المساعد الشخصي الرقمي

مشاهدة النسخة كاملة : علياء ابو شنب(من موضوعات mr_virus)



الصفحات : [1] 2

بنبونه
07-01-2007, 05:11 PM
اهلا بيكم يا بنات ويا ولاد

جيبلكوا موضوع من قصص mr_virus المفروض انه هينزلوا بعد امتحناتوا لكن بما ان الموضوع ضدنا حبيت اعمل فيه مقلب ونزل اول جزء من الموضوع وافشى اسراره اللى بيجهزهلنا علشان يضربنا فى المنتدى رغم انه قال انه هيبطل يحاربنا من الاخر الموضوع ده بيتريق فيها على البنات بس الموضوع عجبنى علشان فى معظم المواقف مبين ان البنات هما اللى:hop: :hop: :hop: :hop: ليهم السلطه فى كل حاجه
اسيبكوا مع القصه الاولى ربنا يخليكوا اوعى تفتنوا عليا



اسم .ابو شنب. هذا ليس من عائله.علياء. ولكنه اسم يطلق على اى بنت نرى فيها رجولة تعدت كونها كأنثى .كنت فى الفرقة الاولى عندما قابلت.علياء.كانت فتاه محترمة على قدر من الجمال ولكن عليها نظرة حادة تبرز بها كل عروق عيناها الحمراء فيتجمد الدم فى عروقك عنما تراها .بل تظن انها وحش فى صورة فتاه.كانت علياء معى فى نفس الفرقة كان لها اراء صائبه فى كل موضوع وهى فتاة عربية متعصبة , سياسية من الدرجة الاولى فعلا هذا ما اثبتته لى عندما قالت انها ستجتهد فى دراستها مخصوص حتى تكون انتظام وتشارك فى الانتخابات . ضحكت عندها وقلت.انتخابات.بس انتى لسه صغيرة ومكملتيش ال21 عشان تكونى فى مجلس الشعب. نظرت لى بنظرتها الحادة. علمت على الفور ان لا مجال للسخريه معها واعتقدت مع هذه النظرة انها ربما ستركلنى .شلوت اسوانى. او تصفعنى بيديها الرقيقتين . لكن والحمد لله قامت بأحراجى امام زملائى فقط الحمد لله الحمد لله. -انا قصدى انتخابات الكلية يا خفيف.انتخابات اتحاد الطلبة
-بسم الله الرحمن الرحيم الصوت ده طلع منين يا الهى أهذا صوت علياء عندما تغضب
بالكاد استطع بلع ريقى.....بعد ان تفاوت هذا الكلام على ذهنى
-فقلت على الفور وانا فى كامل الاحراج نعم نعم ما انا عارف .لقد فهمت
عندما سمعت منى كلمت ماانا عارف انطلقت صرخة مصاحبة لبعض الكلمات التى استنتجت منه
- عاااارف امااال بتهرج ليييه . بكلماتها هذه احسست بأن الملابس قد وسعت على . اه نعم ادرجت السبب لقد اصبحت فى نصف هدومى.
اقتربت الامتحانات ولم يرى احد وجه علياء. سألنى احد اصدقائى . ايه يابنى اين علياء. وفجأة نظر ورائى لم اعباء بنظرته لكى اخرج جوابى الساخر له كالعادة فقلت
-اه ياعم تلقيها بتحلق دقنها وجايه.
وبعد كلامى هذا رأيت الملابس تسحب الى الوراء وباتت تخنقنى لم انظر للوراء برضائى بل رأيت من يلفنى . لقد اتى الموت ياتارك الصلاة .اريد ان ابلع ريقى يا الهى لا يوجد...لقد سمعتنى علياء لهذا لم يضحك صديقى بل نظر لى نظرة عطوفة ثم اطلق ساقيه للريح . اما انا فلم ينجدنى منها غير امن الجامعة الذى يلف من وقت لاخر لن انسى وقفتهم النبيلة معى اثناء صفعى . عاملونى بمنتهى الاحترام لأأن الانسة المبجلة . علياء. قالت لهم انى .قللت من شأنها وانى عاكستها جوه الحرم الجامعى. طبعآ كنت ممسوك من رقبتى فمكنتش عارف اتكلم.لكنى استعطفتها لكى تسامحنى.وبالفعل سامحتنى بعد ان شدتنى من ودانى وقالت لى ان اسمع الكلام . خفت ان اقول لها حاضر ياماما فترجعنى الى الامن مرة اخرى . ياالهى لقد اصبحت فورجة للجامعة . ولكن الحمد لله انهم علموا اسمها الجديد الذى اطلقته عليها انا دون ان تعلم فقد اصبح اسمها من . علياء محمد مروان . الى علياء ابو شنب . الا ان بعض الاصدقاء الاخرين اصبح يقولوا لها "يا علياء هانم" وهم الذين اصبحوا ذراعها اليمين فى الانتخابات التى ستخوضها فى السنة القادمة........ولكن الى اللقاء فى الامتحانات اولا
__________________

بنبونه
08-01-2007, 12:15 PM
ايه يا جماعه الموضوع وحش لدرجه دى

thereallove
08-01-2007, 01:08 PM
هههههههههههههههه

احنا اللي خيفين عليكي دلوقتي

انتي جيتي في مكان المعلم فيرس بقي يعني دي حتته وربنا يسترها معاكي وعلي اللي هيجرالك

وربنا يبعد عننا علياء احنا مش قدها

مستنيين منك المزيد وتكون مواضيعك انتي يا دينا

يلا بقي قبل ما عمنا ييجي هههههههههههه

mr_virus
08-01-2007, 01:26 PM
واعتى ومحدش سما عليكى

بس على العموم لينا جامعه تلمنا

وشكرا على الدعايه الفشله بتعتك

mr_virus
08-01-2007, 01:31 PM
يا جماعه استنوا بقيه القصه

منى انا مش من ابو شنب

Maruko
08-01-2007, 01:52 PM
ايوة كدة احنا عايزين حد يغطي عالناس الي المشوهة صورة البنات دي
احسن كدة بقت صورتنا مش ظريفة ابدا

mr_virus
08-01-2007, 06:29 PM
تقصدي ميييييييييييييييييييييييين ؟

انا من يوم مدخلت المنتدى والبنات كرهت نفسها

يترى ده سوء حظ ولا رخامه من الاخرين ؟؟

thereallove
08-01-2007, 09:02 PM
لا سوء حظ يا باشا

وهنستني الباقي منك انت طبعا سيبك من ابو شنب

هههههههههههههههه

florensa
09-01-2007, 12:21 AM
السلام عليكم ورحمة الله وبركاتة
هههههههههههههههههههههه
بصراحة قصة مسلية جدا
بس يا مستر فيرس احنا عملنا هدنة وانت كدة اخليت بالاتفاق
ووعدت ووعد الحر دين علية
يالا اديك وقعت فى ايد اللى مبيرحمش

mr_virus
09-01-2007, 01:12 PM
اولا لو تلاحظى مش انا اللى كاتب الموضوع

اطلعى اتاكدى وانزلى تانى
انا مستنى
............................................



اتاكدتى أى خدمه

على العموم انا مش هكمل القصه دلوقتى

عايز اشوف الاول الطريقه هتهجب الناس ولا لا

ومستنى اشوف الجاسوسه عندها كام جزء من القصه

شكرا ليكى يا florensa

mr_virus
09-01-2007, 01:16 PM
يا جماعه ( علياء ابو شنب) لا اقصد بها شخصيه معينه

بس دى قصه تبين حال الشباب فى الجامعه (الله يرحم سى السيد )

وتعيش ( الحاجه امينه )

يعنى علينا الله يرحمنا

florensa
09-01-2007, 02:54 PM
ههههههههههههههههههههه
اولا انا عارفة ان مش انت اللى كاتب القصة
ثانيا المهم انها من مواضيعك
وهاتنزل الجزء التانى بعد الامتحانات
وانا من ضمن اللى مستنينها
شكرا ليك

mr_virus
09-01-2007, 03:22 PM
يعنى انا كده فى السليم

مش انا اللى ابدتيت

مصريه وافتخر
10-01-2007, 02:07 AM
والله علياء ابو شنب
ولا صفية ام دقن
مش فارقة كتير معانا
لاننا كبشر اكيد هيكون لينا وجه اخر للعملة
بعدين تقريبا انت بتصور معاناتك من البشر دي
انت اكيد من ساعة مدخلت المنتدى وانت كاره البنات مش مكرههم في نفسهم
وعلى العموم شكرا دنيا لانك نبهتينا بوجود عضو..............
في المجتمع

mr_virus
10-01-2007, 12:38 PM
مالوا العضو .....

بنبونه
11-01-2007, 07:55 PM
ايه يا جماعه الموضوع مش فظيع لدرجه دى برضوا بيضحك شويه ولا ايه ؟



انا بحاول اخطفلكم كام جزء جديد من فيرس بس مش لاقيه حد يسعدنى

thereallove
12-01-2007, 12:30 AM
والله عال يا دينا دا انتي مفيش حد هيعرف ينجدك مننا ههههههههههههه

ولا تقوليلي مصريه ولا بكلويز ولا الجماعه دول

واما اشوف هتعملي اللي في التوقيع بتاعك ده ازاي

لو والاكتر من كده تطلعي اهلاويه كمان

دا انتي هتشوفي ايااااااااااااااااااام

ههههههههههههههههه

بنبونه
12-01-2007, 07:50 PM
ايه يا عم احمد مش كفايه نشرنى على الحبل يعنى اعمل ايه اكتر من كده ؟

mr_virus
12-01-2007, 08:25 PM
نعم يا ام شنب


مالك بالواد

mr_virus
12-01-2007, 09:33 PM
موسم الامتحانات والى عملته البت علياء
___________________
دخلنا الى امتحانات النصف الاخر . كانت .علياء. عندما تخرج من امتحان ترانى امامها
-ها يا علياء عملتى ايه؟
وكان الجواب على مدى 12 امتحان نص اول ونص تانى هى- وانت مالك
وقد علمت بطريقة غير مباشرة انها تسكن فى حى راقى تقربيآ مدينة نصر . ولكن اذآ من اين اتت بهذه الوحشية .وعلمت ايضآ من المقربين انها كذلك فى بيتها
تعلمهم الادب.فوالدها لا يستطيع تأخير طلب لها اما والدتها فتراها سيدة اعمال وقد شجعتها على فعل ذلك لذا فتراها الفتاة الوحيدة التى يمكنها الرجوع ليلا دون اى قلق من عائلتها بل كان والدها عندما تسأله انت حضرتك ربنا مرزقكش بولد صح؟يرد بكل فخر
-ازاي امال علياء راحت فين
حتى ابيها مظلوم معها يبدوا انها نقمة اكثر من كونها نعمة اه والنعمة
اغرب ما فى الموضوع اننا عنما انتهينا من اخر امتحان وذهبنا كجماعة نمضى معآ يومنا الاخير فى هذه السنة.قابلنا بالصدفة احد الشباب يعاكس فتاه فى سن الثانويه تقريبآ وما ان رأته.علياء.
حتى قالت له _انت , انت يا كابتن
التفت الشاب لها كان منظره مخيف هذا ما اعتقدناه نحن اما علياء فقالت بأعلى صوت مش _ مش عيب يا استاذ الى بتعمله ده , ايه مفيش حد يوقفك عند حدك
سمع كل من فى الشارع حولنا هذا فأقتربوا اليها
-فى حاجة ياانسة , الاخ عمليك حاجة
قالت لهم الاستاذ..........
وعلمت انها قالت انه بعاكسها هى وليست الفتاه الصغيرة
وما ان سمع ذلك اهل الشارع وقد بدأو بأطلاق الصفعات والضربات المتتالية.لقد كان موقف صعب وكادت الشهامة تأخذنى وان اذهب الى . علياء. الاتية الينا الا ان سمعت منها بعض الكلمات كان فى وسطها . جنس عايز الحرق. سمعت ذلك فعدت الى اصدقائى وكأن شئ لم يكن بل قلت لهم ايضآ
-والنبى ما حد يقول لعلياء انى كنت رايح استعطفها
لكن يبدوا ان ذراعها اليمين او جاسوس المجلس كما اطلقنا عليه.فقال لها
-يا سلام يا علياء ده اسلام"خدمكم انا" كان رايح يستعطفك عشان تسيبى الولد
قلت له مسرعآ قبل ان تنظر الي
-ياراجل عيب دانا كنت رايح ادافع عن البنت الصغيرة , كنت رايح اشارك فى ضرب هذا الشاب
ده عار على جنسنا بل......
قاطعتنى علياء وهى تقول والحمد لله انها لم تتهجم على كالعادة
-بس , بس , مش عايزة صداع
قلت لها خلاص يا بوس مفيش كلام
قالت لى بأستغراب بوس
قلت نعم بوس وسيد البواسيس كمان انتى من النهاردة الريس بتاعنا كل شلة وليها ريس.صح يا رجال
قلتها بصوت عالى حتى يرد الجميع ورائى مثل الافلام العربية . ولكن يبدوا ان الجميع صمت منتظرين
اشارة من علياء حتى يردوا علي.كنت انتظر الرد بشغف وقلق ايضآ قلت فى بالى
-يارب بلاش تخليها تحرجنى , احنا فى الشارع
وبالفعل كانت ابواب السماء مفتوحة.فأنطلقت ضحكة بسيطة للغاية لم تصل الى حد الابتسامة حتى"رضا
وقالت -والله حلوة بوس ديه اول مرة تطلع حاجة كويسة منك
وعلى طريقة الجرسونات قلت لها -ان شاء الله تكون عجبت سعادتك
والحمد لله قد انتهى اليوم دون علقة او احراج مثل باقى الايام التى اقابلها فيها
استنوا الباقى بس لما اشوف على الاقل 55 تعليق

thereallove
13-01-2007, 05:34 PM
ههههههههههههههههههه

يا باشا انا هشوف غلاوتي عندك قد ايه وتعمل مشاركتي بكام مشاركه علشان انا متلهف اشوف الباقي

ايه خفت الدم دي مش زي ابو شنب الواحد كان مبلم وهو قاعد ههههههههه :p: :p: :p:

في انتظااااار الباقي بشغف يا باشا وربنا يوفقك في الامتحانات

mr_virus
13-01-2007, 06:34 PM
يا احمد انت غلوتك عندى بكل المشاركات اللى بالمنتدى

thereallove
13-01-2007, 08:21 PM
حبيبي والله يا فيرس باشا انا عارف طبعا يا حبي ان ده مظبوط

وسيبك ولا تقولي بنبونه ولا ابوشنب

انت الغالي

mr_virus
14-01-2007, 07:28 PM
يا غالى يا ابن الغالى

يا احمد علشان خطرك انت بس

ممكن انزلكم الجزء التانى بكره


ممكن

مصريه وافتخر
15-01-2007, 10:14 AM
انتوا فاضين تحبوا في بعض
يلا عايزين شغل
مش عايزين تخاذل وتعابير رومانسية
هههههههههه
اسفة رخمة مش مشلكة عادي
المهم
اه اتفضل يا بني نزل الجزء التاني عادي يعني
احنا مستنين

mr_virus
15-01-2007, 12:33 PM
نعم ما انا مش لاقى حد معبر الموضوع
قلنا نحب فى بعض شويه وعقبال لما حد يجى


اه اتفضل يا بني نزل الجزء التاني عادي يعني
هوا انا استئذنتك انزل الجزء التالت والا لا
ناس غريبه


وابقى سلميلى على كتابك وعلى ابن خلدون

مصريه وافتخر
15-01-2007, 03:40 PM
كتاب مين
والرازي مين بس
على العموم سلامك هيوصل للحسن بن الهيثم
عشان الشبكة عند الخوارزمي واقعة عشان الاهلي اتغلب 3
هههههه

mr_virus
15-01-2007, 03:51 PM
لا اعلم ما سيقابلنى هناك ولكن بدام شميت التفاؤل يبقى ح يحصل اكيد
دخلت الى المدرج مش معقولة علياء مش موجودة جريت الى الاصدقاء مسرعآ والدمعة تفر من عينى مش معقولة علياء مجاتش النهاردة مش مصدق عي............
لم اكمل كلامى حتى احسست بشئ يثقل كتفى الايمن انها يد علياء دخلت الى مكان الجلوس وهى تنظر لى بأشمأزاز وماجيش ليه يا استاذ مش النهاردة اول الدراسة
-ها اه اه لأ انا كنت بسأل عليكى فى ايه يا علياء بلاش يعنى.....
-المهم انت معانا ولا لأ
- معاكم معاكم فى ايه
-يابنى انت مابتفهمش
-واىه لازمته
-مابتسمعش
-ياعلياء يعن...
-ما بتشوفش
كان الجميع ينظر الى من الذى واقف يتهزك كده؟ , حتى ان الرجاله بتاعت المدرج بصولى على انى اعاكسها تاااانى
- يارب بلاش كده انا حيصلى حاجة مش اول يوم (قلتها فى نفسى)مع تكمله علياء لقصيدة يابنى
-يمكن بتستعبط؟؟؟
تذكرت فى تلك اللحظة اول كلمة قولتها لعلياء وسمعت منها موشح ايضآ..........اه لقد تذكرت انها تقصد الانتخابات فقلت للتأكد فقط
-انت قصدك الانتخابات
-تبقى كنت بتستعبط
وقامت من مكانها قافزة كسوبر مان اتية الى
-لا ابوس ايدك مانت ايمه من مكانك
ولكنها لم تسمع الكلام والحمد لله فالتفاؤل قد اتى بفايدة فقد اتى الدكتور بتاع المادة .رأته علياء فرجعت الى مكانها.
كاد ان يغمى على انا انقذت من يد علياء الحمد لله
انتهت المحاضرة كانت طويلة ولكنى كان نفسى اقول للدكتور كمل نريد المزيد ارجوك كنت مستعد ان افعل ذلك وانا امسك برجله ولكنه مشى سريعآ ...اه ربنا يستر انا استعد لأى ضربة من اين ستأتى

مع اول لمسة خرجت منى كلمة لا افهم معناها حتى الان كنت اذن انها احدى لكميات علياء ولكنها كانت يد صديق لى نظر الى بأستغراب ثم جرى يبدوا انه ظن ان عقلى قد فوت واننى محتاج لمستشفى المجازيب
يا خوفى لايروح يندها بجد.ثم نظرت لى علياء تانى ها يبنى معانا يابنى احنا رايحين نقدم اهو
-طبعآ انت بتتكلمى فى ايه طبعآ معاكو
ولم اعرف ما يخبئلى القدر فى هذه الانتخابات ربنا يستر
المهم دخلت علياء على موظف التقديم فى اتحاد الطلبة التى منها نقدم فى الانتخابات.المهم نظر اليها الرجل
والله نظرة بريئة وهنا قفزت عينا علياء للخارج قلت فى نفسى
- يانهار مش معدى فى ايه ياعلياء هتاكلى مين
المهم الرجل شاف كده وهنا لأيته اتلخبت وشوية شوية هيقوم يديها التمام وكان شكله بيقول ايه ده ياعم هو انا عملت حاجة ولا انا ايه انا ازاى........
المهم ان الراجل المفروض بيملا ورقة ويوعد يقولك ها اسمك ايه سنك ......الخ
لا راح الراجل اداها الورقة وقالها - لو سمحت ممكن تملى الورقة ديه
صعب عليا الراجل والله بالرغم من الى بيعملوا فينا الشغالين فى الحكومة بس غريبة مقدروش يقفوا ادام نظرة علياء الديناميتية عشان كدة انا كنت بقول ان الى عايز يخلص ورقه مع الحكومة يقول لعلياء بس بصنعة لطافة لأمة هو عارف شوغلوا


دخلت علياء على لجنة الاتخابات وكأنها امين شرطة يدخل للقبض على احد المطلوبين لا اعلم لماذا نظرت اليها وكأنها الشاويش عطية لا اعلم لماذا نظرت اليها كثيرآ احتى ان احد الاصدقاء قال لى
-ايه ياعم عينك
ايقظنى هذا الوغد من هذا الحلم المضحك فأخذت اضحك الى ان نظر الى الجميع ونظرت الى علياء بنظرتها المعتادة عروق العين للامام والعين كلها طلعة برة رجعت الى علياء ظنآ منها اننى احرجها امام اللجنة ولكى تعرفهم من هى فكان يجب ان يكون فآر التجارب وكان هذا الفأر هو انا فأخذت عقابى لأول مرة بالضرب حتى انكتم الضحك فى فمى فكدت اختنق ولكن ليس انا المهم ولكن نظرت اللجنة الى علياء تحولت من نظرة سخرية الى نظرة تعجب اما انا كان منظرى ككيس طيور نافقة كما يسمونه اليوم الكل يبتعد عنى وكأنى هو حقآ حتى قلت فى داخلى - ايه يا عم الظلم ده هو مفيش غيرى ولا ايه
اما علياء فتملكها الكبرياء وده شئ طبيعى وبدأت بالتكلم بأطراف مناخيرها
- والله انا سمعت ان عندكو انتخابات..................................
لم اتحمل كلامها واخذت اضحك مرة اخرى ولكن مع نظرت علياء الملتفتة السريعة كتمت الضحكة مرة اخرى ولكن كان ضحكى هذه المرة على غشامة علياء وبلاهتها -والله انا سمعت ان عندكو انتخابات....ديه داخله على سوق الخميس والله لو داخلة الوكالة ماهتعمل كده والله انا سمعت ان عندكو هدوم مكوية..................اخذت اهزى مع نفسى والاصدقاء كل منهم يضرب كفآ على كف ماذا حدث له اتجنن تانى ولا ايه مش كفايه الترءعة الى واخدها من علياء من شوية. المهم دخلت علياء تجلس تتكلم معهم ونحن ملطوعين ع الباب اكثر من نص ساعة زهقت من هذه الركنة فقلت الى الاصدقاء الاليين الذين اصاحبهم فهم يمشوا بعد ان تملاء علياء الزنبلك بتاعهم عالم ياساتر
قلت الى اصدقائى - لا يا جماعة انا هروح انا كدة اتأخرت وكمان زهقت
سكت الجميع ولم يتكلم احد فالكل ينظر الى هذا الحدث الغريب. من هذا الشاب الانتيكة الذى يجلس مع علياء
يا جماعة بقولكم زهقت خلينا نمشى بقى
لم يرد احد فالكل يقول لبعضه بس بس بس ديه علياء بتضحك
قلت بسرعة بجد اه صحيح ده بجد ياريت كان معايا كاميرا عشان اصور ابو الهول وهو بينطق
نظر لى احد الاصدقاء فقلت معتذرآ قصدى علياء وهى بتضحك
وجدنا علياء تنتهى من حديثها وتقترب منا . الكل يسكت وانا فقط الى بسأل
فى ايه يا علياء ايه اللطعه ديه
تنظر لى علياء بتكبر وكانها تعاقبنى على ما حدث منى ولكنى مشيت ورائها اتريق عليها
وهنا تنظر الى علياء مجاوبة على سؤالى
الله هو مش لازم يكون كل واحد هينتخب نفسه يبقى ليه حاجتوا وانتوا بالنسبالى عدتى
لم احتمل تلك الكلمة وقلت اضحكهم شوية
- نعم عدتك ليه شيفانا 3 شهور بعد طلاق
هنا وقفت علياء من مشيها ونظرت ورائها وطبعآ
وقالت لى بأعلى صوتها
- اه ياجزمة جواز عرفى وطلاق ايه.........
وقبل ان تكمل كلامها وجدت كل الى فى المكان حواليا بلعت ريقى بصعوبة وانا انظر اليهم واحد واحد ثم قلت لهم
- ايه سايبين مصالحكم وبتتلموا على ايه
فوجد واحد منهم يقول وهو يغزنى بكوعه
-ماترحموا بنات الناس بقى ياولادل................
وواحد تانى - هو انتوا بقى الى مضيعين مجتمعنا بقلة ادبكم ديه عرفى يالى ماطلعتش من البيضة.....
وهنا صرخت علياء مرة اخرى
-حيواااااان
فوجد الناس يمشوا على كلامها
- هو عمليك ايه ( ومسكنى من قفاية)
وهنا ولأول مرة تدمع عيون علياء فقلت فى نفسى خلاص كويس عرفت غلطها وهتسمحنى
ولكن الى حصل بقى ان كل الناس اقنعونى (وبصراحة اقنعونى اوى ان انا مغلطش فى حق سيدة الجامعة علياء هانم)
والى حصل حصل ورحت نمت فى بتنا اربع تياب وانا مش حاسس بجسمى ........والواد الى علياء كانت بتضحك معاه
كان عامل شهم وهى كانت عاملة قطة ادامه وانا كنت كالعادة فار التجارب.........................................بس




لو ملقتش ردود مش هكمل ومتتحيلش عليا يا احمد

مصريه وافتخر
15-01-2007, 03:55 PM
متكملش ليه يابني
انت بتكتب عشان الردود
ولا عشان بتحب تكتب
خليك اقوى من كده يابني
الحياة صعبة ولازم نتحدى عشان نعيش
وعلى فكرة قصة علياء حلوة
بس يمكن في ناس بيدخلوا بس مش بيردوا عادي يعني
وبجد حلوة
ومتنساش
اتحدى عشان تنجح
اثبت نفسك

mr_virus
15-01-2007, 04:00 PM
طب قولى طيب عجبتك ولا لا قولى اى حاجه

مش دخله تروسيلى بتين شعر

مصريه وافتخر
15-01-2007, 04:05 PM
ماشي ماشي
بقى دي جزاتي عشان بشجعك
على العموم عجبتني ولا تزعل

mr_virus
15-01-2007, 04:21 PM
الف شكر ليكى يا مصريه
نردهالك على الحبل و على كرسى الحلاق
وفى حتت كتير ان شاء الله

مصريه وافتخر
15-01-2007, 04:25 PM
طيب ماشي
شكرا كتييييييييييييير
انا غلطانة
بس مش مشكلة هعديها وهشجعك تاني
شفت هي دي الاصول

mr_virus
15-01-2007, 04:30 PM
يا ستى ما انا قولتلك شكرا

لازم يعنى ابوس ايدك

مصريه وافتخر
15-01-2007, 04:40 PM
لالا
مبحبش الذل
تبوس ايدي ليه يعني
علياء ابو شنب انا
ههههههههههههه
خلاص شكرك مقبول
يا حسام اغا اديله اللي فيه النصيب
هههههههه

thereallove
16-01-2007, 01:36 AM
اااااااااااااااااااسف يا باشا اتاخرت في الرد بس انا اللي غلطان

اني اتاخرت علي قرائه الكلام الجامد ده

مش هقولك مع اني متلهف للباقي بس لازم موضوع زي ده نتلهف عليه ونشتاق ليه

اما نشوف اخرة ابو شنب دي ايه

mr_virus
19-01-2007, 03:20 PM
http://t2.imagechef.com/ic/imgout/samp82bdb522536c945c.jpg


استنونى بعد الامتحنات و جزء جديد من علياء ابو شنب

thereallove
19-01-2007, 03:54 PM
جاااااااااااااااااااااااااااااامده يا باشا

ولازم المشاركه رقم 2000 تبقي في موضوع من موضوعاتك

هنستنا الباقي من يوميات ابو شنب

وربا معاك في الامتحانات

mr_virus
19-01-2007, 06:59 PM
يا احمد مدتغضش عليا انا بحبك

وممكن اضعف و تخلينى اكملها

بنبونه
21-01-2007, 07:46 PM
عملتلى كتاب للقصه

انت واللى اسمه احمد

انتوا مبتشفوش

مبتسمعوش

ممكن بتهزروا

وانا مش فضيلكم

لما اخلص امتحنات

هنسفكوا من على الوجود

جنس عايز يتربى

mr_virus
22-01-2007, 07:54 PM
انا مش هرد عليكى

علشان خساره انى ارد على وحده زيك

mr_virus
27-01-2007, 12:58 PM
رجعت الى البيت احمل زراعى الايمن فى يدى اليسرى اقتربت من الجرس ولا اعلم كيف اضربه المهم اكتشفت ان كوع يدى مازال على قيد الحياة فضربت الجرس به وانتظرت من سيفتح الباب ففتحت امى حاملة المقشة فى يديها والاشارب البيتى على جبهتها لم تقل كلمة واخذت تنظر الى متعجبه فقلت فى نفسى كالعادة وبدأت بالتحرك للداخل وهنا دفعتنى امى للوراء ثانيتآ ورفعت على المقشة وهى تقول
- انت مين ......يا..حرامى
ثم اغلقت الباب فى وجهى فقلت وانا على الباب اكاد احمل جسدى
-افتحى ياماما انا ابنك

ثم فتحت الباب ثانية وهى تقول ايه يابنى الى عمل فيك كده. دخلت من الباب واخترت اقرب كرسى لأرمى نفسى وكنت مازلت احمل ذراعى فقالت لى امى
-ايه ياحبيبى الى عمل فيك كده انت اتثبت تانى....................( وليه الاحراج بس ياماما)
- لأ مفيش .........هقلع وهاجى ارد على حضرتك

دخلت غرفتى وفتحت احدى العلب الفارغة لدى ووضعت ماكان فى ذراعى من اسنان وارتميت على السرير لأنام بهدومى

استيقظت فرأيت راسى سقعاااااا. اختى الصغيرة امامى وعندما فتحت عينى جريت الى الخارج
-صحى يا ماما صحى
دخلت امى وهى تقول
- ايه يابنى النوم ده كله الدكتور كان ناوى يجى يعلقلك ككولوز
-مين ايه ده قصدك جلوكوز
- يابنى دانت نايم بقالك اكتر من 3 تيام من يوم العلقة الى جيت بيها واحنا خوفنا اوى عليك
- وفيه اصحاب كتير اتصلوا بيك عشان يسئلوا على احوالك منهم واحدة اسمها عليا................
-علياء اتصلت
اتنفت من مكانى وواتكئت على ذراعى لم اتذكر انه الذى شرخ فى العلقة اياها
-اههههههههههههههههههههههههههههههههههه
- اسملا يابنى
يابنتل............
-بتكلم مين يابنى
-مفيش يا ماما مفيش
- طيب انا هروح احضرلك لقمة
وهنا اتصل صديقى محمد
-الو ايوا يابنى انت لسة عايش طب كويس
- عايش اه ايوا يا خويا عايش
-طب انا اديت نمرتك لعلياء اصلها اصرت تاخدها وانت عارف مقدرش اأخر طلبها
-فيك الخير يا خويا فيك الخير
-طب عايز اى حاجة يلا سلام بقة

وشوية واتصلت المعلمة علياء وبمنتها الانزحة تكلمت
-الو
- ايوا مين معايا
- يعنى مش عارف صوتى
-لأ الحقيقة (بستهبل) هو حضرتك شخص مشهور لامؤخذة
-حضرتك ومشهور هو انت بتستعبط انا علياء يا استاذ
- علياء مين ( علياء المليجى )
- ايوا استهبل طب ودينى لو طلتك لأعرفك انا مين وانا الى قلت اطمن عليك اتفوووووووووووووووا
-(يلا مع ستين الف مليون داهيه.............)
- بتفكر تقول حاجة
-لأ مع السلامة
ياساتر حتى افكارى بتشمها ....ما ان اغلقت سماعة التليفون حتى انهلت على التليفون تخبيطآ فى رأس السرير
حتى تهشم
وانا اقول
- خدى خدى يلا خدى فى سنانك ياقادرة يا مفترية يلا عشان تعرفى انا مين
وهنا نظرت الى الباب فرأيت اخى ما ان رأنى انظر اليه حتى جرى وهو ينادى يابابا ياماما اخويا اتجنن
:download:


يا جماعه عايز شوية تشجيع علشان اكمل القصه

florensa
27-01-2007, 01:09 PM
السلام عليكم ورحمة الله وبركاتة
اية يا فيرس دا انت كتبت الجزء دا امتى
انا لسة شايفاة
هههههههههههههههههه
بس حلو بصراحة
يعنى متشطرتش غير على التليفون المسكين
عندك حق يادوب عليك
بس انا لو منك اخاف لا يطلع التليفون ماركة علياء ابو شنب
هههههههههههههههه

mr_virus
27-01-2007, 01:30 PM
اية يا فيرس دا انت كتبت الجزء دا امتى
انا لسة شايفاة
لسه مكتوبه

يعنى متشطرتش غير على التليفون المسكين
عندك حق يادوب عليك
يا ستى وانا قادر على حاجه غير المسكيين


بس انا لو منك اخاف لا يطلع التليفون ماركة علياء ابو شنب
يالهوى انا عمرى ما فكرت فى كده

florensa
27-01-2007, 01:44 PM
السلام عليكم ورحمة الله وبركاتة
لا لازم تفكر
انا قولت بس احزرك
رغم العمايل اللى انت بتعملها
لكن يالا بردة اخونا يعنى

mr_virus
27-01-2007, 05:49 PM
الف شكر ليكى يا فلورينسا

runaway_heart
28-01-2007, 12:05 AM
هاهاهاهاهاهاهاهاهاهاهاهاهاها
هاي فيرس
قصه زي العسل في انتظار الجزء القادم
و حاول انك تاخد بتارك فيه
الهيبه
الهيبه هاتروح يا مان

mr_virus
28-01-2007, 12:09 AM
هيبه ايه ما خلاص

كله راااااااااااح

انت لسه مستنيه جزء تانى

واللهى انتوا شكلكم فرحنيين فيه

ماشى مااااااااااااااااااااااااااااااشى

شكر ليكى

runaway_heart
28-01-2007, 12:20 AM
هاهاهاهاهاهاهاهاهاهاها
معقول؟؟
احنا بردو نفرح في نصير المرأه
اللي رافع رقبتها و خلاها حصلت رقبه الزرافه
بس الشهاده لله
احنا فرحانين طايريين فيك.................
بيك قصدي بييييييييييييييييييك
هاهاهاهاهاهاهاها

mr_virus
28-01-2007, 12:52 AM
هاهاهاهاهاهاهاهاها

واللهى انت خرجتينى من الجو اللى انا كنت فيه شكرا ليكى


احنا فرحانين طايريين فيك.................
بيك قصدي بييييييييييييييييييك
زلات اللسان دى بتبقى وحشه

دايما كده رافع راسكوا


Photo Gallery