المساعد الشخصي الرقمي

مشاهدة النسخة كاملة : الملوخية...طلب وخبر



fishawy
10-01-2007, 02:18 PM
عندك حالة تسمم؟ ....عليك بالملوخية
عندك سكر؟ .........عليك بالملوخية
عندك ضغط دم مرتفع؟......عليك بالملوخية
عندك أي أمراض مستعصية؟......عليك بالملوخية
جسمك محتاج فيتامين (ب)؟......عليك بالملوخية
وأنت ياسيدتي
هل بشرتك تحتاج معالجة؟.......عليك بالملوخية
هل طفلك يحتاج غذاءاً كاملاً؟........إديله ملوخية
.
.
ما كُتب أعلاه ليس سخرية من الملوخية , ولكنه ما اكتشفه البروفسور كوسوكي أيموري عالم النبات بجامعة تاكو شوكو والذي درس اللغة العربية بمصر ووقع في غرام الملوخية , ثم نقلها لليابان , وقام بعمل أبحاث كثيرة على الملوخية ليثبت ما ذكرته أعلاه.
ثم إدعى ( والله يسامحه بقى ) إن الملوخية منتج ياباني وسجلها كمنتج ياباني.
وتفاصيل الخبر هنا
اضغط على ورق الملوحية لقراءة الخبر

http://img177.imageshack.us/img177/8554/melohkyamd2.jpg (http://www.almesryoon.com/ShowDetails.asp?NewID=28924&Page=13)

والطلب هو :
أريد طريقة الملوخية بالتفصيل لأترجمها لزوجنا المصون لتطبخها لنا

jemmy
11-01-2007, 05:11 AM
استاذنا الفاضل

الاستاذ / فيشاوى

اهلا بك مره اخرى فى قاعتنا الجميله قاعه المطبخ

والف شكر على المعلومه المعلومه الجميله

معلومه سرقه الملوخيه

ههههههههههههههههههههههههههههههه

هو فاضل ايه تانى ماتسرقش يا استاذنا الفاضل

عموما

لك اسهل وصفه واجمل وصفه لعمل الملوخيه

لمقادير

اكواب مرقة-1ك ملوخية خضراء-10فصوص توم كبير -ملح -كزبرة جافة - ربع معلقه صغيره كربونات
ملعقة زيت او سمن 3
ملاحظة
ممكن الاستعانة بالمرقة التى تفضلوها {دجاج-لحم-بط-ارانب}على حسب الدوق الشخصى.

الطريقة
بعد غسل الملوخية وتقطيفها تقطع بالمخرطة حتى تصبح ناعمة جدا

وان لم توجد مخرطه يبقى فى الخلاط
-

بعد غلى المرقة نضيف الملوخية وبمجرد ان تغلى دقيقة نرفعها من النار .لاتضعى الغطاء على الاناء حتى لاتهبط الملوخية

ولا تسود وتفضل محتفظه بلونها الاخضر

- نفرم الثوم مع الملح والكزبرة الجافة ناعما ثم نحمرهم فى السمن او الزيت حتى يصبح لونها دهبى .

- نضيف التوم المحمر على الملوخية وربع معلقه الكربوناته ونضع الغطاء.
- رهيبة الملوخية مع الارز الابيض.

فى بعض البلاد صعب تواجد الملوخية الخضراء ولكن ممكن ان نستخدم الملوخية المجمدة ولكن سنستخدم كوب او كوب ونصف مرقة لان الاكياس المجمدة غالبا ما تكون اقل من النصف كيلو.

والف هنا وشفا يا استاذ فيشاوي

مع خالص تحياتى وتقديري

fishawy
11-01-2007, 01:31 PM
تسلم إيدك يا أستاذ جيمي فعلا أستاذ
ولكن هل الملوخية الناشفة بنفس الطريقة ؟ لأنه لا يتوفر لدينا الملوخية الخضرا ولا المجمدة

jemmy
12-01-2007, 02:46 AM
تسلم إيدك يا أستاذ جيمي فعلا أستاذ
ولكن هل الملوخية الناشفة بنفس الطريقة ؟ لأنه لا يتوفر لدينا الملوخية الخضرا ولا المجمدة


الاخ الفاضل /

فيشاوي
الملوخيه الناشفه برضه نفس الموضوع ومافيش مشاكل

بس اذاي يا استازي الفاضل مافيش عندكم ملوخيه مجمده ولا خضرا

هو حضرتك فى اي بلد مقيم ؟؟؟

لان عندنا هنا فى المانيا كل شيئ موجود حتى البدنجان الابيض والاسود

والبطاطا كمان

خالص تحياتى اخى الفاضل

saladino
12-01-2007, 02:54 AM
الله الله شميت الرائحة من برا قولت اكيد جيمى فى المطبخ بيعكرب وبيعمل حاجة

طلعت ملوخياااااااااا

شكرا ياعااااااشق الملوخياااااااااا

fishawy
29-01-2007, 08:33 AM
أخي جيمي
أعتذر عن التأخر بالرد فلقد انقطعت لمدة ثلاث اسابيع تقريبا
يامولانا أنا مقيم بسنغافورا وهنا لا يوجد لا ملوخية ولا حتى جرجير
طيب أعيش أنا ازاي من غير ملوخية وجرجير؟؟