المساعد الشخصي الرقمي

مشاهدة النسخة كاملة : شواذي نصير ؟!! .. ما نصير .. ليش نخاف عيل؟



ta3mia
09-09-2002, 08:33 AM
شواذي نصير ؟!! .. ما نصير .. ليش نخاف عيل؟

أسئلة يومية تدور في أذهان أبنائنا ،، كيف نجاوب عليها؟
توراثنا الأفكار عن آبائنا و أجدادنا و انصدما بالعلم ..!



و هم مثل بنتي كنت امشي و أثبت خطواتي و أكثر من مرة سبوني الناس لأني أدعمهم لاني كنت خايف إذا دسنا النعمة نصير شواذي .. علشان جذيه جدي السابع عشر كان يمشي محدب و اللي بعده تعدل شوي و شوي شوي السلالة صارت آدمية واحد من العائلة غلط و داس النعمة .. و بالمدارس تعلمنا أن كل هذا خرابيط ، عرفنا ان ابونا كان آدم و عياله واحد مجرم و واحد زين و عرفنا ان كل يوم في ناس تدوس على القمح و التمر و العنب بأرجلها -- شغل اول .. خمرة للنباتيين -- و على الألحان الموسيقية لا صاروا شواذي ولا هم يحزنون ، بالعكس أشكالهم أحلى منا .. ضحك علينا داروين و قال أن الإنسان أصله قرد .. و الله يسامحك يا يمه على المعلومات الخاطئة اللي زودتينا فيها .. معذورة لأنج على نياتك و حنا على نياتنا بس اعيال هذا الزمن مخهم كبير يمكن بزمنهم هذا و بعدين يصيرون دقة قديمة مثلنا فإذا الله عطى بنتي عمر أكيد أولاد أولادها يقولون لها روحي زين شنهو ميكروويف و حنا ساكنين بالمشتري هذا حجي قبل أيام الأرض ، او يمكن تنعكس السالفة و يرجعون للماضي و يحطون النعمة تحت الساس يعني تحت الطوفة و اولادهم يصدقون أن الأرض شايلها انسان كان أصله قرد.
فشيلوا ياناس الحدوة اللي معلقينها على أبوابكم و لا تتبخرون بالشبه و الحرمل عن الحسد ، ولا تحطون سن الذئب للطفل ، ولا تتشاءمون إذا شفتوا انسان عور أو فطو أسود و الخروف المسلسل و حمارة القايلة ، هذه كلها معتقدات من سنة الطفحة أن قلتوها لأولادكم يقولون 100% انتوا مخرفين.
يوم دخلت المدرسة و عرفت ان الأرض ثابتة بفضل الجاذبية و تدور في محور ثابت لا ريال شايلها و لاهم يحزنون و هني اكتشفت طبعا اني مدمق قلت: تعال .. صحيح لو أن رجل شايل الأرض على كتفه هو على شنو واقف؟ تفكير جاء متأخر .. سامحوني .. شسوي .. و كنت أركض للنعال علشان اعدلها و انا ما أدري ليش .. عادة توارثتها من أبوي اللي أخذها من جدي .. حتى شيل النعمة من الطريج و هذي السالفة بعد طرأت ببالي يوم خانقت بنتي الصغيرة لأنها تدوس على العيش. ردت: ليش؟ ، قلت لها: حرام الله يحولك شاذي؟ ، ومن يومها البنت تمشي و تطالع الأرض وجم مرة ادعمت الطوفة و الباب و السبه خوفها أن تصير شاذية .. و يوم من الأيام أسمع



صوت البنت الصغيرة بالمطبخ تقول للكبيرة " ما ابي " و الكبيرة تقول لها " عفية بس شوية " ، فطليت أشوف شنهي السالفة ، و الا بنتي الكبيرة حاطة خبزة على الأرض تبي اختها الصغيرة تدوس عليها علشان تشوف هل فعلا تتحول شاذية! ، طبعا ضحكت من المنظر و خانقت بنتي الكبيرة و قلت مو حرام تجربين على اختك لا تخافين ما راح تصيرين شاذية : بس المسألة انها حرام هذه نعمة الله ، الله يرزقها الناس تأكلها ما تدوس عليها لازم نحترمها لأن الناس وايد محرومين من لقمة يأكلونها و انا أكلمها هم سرحت بعد ما رجعت " غري " مرة ثانية شلون كنت أشيل الأكل عن الطريج و احطه تحت الساس
حيرتني بنتي باستفسارتها يوم قلت لها : يبا قومي عدلي الانعال مقلوبة .. قامت تضحك و قالت: ليش يبا أعدلها؟ ، رديت: لأن حرام ما يصير أرضية الانعال اللي حنا نمشي فيها على الوسخ .. نخليها تجابل السما ما تدرين ان الله فوق؟
ردت: اي بس يبا حنا نعرف مثل ما علمتنا و تعلمنا بالمدارس ان الله بكل مكان موجود. ، قلت: صح. ، ردت : عيل ما يحتاج نعدل الانعال سكت و قلت بنفسي: آخ من الجيل الجديد ، أفحمتني و صراحة ما قدرت أرد عليها و من جذيه اكتشفت ليش اولادنا كل ما كلمناهم بشي قالوا روحوا انتوا و زمانكم حنا بعصر التكنولوجيا و انتوا ليما الحين تتمسكون بالخزعبلات ... بس صراحة معذورين أشياء كثيرة تثيرني و تخليني أضحك إذا فكرت فيها طبعا إذا رجعت بذاكرتي "غري" لأيام الطفولة اتذكر ان أمي العودة تقول لنا أن الأرض شايها رجل على كتفه و إذا تعب يحولها من اليمين الى الشمال و بالتحريك تصير الزلازل و يتغير الجو فينترس غبار لأنه يحوش بيده الصحراء و ينثر رملها .. كنا نصدق لأننا عايشين على الفطرة و كنا بنفس الوقت نخاف لا هذا الرجل اللي شايل الأرض يعصب و بما أن هي نفس الكرة مدورة ينزلها و يعطيها فنقر يوصلها ليما الشمس و تحترق .. ولا بعد كانت جدتي الله يرحمها تقول ان الرجل اللي شايل الأرض إذا غير مكانها يحول الجو من حار لبارد و العكس .. و حنا كأطفال كنا نستنتج ان المطر هو عرق الرجل ، من ثقل الأرض. و ظليت مصدق ليما اكتشفت اني حمار كبير " على مستوى ، و بونهقة "



انا مليش دعوة ،،، يعني مش انا اللي اكتشفت اني حمار كبير ،، لان الموضوع ده منقول
على العموم اللي عايز ترجمة يقول و انا موجوده