المساعد الشخصي الرقمي

مشاهدة النسخة كاملة : المصرى البسيط ابو قلب ابيض



Miss Engineer
31-01-2007, 01:15 PM
المصري هو اللّي

بيفهم في الطب ويشخص المرض ويوصفلك الدوا وبيفهم في النقاشة والكهربا
وتصليح العربيات والطبيخ والسياسة والكورة وهو أبيض ياورد

بيحط الريموت كونترول في كيس بلاستيك كعادة فرعونية

يقف يتكلم على الباب نص ساعة بعد إنتهاء الزيارة والسلامات

لمّا تفتح نملية المطبخ هتلاقي عنده عشرين برطمان بتاع مربى فاضي
بقالهم سنين ولسه مُصِر على جمع المزيد

ييجي بعد معاده بساعتين ويفتكر إن ده عادي

لسه عنده إصرار إنه يتكلم بصوت عالي في التليفون لما تكون المكالمة
دولية عشان التاني يسمعه

بيعتبر نفسه أفضل واحد في الشرا والفصال وبعد كده يكتشف إن الحاجة في
المحل اللي جنبه أرخص من غير فصال

بيحتفظ بأكياس محلات اللبس والأحذية وورق الهدايا تحت مرتبة السرير
لسنوات ومبيستخدمهاش

عنده صينية مكسرات متقسمة لتلات او أربع أقسام لزوم المزاج وعمره
ماإستخدمها

ممكن يعدي التلاتين ولسه عايش مع أمه وأبوه وماعندهوش مشكلة

بيشتري قبل الفطار في رمضان مواد إستهلاكية أصلا موجوده عنده في البيت
لسه مستخدمهاش

بيكون عنده شواية لزوم الرحلات أقصى استخدام لها كان مرة واحدة في
العيد

بيشيل طابع البريد من على الظرف لو الختم مكانش عليه

بيفتكر إن أي حد بيشتغل في الخليج بيغرف فلوس من غير حساب

بيكون مشغول بقيمة التيبس أو البقشيش طول العشا ياترى ربع جنيه ولا نص
جنيه

برده بيتخانق ساعة دفع الحساب بحرارة شديدة على إنه هو اللي لازم يدفع

بيفرش ملاية سرير على طقم الأنتريه عشان يفضل نضيف لما ييجي ضيوف
ومابيشيلهاش لما ييجوا


وبرغم كدة اتحدااك تلاقى حد من اى جنسية ليه نفس الروح الطيبة بتاعت المصرين اللى يشرفنى اكون واحدة منهم

حنين المصرية
31-01-2007, 02:02 PM
ايه ده كله ايه ده كله

تمام يا معلم

حنين المصرية
31-01-2007, 02:02 PM
ايه ده كله ايه ده كله

تمام يا معلم

runaway_heart
01-02-2007, 12:09 AM
ميرسي على الموضوع الجميل

Miss Engineer
01-02-2007, 06:39 AM
مرسى ياجماعة اوى على المروور الكريم

florensa
01-02-2007, 01:30 PM
السلام عليكم ورحمة الله وبركاتة
هههههههههههههههه
هما دول فعلا المصريين بس مش كلهم
بس عاوزة اقول حاجة
فى انى اتوجس خيفتا ان الموضوع موجود هنا قبل كدة
مرسى على نقلة للمنتدى
وتسلم ايديك

أحلى كلمة
01-02-2007, 02:09 PM
ههههههههههههههههههه

ميرسى على الموضوع

حلو قوى

Miss Engineer
04-02-2007, 06:32 AM
شكراا احلى كلمة شكرااا فلورنساا
انا قريت كتير هنا فى المنتدى بس ماصدفش انى لاقيت الموضوع دة
لو حد شافة قبل كدة يااخوانى ياريت يبلغنى
اشكركم جزيلااا


Photo Gallery