المساعد الشخصي الرقمي

مشاهدة النسخة كاملة : بتعرف تطبخ ...تعال اشترك معانا فى مسابقتنا واحصل على لقب احسن طباخ فى ابناء مصر



الدكتورة نسيبة
09-01-2007, 03:49 AM
بتعرف تطبخ اوتطبخى ؟؟؟

مشهور باكلة معينة الكل بيطلبها منك بالاسم ؟؟؟

نفسك حلو اوى فى الاكل؟؟؟

بصوا يا جماعة انا بصراحة جتلى الفكرة دى من برنامج شوفته فى احد القنوات وشوفته كمان فى احد المنتديات وعجبتنى الفكرة اوى:good:

الفكرة ببساطة انك لو بتعرف تطبخ كويس هتكتبلنا وصفة اكلة بس اهم حاجة

انك تكون جربتها قبل كده

وهتبعتلولى الوصفات دى فى رسالة خاصة ونبدا ننزل الوصفات بالترتيب

هنقسم المسابقة الى عدة اجزاء :

ا- الوصفات الخاصة بالمقبلات :eat:
2-الوصفات الخاصة بالطبق الرئيسى للحوم:eat:
3-الوصفات الخصة بالطبق الرئيسى للدجاج:eat:
4-الوصفات الخاصة بالطبق الرئيسى للاسماك:eat:
5-الوصفات الخاصة بالسلطات:eat:
6-الوصفات الخاصة بالحلو:eat:

يلا يا جماعة ورنا الهمة وخلى بالكم لازم تكون الوصفات دى مجربة يعنى عملتوها قبل كده وانا هجهز الاجندة بتاعتى عشان اكتب وصفاتكم

ودلوقتى هنبدا مسابقتنا

فى الوصفات الخاصة بالمقبلات

انا فى انتظاركم ويارب الفكرة تعجبكم:f2:

حنـــــان
09-01-2007, 03:57 AM
ازيك يا ميرا...
أنا بس جايه أتفرج ويمكن أتعلم لي حاجة... لكن ماحدش يتوقع مني وصفات عشان بس أخاف عليكم :d
كل سنة والكل طيب.
وفي انتظار الوصفات الهايلة.

ميمو المصرى
09-01-2007, 04:08 AM
والله مش بعرف اطبخ فى الحقيقه
بس حتابع يعنى وأتفرج
تسلمى على الفكرة يا ميرا
هايله بجد
يالا بالتوفيق للطباخين

boukybouky
09-01-2007, 11:00 AM
با بكلويز ميرا بتقول نرسل لها الوصفات في رسالة خاصة

و يلا عايزين همة و نشاط في الوصفات خلينا نتعلم حاجات جديدة

و انا هشارك ان شاء الله بتقييم للوصفة الفائزة

الف شكر يا ميرا ربنا يوفق الجميع

في رعاية الله ،،،

الأنسه بكلويز
09-01-2007, 12:42 PM
اه صحيح اسفه لمؤاخذه

ليلة عشق
09-01-2007, 01:42 PM
الأخت الغالية الدكتورة نسيبة

بالفعل موضوع جميل جدا وفكرته رائعة ......
انتظري رسائلي ياجميلة ويارب نفسي يعجبكم .....
لكِ خالص الشكر والتقدير ......

تحياتي
ليلة عشق

boukybouky
09-01-2007, 02:31 PM
طيب ايه اشارك انا كمان يا ميرا و الا أقيم بس :d

مش قادرة ايدي بتاكلني محتاجة اشارك

وصفات المطبخ بتلح علية و بتعودي للمشاركة :)

في رعاية الله ،،،

الدكتورة نسيبة
10-01-2007, 02:09 PM
ازيك يا ميرا...
أنا بس جايه أتفرج ويمكن أتعلم لي حاجة... لكن ماحدش يتوقع مني وصفات عشان بس أخاف عليكم :d
كل سنة والكل طيب.
وفي انتظار الوصفات الهايلة.

اهلا اهلا يا حنان منورانى وسعيدة بوجودك

ويا ستى ورينا وصفاتكم واحنا هنجهز الاسعاف متخافيش علينا

منورانى يا جميل

الدكتورة نسيبة
10-01-2007, 02:11 PM
والله مش بعرف اطبخ فى الحقيقه
بس حتابع يعنى وأتفرج
تسلمى على الفكرة يا ميرا
هايله بجد
يالا بالتوفيق للطباخين

اهلا يا ميمو والله يا ميمو انا كمان زيك عشان كده قولت استفاد من اعضاء المنتدى بقى

والف شكر على تواجدك والحمد لله ان الفكرة عجبتك

الدكتورة نسيبة
10-01-2007, 02:36 PM
با بكلويز ميرا بتقول نرسل لها الوصفات في رسالة خاصة

و يلا عايزين همة و نشاط في الوصفات خلينا نتعلم حاجات جديدة

و انا هشارك ان شاء الله بتقييم للوصفة الفائزة

الف شكر يا ميرا ربنا يوفق الجميع

في رعاية الله ،،،


طيب ايه اشارك انا كمان يا ميرا و الا أقيم بس

مش قادرة ايدي بتاكلني محتاجة اشارك

وصفات المطبخ بتلح علية و بتعودي للمشاركة

في رعاية الله ،،،

اهلا يا بوكى منورانى وشكرا جدا على اضافة تقييم لاحسن طباخ بس المذيع اللى عمل المسابقة مش ليه تقييم ولا ايه :2:

ويا بوكى طبعا ممكن تشاركى مش بحكم تعودك لا بحكم نفسك فى الاكل اللى عارفاه كويس واللى ما شاء الله تحفة

انا فى انتظار وصفاتك يا قمر

الدكتورة نسيبة
11-01-2007, 02:45 PM
اه صحيح اسفه لمؤاخذه

ولا يهمك يا بكلويز المهم انتى منورانى وسعيدة بتواجدك واشتراكك معانا

تسلمى يا قمر

الدكتورة نسيبة
11-01-2007, 02:48 PM
الأخت الغالية الدكتورة نسيبة

بالفعل موضوع جميل جدا وفكرته رائعة ......
انتظري رسائلي ياجميلة ويارب نفسي يعجبكم .....
لكِ خالص الشكر والتقدير ......

تحياتي
ليلة عشق

اهلا اهلا يا ليلة منورانى وسعدت جدا بمروروك وفى انتظار اكلاتك الجميلة

والحمد لله ان الموضوع عجبك يا قمر وتسلميلى على مرورك

Amira
11-01-2007, 03:15 PM
فكرة حلوة قوي يا ميرا :f:

عموما أنا هاقف في صف الأكيلة :eat: و المتفرجين :d

أنتي عارفة أختك كبيرها بيض أومليت :d

متابعة معاكي يا جميل :f:

شاعر الرومانسية
12-01-2007, 03:41 AM
جميلة الفكرة يا ميرا..


بس انا عندى رأى لو أذنتيلى
ياريت بقى استكمالا للفكرة
نبقى ننشر رسائل المتسابقين ونأرشفها حسب التصنيف بتاعك
( مقبلات .... لحوم ... اسماك ....الخ)

عشان تبقى مرجع وارشيف لكل مرتادى المطبخ
خاصة انها أكيد حتبقى بهاريز الوصفات..:2:
وخلاصة الافكار والابتكارت المطبخية:good:

وياريت كمان تحددى فترة زمنية للمشاركات
واعلان الوصفة الفائزة فى كل نوعية
انتظرى منى رسائلى بالذ الوصفات .... المجربة:beer:


تقبلى خالص الشكر ... ووافر الامتنان،،،:f:

زهــــراء
12-01-2007, 06:57 PM
موضوع جميييييييييل جدا جدا يادكتورة
بحب الطبخ جداااااااا وان شاء الله هابقى اشارك بس اخلص امتحانات واجي على طووووووووووووول يالهوي دا انا بعمل كوارث في المطبخ ربنا يستر بس ههههه
دمتم في امان الله ..

ندى الايام
13-01-2007, 04:08 AM
الله موضوع جميل جدا يا دكتوره
بفكرلك فى اكله وهبعتها ان شاء الله
وربنا يستر على ابناء مصر .
اوعى حد يجربها هههههههههههههههه

الدكتورة نسيبة
14-01-2007, 03:29 AM
فكرة حلوة قوي يا ميرا :f:

عموما أنا هاقف في صف الأكيلة :eat: و المتفرجين :d

أنتي عارفة أختك كبيرها بيض أومليت :d

متابعة معاكي يا جميل :f:

اهلا اهلا يا اميرة منورانى وسعيدة ان الفكرة عجبتك

ههههههههههههه ماشى يا اميرة اتفرجى وهاتى الاجندة معاكى واتعملى زيى بقى بس متقوليش لحد انى بتعلم :2:

تسلميلى يا جميل على مرورك

الدكتورة نسيبة
14-01-2007, 03:34 AM
جميلة الفكرة يا ميرا..


بس انا عندى رأى لو أذنتيلى
ياريت بقى استكمالا للفكرة
نبقى ننشر رسائل المتسابقين ونأرشفها حسب التصنيف بتاعك
( مقبلات .... لحوم ... اسماك ....الخ)

عشان تبقى مرجع وارشيف لكل مرتادى المطبخ
خاصة انها أكيد حتبقى بهاريز الوصفات..:2:
وخلاصة الافكار والابتكارت المطبخية:good:

وياريت كمان تحددى فترة زمنية للمشاركات
واعلان الوصفة الفائزة فى كل نوعية
انتظرى منى رسائلى بالذ الوصفات .... المجربة:beer:


تقبلى خالص الشكر ... ووافر الامتنان،،،:f:

اهلا اهلا يا استاذ حسن وسعيدة باقتراحات حضرتك

وانا فعلا هنزل الوصفات هنا فى الموضوع بس لما يكون لديى عدد كافى انى انزلها وممكن كمان نعملها زى ما حضرتك قولت فى موضوع لوحده ويكون زى الارشيف تسلم حضرتك على الفكرة الحلوة دى

بالنسبة للفترة الزمانية فده هيحصل بس فى مرحلة التصويت ان شاء الله لما نشوف احسن اكلة

وانا فى انتظار اكلات حضرتك ووصفاتك واللى متاكدة انها هتكون حلوة

الدكتورة نسيبة
14-01-2007, 03:37 AM
موضوع جميييييييييل جدا جدا يادكتورة
بحب الطبخ جداااااااا وان شاء الله هابقى اشارك بس اخلص امتحانات واجي على طووووووووووووول يالهوي دا انا بعمل كوارث في المطبخ ربنا يستر بس ههههه
دمتم في امان الله ..

اهلا اهلا يا زهراء وانا سعيدة جدااا ان الموضوع عجبك

وخلصى امتحانات بقى ومتتاخريش عليا بس من غير كوارث انا بتفق معاكى اهو من دلوقتى

انا فى انتظارك يا جميل انتى ووصفاتك اما تخلصى ان شاء الله وتبقى على خير

الدكتورة نسيبة
14-01-2007, 03:39 AM
الله موضوع جميل جدا يا دكتوره
بفكرلك فى اكله وهبعتها ان شاء الله
وربنا يستر على ابناء مصر .
اوعى حد يجربها هههههههههههههههه

اهلا اهلا يا ندى منورانى والحمد لله ان الموضوع عجبك

وفكرى بقى بسرعة وانا مستنية وصفاتك يا قمر

ومتخافيش اول ما تنزلى الاكلة هنجهز عربيات الاسعاف هههههههه

تسلميلى يا جميل على مرورك

أم أحمد
14-01-2007, 05:59 PM
فكرة جميلة يا ميرا
انا هافكر كده يمكن اشترك معاكم باكلة من اكلاتي الخرافيةهههه
ولا اقولك اسهل اشترك في التصويت عشان ربنا يستر علي الناس الحلوة دي من اختراعاتي الجميلة ههه

اسكندرانى
15-01-2007, 04:03 AM
الاخت الرقيقه / دكتورة نسيبه
موضوع جميل وانا حاشارك فيه بقوة
حاعمل لكم كبده اسكندرانى
ملهاش حل
بفكر اعمل عربيه كبده على باب محطة مصر
حابعت لك الطريقة فى رسالة على الخاص
بس حضرتك مقلتيش هو تصوير البرناج حيبدا امتى
ارق تحياتى لك على الفكرة الجميله دى
وعندى فكرة بقى ممتازة
ايه رايك نجمع الوصفات ونطبعها فى كتاب ونبيعه ونسميه
الوصفات الخطيـــــــرا
من مجربات ابله ميرا
وبالنص المكسب
فكرى وانا فى انتظار رايك

الدكتورة نسيبة
16-01-2007, 07:12 AM
فكرة جميلة يا ميرا
انا هافكر كده يمكن اشترك معاكم باكلة من اكلاتي الخرافيةهههه
ولا اقولك اسهل اشترك في التصويت عشان ربنا يستر علي الناس الحلوة دي من اختراعاتي الجميلة ههه

هلا اهلا يا ام احمد منورانى والحمد لله ان الفكرة نالت اعجابك

ويافندم مينفعش تبقى ام احمد هنا ومتسبش تذكار من وصفاتها

انا فى انتظار وصفاتك وصفاتك واختراعاتك ومتخافيش انا جهزت عربيات الاسعاف قبل ما الناس تاكل :2:

تسلميلى يا جميل على مرورك

الدكتورة نسيبة
16-01-2007, 07:22 AM
الاخت الرقيقه / دكتورة نسيبه
موضوع جميل وانا حاشارك فيه بقوة
حاعمل لكم كبده اسكندرانى
ملهاش حل
بفكر اعمل عربيه كبده على باب محطة مصر
حابعت لك الطريقة فى رسالة على الخاص
بس حضرتك مقلتيش هو تصوير البرناج حيبدا امتى
ارق تحياتى لك على الفكرة الجميله دى
وعندى فكرة بقى ممتازة
ايه رايك نجمع الوصفات ونطبعها فى كتاب ونبيعه ونسميه
الوصفات الخطيـــــــرا
من مجربات ابله ميرا
وبالنص المكسب
فكرى وانا فى انتظار رايك

اهلا اهلا يا استاذ نادر منورنى

الحمد لله ان الموضوع نال اعجابك

وانا فى انتظار افتتاح عربية الكبدة قصدى فى انتظار وصفة الكبدة وتسلم ايدك مقدما عليها

وبالنسبة للكتاب بقى فانا بفكر فعلا من زمان انى اعمله اشمعنى ابلة نظيرة تعمل كتاب وانا لا :clown:

ويافندم المكسب كله مش يغلى على حضرتك بس ساعتها بقى لو حضرتك كسبت بوصفة الكبدة فانا ليا حق فى المكسب من عربية الكبدة عشان حقوق النشر اللى بعملها:2: هههههه

انا فى اتظار وصفات حضرتك وسعدت جدا بمشاركتك وسلملى على فاطمة وصفية بقى

الدكتورة نسيبة
16-01-2007, 07:28 AM
السلام عليكم ورحمه الله وبركاته

يظهر يا جماعة ان معظم الاعضاء بيشتروا المقبلات من بره لان كان الاقبال ضعيف اووى عليها

انا هبدا انشر الرسايل اللى جتلى وتخص المقبلات وهسيب شوية فترة كمان قبل ما ابدأ التصويت فى المقبلات بس الفترة دى ان شاء الله هتنتهى يوم السبت الموافق 20-1-2007

ويلا كله بقى يجهز الاجندة زيى ويستعد لوصفات المقبلات

وشكرا لمن ساهم فى الموضوع

الدكتورة نسيبة
16-01-2007, 07:29 AM
دقة الفلفل الحامي:

ربع كيلو قرون فلفل اخضر
نص كيلو طماطم طريه
2 ثومه مدقوقه
بشر بصلايه
كسبره ناشفه
ملح، فلفل، كمون، بهارات
ملعقه سمنه او زبده او زيت زيتون

الطريقه:
- يقطع كل من الفلفل و الطماطم قطع صغيره كل في صحن منفرد
- يتم تشويح الفلفل في ملعقه السمنه او الزبده حتي يتغير لونه قليلا ثم يوضح بشر البصله ثم يشوحوا قليلا ايضا ثم يوضع الثوم المهروس. يجب مراعاه التحمير كثيرا بعد وضع الثوم لانه سريع التحمير.
-ترش زره كزبره ناشفه (بتاعت الملوخيه) عند اضافه الثوم و يشوح كله معا لبضع ثوان
- تضاف الطماطم و نقلب قليلا ثم نوطي النار و يغطي القدر لبضع دقائق
- يضاف الملح و الفلفل و الكمون و البهارات مع التقليب
- اضافه كوب ماء ثم نعلي النار و نترها حتي تتسبك
- توضع في اطباق صغيره و تستخدم كمقبلات مع جميع اصناف الاكل لمحبي الشطه

الدكتورة نسيبة
16-01-2007, 07:33 AM
كبد و قوانص حسب الطلب او حجم السفره (العزومه يعني) و لو قلنا 5 افراد يبقي تقريبا ربع كيلو كبد و قوانص
- طماطمايه مبشوره
- بصله مبشوره بالسكين و ليس بالمبشره
- ثومه مهروسه
- الملح و الفلفل و البهارات و الكسبره

الطريقه
- تقطع الكبد و القوانص الي قطع صغيره جدا كل منهم في طبق منفرد تماما
- تشوح البصله حتي قرب الصفرار و ليس الاصفرار التام
- تضاف القوانص فقط الي البصل و تحمر قليلا و تضاف الثومه و رشه الكسبره الناشفه و يحمر كله معا
- تضاف نصف كوب ماء الي القوانص و تترك حتي تنشف المياه
- تضاف الطماطمايه المبشوره و الكبد مع الملح و الفلفل و البهارات و نوطي النار للتسبيك و بالهنا و الشفا

الدكتورة نسيبة
16-01-2007, 07:36 AM
بروكلي بادلي

المقادير
4/3 كيلو بروكلى او حسب الطلب
فلفل . ملح. 3 فص ثوم مفروم
4/1 لتر كريمه سائله
4 طرنشات لانشن او 3
3 الى 4 ملاعق كبيرةجبن برميزان او جبنه رومى مبشوره
ملعقتين زبده
ملعقه صغيرة دقيق

طريقه عمل الصوص بالكريمه

نضع ملعقه صغيره من الزبد فى اناء ونضعه على النار
وبعد ما تسيح الزبده نضع عليها الكريمه السائله ونقلب
حتى لاتحترق
نضع قليل من الملح والفلفل
وبعد ذلك قطعه زبد صغير نغمسها فى الدقيق ونضعها على الكريمه كي يشتد القوام قليلا
ونجعل النار خفيفه تحت الوعاء ونستمر فى التحريك حتى يكون الصوص ثقيل القوام نوعا ما و نضعه على جنب بعد ذلك
بنجيب البروكلي ونسلقه 4/3 سلقه ونشيله من الماء المغلى ونضعه فى ماء ساقع جدا وياريت يكون شويه تلج كمان على الماء عشان مايفقدش لونه الاخضر
بعد كده نصفى البروكلى من الماء كويس ونضعه فى طاجن صغير

نبهر ونملح البروكلي ونضع الثوم المفروم عليه
ونسكب عليه الكريمه اللى عملناها
نغطى البروكلى بقطع الانشون
وندخلهم الفرن لمده حوالى السبع دقائق حتى نرى الصوص بدا فى الغليان
نخرج الطاجن ونضع عليه جبنه البرميزان ونضعه فى الفرن حتى يحمر الوجه
والف هنا وشفا

يمكن ايضا استخدام الخرشوف بدلا من البروكلى

ونجيب الخرشوف المعلب ومش محتاج يتسلق
يصفى من الماء الذي بالمعلب وبعد ذلك

نستعمل نفس الطريقه السابقه

الدكتورة نسيبة
16-01-2007, 07:41 AM
سبانخ فرن

المقادير
2/1 كيلو سبانخ

ربع كيلو جبنه بيضا قليله الملح والدسم
عدد 2 طماطم
ملح. فلفل . قليل من جوزه الطيب
زره قرفه
4 ملاعق ك زيت زيتون

الطريقه

نسلق السبانخ بعد غسلها جيدا
بعد ذلك تصفى من الماء وتعصر بالراحه كي نتخلص من الماء
نضع معلقتين زيت زيتون فى قاع الطبق او الطاجن
نضع السبانخ فى طبق الفرن او طاجن صغير
ونفردها بطريقه جميله
ونبهرها بجزء من الملح والفلفل وجوزه الطيب والقرفه اللى موجودين

بعد ذلك نقطع الجبنه البيضا طرنشات ونرصها على السبانخ
وفوقها نقطع الطماطم الى حلقات ونضع عليهم بقيه البهارات
من فلفل وملح وقرفه وجوزه الطيب
ومن فوق معلقتين زيت زيتون
ندخل الطبق الفرن حتى نرى الطماطم استوت واحمرار الجبنه البيضا قليلا
ونخرجه
والف هنا وشفا

boukybouky
16-01-2007, 02:08 PM
ميرا لي إقتارح و هو عمل موضوع مستقل

به الصوفات و يتم عمل توصيت به

حتي لا يحدث اي خلط او لخبطة

في رعاية الله ،،،

nour2005
17-01-2007, 11:57 AM
ميرا الجميلة موضوعك في غاية الروعة وخصوصا المقبلات
جه في وقته خاصة بسبب البرد واصابتي بالانفلونزا اللي قطعت شهيتي عن الاكل
بالنسبة للوصفات انا حابعتلك عالخاص اكلة انتي بنفسك قلتي انك بتحبيها
وبالامارة فيها فراخ :)
لو افتكرتيها حتاخدي تقييم عالموضوع ده :d
بانتظار باقي الاكلات يا قمر *3*
وكمان اللي حيفوز يستاهل مني تقييم
بالتوفيق والنجاح للجميع

طـــــير في الســـما
19-01-2007, 10:52 PM
الموضوع جميل جدا ، شكرا ليكي

ليلة عشق
20-01-2007, 12:01 AM
الأخت الغالية الدكتورة نسيبة

الله عليكي وعلي الوصفات ياجميلة ......
معلش اعذري تأخيري عليك كنت محضرة لك كام وصفة كويسين لكن ياخسارة النت كان مريض عندي لمده 10 أيام .....
ماعلينا لنا لقاء باذن الله في القريب مع الوصفات الجديدة ......
بس يارب النت مايعملهاش تاني ......
لك خالص الشكر عزيزتي علي موضوعك المميز .....

تحياتي
ليلة عشق

nmeh61
20-01-2007, 12:31 PM
انل معجبة اوى بالمسابقة وان شاء اللة سوف ارسل لك وصفاتى

nmeh61
20-01-2007, 11:09 PM
نفسى اشترك فى المسابقة بس مشعارفةاذاى

الدكتورة نسيبة
21-01-2007, 12:13 AM
ميرا لي إقتارح و هو عمل موضوع مستقل

به الصوفات و يتم عمل توصيت به

حتي لا يحدث اي خلط او لخبطة

في رعاية الله ،،،

معلش يا بوكى اعذرينى على التاخير فى الرد

وفعلا ان شاء الله هنزل موضوع النهاردة فيه التصويت عشان نبدا المسابقة الفعلية

وشكرا على متابعتك للموضوع




ميرا الجميلة موضوعك في غاية الروعة وخصوصا المقبلات
جه في وقته خاصة بسبب البرد واصابتي بالانفلونزا اللي قطعت شهيتي عن الاكل
بالنسبة للوصفات انا حابعتلك عالخاص اكلة انتي بنفسك قلتي انك بتحبيها
وبالامارة فيها فراخ
لو افتكرتيها حتاخدي تقييم عالموضوع ده
بانتظار باقي الاكلات يا قمر
وكمان اللي حيفوز يستاهل مني تقييم
بالتوفيق والنجاح للجميع


ميس نووووور بجد اتبسطت اوى لما شوفت اسمك فى موضوعى واتبسطت اكتر لما اتلقيتك هتبعتيلى وصفات كمان

بجد انا مبسوطة ان الموضوع عجبك وسلامتك الف سلامة على الانفلونزا ويارب ان شاء الله تكونى احسن ومعلش اعذرينى انى مقصرة فى حقك بس مشغولة الايام دى :h:

ومتشكرة خالص على تقييمك الحلو ومتشكرة كمان على التقييم اللى هتديه للفايز

وانا فى انتظار الاكلة الحلوة اللى من ايدك يا جميل وتسلميلى كتير على مرورك




الموضوع جميل جدا ، شكرا ليكي


الموضوع جميل بمرورك يا قمر

وانا فى انتظار اكلاتك لو معندكيش مانع وتسلملى على المرور واعذرينى للتاخير


الأخت الغالية الدكتورة نسيبة

الله عليكي وعلي الوصفات ياجميلة ......
معلش اعذري تأخيري عليك كنت محضرة لك كام وصفة كويسين لكن ياخسارة النت كان مريض عندي لمده 10 أيام .....
ماعلينا لنا لقاء باذن الله في القريب مع الوصفات الجديدة ......
بس يارب النت مايعملهاش تاني ......
لك خالص الشكر عزيزتي علي موضوعك المميز .....

تحياتي
ليلة عشق


يا اهلا يا اهلا بليلة حمد لله على سلامة النت الف سلامة :good: وان شاء الله ياريت ميعملهاش بقى فيكى تانى ويضيع عليا وصفاتك الحلوة اللى كنت هضيفها للاجندة :@

تسلميلى على متابعتك للموضوع يا قمر وانا فى انتظار وصفاتك الجديدة وشاركى معانا بقى فى التصويت على احسن المقبلات


انل معجبة اوى بالمسابقة وان شاء اللة سوف ارسل لك وصفاتى


اهلا اهلا بحضرتك وسعيدة بحضورك واعجبك بموضوعى ومنورانى لاول مرة وانا فى انتظار اكلاتك اللى ان شاء الله هتبقى حلوة وتسلمليى حضرتك على المرور واهلا بيكى معانا فى المنتدى


نفسى اشترك فى المسابقة بس مشعارفةاذاى

حضرتك لو دوستى كليك على اسمى هيطلعلك مربع فيه ارسال رسالة خاصة دوسى عليه واكتبى وصفاتك كلها وانا فى انتظارك

وشكرا على اهتمامك بالموضوع

الدكتورة نسيبة
21-01-2007, 12:25 AM
شكرا يا جماعة لكل من شارك فى الموضوع

وان شاء الله انا فى انتظار وصفاتك الخصة

الطبق الرئيسى بالدجاج

وفى انتظاركم ايضا للتصويت على افضل طباخ للمقبلات وان شاء الله هضع لرابط قريبا

شكرا للجميع وحظ سعيد لباقى الاعضاء فى باقى لوصفات

أنفـــــال
21-01-2007, 05:31 PM
فاتتني المقبلااااااااات
مع ان كان ممكن افوز و الله :)
معلش بقى يا نسيبة .. :)
نلتقي فيما بعد .. *162*

anas*
21-01-2007, 10:21 PM
موضوع جميل جدا جدا
وتسلمى على المجهود

وانشاء الله هشترك معاكى

الدكتورة نسيبة
22-01-2007, 03:14 PM
فاتتني المقبلااااااااات
مع ان كان ممكن افوز و الله :)
معلش بقى يا نسيبة .. :)
نلتقي فيما بعد .. *162*

اهلا يا انفال معلس بقى ملحوقة ان شاء الله

وانا منتظراكى ان شاء الله فى باقى الوصفات وتسلم ايدك مقدما يا قمر


موضوع جميل جدا جدا
وتسلمى على المجهود

وانشاء الله هشترك معاكى

اهلا بيكى يا قمر (معلش انا معرفتش اقرا اسمك هو ايناس صح ولا انا غلطانة )

والحمد لله ان الموضوع عجبك واهلا بيكى معنا فى المنتدى وفى انتظار وصفاتك يا جميل

anas*
22-01-2007, 03:33 PM
هلا
الدكتوره
اوكى مشيها يناس

وانا هضع مشاركاتى

عباره عن سفره كامله

الاول
الشوربه
الثانى طبق
خفيف اساسى

بعدها
الحلو

واليكم اول مشاركاتى

الشوربه
اليكم المقادير:

* حبتا بطاطا متوسطتا الحجم مقشرتان و مقطعتان إلأى مكعبات صغيرة * حبة جزر كبيرة و مقشرة و مبشورة * حبتين ليمون ناشف ( أسود ) * بودرة الثوم - ملح - 4/1 ملعقة صغيرة بهار * حبة زبدة صغيرة * 5 حبات من الطماطم الطازج * 8 ملاعق من الشوفان * أربع فصوص ثوم مهروس .

طريقة العمل:



أولا / نسلق البطاطافي قدر4/3 سلقة ، ثم نضيف لها الليمن الناشف ، الملح ، البهار ، بودرة الثوم. ثانيا / في خلاط (الكأس) نضع الطماطم بعد تقطيعها لأربع أجزاء و نغمرها بالماء ، ثم نضيف الشوفان و الثوم المهروس ، و نخلطة جيداً ثالثا / نضع الخليط فوق القدر ( مع البطاطا ) و نخفض درجة الحرارة إلى أدنى مستوى رابعاً / نضيف الجزر المبشور فوق الشوربة و أخيرا نضيف الزبدة خامسا / تقدم ساخنة و بالهناء و العافية

طبق خفيف


دجاج:

المقادير

دجاجه كامله مغسوله جيدا ونظفها من الزفره عدل بالليمون والملح اوطحين حسب انت تنظيفج دايما

تقطع من الوسط بحيث يصبح شكلها كامله

فنجان قهوه زيت زيتون

ربع كوب عصير ليمون

رشة فلفل اسود

ملح

زعفران يوضع في ماء ورد قليل

الطريقه

ناخذ الدجاجه بعد ماغسلناه ونقزها بالسكين ثم تتبل بالمقادير السابقه وتترك طوال الليل بالثلاجه

قبل لا تسوينها ناخذ وعاء ونحمس فيه خمس بصلات جوانحتحمي بزيت الطبخ بس يكون قليل الزيت
ناخذ صحن الفرن ونضع فيه الدجاجه مع خلطتها التتبيله ثم نضع قليل من الكزبره والفلفل

الاسودونضع البصل معاهم ويقصدر وتوضع بالفرن الي ان تنضج

توضع في طبق التقديم وناخذ البصل اللي كان معاها ونضعه فوقها وتقدم مع الخبز والسلطه

الحلو

البسبوسة محشية بالمهلبية

--------------------------------------------------------------------------------

المقادير

كوب سميد
كوب حليب بودرة
كوب سكر خشن
1/4 كوب زيت
2 علبة قشطة
1 م بيكنغ باودر
مهلبية بيضاء
1/4 كوب شيرة

الطريقه
تخلط كل المقادير ماعد المهلبية والشيرة يوضع نصف الخيط في صينية ثم المهلبية وتدخل الثلاجة 10 دقائق وبعد كذا باقي المقادير وتدخل الفرن على نار هادئة حتى تتماسك وتسقى بالشيرة
وبا الهنا والعافيه

ويارب تعجبكم

الدكتورة نسيبة
22-01-2007, 03:44 PM
يا حبيتى تسلم ايديكى

بس المفروض انك بتبعتى الوصفات دى فى رسالة خاصة وبعد كده نبدا نعمل تصويت ونختار افضل طباخ

انا فى انتظارك بس على الرسايل الخاصة وتسلم ايدك على كل السفرة الحلوة اللى عملتيها

الدكتورة نسيبة
23-01-2007, 12:41 PM
ان شاء الله يا جماعة

هنقفل باب قبول وصفات الطبق الرئيسى للفراخ

يوم السبت 27-1-2007

فى انتظار وصفاتكم وان شاء الله هبدا انزل الوصفات تباعا

الدكتورة نسيبة
24-01-2007, 11:28 PM
يلا يا جماعة شدوا حيلكم يوم السبت قرب

انا جالى وصفات ما شاء الله تحفة وتسلم ايادى كل اللى بعتولى

وفى انتظاركم وتسلم ايديكم مقدما

الدكتورة نسيبة
22-02-2007, 12:31 AM
عدنا يا جماعة من جديد

وموعدنا مع

الطبق الرئيسى من اللحوم

انا فى انتظار وصفاتكم على الخاص

وتسلم ايديكم مقدما

اسكندرانى
22-02-2007, 01:26 AM
اختى الكريمة
دكتوره نسيبه
اصبح موضوعك من الموضوعات ادخلها يوميا
كما ادخل المطبخ كلما شعرت بالجوع
ولكن اسمحى لى
بما اننا وصلنا لمرحلة
الطبق الرئيسى من اللحوم
يبقى المسابقة كده محتاجة تعديل
مينفعش رسائل خاصة
ولا يصلح فيها التصويت
التعديل المقترح
نحدد يوم للمتسابقين
كل منهم يأتى بطبخته جاهزة وسخنه
بالسلاطة والطحينة والعيش
وتشكل لجنة لفحص الاكلات
وعلشان ميبقاش فى مشاكل
اقترح هذه اللجنة تتكون من
اسكندرانى
واخى الجميل اللى حيفهمنى على طول
حسام عمر
برجاء تحديد يوم ومكان المسابقة بسرعه
ارق تحياتى لك دائما
http://www.majalisna.com/gallery/41/41_101055_1171458281.jpg