المساعد الشخصي الرقمي

مشاهدة النسخة كاملة : شاركونا التصويت لتتويج افضل طباخ فى قسم المقبلات



الدكتورة نسيبة
21-01-2007, 01:40 PM
الوصفة الاولى :

دقة الفلفل الحامي:

ربع كيلو قرون فلفل اخضر
نص كيلو طماطم طريه
2 ثومه مدقوقه
بشر بصلايه
كسبره ناشفه
ملح، فلفل، كمون، بهارات
ملعقه سمنه او زبده او زيت زيتون

الطريقه:
- يقطع كل من الفلفل و الطماطم قطع صغيره كل في صحن منفرد
- يتم تشويح الفلفل في ملعقه السمنه او الزبده حتي يتغير لونه قليلا ثم يوضح بشر البصله ثم يشوحوا قليلا ايضا ثم يوضع الثوم المهروس. يجب مراعاه التحمير كثيرا بعد وضع الثوم لانه سريع التحمير.
-ترش زره كزبره ناشفه (بتاعت الملوخيه) عند اضافه الثوم و يشوح كله معا لبضع ثوان
- تضاف الطماطم و نقلب قليلا ثم نوطي النار و يغطي القدر لبضع دقائق
- يضاف الملح و الفلفل و الكمون و البهارات مع التقليب
- اضافه كوب ماء ثم نعلي النار و نترها حتي تتسبك
- توضع في اطباق صغيره و تستخدم كمقبلات مع جميع اصناف الاكل لمحبي الشطه
__________________________________________________ ______________

الوصفة التانية :

خلطه الكبد و القوانص:

كبد و قوانص حسب الطلب او حجم السفره (العزومه يعني) و لو قلنا 5 افراد يبقي تقريبا ربع كيلو كبد و قوانص
- طماطمايه مبشوره
- بصله مبشوره بالسكين و ليش بالمبشره
- ثومه مهروسه
- الملح و الفلفل و البهارات و الكسبره

الطريقه
- تقطع الكبد و القوانص الي قطع صغيره جدا كل منهم في طبق منفرد تماما
- تشوح البصله حتي قرب الصفرار و ليس الاصفرار التام
- تضاف القوانص فقط الي البصل و تحمر قليلا و تضاف الثومه و رشه الكسبره الناشفه و يحمر كله معا
- تضاف نصف كوب ماء الي القوانص و تترك حتي تنشف المياه
- تضاف الطماطمايه المبشوره و الكبد مع الملح و الفلفل و البهارات و نوطي النار للتسبيك و بالهنا و الشفا

__________________________________________________ _______________

الوصفة الثالثة :

بروكلي بادلي

المقادير
4/3 كيلو بروكلى او حسب الطلب
فلفل . ملح. 3 فص ثوم مفروم
4/1 لتر كريمه سائله
4 طرنشات لانشن او 3
3 الى 4 ملاعق ك
جبن برميزان او جبنه رومى مبشوره
ملعقتين زبده
ملعقه ص دقيق

طريقه عمل الصوص بالكريمه

نضع ملعقه صغيره من الزبد فى اناء ونضعه على النار
وبعد ما تسيح الزبده نضع عليها الكريمه السائله ونقلب
حتى لاتحترق
نضع قليل من الملح والفلفل
وبعد ذلك قطعه زبد صغير نغمسها فى الدقيق ونضعها على الكريمه كي يشتد القوام قليلا
ونجعل النار خفيفه تحت الوعاء ونستمر فى التحريك
حتى يكون الصوص ثقيل القوام نوعا ما
نضعه على جنب
بعد ذلك


بنجيب البروكلي ونسلقه 4/3 سلقه
ونشيله من الماء المغلى ونضعه فى ماء ساقع جدا وياريت يكون شويه تلج كمان على الماء

عشان مايفقدش لونه الاخضر
بعد كده نصفى البروكلى من الماء كويس ونضعه فى طاجن صغير

نبهر ونملح البروكلي ونضع الثوم المفروم عليه
ونسكب عليه الكريمه اللى عملناها
نغطى البروكلى بقطع الانشون
وندخلهم الفرن لمده حوالى السبع دقائق حتى نرى الصوص بدا فى الغليان
نخرج الطاجن ونضع عليه جبنه البرميزان ونضعه فى الفرن حتى يحمر الوجه
والف هنا وشفا

__________________________________________________ _______________

الوصفة الرابعة :

سبانخ فرن
المقادير
2/1 كيلو سبانخ

ربع كيلو جبنه بيضا قليله الملح والدسم
عدد 2 طماطم
ملح. فلفل . قليل من جوزه الطيب
زره قرفه
4 ملاعق ك زيت زيتون

الطريقه

نسلق السبانخ بعد غسلها جيدا
بعد ذلك تصفى من الماء وتعصر بالراحه كي نتخلص من الماء
نضع معلقتين زيت زيتون فى قاع الطبق او الطاجن
نضع السبانخ فى طبق الفرن او طاجن صغير
ونفردها بطريقه جميله
ونبهرها بجزء من الملح والفلفل وجوزه الطيب والقرفه اللى موجودين

بعد زلك نقطع الجبنه البيضا طرنشات ونرصها على السبانخ
وفوقها نقطع الطماطم الى حلقات ونضع عليهم بقيه البهارات
من فلفل وملح وقرفه وجوزه الطيب
ومن فوق معلقتين زيت زيتون
ندخل الطبق الفرن حتى نرى الطماطم استوت واحمرار الجبنه البيضا قليلا
ونخرجه
والف هنا وشفا

__________________________________________________ _______________

الوصفة الخامسة :

سلطة البطاطس بالمايونيز
"


نجيب نص كيلو بطاطس ونسلقها بقشرها ونسيبها تبرد

نقشرها بعد شطفها بماء بارد عشان ما تتففتش ونقطعها
مكعبات ونكون محضرين صوص مكون من معلقتين خل ومعلقتين زيت زيتون وبقدونس مفروم وملح وفلفل
ونسقى بيهم مكعبات البطاطس ونقلبه بحرص ونسيبها قد نص ساعة تتشرب..

نجيب بيضيتن مسلوقين ونفرمهم ونضيفهم على البطاطس
نجيب خمس معالق مايونيز ونضيف عليهم كوب زبادى ونقلب كويس .. ونضيفة على خليط البطاطس ونقلب كويس ونظبط الملح


بألف هنا وشفا ..

أنفـــــال
21-01-2007, 05:25 PM
أوكي :)

anas*
21-01-2007, 09:53 PM
الوصفه الخامسه

zizoYAzizo
21-01-2007, 11:10 PM
تم التصويت

أم أحمد
22-01-2007, 02:31 AM
تم التصويت
بالتوفيق للجميع
:f2:

حنـــــان
22-01-2007, 02:52 AM
تم التصويت
تسلم ايدك يا ميرا على الموضوع الجميل

شاعر الرومانسية
22-01-2007, 04:19 AM
تم بحمد الله

شكرا لمجهودك .. اختنا العزيزة ميرا


خالص تحياتى،،،:f:

osha
22-01-2007, 06:17 AM
تمام يا افندم

الدكتورة نسيبة
22-01-2007, 11:06 AM
شكرا يا جماعة ليكم كلكم على المرور والتصويت وحظ سعيد ان شاء الله لكل المشتركين

وان شاء الله هيتم غلق التصويت واعلان الفائز فى قسم المقبلات يوم

الاربعاء الموافق 24-1-2007

حظ سعيد للجميع

عروسة جديدة
22-01-2007, 11:54 AM
تم التصويت
الوصفة الثانية

نهى الجن
22-01-2007, 01:53 PM
تم التصويت ويسلم كل من قام من مجهود لانجاح هذا الاستفتاء

اتمنى للجميع التوفيق

بسكوتة
22-01-2007, 11:21 PM
دكتورة نسيبة بجد موضوع جميل
وتم التصويت للوصفة الرابعة

ميمو المصرى
22-01-2007, 11:45 PM
تم التصويت

بنت شهريار
23-01-2007, 02:32 AM
تم التصويت يافندم
يا مسابقاتك يادووووووووووك
تسلم الايادى

emerald
23-01-2007, 05:21 PM
السلام عليكم

مجهود كبير يا ميرا شكرا لكِ ..

تم التصويت ^-^

بارك الله فيكِ..

boukybouky
23-01-2007, 10:06 PM
تم يا فندم خلاص

في رعاية الله،،

الدكتورة نسيبة
24-01-2007, 11:16 PM
تسلم ايديكم يا جماعة وكل من اشترك فى التصويت وشكر كبير جداااااااااا لكل طباخينا اللى دخلوا المسابقة وشاركونا

وعايزين بقى كلنا نهنى

جيمى

لانه فاز بلقب افضل طباخ فى قسم المقبلات والف مبروك يا جيمى

boukybouky
25-01-2007, 12:03 AM
الف مبروك
jemmy
فوزك بأفضل وصفة للمقبلات

و عقبال البقية ان شاء الله
و التقييم لا يغلي عليك :f2:
دمت بكل خير

في رعاية الله ،،،

بنت شهريار
25-01-2007, 12:36 AM
http://up.haridy.org/storage/مبروو,,,,,وك.gif (http://upload.haridy.org)
الف الف الف مبروك جيمى
تستحقها وعن جدارة
اكلات ووصفات ممتعه جدا
لك جزيل الشكر اخى العزيز
وشكرا لكى ميرا على مسابقتك الجميله
ارق تحياتى وتقديرى

jemmy
25-01-2007, 01:52 AM
تسلم ايديكم يا جماعة وكل من اشترك فى التصويت وشكر كبير جداااااااااا لكل طباخينا اللى دخلوا المسابقة وشاركونا

وعايزين بقى كلنا نهنى

جيمى

لانه فاز بلقب افضل طباخ فى قسم المقبلات والف مبروك يا جيمى


الاخت الفاضله/

دكتوره نســـيبه
اشكر مجهودك على هذه المسابقه .

كما اتوجه بخالص شكري وتقديري للاخوه والاخوات الذين قاموا بالتصويت

والذين تقدموا بالتهنئه على الفوز بلقب

( افضل طباخ فى قسم المقبلات )

واتمنى ان اكون دائما عند حسن ظن الجميع بى وبوصفاتى

خالص شكري وتقديرى للجميع

jemmy
25-01-2007, 01:56 AM
الف مبروك
jemmy
فوزك بأفضل وصفة للمقبلات

و عقبال البقية ان شاء الله
و التقييم لا يغلي عليك :f2:
دمت بكل خير

في رعاية الله ،،،


الاخت الفاضله/

بوكى
اشكرك على التهنئه واشكر تقييمك

ارجو ان اكون عند حسن ظنكم جميعا وان اقدم دائما كل ماهو جديد

خالص تحياتى

jemmy
25-01-2007, 02:00 AM
http://up.haridy.org/storage/مبروو,,,,,وك.gif (http://upload.haridy.org)
الف الف الف مبروك جيمى
تستحقها وعن جدارة
اكلات ووصفات ممتعه جدا
لك جزيل الشكر اخى العزيز
وشكرا لكى ميرا على مسابقتك الجميله
ارق تحياتى وتقديرى


اختى العزيزه والغاليه /

عبير
اشكرك من كل قلبى على تهنئتك ولفتتك الجميله هذه

دائما كعادتك سباقه بكل ماهو جميل

بجد بشكرك من كل قلبى

خالص تحياتى لكى

زمن العجائب
25-01-2007, 08:42 PM
jemmy

افضل طباخ فى قسم المقبلات
مش جديده عليك يا باشا .. الكبير كبير يا شيف شيفات المانيا

من نجاح لنجاح والله مش كتير عليك يا شيف

الف الف الف مبرووووووووووووووووووووووك

مليون مبرووووووووووووووك

ليلة عشق
27-01-2007, 09:48 PM
الأخ الفاضل jemmy

الف الف مبروك فوزك بلقب ( افضل صباخ في قسم المقبلات ) .....
وهو ليس بجديد عليك لما نراه من ابداعك في المطبخ من خلال مواضيعك المميزة ......
تستاهل اللقب عن جدارة ......
والف مبروك مرة تانية ......
لك خالص تقديري واحترامي .......

تحياتي
ليلة عشق

jemmy
29-01-2007, 12:59 AM
jemmy

افضل طباخ فى قسم المقبلات
مش جديده عليك يا باشا .. الكبير كبير يا شيف شيفات المانيا

من نجاح لنجاح والله مش كتير عليك يا شيف

الف الف الف مبرووووووووووووووووووووووك

مليون مبرووووووووووووووك


اهلا زمن العجائب
الف الف الف شكـــــــــــــــــر يا صديقى العزيز

على تهنئتك الرقيقه

شاكر افضالك يا زمن
دائما كده مغرقنى بكلامك الحلو وجمايلك الكتيره

الف شكر حبيب قلبى وكله بنفسكم والله

jemmy
29-01-2007, 12:51 PM
الأخ الفاضل jemmy

الف الف مبروك فوزك بلقب ( افضل صباخ في قسم المقبلات ) .....
وهو ليس بجديد عليك لما نراه من ابداعك في المطبخ من خلال مواضيعك المميزة ......
تستاهل اللقب عن جدارة ......
والف مبروك مرة تانية ......
لك خالص تقديري واحترامي .......

تحياتي
ليلة عشق


العزيزه الغاليه /

الاخت ليله عشـــــق

الف الف الف شكر

اشكر تهنئتك الرقيقه

واشكر تشجيعك الدائم لشخصى من خلال مواضيعى

سواء فى هذه القاعه او القاعات الاخرى

ربنا يقدرنى بجد على رد شيئ من جمايلك عليه

خالص تحياتى لشخصك الكريم اختى الفاضله