المساعد الشخصي الرقمي

مشاهدة النسخة كاملة : خروف العيد ( اكلات ووصفات )



الصفحات : [1] 2

jemmy
07-12-2006, 06:09 AM
السلام عليكم ورحمه الله وبركاته



الاخوه والاخوات الاعزاء


كل عام وانتم جميعا بخير وصحه


ها هنا يعود اليكم الشيف جيمى مره اخرى

وقبل حلول عيد الاضحى المبارك

وموضوع جديد عن خروف العيد


وسوف اطرح عليكم بعض الوصفات التى يمكن منها الاستفاده بالجزء المتبقى من


خروف العيد وبعض من الاكلات الشهيه التى تاكل بلحم الخروف


وكما كان طبق اليوم فى رمضان سوف اقدم لكم موضوعى هذا ايضا


على حلقات متتاليه


ونبدآ اولا : بالارشادات والوصفات


يستقبل المسلمون في مشارق الأرض ومغاربها عيد الأضحى المبارك ، عيد اللحمة والفتة والكبسة ، فهنا الكل يأكل اللحم حتى الفقراء لا يحرمون من اللحم في هذا اليوم ، وبدون شك فان خروف العيد هو صاحب هذا العرس حيث يمثل ذبحه فرحة كبيرة لكل أسرة مسلمة وهناك أصناف عديدة وأشكال وألوان من اللحم الذي يعتبر سيد الموائد العربية في مثل هذه الأيام، وخاصة لحم الضأن الذي يتسيد كل الموائد ، وبأشكال وأصناف عديدة منها المشوي والمحمر ومع الفتة وبالصلصة والريش وفخذ ، ولحوم الضان تحتوي علي كمية كبيرة من الدهون والحديد والكالسيوم والفوسفور وفيتامينات أ و ب‏ .

وعكس الاعتقاد الذي أشيع قبل سابق أن لحم الضان لكثرة الدهون به يعتبر الأصعب هضماً إلا أن الدراسات أثبتت أن اللحم الضأني أسهل أنواع اللحوم هضماً وذلك عكس الاعتقاد الشائع رغم كثرة الدهون يوضح السبب في هذا د‏.‏ سعيد شلبي أستاذ ومستشار الباطنة والكبد بالمركز قومي للبحوث قائلا‏:‏ أن احتياج جسم الإنسان لا يتعدي‏1‏ جم لكل كيلو جرام من وزنه ولكن لا مانع من زيادة هذه النسبة قليلا بمناسبة عيد الأضحى.‏ لكن هذا الاستثناء يجب ألا يشمل الجميع‏,‏ فمرضي الكلي مثلا يجب أن يقللوا من كمية البروتين التي يتناولونها حتى لجهاد الكلي‏,‏ كذلك مرضي الفشل الكبدي ومرضي القلب‏,‏ فيجب عليهم تجنب لحم الضأن نظرا لاحتوائه علي نسبة عالية من الدهون‏,‏

أما الذين يعانون ارتفاع نسبة الدهون بالدم فيفضل أن يتناولوا قطعة صغيرة من لحم الرقبة او فخذ الخروف نظرا لقلة الدهون بها بشرط أن تكية أو مسلوقة‏.‏ أما بالنسبة للأطفال والمراهقين فيعتبر اللحم احتياجا ضروريا لنموهم ويمكنهم الإكثار منه في هذه المناسبة بشرط ألا يكون سمينا حتى لا يصابوا بتلبك معوي‏.‏ ويقدم د‏.‏ شلبي بعض النصائح المفيدة للتعامل مع اللحوم وهي‏:‏ الشواء ويعتبر افضل طرق اللحوم التي تحتوي علي نسبة عالية من الدهن حيث يساعد علي التخلص منها‏.‏ ولا يفضل الشواء في حالة وجود ادني شك بإصابة اللحم بالطفيليات أو الإصابات الميكروبية‏,‏ لان هذه الطريقة لا تضمن وصول الحرارة الكافية الي كل الأجزاء المشوية ويفضل في هذه الحالة طهوه ينية مع الخضراوات‏,‏ و السلق من افضل طرق الطهو لأنه يضمن القضاء علي جميع الطفيليات والبكتيريا‏,‏

أما بالنسبة لكبد الحيوانات والأحشاء الداخلية و الكوارع والتي يفضل البعض تناولها فيجب الكشف عليها جيدا والتأكد من خلوها من الديدان أو الآفات المرضية او البقبيضاء والصفراء المتكلسة أو الصلبة والتي يجب التخلص منها نهائيا‏,‏ و يجب غسل الكرشة و الأمعاء جيدا بالماء الساخن وطهوها جيدا وإضافة البصل المبشور إليها أثناء الطهو‏,‏ أما الكوارع فتحتوي علي الجيلاتين وهو نوع من البروتينيات الخفيفة والصحية لكن الإكثار منولها يضر بصحة بعض المرضي‏.


وسائل السلامة الصحية


الأضحية إحدى الشعائر الإسلامية التي أمر بها الله عز وجل القادرين من المسلمين في عيد الأضحى، والتي تعد واحدة من مظاهر البهجة والفرح للمسلمين في يوم من أحلى أيامهم ... وحتى يضمن الإسلام سلامة البشر والحفاظ على صحتهم فهناك اشتراطات وضعتها الشريعة الإسلامية في الأضحية المختارة منعا للعبث والغش، مثل أن لا تكون الأضحية عوراء أو عوجاء أو عمياء أو بها جرب أو تولاء (أي التي تلف حول نفسها) كما يجب أن يكون سنها حوالي 6 أشهر في الضأن وسنة في الماعز وسنتين في الأبقار والجاموس و5 سنوات فأكثر في الجمال.


طرق التعامل مع لحم الضان
عدداً من النصائح الخاصة بطرق التعامل مع لحم الضأن نقدمها لربة الأسرة لتحققي وأسرتك أقصى فائدة واقل ضرر، نقدم لك أيسر الطرق لاستخدام كل قطع خروف العيد.. والإرشاد لما يحتويه من سعرات حرارية. يقول أحد الطباخين :-
يفضل عند شراء خروف العيد أن يكون عمره ما بين تسعة أشهر إلي ثمانية عشر شهراً وأفضله ما يكون لحمه ممتلئاً وعظامه رفيعة وعند ذبحه أن يكون اللحم متماسكاً وليته ناصعة البياض, أما عند شرائه من عند الجزار يجب أن تكون رائحته مستحبة ولونه مائلا للاحمرار مع عدم وجود بقع وعند الضغط علي قطع اللحم لا يترك أي علامة.
أفضل قطع اللحم هو الكتف ويصلح للشي مع تتبليه ولحم الذراع أخف أنواعه وأسرعه هضماً.لحم الظهر كثير البروتينيات قليل الدهون, ويحدد خبراء التغذية القيمة الغذائية للحم الضأن بان : أن كل 100 جرام "مائة جرام" من اللحم الضأن تحتوي علي 235 سعراً حرارياً تقريباً..كما أن اللحم الضأن يحتوي علي 18 جرام بروتين و5,17 جرام دهون و20 وحدة دولية من فيتامين أو 194 ملليجرام فوسفور و7,2 مليجرام حديد كما يحتوي علي فيتامين ب1 و ب.2
يتفوق الكبد علي اللحم بما يحتويه من كميات وفيرة من فيتامين "أ. ب 1. ب2" كما يحتوي علي النحاس والحديد بصورة نافعة للجسم وننصح بتناول الكبد المطهي والمشوي للأطفال والحوامل والرضع والناقهين.


حفظ اللحوم بعد الذبح



ويُنصح بتناول الرئتين والكبد والكرش والأمعاء والرأس والأرجل في صباح أول أيام العيد، مع ضرورة ترك لحوم الأضحية أو أي ذبيحة في الثلاجة في فصل الصيف أو في الجو في فصل الشتاء لمدة 12 ساعة حتى يتشكل الطعم الجيد للحم، وهو أفضل من الذبح والطبخ مباشرة، وذلك بتكوين حامض اللاكتيك فيكسر النسيج الضامر وتكتسب اللحوم طعما جيدا. وينصح الأطباء بالاعتدال في تناول اللحوم في الأعياد وغير الأعياد؛ لأن الزيادة في تناول اللحم تسبب زيادة في مادة "الأمونيا" والتي تتحول إلى "بولينا" مما يتعب الكبد والكلى ويسبب مرض النقرس. لذلك ينصح بتناول الفواكه والخضار مع الوجبة؛ لأن بهما مركبات مضادة للأكسدة، وبالتالي تمنع عمل الشقائق الحرة أو ما تسمى بالجذور الأكسجينية التي تدمر خلايا الجسم .

‏ الحامل والضان ينصح الدكتور ممدوح صبري استشاري أمراض النساء والتوليد بمعهد ناصر‏,‏ السيدات الحوامل بالامتناع عن الأكل من لحم الخروف و الضأني في حالة معاناتهن الشديدة من مشاكل القيء المستمر وعسر الهضم سواء في بداية أشهر الحمل أو خلاله‏,‏ وكذلك في حالة الشكوى من ارتجاع حامض المريء نتيجة القيء المتكرر‏,‏ لأن الدهون الموجودة في اللحم الضأني,‏ تزيد إفراز الحامض الموجود بالمعدة‏,‏ مما ينتج عنه المزيد من الارتجاع بالمريء لصعوبة هضمها‏,‏ كما أنها تؤثر تأثيرا ضارا علي العصارة المعوية وعموما ينصح د‏.‏ ممدوح السيدات الحوامل في حالة تناولهن اللحم الضأني أن يلتزمن بكميات قليلة للغاية مع الحرص علي استخدام أدوية الهضم تحت إشراف الطبيب المختص‏,‏ نظرا لما يسببه الحمل أساسا من صعوبة الهضم‏,‏ وارتفاع نسبة الحموضة والارتجاع المعدي‏,‏ خصوصاً في الأشهر الأولي من الحمل والأخيرة منه‏.


قلبك والضأني‏!


يحذر الدكتور أسامة محمد حسن أستاذ أمراض القلب بكلية الطب ــ جامعة عين شمس ــ مرضي القلب الذين يعانون قصوراً حاد اً في دورة شرايينهم التاجية من الاقتراب نهائيا من خروف العيد ولحمه والامتناع عن أكله‏,‏ وكذلك الذين يشتكون غالبا من آلام الذبحة الصدرية بصورة متكررة‏,‏ حتى أن البعض منهم يحتاج إلى تكثيف علاجه داخل المراكز الطبية المتخصصة‏..‏ هذا بالنسبة للحم الضأن ذاته‏..‏ ولكن هناك خطرا آخر يهدد صحة مرضي الضغط المرتفع‏,‏ ويتمثل في طريقة إعداد هذا اللحم للشي وهو ما نسميه‏(‏ التتبيل‏)‏ الذي نستخدم فيه الصوص والتوابل وهذا مرفوض تماما لأنه يسبب ارتفاعا شديدا ومفاجئا في ضغط الدم لأصحاب الضغط المرتفع‏,‏ وينبه هنا أستاذ أمراض القلب إلي خطأ شائع بين الناس برغم عواقبه الوخيمة وهو أن يتصور مريض الضغط العالي ان تناوله لأدوية الضغط يمنعه من الإصابة بهذا الارتفاع الشديد المفاجئ فيه‏,‏ لأنه في الحقيقة يخدع نفسه ومن ثم يدخلها دائرة الخطر


نصائح لمرضي القلب


ينصح أيضاً الدكتور أسامة كل من يعاني قصورا حادا في دورة الشرايين التاجية بالامتناع نهائيا عن أكل الكبدة الضاني لأنها تحتوي علي نسبة عالية من الكوليسترول‏..‏ ولكنه لا يري مانعا من أن يأكل بعض المرضي بأمراض القلب‏(‏ غير الحادة‏)‏ القليل من اللحوم في الى لو كانت‏(‏ ضاني‏)‏ بعد إزالة الدهون منها لأن الضرر يكمن في أكل هذا النوع باستمرار علي مدي السنة وبكميات غير مقن‏..‏ ويفضل شي اللحم الضاني لإذابة الدهون‏,‏ عن تناوله مسلوقا أو محمرا مع الحرص علي عدم حرق اللحم خوفا من الأجزاء السوداء الضارة لأنها متسرطنة

ويؤكد د‏.‏ مجدي الجنيدي أستاذ أمراض الجهاز الهضمي والكبد بكلية ــ طب عين شمس ــ إنه يستحب تجنب أكل الضأني لمرضي المرارة المزمنة‏,‏ والذين يشتكون أعراض ارتجاع الحمض من المعدة إلي المريء,‏ لأن ارتفاع نسبة الدهون في الضاني يساعد علي ارتخاء العضلة القابضة لصمام الفؤاد الموجود ما بين المريء والمعدة‏,‏ مما يسهل ارتجاع حمض المعدة نحو المريء,‏ ويصاحبه إحساس بالحرقان في الصدر وبارتجاع بعض مكونات المعدة نحو الحلق‏,‏ كما أنه يمنع من أكل لحم الخروف كل من يعانون من عسر الهضم‏,‏ وأيضا مرضي كل من القولون العصبي الإسهال‏,‏ والفشل الكلوي‏,‏ والهبوط في القلب . وبالنسبة للأصحاء فينصح د‏.‏ مجدي‏,‏ بعدم الإكثار من أكله بصفة عامة‏,‏ وينبه إلي أن الكمية المناسبة للشخص الصحيح هي‏100‏ جم‏,‏ وأنه كلما قل استهلاك اللحوم عموما‏,‏ وتم استبدالها بمصادر بروتين من أصل نباتي‏(‏ مثل البقول‏)‏ قلت مخاطر تصلب الشره من مضاعفات في شرايين المخ والقلب والأطراف‏,‏ كما أن الإقلال من كمية اللحم المستهلك في الوجبة يتيح تناول كميات أكبر من أغذية مفيدة كالخضراوات والفاكهة الغنية بالفيتامينات والمعاد
أثر تناول اللحوم على الكبد

وعن أثر تناول اللحوم على مرضى الكبد والجهاز الهضمي يقول الدكتور محمد محمد توفيق ـأستاذ الجهاز الهضمي والكبد بكلية الطب جامعة القاهرة ـ إنه بالنسبة لمرضى تليف الكبد فينصح بتناول وجبة واحدة من لحوم الأضحية الحمراء الخالية من الدهون على أن تكون مطهية جيدا سواء مسلوقة أو مشوية. أما بالنسبة للحوم المحمرة فيفضل عدم تناولها من قبل مرضى الكبد، وكذلك الإقلال من اللحوم الدسمة، وإذا تناولها المريض يجب أن يمارس رياضة المشي؛ حتى لا تسبب مرض تصلب الشرايين في القلب أو المخ أو شبكية العين. أما مرضى غيبوبة الكبد فينصح بعدم تناول اللحوم وأن تستبدل بها اللحوم البيضاء. وكذلك مرضى ضغط الدم ومرضى النقرس؛ وذلك حتى لا تؤدي اللحوم إلى ارتفاع ضغط الدم، وبالنسبة لمرضى النقرس حتى لا تؤدي إلى التهاب المفاصل,

أما مرضى السكر فينصح بتناول اللحوم الحمراء، أما بالنسبة للأفراد العاديين فلا يضرهم لو تناولوا من اللحوم الحمراء كمية معتدلة دون إسراف أو مبالغة، وليكن معروفا إن اللحوم الحمراء هي مصدر جيد للحديد. ويتفق الدكتور محمد عمرو حسين ـ أستاذ التغذية وعميد معهد التغذية الأسبق بالقاهرة ـ مع الدكتور توفيق في أن اللحوم مصدر للبروتين الحيواني، وبالتالي فإنها تمد الجسم بالحديد أكثر من المصادر النباتية، وهي مصدر هام للفيتامينات والأملاح المعدنية الأخرى الهامة للجسم؛ لذلك ينصح الأفراد بتناول اللحوم الحمراء والإقلال من اللحوم الدسمة؛ لأن الإفراط في الدهون يؤدي إلى زيادة الكوليسترول في الجسم مع الشعور بصعوبة الهضم، وخطورة السمنة التي تقف وراء عدد كبير من الأمراض التي تهدد الحياة أو تقلل من نوعية الحياة.



لحم الخروف والأطفال


ينبه الدكتور يحيي الجمل أستاذ طب الأطفال بجامعة عين شمس ورئيس الجمعية المصرية لحساسية ومناعة الأطفال إلي أن لحم الخروف يعتبر من أصعب الأغذية التي يمكن أن يتعامل معها جسم الطفل بسبب احتوائه علي كمية كبيرة من الدهون الحيوانية التي تحتوي بدورها علي كميات كبيرة من الأحماض الدهنية المشبعة التي يصعب هضمها وامتصاصها بالأمعاء‏,‏ وفي حالة تناول الطفل كميات كبيرة منها فإن الكبد يجد صعوبة في التعامل معها مما يؤدي إلي ترسب الدهون به وهو ما يطلق عليه‏(‏ تدهون الكبد‏)..‏

وفي الوقت نفسه يزداد العبء علي كليتي الطفل للتخلص من هذه الدهون و البروتينيات الحيوانية‏..‏كما ينبه أيضا إلي أن الإكثار من اللحم الضأني يسبب للأطفال الإصابة بالإسهال وعسر الهضم‏,‏ كذلك فإن ارتفاع نسبة الدهون في اللحم الضأني تسبب زيادة في وزن الطفل إذا ما استمر في تناولها لفترات طويلة خصوصا ما كان يعاني أصلا البدانة‏...‏ وينصح د‏.‏ يحيي بالاعتدال في الكميات المقدمة من اللحم للطفل مع التركيز علي الحمراء منها وليس الحرمان منها‏,‏ كما يحذر أيضا من الإفراط في أكل الكبدة الضاني والمخ بالنسبة للأطفال لاحتوائها علي كميات كبيرة من الدهون والكولسترول‏.وأخيرا يقول انه إذا كان هناك‏(‏ تحفظ‏)‏ في تناول الأطفال اللحم الضأني,‏ فهذا التحفظ يكون أكثر شدة مع الأطفال المرضي ببعض الأمراض مثل التهابات الكبد الفيروسية والتهابات الكلي الحادة والمزمنة والبول السكري وبعض أمراض الجهاز الهضمي



الحلويات والكلاوي‏..‏ والمناعة


بالنسبة للأحشاء الداخلية للخروف‏(‏ كالقلب والكبد و الكلاوي والفشة و الكرشة والطحال

و الحلويات والأمعاء الدقيقة والغليظة والمنديل‏)‏ والتي يعد منها العديد من الأصناف الشهية فتؤكد د‏.‏ آمال رخا زميل تغذية بالمعهد القومي للتغذية بالقاهرة أن الإفراط ولها يؤدي إلي زيادة مستوي الدهون بالدم مما يعرض الجسم علي المدى البعيد للإصابة بتصلب الشرايين ومشكلات الشرايين التاجية‏.‏ هذا بالرغم من أنها تعتبر مصدر جميع البروتين الحيواني ذي القيمة الحيوية المرتفعة حيث تحتوي هذه الأحشاء علي جميع الأحماض الأمينية الأسية اللازمة لجسم الإنسان‏,‏ علاوة علي الأملاح المعدنية مثل الحديد والزنك‏,‏ و السلينيوم‏,‏ والكالسيوم‏,‏ بالإضافة إلي فيتامين أ‏,‏ ومجموعة فيتامينات ورغم أهمية الكبد و الكلاوي والطحال في تغذية الإنسان فإنها مصدر تراكم مهم لبعض المعادن الثقيلة مثل الرصاص والزئبق و الكاديوم حيث تنتقل إلي جسم الإنسان وتتراكم به مما قد يعرض الفرد إلي الإصابة بالأنيميا وكذلك بعض الأورام الخبيثة, مع العلم بأن الكبد من أهم المواد الغذائية التي تمد الجسم بالمغذيات المهمة التي تحقق له أفضل القدرات الذهنية والعقلية ومزيداً من قوة المناعة في الجسم لاحتوائها علي فيتاميني أ وهـ المضاد للأكسدة‏,‏ أيضا السلينيوم‏,‏ ومجموعة فيتامينات ب‏,‏ وحمض الفوليك يحافظ علي تكوين الخلايا الليمفاوية ذات الارتباط القوي بمناعة الجسم‏,‏ وأيضا علي معادن الزنك والحديد والنحاس والمكونات الأمينية


وانتظرونا فى الجزء الثانى والوصفات الشهيه لخروف العيد

ليلة عشق
07-12-2006, 10:38 AM
الأخ الفاضل jemmy

دائما تأتينا بالجديد قبل الموعد ......
كل عام وأنت بخير عيد سعيد أعادة الله عليك وعلي أمة الإسلام بالخير واليمن والبركات ......
وفي انتظار باقي الحلقات باذن الله من شيفنا الكبير مبدع طبق اليوم ......
لك خالص الشكر والتقدير ......

تحياتي
ليلة عشق

بنت شهريار
07-12-2006, 07:51 PM
يا ماشاء الله عليك ياجيمى
جاى فى الوقت المناااااااااااااااااااااسب
الف شكر جيمى على معلوماتك القيمه والمفيدة
وكل سنه وانت طيب
ارق تحياتى وتقديرى

boukybouky
08-12-2006, 02:23 AM
انا اهو جاية متابعة و لو اني مش بحب لحم الخروف اصلا و الا اي شئ له علاقة به

بس هتابع معاك عايزة اعمل لهم فخدة في العيد يلا موسم بقي افرحهم :d

و قلنا إحنا بقي ناكل ايه اللي مش بياكل الضاني:)

شكرا يا جيمي و في إنتظار باقي الأجزاء

في رعاية الله ،،،

نوسة
08-12-2006, 02:40 AM
موضوع جميل ومفيد جدا يا جيمى

شكرا ليك على المعلومات الهايلة ويلا منتظرين وصفاتك اللى تجنن

احسن انا قريت دلوقت وجوعتنى لما وصلت لكلمة وانتظرونا فى الجزء الثانى والوصفات

الشهيه لخروف العيد انا منتظرة بجد هههههههههههههههه

شكرا لمجهودك الرائع يا جيمى

تحياتى اليك

شاعر الرومانسية
08-12-2006, 04:28 AM
تسلم ايدك يا جيمى...:good:
انت شوقتنا لوصفات الخروف والله...

وكمان جبتلنا معلومات مفيدة جدا ... اكيد كلنا استفدنا منها

منتظرين الوصفات .. وباقى الحلقات:2:

تقبل خالص تحياتى،،،:f:

jemmy
08-12-2006, 05:27 AM
الأخ الفاضل jemmy

دائما تأتينا بالجديد قبل الموعد ......
كل عام وأنت بخير عيد سعيد أعادة الله عليك وعلي أمة الإسلام بالخير واليمن والبركات ......
وفي انتظار باقي الحلقات باذن الله من شيفنا الكبير مبدع طبق اليوم ......
لك خالص الشكر والتقدير ......

تحياتي
ليلة عشق



الاخت الفاضله / ليله عشق


كل سنه وانتى طيبه

ودائما هكذا اراكى فى المقدمه خلال مواضيعى بقاعه المطبخ وهذا شرف كبير لي


ان شاء الله اكون عند حسن ظنك وحسن ظن الاخوه والاخوات اعضاء

منتدانا الموقر

تحياتى

*174*

sea horse
08-12-2006, 08:21 AM
العزيز جيمى
موضوع جميل و فى توقيته اللذيذ
وكل سنه وانت و كل أعضاء اسرة مطبخنا الجميل بكل خير
و عيد سعيد كله لحوم و شوى و تحمير و تقلية بالتوم
و طبعا كل المخاوف اللى قلتها على لسان الاساتذة الكبار صحيحة
و لكن .....
الضرر بيحصل من المداومة على اكل الضانى لفترات طويله
لكن اكله او اتنين محبشين مش هايسببوا اى ضرر
وكفايه الناس صايمه طول السنه
و بيستنوا العيد علشان ياكلوا الهبر و الهبابير
انت بس شد حيلك و نزلنا احلى الوصفات التقيله و خليها على الله
معلش اصلى من اتباع ضار و لذيذ ولو مره
احلى صباح جيمى
و الكل مستنى الخروف و وصفاته
صباح الفل
:eat:

mohamed95
08-12-2006, 09:53 AM
كل سنه وأنت طيب ياجيمي وعيد سعيد على
المسلمين في جميع أنحاء الدنيا
موضوعك رائع بس عايزين المفيد
خش على المفيد عايزين أكله كده
أفجئهم عندي وأعملهلم في العيد
بس تكون وصفه سهله هههههههه
دمت بكل خير أخي العزيز

jemmy
08-12-2006, 03:25 PM
يا ماشاء الله عليك ياجيمى
جاى فى الوقت المناااااااااااااااااااااسب
الف شكر جيمى على معلوماتك القيمه والمفيدة
وكل سنه وانت طيب
ارق تحياتى وتقديرى



الفاضله / عبير

الشكر كله لمرورك على الموضوع وكلماتك الرقيقه

كل سنه وانتى طيبه يا عبير

ولكى منى كل التحيه والتقدير


*174*

NANANADER707
09-12-2006, 01:37 AM
بسم الله الرحمن الرحيم
شكرااااا اخىالفاضل جيمى على كم المعلومات القيمه جعلها الله فى ميزان حسناتك
وانها لفرصه ان اتقدم لك وكل الاعضاء الكرامبخالص التهانى القلبيه بحلول عيد الاضحى المبارك اعادة الله علينا وعلى الامه الاسلاميه بالخير والبركه

jemmy
09-12-2006, 04:50 AM
انا اهو جاية متابعة و لو اني مش بحب لحم الخروف اصلا و الا اي شئ له علاقة به

بس هتابع معاك عايزة اعمل لهم فخدة في العيد يلا موسم بقي افرحهم :d

و قلنا إحنا بقي ناكل ايه اللي مش بياكل الضاني:)

شكرا يا جيمي و في إنتظار باقي الأجزاء

في رعاية الله ،،،




اهلا وسهلا بمشرفتنا الغاليه

الاخت الفاضله / بوكى
طبعا يذيدنى شرف انك تيجى وتنوري وتشرفى الموضوع

وعموما انا تحت امرك وامر جميع الاخوه والاخوات الاعضاء

وزوار القاعه الجميله قاعه المطبخ

وان شاء الله النصائح والوصفات تفيد الجميع


مشكوره اختى الفاضله على مرورك الكريم


*174*

حسام عمر
09-12-2006, 06:29 AM
تسلم ايدك يا جيمي

موضوع رائع

وجميل

ومميز


عوزين الوصفات مع عينه منها

للأختبار

يأما فلا

والف شكر على المعلومات الرائعه

jemmy
09-12-2006, 01:46 PM
موضوع جميل ومفيد جدا يا جيمى

شكرا ليك على المعلومات الهايلة ويلا منتظرين وصفاتك اللى تجنن

احسن انا قريت دلوقت وجوعتنى لما وصلت لكلمة وانتظرونا فى الجزء الثانى والوصفات

الشهيه لخروف العيد انا منتظرة بجد هههههههههههههههه

شكرا لمجهودك الرائع يا جيمى

تحياتى اليك



اهلا وسهلا

الاخت الفاضله / نوسه
شيخه اعيان منتدانا الموقر

انا قررت اجيبلك خروف مخصوص وادبحهولك ونقعد نقسم عليه بقى


المشوي والمقلي والمحمر
يعنى كده ولا ( عبده الكبابجى ) هههههههههه

شرفتى الموضوع ونورتيه

مع خالص تحياتى

*174*

jemmy
10-12-2006, 01:03 AM
تسلم ايدك يا جيمى...:good:
انت شوقتنا لوصفات الخروف والله...

وكمان جبتلنا معلومات مفيدة جدا ... اكيد كلنا استفدنا منها

منتظرين الوصفات .. وباقى الحلقات:2:

تقبل خالص تحياتى،،،:f:



الاخ الفاضل / شاعر الرومانسيه

ربنا يخليك لنا يارب على كلماتك الرقيقه واسلوبك الرومانسى

ان شاء الله على لقاء دائم

وبقيه حلقات الموضوع

لك خالص شكري وامتنانى على مرورك الطيب

زمن العجائب
10-12-2006, 01:30 AM
القدير والفنان / شيف شيفات المانيا

انا جاي اليوم وعامل حسابي والله ان العيد على الابواب

كل سنه وانت وجميع الاعضاء بخير

جاي ومتاكد انى سوف اجد موضوع جديد من مواضيعك بهذه القاعه

وسوف نتعلم شيئ جديد انشاء الله

فى انتظار بقيه الحلقات

jemmy
10-12-2006, 02:23 AM
العزيز جيمى
موضوع جميل و فى توقيته اللذيذ
وكل سنه وانت و كل أعضاء اسرة مطبخنا الجميل بكل خير
و عيد سعيد كله لحوم و شوى و تحمير و تقلية بالتوم
و طبعا كل المخاوف اللى قلتها على لسان الاساتذة الكبار صحيحة
و لكن .....
الضرر بيحصل من المداومة على اكل الضانى لفترات طويله
لكن اكله او اتنين محبشين مش هايسببوا اى ضرر
وكفايه الناس صايمه طول السنه
و بيستنوا العيد علشان ياكلوا الهبر و الهبابير
انت بس شد حيلك و نزلنا احلى الوصفات التقيله و خليها على الله
معلش اصلى من اتباع ضار و لذيذ ولو مره
احلى صباح جيمى
و الكل مستنى الخروف و وصفاته
صباح الفل
:eat:




الاخ الفاضل /

sea horse

اولا : اخى الفاضل كل عام وانت بخير
وعيد سعيد عليك وعلى الاسره الكريمه

واضح انك يا اخى الكريم / sea horse

انك عامل ذي حالاتى هههههههههههه الممنوع مرغوب

شوف بقى يا باشا

انا وانت هنضرب باي نصائح عرض الحائط فى العيد


انتظرنى بقى فى وصفات المسبك والملبك

ههههههههههههههههههه

مشكووووووووووور على المرور اخى الفاضل


*174*

jemmy
10-12-2006, 03:49 PM
كل سنه وأنت طيب ياجيمي وعيد سعيد على
المسلمين في جميع أنحاء الدنيا
موضوعك رائع بس عايزين المفيد
خش على المفيد عايزين أكله كده
أفجئهم عندي وأعملهلم في العيد
بس تكون وصفه سهله هههههههه
دمت بكل خير أخي العزيز



كل سنه وانت طيب

يا محمد

وربنا يعود الايام عليك بالخير يارب

ودائما كده متالق معنا ولا يهمك يا باشا

المفاجآت كلها جايه بس خليك متواصل معانا

بشكر مرورك على الموضوع يا حمام

من المسابقات الى المطبخ ده انجاز كبير

تحياتى عزيزى الغالي

زمن العجائب
10-12-2006, 06:06 PM
جيمى باشا لو سامحت

طلب مخصوص لوصفه خروف العيد


مطلوب اكله بالصوص الاحمر بديل من Rotwein


und vielen dank für ihren rezept

شكرآ يا جيمى

jemmy
11-12-2006, 02:32 PM
بسم الله الرحمن الرحيم
شكرااااا اخىالفاضل جيمى على كم المعلومات القيمه جعلها الله فى ميزان حسناتك
وانها لفرصه ان اتقدم لك وكل الاعضاء الكرامبخالص التهانى القلبيه بحلول عيد الاضحى المبارك اعادة الله علينا وعلى الامه الاسلاميه بالخير والبركه



الاخت الفاضله/ نانا

ليسعدنى انا ايضا مشاركتك معنا فى هذا الموضوع

ودعينى ايضا نيابه عن اعضاء منتدانا الموقر ان اتقدم لكى

بخالص التمنيات بمناسبه عيد الاضحى المبارك


وكل عام وانتى والامه الاسلاميه والعربيه بخير وصحه


كما ارجو منكى التواصل معنا ولكى خاص شكري وتقديري

mohamed95
12-12-2006, 01:41 AM
كل سنه وانت طيب

يا محمد

وربنا يعود الايام عليك بالخير يارب

ودائما كده متالق معنا ولا يهمك يا باشا

المفاجآت كلها جايه بس خليك متواصل معانا

بشكر مرورك على الموضوع يا حمام

من المسابقات الى المطبخ ده انجاز كبير

تحياتى عزيزى الغالي
أشكرك على معيدتك الجميله وردك الأجمل والذي يدل على زوق عالي
بس أنت حتفضل محنسنى كده كتير؟؟؟!!! :eat: :GANJA::'( ههههههههههههههه:robot: :roll2:

jemmy
12-12-2006, 05:31 AM
تسلم ايدك يا جيمي

موضوع رائع

وجميل

ومميز


عوزين الوصفات مع عينه منها

للأختبار

يأما فلا

والف شكر على المعلومات الرائعه



حسام باشا عدنا يا مرحبا يا مرحبا


انت تامر يا باشا احنا ندبح ونسلخ ونحمر ونشمر

ونجيب لغايه البيت بس انت تامر يا باشا

على الاقل نسد شيئ من الجميل اللى علينا تجاهك


كل سنه وانت طيب يا حسام ومرسى على زوقك وكلماتك الرقيقه

jemmy
12-12-2006, 03:58 PM
القدير والفنان / شيف شيفات المانيا

انا جاي اليوم وعامل حسابي والله ان العيد على الابواب

كل سنه وانت وجميع الاعضاء بخير

جاي ومتاكد انى سوف اجد موضوع جديد من مواضيعك بهذه القاعه

وسوف نتعلم شيئ جديد انشاء الله

فى انتظار بقيه الحلقات


حبيب قلبي /

زمن باشا

اولا : كل سنه وانت طيب واكيدهنتقابل يا باشا


ثانيا :

ايه يا سيدى الكلام الكبير قوي ده


ياباشا لايفتى ومالك فى المدينه


يعنى اقول لاعضاء المنتدى كله انك شيف كبير وكبير قوي ياباشا ولا ايه بس


مشكور على المرور يا باشا


تحياتى

jemmy
12-12-2006, 07:39 PM
أشكرك على معيدتك الجميله وردك الأجمل والذي يدل على زوق عالي
بس أنت حتفضل محنسنى كده كتير؟؟؟!!! :eat: :GANJA::'( ههههههههههههههه:robot: :roll2:



حبيب قلبي /
محمد باشا

يا باشا ده شكر على واجب

والله مش محنسكم ولا حاجه المشكله ان العيد لسه شويه قدامنا وقت حوالى 3 اسابيع

بس ولا يهمك حبيب قلبى هنبتدى ان شاء الله

اليومين اللى جايين نتكلم عن انواع اللحمه واي حته تنفع تتعمل ايه


وهكذا وانا تحت امرك يا باشا


انت الظاهر جعان قوي

هههههههههههههههههههههههههههههه


تحياتى وتقديري

أبو منار
13-12-2006, 01:08 AM
http://www.alltalaba.com/media/sa3don/kharoof_maaa2.jpg

أبو منار
13-12-2006, 01:12 AM
http://www.arb-msn.com/up/uploads/f79365003b.jpg

أبو منار
13-12-2006, 01:13 AM
شيفنا الحبيب كان نفسي ارككم الأكل الشهي بس للأسف عامل ريجيم
بس تسلم ايدك جريت ريقي وبوظت لي الرجيم
هههههههههههههههههههه

أبو منار
13-12-2006, 01:13 AM
شيفنا الحبيب كان نفسي اشارككم الأكل الشهي بس للأسف عامل ريجيم
بس تسلم ايدك جريت ريقي وبوظت لي الرجيم
هههههههههههههههههههه

jemmy
14-12-2006, 12:28 AM
جيمى باشا لو سامحت

طلب مخصوص لوصفه خروف العيد


مطلوب اكله بالصوص الاحمر بديل من Rotwein


und vielen dank für ihren rezept

شكرآ يا جيمى



حبيب قلبي زمن باشا

انا تحت امرك وامر كل الاعضاء فى اي طلب


وهيبقى فيه الصوص النيتى بدل النبيت وهيكون فى

مفاجات كتيره يا باشا


تحياتى لك

jemmy
14-12-2006, 02:59 AM
شيفنا الحبيب كان نفسي اشارككم الأكل الشهي بس للأسف عامل ريجيم
بس تسلم ايدك جريت ريقي وبوظت لي الرجيم
هههههههههههههههههههه



اخى الحبيب /


ابو مــنــار
انه لشرف كبير ان ارى امضائكم على احدى مواضيعى

ولا يهمك يا استاذ ابو منار

انا كمان فى حاله رجيم قاسى بس برضه مش هيمنع

ولو حته صغيره حمرا مش هتاثر

فى انتظارك دائما استاذي الفاضل


كل الشكر لك على مشاركتك

وكل عام وانت بخير

jemmy
14-12-2006, 06:29 PM
http://www.alltalaba.com/media/sa3don/kharoof_maaa2.jpg



اخى الفاضل / ابو منار
الصوره عجبانى قوي فعلا

بس انا حاسس ان الخروف عايز يهرب من الدبح

وبيتلكك بقى

هههههههههههههههههههههههههههههههه

بس هيندبح هيندبح


تحياتى اخى الفاضل

jemmy
15-12-2006, 01:04 AM
السلام عليكم ورحمه الله وبركاته

اخوتى واخواتى الاعزاء اعضاء وزوار منتدانا الكريم

واخص زوار قاعه المطبخ
كل عام وانتم بخير
وماهى الا ايام قليله وياتينا عيد الاضحى المبارك

اعاده الله علينا واياكم والامه العربيه والاسلاميه

بالخير واليمن والبركات

اليوم يشرفنى ان اقدم لكم لجذاء من لحم الخروف

والتى سوف نتعامل معها فى وصفاتنا خلال الايام القادمه

من طبخات وطواجن ومشويات ومحمرات



اولا

( الفحده )

http://up.haridy.org/storage/lammkeule.jpg (http://upload.haridy.org)



وهى الجزء الاكثر استعمالا فى جميع الطبخات
لانه الجزء الاكثر غناء باللحم
ويفضل الكثير منا التهام هذا الجزء من اللحوم لطعمه المميز والذيذ


http://up.haridy.org/storage/lammkeule-scheiben.jpg (http://upload.haridy.org)



واغلب طبخاتنا ووصفاتنا سوف تكون من هذا الجذء
تكون الفخده مبطنه بجذء من الدهون او الشحوم
فيجب ان نتخلص منها ولكن مش لازم نشيل كل جرام من الدهون
من على الفخده

( الضلع او الريش او الكوتليت )


http://up.haridy.org/storage/lammkotelett11.jpg (http://upload.haridy.org)

هذا الجذء هو الجذء الذ يسمى بالقفص الصدري

وهذا الجذء غير غنى او مليئ باللحم

فعندما يقطع هذا الجذء الى ريش للاستعمال يكون قطع الللحم به قلليله

وهذا الجذء من الخروف لايستعمل الا مشويا وهذه افضل طريقه والذها

كما تستهمل الريش او الضلوع محمره او مشويه ايضا فى الفرن

وعلى فكره ممكن تضع الريش فى طاجن للطبخ ولاكن

اذا طبخت الريش فسوف تنفصل قطع اللحم عن العظم
وسوف يكون الطاجن مليئ بالعظام

فيفضل الشوي او التحمير
(الموزه)

http://up.haridy.org/storage/lammsteak.jpg (http://upload.haridy.org)

وهذا الجذء يفضل ان يستعمل مثل ستيك

فهو جزء غير مدهن ويقال عليه ( فليه الخروف )

يستعمل مشوي ومحمر ايضا

كما يستعمل ايضا فى الطواجن او سيخ للشوي ( شيش كباب )


اما الاجزاء الاخرى مثل الراس والكبد والكلاوي

فلها معنا موضوع اخر لمحبيها فقط

فارجو من محبى بعض الاجزاء الخاصه بالراس والخصيتين
والاحشاء
ان يطلب تلك الوصفات فى طلب خاص لاننى علمت ان كثير من الاخوه والاخوات

لايميل وغير مستحبه لديهم تلك الوصفات

كل عام وانتم بخير

وانتظروا اول وصفات الشيف جيمى
فى الحلقه القادمه

http://up.haridy.org/storage/adha_1.jpg (http://upload.haridy.org)

زمن العجائب
15-12-2006, 03:55 AM
الله الله الله يا شيف جيمى

ايه الجمال ده كله

انا شايف lammkeule

وشايف كمان lahmm kotelett

وكمان شايف lahmm Steek

كده بقى الواحد يشمر ويقعد يربع يستنى الفته

الف شكر يا شيف جيمى على التوضيحات الحلوه

jemmy
15-12-2006, 05:42 PM
الله الله الله يا شيف جيمى

ايه الجمال ده كله

انا شايف lammkeule

وشايف كمان lahmm kotelett

وكمان شايف lahmm Steek

كده بقى الواحد يشمر ويقعد يربع يستنى الفته

الف شكر يا شيف جيمى على التوضيحات الحلوه



حبيب قلبي زمن باشا هههههههههههههههههههه

والله ضحكتنى وافتكرت موضوع الدبح عندنا فى المانيا


ياباشا شمر وربع وخد راحتك وهنجيب الجرل عنشان نشوي

احنا ورانا حاجه هههههههههههه

بس الفته دى هتبقى حكايه وعايزين شويه رقاق مصري ومش تركى


شكرا يازمن باشا على مرورك الدائم

تحياتى وتقديري لك

boukybouky
16-12-2006, 03:49 PM
ايوة يا جيمي الله يخليك خلينا في قصة الفخدة

علشان انا متدبسة في عمايلها في العيد و مش لي في الضاني و عمايله أصلاً

عايزة طريقة سهلة في الفرن و مش يطلع لها ريحة تضايق اللي مش بيحب الضاني :d

و صحيح لو عدد اللي هياكلوها مش كتير انا ممكن اعمل جزء منها و الا لازم علي بعضها؟

في إنتظارك و الف شكر لك

في رعاية الله ،،،

بنت شهريار
16-12-2006, 09:44 PM
وااااااااااااااو اكثر من رائع جيمى
منتظرين الباقى
تحيااااااااااااااااااااتى

jemmy
17-12-2006, 02:05 AM
ايوة يا جيمي الله يخليك خلينا في قصة الفخدة

علشان انا متدبسة في عمايلها في العيد و مش لي في الضاني و عمايله أصلاً

عايزة طريقة سهلة في الفرن و مش يطلع لها ريحة تضايق اللي مش بيحب الضاني :d

و صحيح لو عدد اللي هياكلوها مش كتير انا ممكن اعمل جزء منها و الا لازم علي بعضها؟

في إنتظارك و الف شكر لك

في رعاية الله ،،،


اهلا بالاخت العزيزه /

بوكى بوكى

انا طبعا تحت امرك وامر جميع الاخوه والاخوات فى اي استفسار

وانتظري الوصفات ابتداء من الغد ان شاء الله

وعلى فكره مش لازم تعملى الفخده كلها .. ممكن الجزار يقسمهالك

وممكن يقطعهالك بس الافضل لو العدد مش كتير والفخده صغيره فى حدود 2.5 كيلو

ممكن تتعمل كلها .. وطبعا انتى لكى الحريه فى الكميه التى تريدين طهيها

ولكى من كل التحيه والتقدير

jemmy
18-12-2006, 12:53 AM
وااااااااااااااو اكثر من رائع جيمى
منتظرين الباقى
تحيااااااااااااااااااااتى



اهلا اهلا يا عبير

ميرسى على المرور الجميل

وبعدين ايه حكايه منتظرين الباقى دى ؟؟؟؟؟؟؟

لحمه وفته يعنى ؟؟؟؟ تحت امرك على الورق بس

ههههههههههههههههههههههههههههه


اي خدمات يا عبير

*174*

jemmy
19-12-2006, 01:59 AM
السلام عليكم ورحمه الله وبركاته

اخوتى واخواتى الاعزاء

نبدا اليوم فى وصفتنا لطرق طهى خروف العيد

كل عام وانتم بخير

وان شاء الله يكون عيد سعيد علينا وعليكم جميعا وعلى امتنا العربيه والاسلاميه

بالخير واليمن والبركات

وان شاء الله الوصفات تنال اعجابكم جميعا

وان تحت امر اي احد منكم فى اي سؤال او استفسار


نبدا اول وصفاتنا لاشهر حاجه

(( الرقـــاق ))


http://up.haridy.org/storage/875448026.jpg (http://upload.haridy.org)


مقادير الرقاق :
دقيق حسب الحاجة ، ذرة ملح ، ماء


الطريقة:
ـ ــ ـــ ــ ــ ـــ ــ ـ ــ ــ

نرش الملح على الدقيق و نعجنه بالماء
لحد ما تتكون عجينة لينة ، نقطع العجينة قطع صغيرة و نسيبها ترتاح نص ساعة و
بعدين نفرده بالنشابة على شكل مستطيل أو مدور حسب شكل الصينية بحيث يكون رقيق و نسخن
الفرن و نظبطه على درجة حرارة متوسطة و بعدين نحط الرقاق واحدة بواحدة على صاج
الفرن و أول ما تتكون فقاقيع و نحس انه استوى نطلعه بسرعة و هكذا لحد انتهاء الكمية


طريقة عمل الرقاق ________________

نجيب الصينية اللي هانعمل فيها الرقاق وندهنها بالسمن
-نسخن مرقة الحمه اللى موجودة عندنا
نمسك الرقاق و نغطس أول واحد في المرقة
من غير ما تلين و نحطها في الصينية و ندهنها بالسمنة أو نقطع عليها قطع صغيرة من
الزبدة و بعدين نعمل طبقات تانية من الرقاق بنفس الطريقة حوالي 5 طبقات و نفرد فوقه
طبقة من اللحم المعصج و بعدين نحط فوقه طبقات تانية من الرقاق بنفس الطريقة
( نسقيه بالمرقة و نحطه و بعدين ندهنه بالسمنة)
لحد ما نعمل برده 5 طبقات و ندهن الوش
بالسمنة جيدا
ندخله فرن متوسط الحرارة لحد ما يبقى دهبي
اللون
والف هنا وشفا


الوصفه رقم (2)
شرائح الفخد المشويه
بنكهه الاعشاب


http://up.haridy.org/storage/lammkeule 1.jpg (http://upload.haridy.org)


المقادير:

شرائح لحم الخروف ماخودة من
الفخدبالعظم او بدون
3ملاععق صغيره من المسترده
2/1 كوب عصير ليمون طازج
فلفل . ملح . 2 فص ثوم مفروم جيدا
قليل من جوزه الطيب
رشه روز ماري ( اكليل الجبل )

الطريقة:

يخلط عصيرالليمون مع المسترده جيدا
ثم تضاف الي الخليط الملح والفلفل والثوم والبهارات التى ترغبين بها
وتدهن به الشرائح من الجانبين وتترك في الثلاجة لمدة 30 دقيقة
-تشوي الشرائح علي الفحم علي الوجهين لدرجة الطبخ المطلوبة
تقدم علي طبق مفروش
بالبقدونس
وتتقدم معها شراح من الليمون والبطاطس المحمره
وان وجد شويه خضار سوتيه

والف هنا وشفا


والى لقاء الغد ان شاء الله

ووصفات اخرى

مع تمنيات الشيف جيمى بشهيه طيبه

والف هنا وشفا

زمن العجائب
19-12-2006, 02:04 PM
شيف جيمى

ايه العظمه دى كلها يا شيفنا الحبيب


رقاق .... شوربه ... فخده .... كوتليت .... وكمان بالاعشاب


احمدك يا رب

عظمه على عظمه يا جيمى

بارك الله فيك وشكرا على اول الوصفات

ومتابع معاك لغايه يوم الوقفه

ههههههههههههههههههههههههههههههههههه

كل سنه وانت طيب يا جيمى

بسكوتة
19-12-2006, 06:28 PM
جمى بجد مجهود رائع منك وبصراحة انت بتعمل مجهود جامد اوى

علشان تقدم لنا وصفات تكون شهية وفى نفس الوقت بسيطة

فى طريقة طهيها ربنا يوفقك يارب

ليا بئا عندك سؤالين

السؤال الا ول انا سمعت ان طريقة تقطيع اللحمة بتاثر على
قيمتها الغزائية وعاى سرعة نضجها

السؤال التانى انت قلت ان الامعاء والكوارع ممكن يكون فيها حاجات ضارة
طب ازاى هعرف اذا كانت فيها حاجة وللا لا

واخر حاجة ومعلش استحملنى انا عايزاك تقولى وصفة اكلة اعملها فى العيد تكون بسيطة جدا
لانى بصراحة مبحبش اطبخ هههههههههههههههه خليها فى سرك بس

jemmy
19-12-2006, 11:38 PM
شيف جيمى

ايه العظمه دى كلها يا شيفنا الحبيب


رقاق .... شوربه ... فخده .... كوتليت .... وكمان بالاعشاب


احمدك يا رب

عظمه على عظمه يا جيمى

بارك الله فيك وشكرا على اول الوصفات

ومتابع معاك لغايه يوم الوقفه

ههههههههههههههههههههههههههههههههههه

كل سنه وانت طيب يا جيمى



هههههههههههههههههههههههههههه

اهلا يا زمن العجائب

ياترى جبت معاك السلطانيه

هههههههههههههههههههههههههه

ولسه يازمن باشا لسه بس خليك معانا وانت

هتغرف للصبح

شكرا على الحضوريا باشا

jemmy
20-12-2006, 01:41 AM
جمى بجد مجهود رائع منك وبصراحة انت بتعمل مجهود جامد اوى

علشان تقدم لنا وصفات تكون شهية وفى نفس الوقت بسيطة

فى طريقة طهيها ربنا يوفقك يارب

ليا بئا عندك سؤالين

السؤال الا ول انا سمعت ان طريقة تقطيع اللحمة بتاثر على
قيمتها الغزائية وعاى سرعة نضجها

السؤال التانى انت قلت ان الامعاء والكوارع ممكن يكون فيها حاجات ضارة
طب ازاى هعرف اذا كانت فيها حاجة وللا لا

واخر حاجة ومعلش استحملنى انا عايزاك تقولى وصفة اكلة اعملها فى العيد تكون بسيطة جدا
لانى بصراحة مبحبش اطبخ هههههههههههههههه خليها فى سرك بس



اهلا بالاخت العزيزه /

بسكوته بعد غياب

اولا: حمدالله على سلامتك وعلى العوده الحميده ويارب تكونى بخير واحسن الان

ثانيأ : بشكر حضورك وهذا طبعا يشرفنى

ثالثا : بالنسبه لاسالتك يا بسكوته

اللحمه لو اتقطعت واتجمدت فى الثلاجه طبعا بتفقد جزء كبير من القيمه الغذائيه

غير لما تكون قطعه واحده وده مش هيمنع برضه انها بتفقد شيئ من قيمتها الغذائيه

اما بالنسبه للامعاء والكوارع والحاجات دى انا مش اقصد ان بيوجد بداخلها حاجات ضاره

بداخلها ... انا بقصد ان ممكن مرضى القلب او بعض الامراض الاخرى مثل ارتفاع ضغط

الدم الحاجات دى بما انها دسمه كتير فهي تسبب ضرر لوما اخدناش بالنا فى اكلها


وبعدين ولا يهمك سرك فى بير انك مش بتحبى تطبخى


مع خالص تحياتى وتمنياتى بالتوفيق

jemmy
20-12-2006, 10:19 PM
السلام عليكم ورحمه الله وبركاته

ايه يا جماعه ده ؟؟ الوصفات مش عجباكم ولا ايه ؟؟

يعنى اكثر من 300 زياره للموضوع و20 رد تقريبا

بصراحه ده هيبقى احباط يعنى على الاقل كلمه تشجيع عشان

نقدر نعطى اكثر واحسن والذ واشهى

ههههههههههههههههههههههههههههه

ولا ايه يا جماعه

عموما هنقدم النهارده وصغات جدده وطرق اجدد

وربنا يسهل بقى فى انتظار ردودكم


فخده فى الفرن بالفاصوليا




http://up.haridy.org/storage/clip_image002.jpg (http://upload.haridy.org)




المقادير

1500 جم فخده بالعظم
250 بصل
800 g طماطم معلبه ( تكون صحيحه )
450 g فاصوليا مجمده بيضا
4 ملعقه كبيره زيت ويتون
1ملعقه صغير روز ماري او (اكليل الجبل )
1 ملعقه صغيره زعتر
ملح .فلفل . قرفه جوزه الطيب


الطريقه

نشعل الفرن على درجه حراره 150 ثم ناخد الفخده ونحاول نزع اجذاء من الدهن اللى عليها
ثم بسن السكين نغرس فى فتحات متفاوته من الفخده ونضع بهذه القتحات قليل من الملح والبهارات اللى عندنا
ثم نضع الزيت اللى عندنا فى وعاء ونبدا فى تحمير الفخده من جميع الجوانب فى الفرن
ثم نقطع البصل الى مكعبات او حلقات كمت تحبون
نضع البصل على الفخده والطماطم والفاصوليا ونضعهم فى وعاء الفرن وندخلهم الفرن مره اخرى ونغطى الوعاء بورق المونيوم او ان كان للوعاء غطاء خاص به
ثم نجعل حراره الفرن على 100 درجه فقط ونترك الفخده بما عليها فى الفرن على الرف الاوسط لمده اربع ساعات الى خمسه
طبعا هتقولوا كل ده وقت ايوه لان النار خفيفه ولازم تكون خفيفه
بعد كده تشيلى الفخده وتقطعيها بالطريقه اللى تحبيها وتضعى على كل طبق قطعه وشويه خضار وممكن تزينيها باي انواع من اوراق الريحان و والنعناع ولكى الحريه فى ذلك وممكن تعملى جنبهم رز او بطاطس محمره او اي نوع من انواع المكرونه
وبالهنا والشفا








( طاجن الكتف )


http://up.haridy.org/storage/2602.jpg (http://upload.haridy.org)


المقادير1
كيلو لحم ضأن من الفخذ أو الكتف
يقطع مكعبات
3 أكواب زبادى
2
بصلة صغيرة مقطعة ناعم
فص ثوم مقطع ناعم
2 طماطم
متوسطة مقشرة ومقطعة مكعبات
2
ملعقة كبيرة زيت
ملح وفلفل وبهار وجوزة الطيب
حسب الرغبة



الطريقة:

يقطع اللحم مكعبات ويتبل بالملح والفلفل والبصل المفروم والبهار وجوزة
الطيب
يغطى اللحم المتبل ويترك داخل الثلاجة 4 ساعات
يخلط الزبادي مع مكعبات
الطماطم والزيت ويوضع اللحم في طاجن ويسكب عليه خليط الزبادى
يغطى الطاجن ويوضع
في فرن متوسط الحرارة ويرفع الغطاء مع تقليب اللحم
يرفع الغطاء قبل تمام النضج
حتى يحمر ويقدم ساخنا مع سلطة الزبادى
بالخيار والبطاطس المحمرة

والف هنا وشفا
والى لقاء اخر واطباق اخرى
ولكم منى خالص تحياتى وتمنياتى للجميع
بالاستمتاع باشهى الوجبات

boukybouky
20-12-2006, 11:38 PM
طيب كويس ديه نجربها بس قولي بقي 100 درجة ديه ايه؟؟

ده انا بسخن العيش علي 160 درجة مئوية !!! يبقي 100 ديه تعمل ايه؟؟؟

مش كده الحمة تنزل ميتها اوي و الا إيه؟؟؟ و بعدين 4 ساعات كتير اوي يا جيمي

لالا شوفلنا حاجة تستوي الله يكرمك في السريع كده مش هستحمل الريحة 4 ساعات

و علي فكرة المهم نسبة المشاهدة معناه ان الزوار كمان بييجوا علي موضوعك ..ابشر :good:

دمت بكل خير

في رعاية الله ،،،

بسكوتة
21-12-2006, 12:08 AM
جمى بجد والله الاكلتين احلى من بعض بس

انا خلينى فى طاجن الكتف علشان سهل هههههههههه

والنبى يا جمى ركزلى اوى على الاكلات اللى زى كدة

ووالله باين عليا كدة هتخلينى احب الطبخ من اكلاتك الحلوة

وكل عام وانت بخير يارب

mohamed95
21-12-2006, 12:26 AM
السلام عليكم ورحمه الله وبركاته

اخوتى واخواتى الاعزاء

نبدا اليوم فى وصفتنا لطرق طهى خروف العيد

كل عام وانتم بخير

وان شاء الله يكون عيد سعيد علينا وعليكم جميعا وعلى امتنا العربيه والاسلاميه

بالخير واليمن والبركات

وان شاء الله الوصفات تنال اعجابكم جميعا

وان تحت امر اي احد منكم فى اي سؤال او استفسار


نبدا اول وصفاتنا لاشهر حاجه

(( الرقـــاق ))


http://up.haridy.org/storage/875448026.jpg (http://upload.haridy.org)


مقادير الرقاق :
دقيق حسب الحاجة ، ذرة ملح ، ماء


الطريقة:
ـ ــ ـــ ــ ــ ـــ ــ ـ ــ ــ

نرش الملح على الدقيق و نعجنه بالماء
لحد ما تتكون عجينة لينة ، نقطع العجينة قطع صغيرة و نسيبها ترتاح نص ساعة و
بعدين نفرده بالنشابة على شكل مستطيل أو مدور حسب شكل الصينية بحيث يكون رقيق و نسخن
الفرن و نظبطه على درجة حرارة متوسطة و بعدين نحط الرقاق واحدة بواحدة على صاج
الفرن و أول ما تتكون فقاقيع و نحس انه استوى نطلعه بسرعة و هكذا لحد انتهاء الكمية


طريقة عمل الرقاق ________________

نجيب الصينية اللي هانعمل فيها الرقاق وندهنها بالسمن
-نسخن مرقة الحمه اللى موجودة عندنا
نمسك الرقاق و نغطس أول واحد في المرقة
من غير ما تلين و نحطها في الصينية و ندهنها بالسمنة أو نقطع عليها قطع صغيرة من
الزبدة و بعدين نعمل طبقات تانية من الرقاق بنفس الطريقة حوالي 5 طبقات و نفرد فوقه
طبقة من اللحم المعصج و بعدين نحط فوقه طبقات تانية من الرقاق بنفس الطريقة
( نسقيه بالمرقة و نحطه و بعدين ندهنه بالسمنة)
لحد ما نعمل برده 5 طبقات و ندهن الوش
بالسمنة جيدا
ندخله فرن متوسط الحرارة لحد ما يبقى دهبي
اللون
والف هنا وشفا


الوصفه رقم (2)
شرائح الفخد المشويه
بنكهه الاعشاب


http://up.haridy.org/storage/lammkeule 1.jpg (http://upload.haridy.org)


المقادير:

شرائح لحم الخروف ماخودة من
الفخدبالعظم او بدون
3ملاععق صغيره من المسترده
2/1 كوب عصير ليمون طازج
فلفل . ملح . 2 فص ثوم مفروم جيدا
قليل من جوزه الطيب
رشه روز ماري ( اكليل الجبل )

الطريقة:

يخلط عصيرالليمون مع المسترده جيدا
ثم تضاف الي الخليط الملح والفلفل والثوم والبهارات التى ترغبين بها
وتدهن به الشرائح من الجانبين وتترك في الثلاجة لمدة 30 دقيقة
-تشوي الشرائح علي الفحم علي الوجهين لدرجة الطبخ المطلوبة
تقدم علي طبق مفروش
بالبقدونس
وتتقدم معها شراح من الليمون والبطاطس المحمره
وان وجد شويه خضار سوتيه

والف هنا وشفا


والى لقاء الغد ان شاء الله

ووصفات اخرى

مع تمنيات الشيف جيمى بشهيه طيبه

والف هنا وشفا
أيه الحلاوه دي ياجيمي بجد أنا جعت ودول أحلى حاجتين
بحبهم الرقاق باللحم المفروم ويسلام لو تسيح معاه حتة
ليه صغيره بتديلوا طعم جامد واللحمه المشويه على الفحم
أموت فيها ولعلمك أنا كييف ترب ياريت تقولي طريقة عميله
وليك حق تقول أصبروا على الوصفات لما العيد يقرب
ده أحنا حنجوع بدري قوي هههههههههههههههه

jemmy
21-12-2006, 02:00 AM
طيب كويس ديه نجربها بس قولي بقي 100 درجة ديه ايه؟؟

ده انا بسخن العيش علي 160 درجة مئوية !!! يبقي 100 ديه تعمل ايه؟؟؟

مش كده الحمة تنزل ميتها اوي و الا إيه؟؟؟ و بعدين 4 ساعات كتير اوي يا جيمي

لالا شوفلنا حاجة تستوي الله يكرمك في السريع كده مش هستحمل الريحة 4 ساعات

و علي فكرة المهم نسبة المشاهدة معناه ان الزوار كمان بييجوا علي موضوعك ..ابشر :good:

دمت بكل خير

في رعاية الله ،،،


الاخت الفاضله /

بوكى بوكى

اولا : يسعدنى تواجدك وهذا شيئ عظيم فى حد ذاته

ثانيا : الفرن لما يكون على 100 درجه واللحمه هتقعد 4 الى 5 ساعات

ده شيئ طبيعى يعنى تستوى على نار هاديه ومتخافيش هي هتستوى اصلا فى ميتها


وعموما جايلك حاجات كتيره اسرع

وبالهنا والشفا

شاعر الرومانسية
21-12-2006, 08:55 AM
تسلم الايادى عزيزنا جيمى..

جريت ريقنا قبل العيد باسبوع ....

بخصوص اللحم المشوى ..
متهيألى لو قعد فى التتبيلة اكتر من 30دقيقة حيبقى احلى
كل ما فترة التتبيل تطول ..كل ما اللحم بقى الذ بعد السوى



كدة جزء من الفخذ خلص
منتظرين باقى طرق الخروف يا باشا ..

تسلم ايدك .. وكل عام وانت فى صحة وسعادة


تقبل خالص تحياتى ،،،:f:

jemmy
22-12-2006, 12:38 AM
جمى بجد والله الاكلتين احلى من بعض بس

انا خلينى فى طاجن الكتف علشان سهل هههههههههه

والنبى يا جمى ركزلى اوى على الاكلات اللى زى كدة

ووالله باين عليا كدة هتخلينى احب الطبخ من اكلاتك الحلوة

وكل عام وانت بخير يارب


اهلا يا بسكوته

ولا يهمك هركذلك على الحاجات السهله


وبعدين مين اللى قالى انك مش بتعرفى تطبخى ؟؟

ولا بس عايزه تعرفى الناس انك مش بتعرفى تطبخى عشان الحسد

هههههههههههههههههههههههه

اقول يعنى على اجمل اكلاتك ؟؟؟ ولا اخليها فى سري

خالص تحياتى وتقديري لكى

*174*