المساعد الشخصي الرقمي

مشاهدة النسخة كاملة : فى تصرفات غلط كتير فى مجتمعنا ازاى نقاومها



mr_virus
09-12-2006, 08:29 PM
فى تصرفات غلط فى مجتمعنا
عشان كده هاقول الغلط واصلحه باسلوب متحضر ...

بسم الله نبدأ ..



خطأ :لما يخبطك واحد وانت ماشى.. و توقع كتبك... وتاخدها وتمشى.. و تعتذروا لبعض...

الصحيح : تمسكه من قفاه... وتمسح بيه الحيطه.. و تلبه فى بطنه .. و يريت بكوع ولا بركبه...

و تقوله .. مره تانيه تفتح عينك يا لوح ..


ــــــــــــــــــــــــــــــــــــ

خطأ : تفتح الإشارة .. و يزمرلك واحد رخم وراك...و تطلع في المراية ... و تلقيه متعصب موت.. و تشاورله متاسفين...

الصحيح : تنزل بمفتاح عجل.. او كوريك... و تروحله... وأول مايفتح الباب ... جرّه مع شعره ... و شنبره لحد ما يبوس رجلك ...
و بعدين ..
قله مرة ثانية الاشاره خضره .. تبقى حمره.. تبقى زرقه... حط لسانك فى بقك و اخرس..


ـــــــــــــــــــــــــــــــــــــــ



خطأ : تدخل المحاضرة متأخر ... يقولك الدكتور اطلع برا يا فاشل .. ياللي فيك ومافيك ... ويقفل الباب فى وشك .. و تخرج وانت متضايق ...

الصحيح : انك تمسكه من كرفتته وبعدين تلفه وتلفه وتلفه وتلفه وتلفه وبعدين تريح شويه وبعدين


تلفه وتلفه وتلفه و تعلقه من الجرافته فى البروجيكتور ..
و تقوله ..
مش هى جامعه ابوك عشان تطرد الطلبه ..


ــــــــــــــــــــــــــــــــــــــــــ



خطأ : جالسين أنت ومجموعة من الشباب ... وعندكم علب بيبسي ... و جايب الهدوم من على الحبل... فصاحبك يرج العلبه ... ثم تجيى تفتحها .. فتغرق هدومك... ويضحكون عليك .. فتقول ... و الله لارده فيك المقلب ده..

الصحيح : تمسكه ... مع رجليه ... و تمسح بيه الارض ... و تجيب علبه بيبسى.. وترجه رجا مبرحا ... ثم تفتحه بوجهه ...
و بعدين ..
تقوله انا مش اخوك الصغير عشان تهزر معايا.. و المره ده سمحتلك عشان خاطر اصحابى.. و لا اقولك!! ...
و تكب العلبه كلها عليه...


ـــــــــــــــــــــــــــــــــــ



خطأ : تحلق عند حلاق ... ومتحمس تعلمه يعمل كذا ... وسوي كذا ... وهو يقولك .. أنا في معلوم .. أنت بس ارتاح ...
وتتركه ... وتلقاه حالق نص شنبك ... و مبوز شعرك... وتحاسب وتطلع ... وتقولوالله ما احلق عندك تانى...

الصحيح : تاخذ الموس ... و تظبط وشه... وشنبه ولحيته ... وإن حصل تحلق راسه ...
و ما تحسبوش ... و يا سلام عليك لو تضربوا...

و بعدين ..

قول بينك وبين نفسك ... مش احلق عنده تانى ...





ـــــــــــــــــــــــــــــــــــــــــــ
خطأ : تمشي بالحارة .... مثلا رايح للمسجد ... و بعدين يجى عيل... و يرميك بطوبه.. ثم تلعن الشيطان وتعوذ من إبليس ... وتكمل دربك .. تقول ربنا يسامحه...

الصحيح : تاخذ لك مطواه ... وتغزه بيها... و تضربه ... فهو خير وبركه
وإن ماضربته ... خذ عصا .. وامسكه و شنبره ...
إن صوت خير وبركه ...
بس لو ما صوتش.. سيبه ... و روح صلى و خلص مشاغلك... و ارجع مخصوص عشانه.. وتفرّغ له ...
اكيد هيصوت قبل الصلاه اللى بعدها ... و ده على مسئوليتى...





ـــــــــــــــــــــــــــــــــــــــــــ



خطأ : راكب سيارتك مستعجل ... وكل اشارة توقف عندها ... حتى الاشارات اللي مافيها أحد

الصحيح : حتى لو انت مش مستعجل ... اقطع الاشارة ... الاشارة حطوها للي ما بيعرفوش يسوقوا زى المطبات...

ـــــــــــــــــــــــــــــــــــــــــــــ



خطأ: ساكن بالدور الأرضي ... وفوقك ساكن واحد ... وجت الساعه وحدة ... وأنت بتنام ... سمهت صوت وهيصه...
و مش عارف تنام ... و تروح لهم .. و تخبط عليهم... وتقول لهم .. حبكت الازعاج وانا بنام... و ترجع .. و تلقيهم على نفس الحاله .. وتقول .. ربنا يخدهم مش عارف انام .. وتكمل للصبح ..

الصحيح : اول شي تروحتجيب حته حديد حلوه بالبيت وبعدين تروح وتطلعله ولا تخبط على الباب ولا الجرس اضرب الباب برجلك لحد ما يفتح و تضرب بالحديده فى راسه فى جنب واحد ******** لحد ما راسه تتفتح فى ناحيه واحده...


ــــــــــــــــــــــــــــــــــــــــ



خطأ :متابع فيلم .. ومتحمس .. ثم يجي واحد من اخواتك ويغيّر القناة .. من غير ما يقولك... و تقوله ليه غيرت مش شايفنى بتفرج؟؟؟؟؟؟؟؟؟؟


الصحيح : بالصنيه اللى حنبك... و لو مفيش بالطافيه اللى جنبك و تديله فى خلقته ... و تاخد الريموت.. بدون ماتكلمه ... واتفرج على فيلمك ... وتابعه بصدر رحب ...


ــــــــــــــــــــــــــــــــــــــــــــ



خطأ:تكتب بعد نهاية اي موضوع تكتبه في منتدى على النت: ان شاء اللهما كونش طولت عليكوا و تقعد تتاسف وكأنك عامل عمله

الصحيح :المفروض تكتب اقرءوا وانتم ساكتين واذا طولت موضوعي فبمزاجى واللى مش عاجبوا ما يقراش ...ههههههه

florensa
10-12-2006, 01:57 AM
ههههههههههههههههههههههههههههههههههههه
تعرف انك ودى فى داهية
مبسوطة انا اوى انى اول واحدة برد عليك
الله يسمحك
دا فيها مؤبد الحاجات دى يافيرس

مغترب
10-12-2006, 07:56 AM
يا عمنا انت تغير العنوان و تقول " احنا جايين نهدي النفوس "

و بعدين تطول فى الموضوع على راحت سعادتك و الى مش عاجبة ميقراش

شكرا يا باشا

و بإنتظار جديدك

mr_virus
10-12-2006, 06:27 PM
florensa
ههههههههههههههههههههههههههههههههههههه
تعرف انك ودى فى داهية
مبسوطة انا اوى انى اول واحدة برد عليك
الله يسمحك
دا فيها مؤبد الحاجات دى يافيرس
اى مواصله شوفوا انتوا عايزين تروحا فين وانا موجووووووووووود
شكرا ليكى



مغترب

يا عمنا انت تغير العنوان و تقول " احنا جايين نهدي النفوس "

و بعدين تطول فى الموضوع على راحت سعادتك و الى مش عاجبة ميقراش

شكرا يا باشا

و بإنتظار جديدك
تفتكر كده

شكرا ليك يا حبى

_snoo000oopy_
10-12-2006, 08:50 PM
خطأ : تدخل المحاضرة متأخر ... يقولك الدكتور اطلع برا يا فاشل .. ياللي فيك ومافيك ... ويقفل الباب فى وشك .. و تخرج وانت متضايق ...

الصحيح : انك تمسكه من كرفتته وبعدين تلفه وتلفه وتلفه وتلفه وتلفه وبعدين تريح شويه وبعدين


تلفه وتلفه وتلفه و تعلقه من الجرافته فى البروجيكتور ..
و تقوله ..
مش هى جامعه ابوك عشان تطرد الطلبه ..
صح فكره برضو...بس عارف لو اترفدت من الكليه هيبقى دا اخر يوم فى عمرك هههههههههههه

اقرءوا وانتم ساكتين واذا طولت موضوعي فبمزاجى واللى مش عاجبوا ما يقراش ...ههههههه
براحتك يا باشا وهو احنا نقدر نتكلم:sh: :sh: :sh:

mr_virus
10-12-2006, 08:55 PM
شكرا snoooooooopy
وانا مش مسئول عن اى كدمات تحصل لاى حد

عبده الدرملى
11-12-2006, 12:32 AM
ههههههههههههه
بس بصراحه حلولك متحضره جدا
الله يباركلك متحلش حاجه فى مجتمعنا تانى

عبده الدرملى
11-12-2006, 12:33 AM
ههههههههههههه
بس بصراحه حلولك متحضره جدا
الله يباركلك متحلش حاجه فى مجتمعنا تانى

zaatota2007
11-12-2006, 09:37 PM
مشاء الله على التحضر و الدبلوماسية والتسامح
اية دة اية الجمال دة
تصدق انا كنت فاكرة ان الحاجات دى ملهاش حلول معقولة
بس طلع الحل عندك يا سلاااااام هههههههههه
الله يباركلك تبيع الحلول دى للدول المعادية بيدفعوا اكتر
انت عارف احنا اساسا شعب ميستهلش العبقرية دى ههههه

mr_virus
12-12-2006, 08:23 PM
عبدو
و zaatota

شكرا ليكم على مرورك

ومش هعديهالك يا عم عبدو

سـيف الديـن
20-12-2006, 03:20 PM
خطأ : لما تدخل موضوع وتشوفه حلو وتخرج منه من غير ما تشارك فيه وتشكر صاحبه :@
الصحيح : لما تدخل موضوع وتشوفه حلو تشارك فيه وتشكر صاحبه :f:

شكرا يا mr_virus

mr_virus
20-12-2006, 03:55 PM
عمو سيف

فينك يا عم من زمان

فيين مواضيعك

شكرا ليك يا سيف على مرورك


Photo Gallery