المساعد الشخصي الرقمي

مشاهدة النسخة كاملة : بيع أملاك الدولة بمحافظة كفر الشيخ الوحدة المحلية بقرية محلة موسى



rook
09-01-2007, 11:56 AM
ياسادة يا كرام هنا كفر الشيخ
أذاعة جديدة أسمها هنا أبناء محافظة كفر الشيخ الوحدة المحلية بقرية موسى
هنا مديرية أملاك محافظة كفر الشيخ
بدلا من أذاعة هنا القاهرة
الموضوع بإختصار أملاك الدولة تباع وعيني عينك بصراحة جهاز الرقابة الادارية وجميع الاجهزة بالدولة مسكو موظفين مرتشين فى مديرية أملاك كفر الشيخ وتم التحقيق معهم وناس أتوقفت عن العمل ولكن مفيش فايده يبدوا أن العقاب مش رادع للاخرين وخصوصا الاستاذ وحيد عرابي وهو لا يمت من حيث الاسم للزعيم أحمد عرابي فالاستاذ وحيد عرابى متخصص في بيع أملاك الدولة لمن يدفع أكتر وهو خبير في عدم الوقوع في خطأ يكلفه وظيفته وسمعته لان المديرية عملوا فيها حملة تطهير ومسكوا ناس كتير إلا دا أسمه الباشا لانه حريص.
وبعدين بيساعده الجماعة بتوع الوحدة المحلية بقرية محلة موسى وخصوصا احتياج الفلاحين لتوسعة بيوتهم وتعديهم على الشوارع وتقول يا أخى ليه بتبني في الشارع يقولك يا أخي دا شارع الحكومة والحكومة باعته لي طب أزاى يقولك على سبيل المثال الخبير في هذا الامر
* البيه رئيس الوحدة المحلية رأفت المناوي وموظف كبير قوي يدرجة رئيس جمهورية الحاكم بأمره أسمه أحمد عبد الحافظ في الوحدة المحلية بقرية محلة موسى والتى تبعد عن محافظة كفر الشيخ 3 كيلوا تقريبا يعنى مش بعيده على سيادة البيه المحافظ لما يروح له ماشى على رجليه الحلوه ويشوف احوال الناس في القري
البيه احمد عبد الحافظ يقولك ابنى سور وازرع شجرة وبعدها بشهر ولا اتنين قوم ابنى اوضه صغيره وتعالا لي المجلس خدني في معاينه وانا اعمل احلال وتجديد لما فعلته وبعدين نعمل لك تعدى وتدفع للحكومة ايجار للارض وبعدين موت يا حمار السنة 20 جنيه ايجار وبعدين البيه وحيد عرابي يقوم يرتب للجنة اللي بتيجي من مصر كل فترة أوراق على كيفه وحسب الدفيعه ويقوم يقدر المساحات دي ويعرض دا على اللجنة اللي ما تعرف على الورق المعروض عليها والتقدير طبعا المتر أبو 1000 جنيه يبقى بـ 100 جنية وكل دا تيجي تتكلم لان بيصعب عليك الحال يقولك الحكومة بتبيع يا أخي أنت مالك وفي الحقيقة الحكومة مظلومة بينك وبينك عليه العوض ومنه العوض
أخوكم الحزين
مبروك طلحة
m_talha2000@hotmsil.com
إن لله وإنا إليه راجعون


Photo Gallery