المساعد الشخصي الرقمي

مشاهدة النسخة كاملة : مين اللى قال ان الولد أحسن من البنت



mr.peter
01-12-2006, 07:30 AM
بعد البحث والتدقيق ثبت ان البنت احسن من الولد

1-البنت بتتكلم براحتها فى التليفون وابوها او جوزها هما الى بيدفعوا الفاتورة فى الاخر.
2-البنت مش ملزمة تجهز نفسها ابوها او البيه(خطيبها)هم اللى هايدفعوا دم قلبهم.
3-مفيش حد بيبص على بدلة العريس كله بيبص على فستان العروسة.
4-لو واحدة عملت مخالفة وعيطت شوية للظابط هايعديها لو راجل هاياخد على دماغه.
5-لو واحدة ماادتش قرايبها عيدية مش هايقولوا عليها بخيلة.....هايقولوا اصل العيب على خوزها.
6-لو واحدة اتأخرت على المحاضرة ممكن الدكاترة يدخلوها لو ولد هايقولوا روح يا بابا كمل نوم برة فى الشمس.
7-لو حصل زعل بين البنت و بابا مش هايطردها برة البيت..وهى بس تعيط شوية وبابا يجى يصالحها علطول ....اما الولد فيدوب يلحق مكان ينام فيه جنب البواب.


دلع البنات

(سنتين)ياختى قميلة.
(5سنين)يا عسولة.
(12سنة)يا عروسة.
(18سنة)يا قمر.
(40سنة)يا هانم.
(60سنة)يا ام الكل.


دلع الولاد

(10سنين)انت ياد.
(18سنة )انت يا شحط بقيت طول الباب .
(40سنة)يا راجل.
(50سنة)يا عم الحاج.
(60سنة)يا راجل يا عجوز مناخيرك اد الكوز.


شوفتوا ان الولد مظلومين واحقهم رايح اووووووى

همس المشاعر !!
01-12-2006, 08:08 AM
هههههههههههههههههههه
هو دا الحقد الطبقى يا راشيل هههههههههههه على رئى مسرحية الواد سيد الشغال
كل دا شايله فى قلبك وساكت هههههههههه دا حتى مش حلو عشان صحتك
عموما قولوا الى تقولوه المهم ان شهد شاهدا من اهلها اهو ههههههههه
عموما احنا هندلعك ومش هنحرمك من حاجه اهو ,,, انت عارف دلعك انهى فيهم بقى هههههههههههههههه
شكرا ليك على موضوعك الحقود قصدى المظبوط والجميل هههههههه

mr_virus
01-12-2006, 10:36 AM
مكرررررررررررر يا عم بيتر

mr.peter
01-12-2006, 04:00 PM
فى ايه يا عم فيروس بس لما اشوفك عايزك تورينى مكرر فين

mr.peter
01-12-2006, 04:05 PM
يا عم فيروس سيب الى بيكتب ومتمسحش حاجه

mr_virus
01-12-2006, 08:48 PM
اولا انا مامسحتش حاجه

http://www.egyptsons.com/misr/showthread.php?t=59501


http://www.egyptsons.com/misr/showthread.php?t=60950


Photo Gallery