المساعد الشخصي الرقمي

مشاهدة النسخة كاملة : لكل مواطن الحق فلى الخنقه (لازم تتخنق مش بمزاجك)



_snoo000oopy_
03-12-2006, 07:42 PM
طبعا الكل عايز يعرف حق الخنقة لكل مواطن
انا هقولكوا دا حق اساسى واحنا ف مصر سبقنا بيه امريكا وبريطانيا وكل العالم دى
المهم ده حق بيتمثل فمواقف كتير وجارى سرد بعضها:

1-ماشى ف الشارع مستعجل جدا وادامك بقا واحد ماشي على راحته اوى وانت طبعا مخنوق منه لا استنى دا كمان جاله واحد صاحبه وانت عارف طبعا بقاله يوم بحاله ما شافوش ولازم ياخده بالحضن ويسأله على الاخبار والاحوال وكدا فيا ريت تشوفلك مكان تانى تمشى فيه

2-طلعت ميكروباص ولقيت مكان تقعد كمان يا سبحان الله لكن السواق مش راضى يطلع لان الكنبة اللى ورا ما فيهاش غير اربعة وكمان الطرقة لسه فاضية

3-فزت بتذكرة مترو ونجحت انك تقطع تذكرة ف عز الزحمة فيجيلك واحد ظريف ويقولك ممكن اعدى معاك وانتا طبعا بكل الانسانية تقوله ماشى وطبعا بيكون جزاؤك النهاية الفعص المؤكد

4-قاعد ف احد المواصلات وواحد قالك ممكن تبعت تذكرة معاك واداك عشرة جنيه انتا طبعا كمواطن برئ بعتت الفلوس للسواق واديته التذكرة شوية ويقولك فى باقى قول للسواق وبعدين تديله الباقى شوية كمان ويقولك لا قوله ف جنيه مقطوع اديهولو يغيره و هكذا

5-واقف ف الجامعة عند شباك شئون الطلبة لقيت طابور طويل وطابور تانى قصير جنبه فانت بمنتهى العبقرية والسذاجةوقفت ف القصير عشان توصل اسرع واخيرا وصلت وبقيت اول واحد ادام الشباك يروح الموظف قايلك لا انتا بقا بالذات ارجع ورا لان اصلا هو طابور واحد مش اتنين

6-قاعد ف المحاضرة والدكتور قال حاجة والكل ضحك عليها لكن من حظك الاسود الدكتور ساب الكل ووقفك ايه يا حبيبى بتضحك على ايه هو انا قلت نكته
تقوله حضرتك الكل ضحك يقولك ما نا عارف منا وبكلمك انت كمثال عشان اعرف بقية زمايلك بيضحكوا على ايه

7-تليفون البيت رن اول ما رديت واحد بيقولك الو مين معايا قلتله انتا اللى مين حضرتك اللى طالب راح علاطول قايل دا باين النمرة غلط وفجأة توت توت توت قفل السكة ف وشك

8- انك تكتب موضوع ومحدش يرد عليك اويرد ويقولك مشكوررررررررررررر هوا انا بديك فلوس

9- ان واحد يديك توقيع هدية فى المنتدى عشان تكتب تحتة فلان شخصية تستحق الاحترام

10- انك تكون ببتفرج على قناة التو الاجنبى وبعدين ابوك يقولك روح هات ازازة مية اشرب على ماتروح وتيجى تلاقية قلب القناة وبيتفرج على ماتش كورة
11- كفاية كدة

خنأتكوا صح عادى بقى خدتوا على كدة

mr_virus
03-12-2006, 08:04 PM
6-قاعد ف المحاضرة والدكتور قال حاجة والكل ضحك عليها لكن من حظك الاسود الدكتور ساب الكل ووقفك ايه يا حبيبى بتضحك على ايه هو انا قلت نكته
تقوله حضرتك الكل ضحك يقولك ما نا عارف منا وبكلمك انت كمثال عشان اعرف بقية زمايلك بيضحكوا على ايه
لسه مجربها النهارضه وطبعا مسبتش الدكتور فى حاله ضحكت عليه اللى يسوى واللى ...يسوى فادانى مكافئه هايله انه طردنى من المحاضره



- انك تكتب موضوع ومحدش يرد عليك

ده بجد اللى بينرفزنى


شكرا ليكى يا سنووووووووبى

عبده الدرملى
04-12-2006, 12:28 AM
ههههههههههههه
بس مش مشكوررررررررررررر
بس جديده بجد

_snoo000oopy_
04-12-2006, 07:37 PM
لسه مجربها النهارضه وطبعا مسبتش الدكتور فى حاله ضحكت عليه اللى يسوى واللى ...يسوى فادانى مكافئه هايله انه طردنى من المحاضره



ده بجد اللى بينرفزنى


شكرا ليكى يا سنووووووووبى
شكرا ليك انت يا مستر فيرس و انا برضو انسى ان انت كنت اول حد يرد على اول

موضوع ليا فى المنتدى هنا *122*

والف الف مبروك*128* على الطرد من المحاضره *160**156* والله فرحتلك من قلبى هههههههههههههههههه

_snoo000oopy_
04-12-2006, 08:38 PM
سورى على التكرار

florensa
04-12-2006, 11:44 PM
-واقف ف الجامعة عند شباك شئون الطلبة لقيت طابور طويل وطابور تانى قصير جنبه فانت بمنتهى العبقرية والسذاجةوقفت ف القصير عشان توصل اسرع واخيرا وصلت وبقيت اول واحد ادام الشباك يروح الموظف قايلك لا انتا بقا بالذات ارجع ورا لان اصلا هو طابور واحد مش اتنين
حصلتلى امبارح بس قالتلى دا طبور انتساب بعد ساعة ونصف واقفة
- انك تكون ببتفرج على قناة التو الاجنبى وبعدين ابوك يقولك روح هات ازازة مية اشرب على ماتروح وتيجى تلاقية قلب القناة وبيتفرج على ماتش كورة
انهاردة بردو بس كانت ماما وقلبت على قناة الناس
دا انت بتقول حكم يا راجل
ههههههههههههههههههههههههههههههه
بس حاجة تخنق فعلا
شكرا على موضوعك الجميل جدا


Photo Gallery