المساعد الشخصي الرقمي

مشاهدة النسخة كاملة : جرعة نكد



مصريه وافتخر
15-01-2007, 09:17 AM
السلام عليكم

ازيكوا كلكوا
يا رب تكونوا بخير

المهم
انا النهارده جبتلكم موضوع يارب يعجبكم

هو عبارة ان كل حد فينا (يدخل الموضوع يعني) يكتب قصة مأساوية
بس مش مأساوية اوي
عشان احنا مش ناقصين نكد والله
المهم
يكتب قصة تجمع بين الروح المرحة والنفس المكبوتة
وليه الحرية انوا يختار النهاية ايا كانت
يعني تضحك نكدية مجهولة .........براحته
المهم تجمع بين كل ده وخلونا نشوف ابداعكوا
سلام

طـــــير في الســـما
10-02-2007, 12:01 AM
و الله فكرة حلوة..........صحيح نكد ، و هتقلب المواجع ، بس مشكلة
اديني فرصة افكر.........

الأنسه بكلويز
21-08-2007, 06:40 AM
ايه يا امي اللي بتقوليه ده
ماشي
ما علينا
نكد نكد نكد؟؟؟؟؟
ممممممممممممممممممممممممممممممممممممممممممم

مش عارفه
مفيش نكد

بطني بتوجعني و عايزه انام
كده نكد بالنسبالي

Emad.
21-08-2007, 07:21 AM
ياسلام علي مواضيعك يامصريه الصراحه انا بقيت معرفش اخش الموقع منغير مزور مواضيعك علشان احس كده بالبهجه والسرور من حلاوة
يعني مره قصص مرعبه مره قصص مقالب
وياسلام المرادي نكد
ايه ده هو حد موصيكي علينا حرام عليكي دحنا غلابه

وياسلام يابكلويز علي نكد الافرنجي بتاعك
مصريه متنسيش ها صاحب الموقوع مبسوط منك وبيقولك متجيش بكره

مصريه وافتخر
21-08-2007, 12:14 PM
اوكي اوكي
مجيش النهارده
حلو اوي
انا مش جاية النهارده
انا ماشية
يلا سلام عليكم

ههههههههههه
ميرسي على نكدك يا بكلويز يا حبيبتي
عيطلك
وعيني اتنفخت من العياط
هههههههههه
عماد باشا
شكرا لمرورك الكريم
بس ليه مفيش نكد
ربنا يفرحك كمان وكمان
ولمعلوماتك
انا مواضيعي مش بس اللي موجوده هنا في القاعة
تقدر تشوفها في ملفي
بعدين انا الرعب حياتي
لكن لما اتضحك عليا في الموقع اللي لقيت فيه القصة
قلت هطلعو عليكو

شكرا كمان مرة
لبكلويز على نكدها
وعماد على طردوا ليا
وايمان على مشاركتها اللي بقالها 3 اشهر
ومشفتهاش بعدها

الأنسه بكلويز
21-08-2007, 12:48 PM
ميرسي على نكدك يا بكلويز يا حبيبتي
عيطلك
وعيني اتنفخت من العياط
هههههههههه

لبكلويز على نكدها


مصمص
نكد ايه يا ماما
هو انا عارفه اقول كلمتين نكد
مفيش حاجه في دماغي خالص
و تعيطي ليه
هيهي بطني و لا بطنك
و عينك تتنفخ من العياط ليه
انكد عليكي انا الوقتي
اولع فيكي يعني و لا اعمل ايه انا
ماشي ماشي
:girl10:

مصريه وافتخر
21-08-2007, 12:51 PM
بكلويز حبيبتي
ازيك
عيزا اكلمك شوية
المهم
تولعي فيا مرة واحدة
هئ هئ هئ هئ
طيب
ميرسي ليكي
ههههههه
اكيد محدش هيعيط ولا يزعل عليا لو ولعتي فيا

Maruko
24-08-2007, 06:32 AM
ههههههههههههه

يا افكارك يا مصريةةةةةةةةة

انا داخلة اديكم جرعة نكد من البديهالكم على الميل

ههههههههههههههههههههههههههههههه




دي ماساة ممكن حدوتة ممكن اكون حطة جزء من نفسي فيها.......

بس جزء مش كل.......



انا برة بلدى ........


كل حاجة حلوة .........وكل حاجة خضرا .........

والناس عايشة كويس ..........وراكبة عربية مكيفة ومحترمة

مدرستى فيها تكييف وموكيت وكولدير عشان اشرب .........

حصل الخلانى انزل هنا

اتصدمت بواقع .........مفيش كولدير اشرب منه المية

مفيش موكيت في المدرسة ..........

مفيش سقف ..........مفيش كونديشن ..........

الله ..........هو المدرسة دي مفيهاش بيسين .........

ههههههههههههههههههههههههه

شفتى الدلع .................


الباص جه اخدنا اول يوم .............الكرسي بتاع 2 .........

الله دا انا ومعايا 5 في الكرسي .......

ههههههههههههههههه قدرة

امال لو في مدرسة حكومة ..............

دخلت الفصل ..........

تانى يوم .......نسيت الواجب .............

اصلي هناك ...........كان فيه كشكول ...........كنت بكتب فيه المس

ايه العلينا .......وناخده معانا ...........نروح البيت ........نشوف فيه ايه الورانا

وايه الهنعمله

نسيت الواجب .......تانى يوم في المدرسة

استاذي بيسال .......مين المعملش الواجب .........

انا يا استاذ

خدى العصاييتين دول ............اه يا ايدي

ايدي ورمت .........وياريت على قد ايدي

انا كرهت المرسة ........كان المفروض اخد فترة تاهيل الاول

محدش بيشعر بالفرق ........غير لما يشوفه ويلمسه ويحسه بنفسه ........

هناك انا كنت بنى ادم ........وهنا .........انا بقيت .......

سنة ورا سنة مواصلات وبهدلة

وتعب ودروس وطلوع ونزول

ودخلت تجارة ........مش ذنبي انى بكره الرياضة .....

انا عاوز اخش اعلام ........ايه علاقة الرياضة باعلام ........

انقص ليه فيها واخش تجارة ؟ واروح للرياضة تانى

ايه المنطق في ده؟


ركنتلى سنة ولا 2 ايه يعنى

كدة كدا ضايع ..........

خلصت واتخرجت وانا كاره حياتى .......

طلعت ركنت سنة ..........و2 ..........و3

وبعيدين

انا عايش فين .........وانا عايش ايه

وانا ايه اساسا

وانا ليه بقيت كدا

انا كنت بحلم

وكان عندى هدف ...........وكنت شايف مستقبل حلو

اتقتل ..........من اول عصاية ادهانى المستر في الفصل ..........






حلوة الحدوتة ؟:girl25:

خلصت كدا ...........الفتها وانا قاعدة

امكانيات

هههههههههههههههههههههههههههههههههه

يالا لي عودة

تحياتى يا حلوين

مصريه وافتخر
24-08-2007, 05:54 PM
يا حرااااااااااام
هئ هئ هئ هئ
انا ميته من العياط
ربنا معاكي
وربنا على المستر

خدي عندك دي

انا لما كنت في مصر
كنت لسه بيبي في Kg 2
كنت تصوري بنضرب بعصاية بتخن عصاية المقشة

والله مش بكدب
طيب ليه
اقول ليه
لالا مش عشان مش عملت الواجب
بالعكس
عشان عملته صح وكمان عشان انا حبيت الكتاب فحليت كمان تمرين
شفتي بقا
وفين في مدرسة خاصة

ربنا معانا
ههههههههههههههه
قصة تحفة يا شيري
ومستنياكي


Photo Gallery