المساعد الشخصي الرقمي

مشاهدة النسخة كاملة : يا له يا جماعة نبارك لطعمية علي الإشراف


ابن البلد
09-09-2002, 10:37 AM
مبروك طعمية وإنشاء الله تكوني قدهااااااااااا


:109:
:109:
:109:
:100::100::100::100::100::100::100:

:7:
ta3mia
09-09-2002, 10:57 AM
شكرا جدا على الثقة ... و لكن مش كنت كمان حطيت كام مشكلة في السكة
ابن البلد
09-09-2002, 11:27 AM
طيب يا ستي أدي اول مشكلة

لما بيجيلي ميل من العنوان الخاص بالبنك ده لا يظهر الاتاتش


The National Bank of Kuwait SAK
;) ;)
Mrs. Virgo
09-09-2002, 11:34 AM
أنت فاهم .. وانا فاهم .......... مالي وياك أي تفاهم ...........
إنتهى الأمر وكشفتك ........... شفتك بعيني معاهم ............

ده مش عتاب ......... دي أغنية نوال الكويتيه ........


يلى .............

ومن ناحية المشاكل ................ ولا تزعلي
هنغرقلك الدنيا مشاكل .......... بس إنت حلي بس وما لكيش دعوه ........


:7: مبروك ............. بجد ........ تستاهلي :7:
















المشاكل ;)
ابن مصر
09-09-2002, 11:51 PM
بسم اللة الرحمن الرحيم
اختي العزيزة ta3mia

الف مبروك عليك الاشراف
وجهودك العظيمة اثبتت
بانك فعلاا تستاهلها
وتمنيتي لك بوقت جميل
واسعد الاوقات والف مبروك
يا بنتنا يالي في الكويت
ماهو انا كمان في الغربة
بس معكم
مش حاسيس بيها ادبدا
واللة العظيم
يالة بقة يا مشرفين
اجمل واخف والذا
منتدي علي واجة الارض
واللة دة رايي وانا حر فية
مبروك اختي طعمية
اسمك دة اجمل اسم علي الفطور
اخيكي عماد --ابن مصر:111: :109: :113: :143: :150: :alah:
د. حورية البدرى
10-09-2002, 12:32 AM
ألف مبروك طعميه

أتمنى لك التوفيق

وبروحك المصرية المرحة ترسم البسمة دائما

:) :) :) :) :) :) :) :) :) :)
ta3mia
10-09-2002, 06:10 AM
انا فكرت و فكرت و لقيت ان القاعة اللي انا بقيت مشرفتها ها تفضل فاضية
فيا جماعةاللي عنده مشكلة محرج منها يكتب لي على الخاص
و كمان القاعة مش لحل المشاكل بس
انا عيزا كل واحد يدخل الصبح و يكتب في القاعه ايه نظامه اليوم
يعني
- كل عضو من الاعضاء الحلوين يخطط في هذه القاعه المود بتاعه النهارده

و انا مش حلاله مشاكل بس احنا ها نتناقش مع بعض و مفيش حد يعرف يحل مشكلة الشخص زي نفسه ( يعني ما يحكش جلدك غير اصبعك) كل واحد اعلم بظروفه .. يعني القاعة
للبوح و الاستراحه النفسية ... لان المشكلة ستبقي كاتمه على نفسك :) لكن عندما تجلس و تكتب .. ستشعر ببعض الارتياح ... اختكم ta3mia:rolleyes:
Mrs. Virgo
10-09-2002, 06:45 AM
حبيتي طعميه ............

قاعة المشاكل ......... لازم تتملي مشاكل ........ وحلول .........
مش كل واحد يجي الصبح .... يكتبلنا الأجنده بتاعتوا

1) هشرب نسكافه 8:30
2) هدخل الحمام 9:00 - لأني بعد ما أشرب حاجه سخنه لازم أدخل الحمام
3) بعد كده هشتغل لغاية ما تطلع روحي بعدين هروح 5:30
4) هدخل أستحمه علشان القرف بتاع طول اليوم والهم ينزل مع مية الكويت المولعه ......... المغليه.
5) هتخمد لغاية ما ماما تيجي تضربني بالجذمه وتقولي قومي بقى وخلي عندك دم أنا ما شوفتكيش طول اليوم ..........


ماشي ........... أديني كتبت النهارده ؟؟؟؟؟؟
بكره أعمل إيه ؟؟؟؟؟؟؟؟ قص ولزق طول أيام الأسبوع

معلش هو أنا دايما معترضه كده ......... بس إحنا بجد عايزين نعرف مشاكل بعض ونحلها ............ لأننا هنا في الوقع ده بقينا زي الأخوات ....... أو أخوات بجد يا طعميه :D

ورغم كده إحنا فعليا ما نعرفش بعض ........... يعني لو شوفنا بعض في الشارع مش هنشاور على بعض ونقول أيوه هي البت دي طعميه ......... :) أو هي دي مس فيرجو .............. أو هو ده إبن البلد يعني ؟؟؟؟؟؟؟؟؟ ولا إيه ؟؟؟؟؟؟؟


مش عارفه أنا طولت قوي في الكلام ......... بس قصدي أن المشاكل بتحصل في كل مكان ............ ومش مفروض حد يكسف من مشكلته ......... لأن محدش هيجرحه أو يتريق عليه مننا ...........

أحنا في قاعة "شوفولي حل" كلنا مع بعض ............ علشان نحل مشاكل بعض

:7:
ta3mia
10-09-2002, 07:43 AM
ازيك يا فيرجو:o
انا يا ست الكل مش عايزا جدول الحموم بتاعك .. لا انا عيزا روحك المعنوية عاملة ايه النهاردة
يعني على سبيل المثال واللهم لا حسد
انا النهارده اشعر بالسعادة والتفائل و هناك شي انتظره ارجو الله ان يحققه
... و كان المفروض انتي تكتبي
انا النهارده اشعر بالكائبه و زهقانه والحاجات بتاعتك دي

علي العموم مش مشكلة ... المفروض بقي تكتبي مشكلتك علشان احلها لك
ولا انتي ايه رئيك
Mrs. Virgo
10-09-2002, 08:10 AM
الطعميه ............. الطعميه ...........
المسكينه فكره نفسها ذكيه ......

ماشي ........... مش هكتب أكثر من كده المره دي ;)


أنا مش بتفلسف ...............
بس بصراحه تبقى حاجه سخيفه جدا لما أجي الصبح أقولكم

أنا مضايقه ... أصل البنطلون إلي لبساه النهارده ضيق على وسطي شويه !!
أو مضايقه ... أصلي ما لحقتش أروح الصالون إمبارح .................. !!

أو أقولكم ...........

أنا فرحانه ........ أصلي هقابل حبيب القلب النهارده .......... !!!
أو فرحانه ........ أصلي ما عنديش شغل كثير علشان مديري مسافر !!


طعميه ......... خليكي شويه ذكيه .......
وكوني ............. قد المسئوليــه .......

قاعة المشاكل لازم تكون شويه جد ..........
مش بقول جد تماما تخلي الناس تكره عيشتها ..........
بس كمان علشان ماحدش يحس أنكم بتستهزأو بمشكلته .....
ويندم أنه شاركم فيها............

لو كل واحد يجي الصبح يقول هو حاسس بإيه النهارده ....... يبقى مش هنخلص.
كمان مش معقول هيفضل الواحد طول اليوم مبسوط أو زعلان .... لأن النفسيه دي بتتغير في ثانيه ...............

يعني مش عارفه بصراحه إنت بتفكري إزاي ............

بصي ......... تعرفي إيه أحسن حل .......
نعمل قاعه نسميها "نظامك إيه النهارده"................
أو ..................... "نفسيتك إيه النهارده" ؟!؟!؟!؟

حد يرد عليه لو أنا غلطانه !!!!!!!
وأهلا بالنقد ... والإنتقاد ...
وأهلا بالأفكار الجديده ...

:7:

أه نسيت ............... بالنسبه لمشكلتي ...........
أنا عارفه حلك مسبقا
فقررت أني مش هكتبها خالص .................. :rolleyes:
لأنك لو كان عندك حل يريحني ........... كنت حلتيها ليه من زمان ..
ولا أنا غلطانه في دي كمان ............. :confused:
ta3mia
10-09-2002, 08:25 AM
أه و اه منك انتي
انتي حرة بقي ... شكلك ملكيش حل
خالد بن الوليد
29-09-2002, 10:07 AM
السلام عليكم كلكم .. ده اول مرة اكتب رد .. في الحقيقة لسة مسجل حالأ عندكم :) .. حبيت ابارك لطعمية على الإشراف ,, الف الف مبروك و تستاهليها بجد و ربنا يقدرك و يقويكي بقى :)
BTW النتدى كله جميل بس ملاجظ المشرفين هما اللى بيرودو على بعض بس :p
و مش عارف ليه حاسس ان ميس فيرجو هية لمضة و دمها خفيف بجد بس بحس انها بتتخانق و هية بتعبر عن رأيها .. :) عموماً يا ريت تقبولنى عضو معاكم و نستفيد كلنا من المنتدى و نفيد زمايلنا و بلدنا كمان .. و مبروك تاني لطعمية ( صديق قديم ;) )
ta3mia
29-09-2002, 10:25 AM
يعني ها نشحت ناس من الشارع نرد عليهم
ولا ها نكلم الحيطة

مفيش غيرنا ........... علشان كدا بنكلم بعض ... بس دي حالة ممكن تتعالج و مش خطر

على العموم اهلا بك باشا في المنتدي
و عقبال ما تمسك مشرف علشان نرد على بعض
ابن البلد
29-09-2002, 10:46 AM
أهلا خالد بن الوليد
وأنت بين أهلك وناسك واكتب زي ما تريد أن تكتب ورد زي ما تريد أن ترد لكن بدون تجريح :)

و أحنا بنرد علي بعض لان الأعضاء بيدخلو هنا علشان يقرأوا وبس وبيكسلوا يردوا
لكن اللي بيرود بيتميز ويكون مشرف

:106:
:179:
:109:
:100:
:145:
Mrs. Virgo
29-09-2002, 11:20 AM
شكرا يا ذوق ......

بس أحب أصلح لك معلومه ......

أنا بتخانق ؟؟
ده أنا ما فيش أرق مني .........
والناس إلي تعرفني في الحقيقه .......... بتقول عني بادره جدا ..
علشان إنفعلاتي كلها ........ زي بعضها ......... :D



عموما ....... مبروك علينا عضو جديد ........ نورت المنتدى
:7: :7: :7:
خالد بن الوليد
29-09-2002, 02:46 PM
السلام عليكم .. شكراً ابن البلد على الترحيب .. و شكراً طعمية هانم :) و شكراً ميس فيرجو:rolleyes: و انا مقصدتش أى نوع من التجريح بأى شكل .. اتمنى ان محدش يكون فهمني غلط .. :( و مش بالضرورة يعنى لما بقول بتتخانقي اقصد انك مش رقيقة :eek: ده حتى باين انك رقيقة خالص من الصورة :) لأ بجد يا جماعة انا بهزر و محدش يزعل ,, و شكراً مرة تانية على ترحيبكم :12: :143:
الوردة ده لكل المديرين .. معلش علشان التانية بتاخد مساحة شوية ;)
سيف الله المسلول
ابن البلد
29-09-2002, 03:37 PM
لا ولا يهمك خالد
أحنا كلنا تحت أمرك
:145::145::145::145::145::145::145::145::145::145: :145::145:
Mrs. Virgo
30-09-2002, 07:09 AM
لأ ........... أنا مش زعلانه والله .........
ده أنا بحب الهزار موت .............

:D :D :D شوف أنا حلوه إزاي :D :D :D




;) نورت المنتدى ..........
ta3mia
30-09-2002, 07:28 AM
هلا وغلا والله بخالد ابن الوليد


واللهي انا شاكة فيك ............. يعني حاسة اني اعرفك

اذا كان احساسي صحيح ............. انا مش ها اكشف المستور يعنيت ممكن ترسل لي على الخاص ....................
اختك امولة الامورة ............... طعمية