المساعد الشخصي الرقمي

مشاهدة النسخة كاملة : كوكتيل نكت



runaway_heart
19-01-2007, 01:27 AM
* واحد بخيل راح للفكهاني .. قال له شوف لنا حاجه ناخدها معانا لواحد عيان ، الفكهاني قال له عندك مانجه أهه بعشرين جنيه الكيلو ، قال له لا ياراجل أصله مش عيان قوي كده

* مره واحد بخيل اوى بعت ابنه يشترى له بعشره صاغ جبنه .....راح الواد ورجع بعد شويه وقاله باباالبقال بيقولك تعال الحس السكينه

* بخيل صحى من النوم قال لمراته أنا حلمت إنى اشتريت للأولاد 3 كيلو موز و2 كيلو تفاح قالت له يا راجل ليه التبذير ده قال لها اسكتى خلى العيال تاكل

* واحدة بخيلة بعتت ابنها يشترى تلاتة ارغفة لما جه قالتله رجع رغيف ابوك مات

* واحد بخيل ييجي بالليل و يقول لولاده مين يتعشى ومين ياخد جنيه كل الولاد يقولو ناخد الجنيه ييجى الصبح ويقولهم مين يفطر و يعطى لبابا جنيه

*واحد بخيل عنده ثلاث تفاحات فتح الاولى لقى فيها دود التانية فيها دود وصل للثالثة طفا النور وأكلها

* مرة اتنين بخلاء خلفوا عيل حطوة فى البنك

* واد بيقول لابوه البخيل هات جنيهن عشان عايز لروح لحسانين.. فقاله خد الجنيه ده وروح لحسن واحد بس

* واحد بلدياتنا وقع من الدور العاشر .. جاله صداع

* واحدبلدياتنا بيقفل التلفزيون قفل على صباعه

* مره واحد بلديتنا لقى خاتم سليمان جه يدعكه فعص العفريت

* واحد بلدياتنا بيهشك ابنه، و قع النايل سات

* واحد بلدياتنا إتهموه بالذكاء....طلع براءة

* واحد بلدياتنا فى المصيف إتصور بمايوه و بعت صورته البلد بعتوله هدوم

* اثنين بلديتنا قاعدين بيمصوا قصب لما حبو يقوموا ملقيوش الشوم بتاعهم

* واحد بلديتنا رجع بيته لقى مراته فى السرير مع أثنين .. صرخ وهاج مراتى بتخونى ... بسرعه رد عليه شاب منهم احنا الكاميرا الخفية لومش عايز تذيع قول ما تذيعشى ... رد بلديتنا لأ ذيع خللى الناس تنبسط

* مره واحد بلدياتنا دخل خلاط الأسمنت طلع منه قال والله منش داخل الملاهي تاني

* مره واحد أسكندرانى ماشى على البحر لقى جماعة بلديتنا بيهتفوا (هريدى يا بطل--هريدى يا بطل) ولما سأل عن السبب أجابوا(أحسن واحد عندكم يقدر يغطس قد أيه) فقاله ( حوالى ثلاث دقائق)فقالوا هريدى غطس من ثلاث أيام و لسه مطلعش

* مره واحد بلدياتنادخل حمام افرنجي اخد معاه مترجم

* مرة أبن واحد بلديتنادخل على أبوه وسأله بتعمل أيه يابا فرد عليه أبوه : بكتب جواب لعمك فسأله الأبن أنت بتعرف تكتب يا با فرد عليه الأب يعنى عمك هو اللى بيعرف يقرأ .

* مرة واحد بلدياتنا غسل وشه ... صدى

* مره اثنين بلدياتنا راحوا امريكا فلقوا أتوبيس بدورين فقال الاول للثانى .. نركب فوق يا ولد فقال له الثانى يا غبى فوق ما فيش سواق

* مره واحد بلدياتنا شاف اشرة موزه على الأرض فقال يييه هاتزحلق تانى

*واحد بلدياتنا اول مره ياكل لبانه حلف بالطلاق ماهو نايم الا لما يخلصها

*اربعه بلدياتنا لعبو استغمايه لسه لاقين واحد منهم امبارح

* مرة اتنين مساطيل قاعدين في الاستاد واحد بيقول للتانى.. تلف الاستاد دة فى قد اية رد عليه .. في سجارتين

*إتنين مساطيل . واحد بقول للتاني : لو مفيش ستات في الدنيا كان إيه إلي حصل . إتاني قاله : مكنش الراجل إتجوز على مراته

*إثنين قاعدين يحششو في مقبرة طبت عليهم البوليس واحد هرب والثاني قال انا ميت بس طالع أشم هواء.

*اثنين قاعدين يحششو جنب خزان ميه واحدوقع في الخزان ..الثاني راح يستناه عند الحنفيه.....

* مره فيل اتقدم لنمله فاهلها ماوافقوش فقالت لهم: حرام عليكم الفيل الى فى بطنى

* حكم كوره أعد على قهوه ...طلب واحد صفر

* مرة اثنين رايحين يتعدموا واحد طيب والثانى رزل فبيسئلوهم نفسكم فى أية فرد الأول قال لهم نفسى أشوف أمى أما الثانى فقال لهم نفسى ده مايشوفش أمه

* مرة واحد عجلاتى قعد على قهوة طلب كاوتشينو

* واحد تاكسجى نايم مراتة دخلت علية بالليل وقفلت الباب بشويش..صحى قال لها افتحية واقفلية تانى!!!

* مرة واحد حلو اتجوز واحدة حلوة خلفوا ولد ملزق

* مره واحد اشترى لمبه مسمار دقها في الحيط

* مرة واحد باكستاني قابل واحد باكستالت

* قهوجى خلف ولد من غير وش

* بياع جرايد ابوه مات مشى فى الجنازة يقول اقرا الفاتحة

* كمسارى راح يتجوز لقى المهر ناقص كتب الباقى على دهر التذكرة !!!!!

runaway_heart
19-01-2007, 01:32 AM
sorry
نسيت اكتب انها منقوله
يا رب تعجبكم

hunter_eg
21-01-2007, 11:14 AM
ايه الجـــــــــــــــــــــــــــــمـــــــــــــــــ ـــــــــــال ده

عبده الدرملى
21-01-2007, 11:31 PM
ههههههههههههههههه
جمال اوى
تسلم ايدك
بجد شداد اوى

runaway_heart
22-01-2007, 01:13 AM
ايه الجـــــــــــــــــــــــــــــمـــــــــــــــــ ـــــــــــال ده



ميرسي يا جميل ده بس من ذوق

runaway_heart
22-01-2007, 01:16 AM
ههههههههههههههههه
جمال اوى
تسلم ايدك
بجد شداد اوى




ميرسي يا عبدو
انا مبسوطه اوي انهم عجبوك


Photo Gallery