المساعد الشخصي الرقمي

مشاهدة النسخة كاملة : المصــــري هو اللي (جديد)



الأزهري المصري
20-01-2007, 09:45 PM
نشرت الموضوع ده قبل وقال لي البعض انه مكرر وطالبت بحذفه الى ان اكتشفت ان الموضوع المثبت مختلف موضوع وشكلا عن هذا الموضوع

لذا تم اعادة النشر :good: > >>
> >>المصري هو اللّي
بيفهم في الطب ويشخص المرض ويوصفلك الدوا وبيفهم في النقاشة والكهربا وتصليح
العربيات والطبيخ والسياسة والكورة وهو أبيض ياورد

بيحط الريموت كونترول في كيس بلاستيك كعادة فرعونية

يقف يتكلم على الباب نص ساعة بعد إنتهاء الزيارة والسلام

لمّا تفتح نملية المطبخ هتلاقي عنده عشرين برطمان بتاع مربى فاضي بقالهم سنين
ومازال مُصِر على جمع المزيد
ييجي بعد معاده بساعتين ويفتكر إن ده عادي

لسه عنده إصرار إنه يتكلم بصوت عالي في التليفون لما تكون المكالمة دولية
عشان التاني يسمعه
بيعتبر نفسه أفضل واحد في الشرا والفصال وبعد كده يكتشف إن الحاجة في المحل
اللي جنبه أرخص من غير فصال
بيحتفظ بأكياس محلات اللبس والأحذية وورق الهدايا تحت مرتبة السرير لسنوات
ومابيستخدمهاش

عنده صينية مكسرات متقسمة لتلات او أربع أقسام لزوم المزاج وعمره ماإستخدمها

ممكن يعدي التلاتين ولسه عايش مع أمه وأبوه وماعندهومش مشكلة
بيشتري قبل الفطار في رمضان مواد إستهلاكية أصلا موجود عنده في البيت لسه
ماستخدمهاش
بيكون عنده شواية لزوم الرحلات أقصى استخدام لها كان مرة واحدة في العيد
بيشيل طابع البريد من على الظرف لو الختم ماكانش عليه

بيفتكر إن أي حد بيشتغل في الخليج بيغرف فلوس من غير حساب
بيكون مشغول بقيمة التيبس أو البقشيش طول العشا ياترى ربع جنيه ولا نص جنيه

> >>برده بيتخانق ساعة دفع الحساب بحرارة شديدة على إنه هو اللي لازم يدفع

بيفرش ملاية سرير على طقم الأنتريه عشان يفضل نضيف لما ييجي ضيوف ومابيشيلهاش
لما ييجوا
والأهم إنه اللي بيحب يسخر من نفسه ومن بلده وحكامه بس مايطيقش حد تاني يسخر
منهم ، وساعتها بيفرش له الملاية

runaway_heart
22-01-2007, 01:43 AM
هاهاهاهاهاهاهاهاهاهاها
شكرا على الموضوع

الأزهري المصري
22-01-2007, 08:00 PM
هاهاهاهاهاهاهاهاهاهاها
شكرا على الموضوع
العفو يا باشا
واهلا وسهلا بيكي على طوووووووووووووووول

رحال اسكندراني
23-01-2007, 05:06 AM
مشكوور يا غالي
تحياتي لك ...

الأزهري المصري
23-01-2007, 08:14 PM
مشكوور يا غالي
تحياتي لك ...
العفو يا باشا
واهلا بك دائما :h:

مغترب
24-01-2007, 10:35 AM
عزيزي الأزهري

موضوعك مكرر من قبل دكتور جمال الشربينى و ليس من قبلى فأنا موضوعى المثبت
فى هذا القسم هو النقيض لكم انت و جمال الشربينى و اتفضل هذا الرابط الخاص بموضوع جمال الشربينى (http://www.egyptsons.com/misr/showthread.php?t=63849)

http://www.egyptsons.com/misr/showthread.php?t=63849


هذا ردي على جمال الشربينى و لك ايضا منسوخ من الموضوع السابق

يا أخى اتقى الله

و تذكر استوصوا باهل مصر خيرا

و أنهم خير أجناد الارض

فمصر شرف و يوم ان ظهرت المجاعة فى المدينة فى عهد الفاروق لم يكن لها الا المصريون

مصر شرف تحطمت على صخرتها العتية جحافل التتار و المغول و الصليبيبن

مصر شرف خرجت من اصلاب رجالها عظماء التاريخ و قادة الامة

فمعا نقول نعم نحن مصريون بعزة اسلامنا و فخر تاريخنا و نسب عروبتنا

خالد الفارس
24-01-2007, 01:47 PM
عزيزي الأزهري

موضوعك مكرر من قبل دكتور جمال الشربينى و ليس من قبلى فأنا موضوعى المثبت
فى هذا القسم هو النقيض لكم انت و جمال الشربينى و اتفضل هذا الرابط الخاص بموضوع جمال الشربينى (http://www.egyptsons.com/misr/showthread.php?t=63849)

http://www.egyptsons.com/misr/showthread.php?t=63849


هذا ردي على جمال الشربينى و لك ايضا منسوخ من الموضوع السابق

يا أخى اتقى الله

و تذكر استوصوا باهل مصر خيرا

و أنهم خير أجناد الارض

فمصر شرف و يوم ان ظهرت المجاعة فى المدينة فى عهد الفاروق لم يكن لها الا المصريون

مصر شرف تحطمت على صخرتها العتية جحافل التتار و المغول و الصليبيبن

مصر شرف خرجت من اصلاب رجالها عظماء التاريخ و قادة الامة

فمعا نقول نعم نحن مصريون بعزة اسلامنا و فخر تاريخنا و نسب عروبتنا


ايه يا جماعة فى ايه مش دى قاعة فك التكشيرة برده
هى الناس دى زعلانه من يعضها ليه
الموضوع حلو يا ازهرى
مش مهم الموضوع يكون منقول او متكرر
فى ناس كتير ما بتشوفش الموضوع اول ما ينزل
وتقراه لما عضو تانى يكرره
المهم ان الموضوع حلو
ويا عم مغترب الراجل بيهرج ما بقصدش كده فى المصريين

الأزهري المصري
24-01-2007, 08:04 PM
عزيزي الأزهري

موضوعك مكرر من قبل دكتور جمال الشربينى و ليس من قبلى فأنا موضوعى المثبت
فى هذا القسم هو النقيض لكم انت و جمال الشربينى و اتفضل هذا الرابط الخاص بموضوع جمال الشربينى (http://www.egyptsons.com/misr/showthread.php?t=63849)

http://www.egyptsons.com/misr/showthread.php?t=63849




أخي الفاضل اهلا وسهلا بك
بداية لم ار موضوع الدكتور جمال قبل ذلك وعندما نشرت الموضوع قبل ذلك رد البعض بان تؤم الموضوع مثبت وعندما نظرت في الموضوع المثبت وجدته مخالف لهذا الموضوع تماما



يا أخى اتقى الله

و تذكر استوصوا باهل مصر خيرا

و أنهم خير أجناد الارض

فمصر شرف و يوم ان ظهرت المجاعة فى المدينة فى عهد الفاروق لم يكن لها الا المصريون

مصر شرف تحطمت على صخرتها العتية جحافل التتار و المغول و الصليبيبن

مصر شرف خرجت من اصلاب رجالها عظماء التاريخ و قادة الامة

فمعا نقول نعم نحن مصريون بعزة اسلامنا و فخر تاريخنا و نسب عروبتنا
اللهم اجعلنا من المتقين

بداية اتذكر اننا هنا في قاعة فك التكشيرة ولسنا في قاعة السياسية او في قاعة المناقشات

ثانيا ان ما جاء في الموضوع هو امور تحدث بالفعل في مجتمعنا المصري رايتها وعاشرتها
فلا داعي لدفن رؤسنا في الرمال ولا داعي لان نتجمل وندعي ما ليس فينا

ان لم نتذكر اخطاؤنا ومشاكلنا ونعالجها فسنظل في مكاننا لا نتحرك قيد انملة

وعلى كل ساضع الموضوع كما هو في قاعة المناقشات واطلب فيه رد الاعضاء كلهم

والسلام عليكم ورحمة الله وبركاته

الأزهري المصري
24-01-2007, 08:09 PM
ايه يا جماعة فى ايه مش دى قاعة فك التكشيرة برده
هى الناس دى زعلانه من يعضها ليه
الموضوع حلو يا ازهرى
مش مهم الموضوع يكون منقول او متكرر
فى ناس كتير ما بتشوفش الموضوع اول ما ينزل
وتقراه لما عضو تانى يكرره
المهم ان الموضوع حلو
ويا عم مغترب الراجل بيهرج ما بقصدش كده فى المصريين
اشكرك على كلماتك اخي الفاضل خالد :h:

الأزهري المصري
24-01-2007, 08:11 PM
و تذكر استوصوا باهل مصر خيرا

و أنهم خير أجناد الارض

فمصر شرف و يوم ان ظهرت المجاعة فى المدينة فى عهد الفاروق لم يكن لها الا المصريون

مصر شرف تحطمت على صخرتها العتية جحافل التتار و المغول و الصليبيبن

مصر شرف خرجت من اصلاب رجالها عظماء التاريخ و قادة الامة


http://www.egyptsons.com/misr/showthread.php?t=68822

كيف نقارن بين ردك وموضوعك؟؟
في انتظارك

ابتسام22
24-01-2007, 08:13 PM
السلام عليكم


انا راى ان لو ده نوع من الفكاهه والهزار فمعلش لو قلت لك ده هزار بايخ وتقيل الدم

ولو كان نوع من السخريه فسؤالى لك انت جنسيتك ايه علشان ادور لك على موضوع يلاءم البلد الى انت منها


((((هو ده الكلام الى جايبنا وراا)

الأزهري المصري
24-01-2007, 08:17 PM
السلام عليكم


انا راى ان لو ده نوع من الفكاهه والهزار فمعلش لو قلت لك ده هزار بايخ وتقيل الدم

ولو كان نوع من السخريه فسؤالى لك انت جنسيتك ايه علشان ادور لك على موضوع يلاءم البلد الى انت منها


((((هو ده الكلام الى جايبنا وراا)
وعليكم السلام
انا احترم جميع الاراء ولا احب ان اجرح احدا كما لا احب لاحد ان يجرحني
عموما انا اقول لك انني مصري حتى النخاع

وكونك تقولين ان الموضوع بايخ ودمه تقيل فهذا امر لك ولم نطلب رايك
ويكفيني ان الموضوع قد اعجب غيرك
وشكرا ......

مي مؤمن
24-01-2007, 08:29 PM
في ايه يا جماعه انتوا نزلين سلخ في بعض كدة ليه الموضوع بسيط وفعلا دة في كتير من صفات المصرين الحاجات دي ما تعبناش لا سمح الله كل انسان في الدنيا دي فيه مميزات وعيوب ولو عايز اقولك عيوب كل شعب هقولهالك يعني من تقاليد السورين ان اهل العروسه ما يحضروش فرح بينتهم ومن تقاليد السعوديين انهم بيستمعتوا باكل الرز بياديهم والجلوس على الارض وفي الصحراء وغيروا وغيروا ودة ما يعبهمش بالعكس دة تقاليد شعب ومرسي خالص يا ازهري على الموضوع حتى لو مكرر وربنا يهدينا ويهدي الجميع يا رب

reem1
24-01-2007, 08:39 PM
احيانا ذكر السلبيات بيساعد ع التعرف عليها وتفاديها بعد كدة
الموضوع بجد دمه خفيف ولذيذ
شكرا ليك

الأزهري المصري
25-01-2007, 06:26 PM
في ايه يا جماعه انتوا نزلين سلخ في بعض كدة ليه الموضوع بسيط وفعلا دة في كتير من صفات المصرين الحاجات دي ما تعبناش لا سمح الله كل انسان في الدنيا دي فيه مميزات وعيوب ولو عايز اقولك عيوب كل شعب هقولهالك يعني من تقاليد السورين ان اهل العروسه ما يحضروش فرح بينتهم ومن تقاليد السعوديين انهم بيستمعتوا باكل الرز بياديهم والجلوس على الارض وفي الصحراء وغيروا وغيروا ودة ما يعبهمش بالعكس دة تقاليد شعب ومرسي خالص يا ازهري على الموضوع حتى لو مكرر وربنا يهدينا ويهدي الجميع يا رب
شكرا يا مي على ردك
وبصراحة انا مش هاقدر ازود حاجه على كلامك الرائع ده
شكرا لكي

الأزهري المصري
25-01-2007, 06:31 PM
احيانا ذكر السلبيات بيساعد ع التعرف عليها وتفاديها بعد كدة
الموضوع بجد دمه خفيف ولذيذ
شكرا ليك
شكرا ليكي يا ريم
ونورتي الموضوع :f:


Photo Gallery