hi5.com/0001/545/164/52Z6QQ545164-02.jpg
دي صورة لزلط نقدر نصورها في اي مكان في العالم...صورت الصورة دي في بحيرة اسمها لاجوماتشوري في جنوب سويسرا على الحدود مع ايطاليا

http://photos.hi5.com/0001/680/175/VFX3K4680175-02.jpg
فاكرين اقدم كوبري في اوربا؟؟؟ اول صورة...دا منظر للكوبري من جوا. شكله بصراحة ممتع جدا جدا جدا.

http://photos.hi5.com/0000/296/176/NNHO08296176-02.jpg
دا بأه اكتر مكان لما باروحه باحس براحة نفسية. المكان دا في جنوب المانيا في منطقة اسمها بالعربي الغابات السودا.

http://photos.hi5.com/0000/317/162/S0KTKO317162-02.jpg
دي برضه صخور ممكن نصورها في اي مكان في العالم. الصورة دي اخدتها في دبي

http://photos.hi5.com/0001/349/245/4PRF5M349245-02.jpg
دي الغابة السودا برضه في جنوب المانيا

http://photos.hi5.com/0001/273/754/K622M6273754-02.jpg
عشقي الاول والاخير. بالرغم من ان انا مش اسكندراني الا ان اجمل ايام حياتي كانت في الاسكندرية. دا من امام فندق رمادا بالاسكندرية عند جامع سيدي بشر بالظبط

http://sedty.com/up_ar/files/jnzz3xddqndkozbzitkd.gif

حمادو
30-07-2007, 08:49 PM
السلام عليكم قمر المنصورة...
تعرفى ان انا من المنصورة انا كمان؟ بس اكيد مش قمر طبعا
هههههههههههههههههههههههه

اشكرك على الدخول والرد
والحمد لله ان الصور عجبتك
تحياتى


http://up.haridy.org/storage/DSCN5017.jpg

مي مؤمن
30-07-2007, 10:45 PM
الله عليك يا حمادو صورة الشلال ما شاء الله حلو خاااااااااااااااااااااااااااااااااالص
طول عمري نفسي اقعد في غابات وشلالت كدة بجد الصورة تحفه تسلم ايدك
تحياتي لك

حمادو
11-08-2007, 11:14 PM
الله عليك يا حمادو صورة الشلال ما شاء الله حلو خاااااااااااااااااااااااااااااااااالص
طول عمري نفسي اقعد في غابات وشلالت كدة بجد الصورة تحفه تسلم ايدك
تحياتي لك
يا اهلا يا اهلا يا مي
والله انتى دايما رافعة من روحى المعدنية...
مش عارف بصراحة من غيرك كنت عملت ايه...
الشلال جميل قوى فعلا, والطبيعة كلها ماشاء الله مختلفة خالص عن مصر...
ان شاء الله تشوفى بعنيكي كل جميل
تحياتي اختى العزيزة...


http://up.haridy.org/storage/DSCN287.jpg
مدينتى في شتاء 2005 ...درجة الحرارة كانت بتوصل لغاية سالب 35 لمدة اكتر من اسبوعين او تلاتة متواصل...
كنت عقبال ما اشيل التلج من على ازاز العربية كان شعر راسى بيتجمد ولما كنت باحط ايدي عليه بالاقيه اتكسر واتهرى في ايدي
ههههههههههههههههههههههههههه

أحلى كلمة
12-08-2007, 02:15 PM
جميل قوى منظر المدينة وهو التلج مغطى كل حاجه فيها

ما شاء الله تحفة فنية رائعة

بس صعب قوى الانسان يتحمل درجة الحرارة المنخفضة دى ثلاث اسابيع متواصلة

يا ترى كنتوا بتعملوا ايه ؟؟؟

بتروحوا الشغل وبتمارسوا حياتكم عادى

ولا الفترة دى بتكون طوارىء وبتاخدوا اجازه وتقعدوا فى البيت

ياريت تحكيلنا

فى رعاية الله

حمادو
20-08-2007, 02:19 PM
جميل قوى منظر المدينة وهو التلج مغطى كل حاجه فيها

ما شاء الله تحفة فنية رائعة

بس صعب قوى الانسان يتحمل درجة الحرارة المنخفضة دى ثلاث اسابيع متواصلة

يا ترى كنتوا بتعملوا ايه ؟؟؟

بتروحوا الشغل وبتمارسوا حياتكم عادى

ولا الفترة دى بتكون طوارىء وبتاخدوا اجازه وتقعدوا فى البيت

ياريت تحكيلنا

فى رعاية الله
:girl12:
يا اهلا بيكي احلى كلمة...
الطبيعي هنا في الشتا ان درجة الحرارة تكون بين سالب 15 لغاية سالب 35 لان انا عايش على ارتفاع حوالى 800 متر فوق سطح البحر, وبيكون الجو عندنا ابرد شوية من بعض المناطق التانية...
بس فيه تكييفات في كل مكان طبعا, كل غرفة لازم يكون فيها تكييف حتى المطبخ والحمام, والعربيات لازم التكييف فيها يتعمل عليه فحص علطول...
بخلاف العجل بتاع العربية لازم يتغير في الشتا, وفي حالات التلج الشديد بيتحط جنزير على كاوتشات العربية...
تقدرى تقولى كده كل شئ معمول حسابه ومافيش اي احساس بالبرد الجسدى, بالعكس بنلبس قميص نص كم وعليه جاكت لان الاماكن كلها مكيفة, وخروجنا في البرد دا لا يتعدى المسافة بين باب البيت وباب العربية...
الشعور الصعب بأه بيجي لما تلاقى الدنيا كلها رمادى, مافيش حياة برا البيوت وبرا المحلات, مافيش حد بيتمشى ولا فيه اى لون غير اللون الابيض والرمادى...
تخيلي بأه ان الاحوال كده من شهر نوفمبر لغاية شهر مارس او ابريل من كل سنة...:girl9:

احلى كلمة نورتى الموضوع بالرد الجميل دا...
تحياتى


http://up.haridy.org/storage/DSCN5247%20copy.jpg


قلعة الملك العالى في فرنسا على ارتفاع حوالى 755 متر عن سطح البحر...
عمرها حوالى 1000 عام وكانت من اهم مقرات القيادة اثناء الحروب الصليبية, والى اليوم لسه فيها بعض المسروقات من القدس
على فكرة الابيض دا مش ضباب ولا دخان, وانما دى سحب :girl18:

زهــــراء
20-08-2007, 03:35 PM
الله الله يافنان ..
حقيقي الصور فظيعة ماشاء الله الصورة المتلجة دي روعة الثلج وصل عندي ياعم ربنا يطلعلكم شمس هههههههههههههههههه
واخر صورة للقلعة حقيقي رائعة والسحابة فوق مغطياها جميلة قوي تسلم الايادي يافندم
خالص تحياتي

Emad.
22-08-2007, 06:05 AM
السلام عليكم
تسلم ايدك ياحمادو والله صور اكثر من رائع جميله جميله واضح جدا انك فنان في التقاط الصوره
ان شاء الله بس اعرف احل المشكله في جهاز بتاعي او امري لله اشتري واحد جديد وانزل الصور اللي عندي
ويارب تكون ربع جمال صورك
بس فيه طلب ياريت حد من الاداره الله يكرمه
صور الاخ ارتحال بتاعت خسوف الشمس كبيره وبتضيع جمال المشاهده ياريت حد يصغرها علشان نتمع كويس بالصوره الجميله
والف شكر علي المجهود الرائع ربنا يوفقك ياحمادووالتلج للرجاله ههههههههه
ولو التلج عندك قليل ممكن ارسلك جبل بحاله عيب دحنا اخوات

om elbanat
26-08-2007, 11:06 PM
اهلا بك احمد
http://www.althkra.net/pic/ep/Z4.gif
http://www.alasad.net/card/images/small/1.gif
http://www.althkra.net/pic/ep/ebe.gif
والى لقاء

زهره
27-08-2007, 02:45 AM
منظر الكوبري ده تحفه بجد جداااااااااااااااا
بس انا اخاف امشي عليه من خشب !
والغابات دي جميله اوي
سبحان الخالق
صور جميله جدااااااااااااااااا ومتصور بدقه
تسلم ايدك
ومعلومات بجد مفيده وجديده
اشكرك

سـيف الديـن
27-08-2007, 07:28 AM
جميلة جدا جدا الصور يا حمادو وأجمل مافيها إنها من تصويرك :f:

إسمحلي أشارك معاك بصور من تصوير واحد لسة معرفوش :d

http://images.panet.co.il/articles/10092006-182900-2.jpg

http://www.moveed.com/data/media/127/shojoon5733.jpg

http://www.farfesh.com/article-images/b0472113057.jpg

عـزالديـن
27-08-2007, 10:50 AM
ما شاء الله عليك يا حمادو :f:
أنا دخلت الموضوع ومعرفتش أخرج منه تاني :d
مشعارف ليه أنا إتأخرت الوقت ده كله فى الدخول هنا ، يمكن الموضوع نزل في فترة كنت مشغول فيها .
أحييك علي موهبتك الجميلة فى التصوير وعلى إحساسك الجميل بالجمال وذوقك المتميز في إختيار الأماكن وزوايا التصوير .
التصوير موهبة و فن وذوق في الإختيار وأراها جميعاً فيما عرضته علينا من مجهود شخصي .
:f2:


التحية موصولة لرحال إسكندراني :f: على مشاركته الإيجابية بالموضوع ونشره لصور كسوف الشمس وواحة سيوة
مجهود جميل يستحق الشكر والتقدير

:f2:


إسمح لي بالتعليق على بعض الصور والمشاركات



http://i166.photobucket.com/albums/u110/hamado_album/DSCN3357.jpg
الصورة دي مافيهاش اي ميزة خالص ولا حلوة ولا جميلة ولا اي حاجة...الميزة الوحيدة اللى فيها انه في اخر الصورة هنااااااااااااااااك فيه مجموعة جبال..دي جبال الالب بيني وبينها حوالى 500 كيلو متر ومع ذلك شايفها... عرفتوا الميزة بأه؟؟؟ نقاء الجو اللامتناهي لدرجة انى اشوف حاجة على بعد 500 متير...يعني زي ما يكون واحد في اسيوط واقف فوق السطح بيتفرج على اهرامات الجيزة :clown: :clown:
بالنسبة للمسافة المقدرة فى الصورة هل هي 500 كيلومتر أم هي 50 كيلومتر مع العلم أن أقصى عرض للأراضي الألمانية لايزيد عن 625 كيلومتر (من الحدود البولندية الألمانية فى الشرق إلى الحدود البلجيكية الألمانية فى الغرب) كما أن أقصى طول لايزيد عن 800 كيلو متر (من الحدود الدنماركية الألمانية فى الشمال إلى الحدود الألمانية السويسرية فى الجنوب) وبما أنك تقيم بجنوب ألمانيا قرب الحدود السويسرية حيث تمر سلسلة جبال الألب فالمسافة على الأغلب 50 كيلو متر أو أقل .



السلام عليكم الزميلة الجديدة الانسة ايمان.
اشكرك على تذكيري بمصر ولكني لا استطيع العودة اليها...لانني لم اكن انتمي لها في يوم من الايام...تقولين جذور واهل..احمد الله على عدم وجود اهل ولا جذور بها..مجرد ذكريات بعضها جميل والكثير منها حزين.
لذا قررت ان احبها وانا بعيد عنها عن اني اكرهها وانا بداخلها.

على العموم اشكرك على النصيحة من القلب..ومن يدري! لربما اعود لمصر لازرع جذور وابحث عن اهل
مجرد مشاركة لك صادفتني أثناء تصفحي للموضوع ولكناها حقاً مُحيِّرة *14* ولذا فقد أتيت بها إلى هنا فربما تحتاج إضافة أو إعادة تعليق مع إحترامي الكامل لإرادتك ومشاعرك :f:




http://up.haridy.org/storage/DSCN4740.jpg
الصورة دي كده انا ما عملتش اي تعديل عليها بعد ما صورتها...البحر كان لونه كده فعلا.
الصورة دي من جزيرة كانت في يوم من الايام تدين بالاسلام
وكانت...
كانت....
في يوم من الايام جزيرة عربية

يمكن العرب شافوها جزيرة خضراء معرفوش يعيشو فيها فتنازلوا عنها *105*

جزيرة جميلة ولكن ما إسمها وأين تقع ولأي دولة تنتمي الآن ؟

شـكراً يا حمادو على مجهودك الجميل وبإنتظار المزيد

:f2:

حمادو
27-08-2007, 12:23 PM
السلام عليكم
استاذ عز الدين...
اولا اشكرك على الزيارة الطيبة, والكلام الطيب
وحضرتك تشرف في اي وقت, ومرورك يسعدنى دايما
ويعلم الله معزتك عندى

نيجي للصورة الاولى...
مجموعة جبال الالب دي في اقصى جنوب سويسرا على الحدود مع ايطاليا, ابعد قمة ظاهرة فيهم موجودة في عمق شمال ايطاليا حوالى 50 كيلومتر على الحدود الايطالية السويسرية...
طول سويسرا حوالى 250 كيلو, وكان بيني وبين سويسرا في المكان دا حولى 100 كيلو متر..
يعني بيعمل اجمالى حوالى 350 الى 400 كيلو متر بيني وبين الجبال دي...
بخلاف انه بيبقى في المناطق العالية في المانيا مناظير بتقيس بدقة المسافة بين الشخص وبين الجبل, وبيكون مكتوب اسم الجبل وموقعه, وكان المنظار قايل انى بيني وبين ابعد قمة شايفها حوالى 500 كيلو متر...
لو ضفنا كمان ان انا اصلا كنت على ارتفاع عالى عن سطح البحر, يبقى مش هايكون من المستغرب انى اشوف الجبال بالوضوح دا خصوصا ان اليوم دا ماكانش فيه سحب وكانت السما صافية...
طبعا سويسرا فيها قمم جبال الب كتيرة جدا, ولكن ابعد نقطة ممكن تشوفها العين المجردة في الوقت دا من النهار كانت في عمق شمال الاراضى الايطالية...

ردى بأه على الانسة ايمان
للاسف يا استاذ عز انا فعلا قررت انى احب مصر وانا بعيد عنها, احسن لى من انى اكرهها وانا فيها. لانى فعلا كنت هاكرهها لو انا كنت موجود فيها..
اما عن الجذور والاهل فدى حقيقة للاسف, الوالد والوالدة توفوا وانا لسه طفل, والاهل زيهم زي اى ورثة في الدنيا كان كل همهم الفلوس والميراث...علشان كده جذورى تعتبر مقطوعة اللهم اخويا واختى...
وانا مش شايف انها اجابة محيرة, فيه ناس كتير قوى في مصر عندهم نفس الشعور, بس يمكن بيتكسفوا يقولوه, او بيخافوا, او ما اتعودوش يقولوا مشاعرهم..

الصورة الاخيرة موجودة في جزيرة اسبانية اسمها مايوركا, وكنت عملت عنها موضوع كامل على الرابط دا

جزيرة مايوركا...ساحرة المتوسط (http://www.egyptsons.com/misr/thread76445.html)
وكنت كمان قللت درجة الالوان في الصورة علشان الازرق فيها كان عالى قوى, والشمس ماكنتش ساطعة

استاذ عز
اشكرك مرة تانية على الرد الرائع
والملاحظات
واتمنى انى اكون وضحت ولو جزء بسيط من استفسارات حضرتك
تحياتى استاذى العزيز


زهرااااء
اولا معذرة انى رديت على الاستاذ عز في الاول, بس انا حبيت انى اوضح الاستفسار في اسرع وقت..
ايه رأيك بأه في التلج؟ حاجة تتلج فعلا
هههههههههههههه
بس بيقولوا خلاص كلها 40 سنة ومش هايبقى فيه تلج خالص في الارض, :girl9:, وقتها بأه لما يوحشنا التلج ندخل الفريزر ونلعب فيه...هههههههههههه
اشكرك يا زهراء على المتابعة والرد الجميل

عماد باشا
لا ياعم مش محتاج تلج من عندكم...
انتم اساسا مافيش عندكم صيف تقريبا, بيضحكوا عليكم لما بيقولوا لكم ان انتم في الصيف
ههههههههههههه
ومنتظر اشوف موضوع فيه صور لك وان شاء الله تكون جميلة

ام البنات
اشكرك على تواجدك الجميل
وحقيقي انا باكون سعيد جدا بتواجدك المثمر في المنتدى
ربنا مايحرمنا من وجودك دايما
تحياتى

زهره
انتى بتختفى بالفترات الطويلة ليه كده؟
ياريت تطمنينا عليكي دايما
الكوبرى على فكرة حلو قوى من جوا, انا برضه اول مرة دخلته كنت خايف امشى من عليه احسن يقع ولا حاجه
هههههههههههههههه
بس بعد كده اتعودت, خصوصا لما عرفت انه كان كوبرى بتمشى عليه العربيات لغاية فترة بسيطة
الغابات بأه حاجة جميلة جدا
ان شاء الله تشوفيها بعنيكي وتستمتعى بيها

سيف الدين باشا
بجد والله مشاركاتك كلها بتتميز بخفة الدم
حلوة قوى الصخرة اللى شبه راس التمساح دي
والصورة اللى تحتها اكيد في النرويج في عز الصيف
ههههههههههههههههههههههه
سعيد جدا بمشاركتك
وباكون سعيد جدا بكل مشاركاتك وباتابعها علطول
تحياتى اخى العزيز


http://up.haridy.org/storage/DSCN5265f.jpg

عـزالديـن
28-08-2007, 08:28 AM
السلام عليكم
استاذ عز الدين...
اولا اشكرك على الزيارة الطيبة, والكلام الطيب
وحضرتك تشرف في اي وقت, ومرورك يسعدنى دايما
ويعلم الله معزتك عندى[/CENTER]
وعليكم السلام ورحمة الله وبركاته
والله ياحمادو إنت دايماً بتحرجني بذوقك الراقي وإحترامي وتقديري الدائم لك لايقل عن ماتكنه لي *105*
أشـكرك على كلماتك العطرة وشعورك الطيب :f:
:f2:



نيجي للصورة الاولى...
مجموعة جبال الالب دي في اقصى جنوب سويسرا على الحدود مع ايطاليا, ابعد قمة ظاهرة فيهم موجودة في عمق شمال ايطاليا حوالى 50 كيلومتر على الحدود الايطالية السويسرية...
طول سويسرا حوالى 250 كيلو, وكان بيني وبين سويسرا في المكان دا حولى 100 كيلو متر..
يعني بيعمل اجمالى حوالى 350 الى 400 كيلو متر بيني وبين الجبال دي...
بخلاف انه بيبقى في المناطق العالية في المانيا مناظير بتقيس بدقة المسافة بين الشخص وبين الجبل, وبيكون مكتوب اسم الجبل وموقعه, وكان المنظار قايل انى بيني وبين ابعد قمة شايفها حوالى 500 كيلو متر...
لو ضفنا كمان ان انا اصلا كنت على ارتفاع عالى عن سطح البحر, يبقى مش هايكون من المستغرب انى اشوف الجبال بالوضوح دا خصوصا ان اليوم دا ماكانش فيه سحب وكانت السما صافية...
طبعا سويسرا فيها قمم جبال الب كتيرة جدا, ولكن ابعد نقطة ممكن تشوفها العين المجردة في الوقت دا من النهار كانت في عمق شمال الاراضى الايطالية...[/CENTER]
قبل البدء أشكر على إهتمامك فى سرعة الرد والتوضيح
ونيجي للصورة
أعتقد أن المسافة المقصودة والمسجلة فى المنظار هي المسافة الأرضية ، أي المسافة التي تقطعها بالسيارة على الطريق للوصول إلي أقرب مكان للقمة وهذه المسافة عادة ماتكون أطول بكثير من المسافة الجوية نظراً لإلتواء الطرق الأرضية وإلتفافها ، أما المسافة الجوية يمثلها خط مستقيم ( منحني مع المسافات الطويلة ) بين نقطتين وهي نفسها مسافة الرؤية ، هذا ما أعتقده بناء على تقدير المسافة على الخريطة بين نقطة بداخل جنوب ألمانيا ( الغابة السوداء ) ونقطة أخرى داخل شمال إيطالياً مروراً بالأراضي السويسرية وعابراً لسلاسل جبال الألب وكما هو موضح بالصورة التالية :

http://img260.imageshack.us/img260/575/alpsbt6.jpg
هذا ماتبين لي وربما يكون الواقع غير ذلك ولن تكون تلك المسافة نقطة خلاف فى ساحات الإتفاق بيننا ، المؤكد أن الصورة إلتقطتها عين ترى الجمال وتحسه *105*


ردى بأه على الانسة ايمان
للاسف يا استاذ عز انا فعلا قررت انى احب مصر وانا بعيد عنها, احسن لى من انى اكرهها وانا فيها. لانى فعلا كنت هاكرهها لو انا كنت موجود فيها..
اما عن الجذور والاهل فدى حقيقة للاسف, الوالد والوالدة توفوا وانا لسه طفل, والاهل زيهم زي اى ورثة في الدنيا كان كل همهم الفلوس والميراث...علشان كده جذورى تعتبر مقطوعة اللهم اخويا واختى...
وانا مش شايف انها اجابة محيرة, فيه ناس كتير قوى في مصر عندهم نفس الشعور, بس يمكن بيتكسفوا يقولوه, او بيخافوا, او ما اتعودوش يقولوا مشاعرهم..[/CENTER]
وجهة نظر جديرة بالإحترام ياحمادو ولاعتب عليك فيها بل ربما تكون ضرورية أحياناً .
رحم الله الوالدين وغفر لهما وأسكنهما فسيح جناته ولاتنساهما بالدعاء والعمل الصالح فخير ماينفع المرء بعد وفاته صدقة جارية وعلم ينتفع الناس به و ولد صالح يدعو له .



الصورة الاخيرة موجودة في جزيرة اسبانية اسمها مايوركا, وكنت عملت عنها موضوع كامل على الرابط دا

جزيرة مايوركا...ساحرة المتوسط (http://www.egyptsons.com/misr/thread76445.html)
وكنت كمان قللت درجة الالوان في الصورة علشان الازرق فيها كان عالى قوى, والشمس ماكنتش ساطعة

لقد حصلت عليها أيضاً بعد ردك و توضيحك وفي الصورة التالية موقعها الجغرافي .

http://img505.imageshack.us/img505/9691/mallorca1pq1.jpg

أكرر شـكري لك على إهتمامك وردك وتقبل وافر التحية والتقدير .

:f2:

حمادو
07-09-2007, 03:44 PM
السلام عليكم استاذ عز
اولا كل عام وحضرتك بخير بمناسبة رمضان, وبمناسبة تغيير التوقيت الشتوى.
ثانيا اشكر حضرتك على توضيح مكان جزيرة مايوركا
وبخصوص مكان سلسلة الجبال, اكيد لن نختلف فيها, واحتمال كبير تكون زي ما حضرتك قلت ان المسافة المقصودة هى المسافة المقطوعة بالسيارة.
اشكر حضرتك على الاهتمام والتوضيح
تحياتى استاذى الفاضل
:f:


http://up.haridy.org/storage/DSCN505r7.jpg

ramy9988
20-09-2007, 03:37 AM
حماده الصور تحفه قوى قوى احلى حاجه انك سفرت كل الاماكن التحفه دى يااااااااااااااااااااابختك يا حماده

حمادو
29-09-2007, 07:46 PM
حماده الصور تحفه قوى قوى احلى حاجه انك سفرت كل الاماكن التحفه دى يااااااااااااااااااااابختك يا حماده


اهلا بيك يا رامى
الحمد لله ان الصور عجبتك...
وان شاء الله يا سيدي ربنا يوفقك وتسافر وتشوف المناطق دي كلها واكتر كمان
تحياتى اخى العزيز
وكل عام وانت بخير بمناسبة شهر رمضان

http://up.haridy.org/storage/DSCN5479%20cdopy.jpg

خرجت النهاردة اتمشى شوية لقيت عيش الغراب دا بيقول لي صورنى
اسيبه؟؟؟؟؟؟؟؟؟؟
:girl12:

tota_9
30-09-2007, 09:42 PM
http://up.haridy.org/storage/DSCN5479%20cdopy.jpg


خرجت النهاردة اتمشى شوية لقيت عيش الغراب دا بيقول لي صورنى
اسيبه؟؟؟؟؟؟؟؟؟؟
:girl12:




لا ليييه ودى تيجي برضه ..لازم ما تعتقهوش وتصوره .....:girl12:
لعلمك بقى انا عيني فيه وعايزة اعمل عليه شوربة كريمة مع انى مش بحب كل انواع الماشروم بس بصراحة ده شكله نضيف كده
و بيجوعني والخضرة اللى حواليه دى برضه مش هعتقها هعمل بيها بلاوى .....ههههههههههه

تسلم ايدك يا حمادو صورة قمووووووووووورة اوى :girl1:

وهستنى شوربة الكريمة مااااااااشي...:girl12:هههههههههههههههههه

اديوس بقى ...ههههههههههههه :)

نشــــوى
02-10-2007, 10:21 AM
السلام عليكم ..
الصور تحففففففففففففففففة
انا لسة شايفة الموضوع النهاردة للاسف
بس بجد يا احمد صور غاية في الجمال..
طبعا انت عارف رايي فى موهبتك من بدري..
وعايزني بعد كل الصور دى انزل الصور اللى انا مصوراها
هى صورى دي تبقى صور كده ههههههههههههههههه
قال صوري قال :d
بجد ماشاء الله .. صور جميله جدا ..ربنا يحفظك
:f: :f:

حمادو
14-10-2007, 06:10 PM
توتاااااااا
انتى ايه يا بنتي؟
اى حاجة كده على بقك؟ سامع انك عايزه تعضى ناس
هههههههههههههههه
كل سنة وانتى طيبة
وعلى فكرة
شوربة الكريمة اتحرقت منى
عاااااااااااااع
اديوس بأه وسلامات وتاباس
هههههههههههه

ارتحال
طبعا لازم تنزلى صورك
ماشاء الله تصوريك جميل جدا تسلم ايديكي
وبعدين ابقى ادخلى قاعات التصوير هاتلاقى صور جميلة جدا من اعضاء كتير
روحى التصوير الحر وشوفى موضوع سانزيو عن صوره اللى صورها فى مصر
حاجة ماشاء الله روعة





http://up.haridy.org/storage/DSCN5514.jpg

صورة لسه مصورها امبارح عن الخريف فى سويسرا...من أمام متحف مدينة زيورخ
ايه رأيك يا ارتحال فى الشجرة الاولى من الناحية اليمين؟

ندى الايام
15-10-2007, 08:34 AM
ما شاء الله تبارك الله احسن الخالقين
منظر جميل اوى واجمل مافيه اللون الاحمر وشعاع الشمس من بين فروع الشجر
تسلم ايدك يا حمادو
وفى انتظار المزيد وتقبل تحياتى

popo_66
20-10-2007, 04:29 PM
شكرااا

حمادو
26-10-2007, 10:37 PM
العزيزة ندى الأيام اللى دايما رافعة روحى المعنوية
أشكرك على التواجد الرقيق دايما دا
واعتذر ليكي عن التأخير
بس المشكلة انى مش بحب ارد الا لما اجيب صورة اعطيها هدية للاعضاء اللى ردوا عليا
ساعات بارد بسرعة لما يكون فيه صور, وساعات تانية باخد وقت طويل علشان ارد لان مش بيكون فيه صور معايا
اتمنى انك تسامحيني وتعذريني


الاخ بوبو
العفو
على ايه يا راجل؟
نورتنا فى المنتدى
وفى انتظار تفاعلك الجميل معانا ان شاء الله

http://up.haridy.org/storage/DSCN5576.jpg
صورة للخريف صورتها النهاردة
وعلى فكرة فيه موضوع كامل لصور الخريف اللى صورتها على الرابط دا
خريف العام (http://www.egyptsons.com/misr/thread84104.html)

alqadi2002
27-10-2007, 05:34 AM
يعطيك العافيه

ولكن هناك مشكلة في الصور لم تظهر

ندى الايام
28-10-2007, 07:47 PM
تجنننننننننننن يا حمادو
تسلم ايدك على المجهود الصورة فيها معنى جميل
وتم الطش يا فندم والصورة تحفة على الديسك توب
تقبل تحياااااااااتى

ساميو
12-11-2007, 09:52 AM
شكرا لك

حمادو
29-11-2007, 12:11 AM
alqadi2002
أشكرك أخى الكريم
فعلا الصور فى الصفحات الأولى لا تظهر لأنها مرفوعة على مواقع محجوبة من بعض الدول العربية
أما باقى الصور فتظهر بشكل عادى وبدون أى مشاكل
أشكرك على تواجدك
تحياتى


:f:
ندى الأيام
بصى مهما قلت ليكي وشكرتك
برضه مش هاديكي حقك
بجد انتى علطول رافعة من روحى المعدنية
:f2:


ساميو
العفو
:f:

http://up.haridy.org/storage/DSC_0132.jpg
الصورة برد قوى :girl12:
والجو كمان كان برد جدا
اللون الأبيض على الأرض دا عبارة عن نجيلة متجمدة :girl18:

أحلى كلمة
29-11-2007, 01:52 PM
تسلم ايدك يا حمادو على الصور

الصور جميله جدا وعجبتنى صورة الخريف

منظر انعكاس الشجرة على الميه يجننننن

تسلم ايدك يا فنان :f2:

حمادو
30-11-2007, 05:24 PM
تسلم ايدك يا حمادو على الصور

الصور جميله جدا وعجبتنى صورة الخريف

منظر انعكاس الشجرة على الميه يجننننن

تسلم ايدك يا فنان :f2:


أهلا بيكي أحلى كلمة...
الحمد لله أن الصور عجبتك...
تعرفى؟ فيه بعض الصور فى الموضوع هنا لما باشوفها باحس انى عايز امسحها
واحيانا باحس انى عايز امسح الصور كلها
هههههههههههههههههه
ربنا يكون فى عونكم بتستحملوا تشوفوا الصور دي ازاى
هههههههههههههههه

:f2:





http://up.haridy.org/storage/DSC_0797.jpg

عصام كابو
05-12-2007, 10:20 AM
حمادو.. بجد انت فنان

تسلم ايدك يا حمادو على الموضوع الاكثر من رائع

مش عارف اعلق على ايه ولا ايه

الصور كلها فى منتهى الروعة

اختيارات مميزة و زوايا تصوير رائعة

بجد بجد بجد تسلم ايدك

حمادو
06-12-2007, 01:55 PM
حمادو.. بجد انت فنان

تسلم ايدك يا حمادو على الموضوع الاكثر من رائع

مش عارف اعلق على ايه ولا ايه

الصور كلها فى منتهى الروعة

اختيارات مميزة و زوايا تصوير رائعة

بجد بجد بجد تسلم ايدك






دكتور عصام العزيز
أشكرك على تواجدك الجميل
الحمد لله أن الصور عجبتك
وعلى فكرة أول ما عملت الموضوع دا ماكنتش مهتم بالتصوير, كنت باصور لنفسى وخلاص
بس بجد مع تشجيعكم المستمر ليا, باحاول إنى أطّور من نفسى ومن العدسات اللى معايا علشان أطلع صور أحسن
تحياتى ومودتى
:f2:
http://up.haridy.org/storage/DSC_1365.jpg

حمادو
11-12-2007, 05:56 PM
النهاردة قبل ما أروح الشغل قلت أصور الوردة دي
http://up.haridy.org/storage/DSC_1721.jpg


بعد كده شلتها وحطيتها على الكرسى علشان القط لها الصورة دى
http://up.haridy.org/storage/DSC_1722.jpg

نشــــوى
14-12-2007, 08:08 AM
السلام عليكم
حلوين اوي اخر صورتين يا حمادو
بس انت قطفت الوردة ليه ,, ده اسمه كلا م؟ :d
حقيقي صور حلوة .. وانت طبعا عارف رايي في موهبتك
يلا كمل وهات لنا صور جديدة ..
:f2:

om elbanat
14-12-2007, 08:01 PM
السلام عليكم
صور جميله قوىياحمادو
واضح فعلا انك عندك حس فنى فى التصوير ماشاء الله
فى انتظار المزيد دائما
والى لقاء

حمادو
17-12-2007, 12:23 AM
ارتحال العزيزة
الحمد لله أن الصور عجبتك
وماتقلقيش انا مش قطفت الوردة ولا حاجة
انا اشتريت البوكيه كده, وبعد كده بيتحط فى محلول معين يحافظ على الورده
يعني هى كانت مقطوفة جاهزة
:2:
أشكرك يا نشوى على التشجيع
وإن شاء الله الصور تعجبك
بس لو فيه صور مش عجبتك ياريت تقولى لى لانى باثق فى رأيك
:m10:



أم البنات العزيزة
وعليكم السلام ورحمة الله وبركاته
الفكرة مش فكرة حس عالى
بس الكاميرا ماشاء الله امكانياتها هى اللى عاليه
ولغاية النهاردة باستخدم أقل من 10% من امكانياتها
ادعوا لى افضى فترة واخد فيها دورة علشان اقدر اطلع صور عليها القيمة
بدل العذاب اللى انا باعمله فيكم بالصور اللى باصورها دي
:d
أشكرك على الدخول يا ام البنات
وإن شاء الله الصور تعجبك
:f2:

http://up.haridy.org/storage/DSC_2091.jpg
صورتها امبارح