المساعد الشخصي الرقمي

مشاهدة النسخة كاملة : نكات جامده مووووووووووت



تامر مغاورى
14-01-2007, 03:52 PM
مهندس كمبيوتر، حلل دمه، طلعت فصيلته HP

ماهو اسم وزير الدفاع الصيني؟ شن حرب شن

موظف ارصاد جوية عنده بنتين الصغرى 18 والكبرى 23.

مرة في دكتور عظام خرج في الشارع بالليل جريت ورائه الكلاب



الكويت تبرعت للصومال بشاحنة أدويه، رجعوها ليه؟ لانها بعد الاكل


>واحد بيسأل خطيبته :كنتى تعرفى حد قبلى ؟ سكتت
>قالها : زعلتى
>قالت له : بأعدهم


> >ايه أسرع ثلاث وسائل للاتصالات؟
>Telephone
>Television
>Tell -a- Woman

بيقولك كمال الجنزوري جالو بعد ما شالوا من الوزارة وقالوا عايز أعرف انت
شيلتنى ليه ياريس

قالوا يا كمال يا حبيبي التغيير سُنة الحياه ، قالوا طيب شيلت وزير المواصلات ليه

قالوا يا كمال يا حبيبي التغيير سُنة الحياة ،
قالوا طيب ممكن أسالك سؤال اومال ليه انت الوحيد اللى مابتتغيرش

قالوا ياحبيبي تغييركم انتم سُنة لكن أنا وجودي " فرض "

--------------------------------------------------------------
كان فى سرير المرض حينما أخذ يلقى بوصاياه الأخيرة لوزيره عاطف :
- وصيتك الحكم من بعدى يا عاطف ..
- فى رقبتى يا ريس .. كله تمام والسلطة هياخدها جمال ..
(ثم راح فى غيبوبة .. أفاق منها بعد قليل )
- وصيتك الشعب من بعدى يا عاطف .
- ما تخافش يا ريس .. الشعب ياكل الزلط ...
(ثم راح فى غيبوبة .. أفاق منها بعد قليل )
- عاطف
- نعم يا ريس
ماتنساش .. توكيل الزلط لعلاء

-----------------------------------------------------------------------------

دكتور عيون قاعد مع خطيبته في حديقه الاسماك معاه ورده قالها شايفه الورده دي
يا حبيبتي قالت له ايوه فرجع ايده لورا شويه وقالها طب وكده

--------------------------------------------------------------



في المدرسه استاذ الحساب بيسال التلميذ بتاعه: لو باباك استلف الف جنيه من
البنك والف جنيه تانيه من جاركم يبقى هيرجع كام الف
التلميذ: مش هيرجع حاجه يا استاذ
الاستاذ: ياابني استلف الف وبعديها الف تانيه
التلميذ : مش هيرجع حاجه يا استاذ
الاستاذ: اعد يا ابني انت متعرفش حاجه في الحساب
التلميذ: انت اللي متعرفش ابويا
--------------------------------------------------------------

واحد غبى دخل الجيش ووقف حراسة على بوابة معسكر عدى عليه الشاويش
وقاله:اللواء "فريد" جه؟
قاله : ماجاش يا شاويش "محمد" وبعد ساعة رجع له الشاويش محمد وسأله اللواء "فريد" جه؟
قاله لسه ما جاش. وبعد ساعة أخرى رجع له تانى وسأله اللواء "فريد" جه؟
قال له لسه ما جاش. وبعد ساعة جه اللواء "فريد"
قاله العسكرى : أنت فين الشاويش "محمد" حيخرب بيتك.
--------------------------------------------------------------


مرة ولد صغير يروح للبقال يقوله "يا عمو يا عمو عندك جبنه بيضه" الراجل
يقوله "ايوة يا ابنى عندى" يقوله "طيب ادينى جبنه رومى" تانى يوم "يا عمو يا
عمو عندك قلم رصاص يقوله ايوة يقوله طيب ادينى قلم جاف. لما الراجل زهق يا عينى
و طلعت عينه فقرر يشتكى لابو الولد. لما ابو الولد جه حكى له الحكايه قام قال
للبقال "لا لا ميصحش الكلام دة ابدا اسمع انت معاك عصايه البقال قاله ايوة قاله
"خلاص اضربه قلمين
--------------------------------------------------------------

البوليس عمل كبسة على شوية شمامين و لفت نظره ان فيهم عيل صغير قوي واخد ركن
لواحده وعمال يسحب , فقام مقرب منه و سأله: و الشمام الصغير اسمه ايه؟
قام الواد رد عليه و قاله : كنتلوب يا باشا.
--------------------------------------------------------------
قابلت مذيعة اثنان مساطيل
سالت الاول : مصر بالنسبالك ايه ؟
فقال: مصر دى امى.
ثم سالت الثانى :وانت مصر بالنسبالك ايه؟
قال:مأدرش اتكلم عن أم واحد صحبى
--------------------------------------------------------------

واحد غبي أوي اوي راح السينما لقى يافطة على الباب مكتوب عليها ممنوع الدخول لأقل من 18 راح ورجع معاه 17واحد

----------------------------------

غبى سألوه...تعرف ايه عن السيفون؟ قاللهم ده صندوق فيه حبل صغير بتضغطه فبيطلع لك مايّه ،...... ياتلحق تشرب يامتلحقش

------------------------------------



قمة الهدوء.......... انك تسمع شريط فاضى
وقمة الرخامة ..... انك تقلب الشريط
وقمة التناحة....... انك تعيد حتة عجبتك

---------------------------------



فى يوم الاستاذ كنتاكى ومراته نزلوا البحر و مبيعرفوش العوم ، ... كنتاكى "ماك" لكن مراته "ناجتس"

--------------------------------

مرة واحد بتاع فيديو جيم مات كتبوا على قبرة game over

--------------------------



مدرس كيمياء رزق بولد ... فسماه سامي أكسيد الكربون

-------------------------------

مرة واحد كهربائي أبوه مات، لفه في شيكارتون و دفنه في الحيطة

------------------------------------.

واحد سباك نفسه اتسدت غرق الشقه

runaway_heart
14-01-2007, 04:53 PM
هاهاهاهاهاهاهاهاهاهاها
شكرا على النكت الجميله

florensa
14-01-2007, 04:58 PM
السلام عليكم ورحمة الله وبركاتة
ههههههههههههههههههه
جميلة اوى
تسلم ايديك


Photo Gallery