المساعد الشخصي الرقمي

مشاهدة النسخة كاملة : نفسى ادخل القاعة دى ( فطائر هشة )



دعاء ثابت
24-01-2007, 09:10 PM
والله من زمان بدخل اتفرج هنا ونفسى اشارك بس اروح فين وسط الشيفات اللى موجودة هنا قلت ادور على حاجة بعرف اعملها سهلة وحلوة لقيت فطاير هشة والدتى كانت بتعملها وسهلة جدااااااااااااا ومكوناتها سهلة قوى
3 كوب دقيق
1 كوب لبن
ربع كوب زيت
ربع كوب سكر
قطعة خميرة بيرة بحجم اللمونة المتوسطة او معلقة خميرة كبيرة حبيبات
الطريقة
نخلط السكر والزيت مع اللبن وندوب الخميرة بشوية سكر ونحطها على الحاجات دى ونقلب كويس وبعدين نحط الدقيق بالتدريج ونعجن فيها لغاية ما تبقى عجينة متماسكة متلزقش فى اليد
على فكرة نستخدم نفس الكوب فى كل المكونات
وبعدين نسيبها تخمر لمدة 3 ساعات فى مكان دافىء انا بولع الفرن شوية وبعدين اطفية والفها بفوطة واحطها فى الفرن ال3 ساعات
وبعدين ناخد قطعة قطعة يعنى نقطعها ونحشيها زى ما احنا عاوزين شوية لحمة وشوية جبنة بالبقدونس وشوية جبنة بالزعتر وبالاشكال اللى عايزينها يعنى زى القطايف وزى الكروسان وزى المثلث براحتنا بقى بس حاولوا تصغروها عشان بتنفش فى الفرن وبعدين نحطها فى فرن متوسط الحرارة لمدة ساعة او اقل يعنى بصوا عليها كل شوية ( انا عن نفسى بفتح الفرن كل دقيقتين ههههههههههههه)
محدش يقولى العجينة فيها سكر مينفعش تتحشى حوادق هقولكم جربوا وهتدعووووووووووووووولى من هنا للسنة الجاية لغاية مدورلكم على حاجة تانى اكتبها هنا
ملحوظة
العجينة دى تحفة للبيتزا كمان
يلا بقى هسيبكم تجربوا وربنا معاكم

boukybouky
25-01-2007, 12:20 AM
تسلم إيدك يا دودو و منورة المطبخ يا جميل

شكلها يفتح النفس و هناكل منها كتير و نتخن أكتر :d

ده مخطط بقي :) .ماشي يا قمر هنجرب و نوافيكي بالنتيجة

دمتِ بكل خير

في رعاية الله ،،،

emerald
25-01-2007, 02:02 PM
السلام عليكم

ياسلام يا دعاء .. والله تفتح النفس ان الواحد يجرب..


انا بولع الفرن شوية وبعدين اطفية والفها بفوطة واحطها فى الفرن ال3 ساعات

والله فكرة حلوة يا دعاء..


شكرا لكِ على الوصفة يا دعاء ..

بارك الله فيكِ...

أنفـــــال
25-01-2007, 02:32 PM
دعااااااء.. :)
انتي في المطبخ؟؟؟ :)
تسلم ايديكي مقدما .. و سيتم تجربة العجينة في معجنات بالجبنة :)

الأنسه بكلويز
25-01-2007, 03:09 PM
دعاء
ايه ده
جايه المطبخ
و فطائر مره واحده
علشان انتي ميه ميه اصلا فانا عارفه انها هتطلع حلوه
بس مش هجربها الوقتي علشان بعمل دايت فظيع شنيع
فاهماني بقي طبعا
ميرسي علي الفطيره انا نقلتها
اصل اسمه ايه ده بيحب الاكل
و عجبي!!!!

دعاء ثابت
25-01-2007, 04:01 PM
تسلم إيدك يا دودو و منورة المطبخ يا جميل

شكلها يفتح النفس و هناكل منها كتير و نتخن أكتر :d

ده مخطط بقي :) .ماشي يا قمر هنجرب و نوافيكي بالنتيجة

دمتِ بكل خير

في رعاية الله ،،،
يارب يخليكى يا ريرى ونوركم كلكم والله اصلا عايزة اقولك انا بتخن فى القاعة هنا من الريحة بس وبصى بقى انا بحس انة مخطط من الرجالة اساسا اننا نتخن لان كل الوصفات التحفة هنا الرجالة عاملة شغل جامد فيها وربنا يستر
هنتظر نتيجة التجربة يا ريهام متطنشيش
دعاء

دعاء ثابت
25-01-2007, 04:03 PM
السلام عليكم

ياسلام يا دعاء .. والله تفتح النفس ان الواحد يجرب..



والله فكرة حلوة يا دعاء..


شكرا لكِ على الوصفة يا دعاء ..

بارك الله فيكِ...
وعليكم السلام ورحمة الله وبركاتة شكرا ليكى انتى يا اميرالد على المرور الجميل وهستنى تجربى وتردى عليا
:h: :h: :h: :h: :h: :h: :h: :h: :h: :h: :h: :h: :h: :h: :h: :h: :h: :h: :h: :h: :h: :h: :h:

دعاء ثابت
25-01-2007, 04:08 PM
دعااااااء.. :)
انتي في المطبخ؟؟؟ :)
تسلم ايديكي مقدما .. و سيتم تجربة العجينة في معجنات بالجبنة :)
انفال حبيبتى عاملة اية واخبارك اية شفتى بقى انا اقتحمت المطبخ ازاى
هستنى تجربى وتوافينى بالنتائج وبالهنا والشفا يا جميل

دعاء ثابت
25-01-2007, 04:24 PM
دعاء
ايه ده
جايه المطبخ
و فطائر مره واحده
علشان انتي ميه ميه اصلا فانا عارفه انها هتطلع حلوه
بس مش هجربها الوقتي علشان بعمل دايت فظيع شنيع
فاهماني بقي طبعا
ميرسي علي الفطيره انا نقلتها
اصل اسمه ايه ده بيحب الاكل
و عجبي!!!!
بكلوزتى عروستنا الجميلة عاملة اية يا قمر وربنا يعينك على الدايت دة وعايزة اقولك طب ما تجربى ومتاكليش منة بدل ما متعجبش زوجك العزيز وينزل ضرب فيكى انتى والمعيز ونزعل عليكى يا بكلويز
يالة جربى وانا منتظراكى

الأنسه بكلويز
25-01-2007, 04:54 PM
ماشي كلامك هجربها الاول و هاكل منها كمان بس في اليوم الفري
و هقولك ايه النتيجه

ليلة عشق
30-01-2007, 12:46 PM
الأخت الغالية دعاء

نورتي القاعة ياقمر بوصفة جميلة محتاجينها كلنا ......
هجربها وعلي ضمانتك لان بناتي بيحبوا الفطاير المحشية جدا وبالأخص بالجبنة ....
ونشوف البيتزا كمان لاني عاده بشتري قواعد البيتزا جاهزة وأحط عليها المكونات ......
سلمت يداِ عزيزتي وانتظري النتيجة ......
لكِ خالص الشكر والتقدير ......

تحياتي
ليلة عشق

aynad
30-01-2007, 01:03 PM
الله يا دودو
شكلها يفتح النفس اوي
حنجرب نعملها
بس لو طلعت ساكة بدل ما اولع الفرن حولع فيكي هههههههههههههه