المساعد الشخصي الرقمي

مشاهدة النسخة كاملة : مسرحية هزلية تأجيلات وحبشتكانات



القبطان مندى
26-11-2006, 12:20 AM
التاجيلات والحبشتكانات000 مسرحية هزلية

المشهد الاول ليل داخلي .. الساعه التاسعه مساء .. المكان قبو مهجور في مقر اتحاد كرة القدم المصري بالقاهره .. سمير زاهر رئيس الاتحاد المصري يجتمع بنائبه وباعضاء الاتحاد:invasion: داخل مقر الاتحاد ..*71*
سمير زاهر : منورين القعده يا رجاله ..*111* *117*
شوبير وهو يشعل نارا في منقد فحم بجواره : بنورك يا معلم ..
محمود بكر : ممكن اعرف احنا ليه مجتمعين في المكان دا ..
سمير : هنا أمان اكتر .. ولاد الحرام ماخلوش لولاد الحلال حاجه ..
مجدي عبد الغني وهو يهرش في ذقنه : ايه يا معلم خير الاجتماع دا ليه ..
زاهر : الاسماعيلي عايز يأجل ماتش أسمنت السويس ..
شوبير بدهشه : يأجله ليه ؟؟ ..
زاهر : بيقولوا لسه راجعين من الجزائر ومش قادرين يلعبوا ..
مجدي عبد الغني وهو يهرش في ذقنه : وانت بتصدق انهم لسه راجعين اكيد رجعوا من فتره وبيتحججوا ..
ايمن يونس متأففا : يا كابتن مجدي بلاش هرش الحشرات هاتملي المكان ..
شوبير وهو يتثاءب : همه مش خلصوا الماتش يوم الاحد طيب مارجعوش ليه علي طول ..
محمود بكر : يرجعوا ازاي علي طول ..
مجدي : يا اخي ياخدوا اي ميكروباص من موقف وهران والا عنابه بعد الماتش علي طول ..
شوبير: لا البهوات عاوزين يعملوا راسهم براسنا و يستنوا علشان يرجعوا في طياره ..
مجدي متعجبا وهو ممسكا بيديه شئ يتذوقه بلسانه : طياره ؟؟ ومالها الميكروباصات دي حتي اخر راحه ومنجهه وبيور اوي *49* والاصطف بتاعها عالي ..*49*
ايمن يونس مكملا وهو يزغذ مجدي بذراعه ضاغطا حروف كلماته : وبعدين امان أكتر واسرع من الطياره يا كابتن وانفساها عاليه ..
محمود بكر بدهشه : انفاسها ؟؟؟
أيمن متلعثما : قصدي يعني نوعها حلو وبتوصل بسرعه ..
زاهر يزفر بشده : يعني اقول لهم ايه ..
ايمن : احنا مانقدرش نقول حاجه .. ذنبهم علي جنبهم .. لو ماركبوش الميكروباص واستنوا الطياره يبقي همه اللي اتاخروا ..
شوبير ببطء وهدوء : فعلا احنا مانقدرش نقول حاجه ابدا ..
محمود بكر مستغربا : امال مين اللي يقول ..
شوبير وهو يغمز بعينيه ويضحك ضحكه خبيثه : نايف عزت طبعا مش هو رئيس اللجنه ..
أيمن يونس : لجنة ايه ؟؟..
شوبير : لجنة الامتحانات يا ضنايا.. ويقهقه الجميع عاليا .. ويهموا بالانصراف .. وهنا يخرج أيمن يونس من جيبه علبه يقدمها الي مجدي عبد الغني ..
ايمن يونس : امسك يا مجدي ..
مجدي : ايه دي يا يونس ..
يونس : شوية جاز لزوم الهرش ..

** المشهد الثاني .. نهار داخلي .. الساعه 11 صباحا في نفس المكان .. سمير زاهر يستدعي نايف عزت بحضور شوبير ومجدي وايمن ..
سمير وهو يلوح بعصا غليظه في يده : ايه رأيك يا سيادة اللواء ..*60*
مجدي عبد الغني وهو يضع يده علي رقبته ويحركها الي الامام والخلف موجها حديثه لنايف: نأجل الماتش والا بلااااااااش .. قول براحتك خالص .. ماتخافش .. *72* *65 *60*
نايف وهو ينظر الي يد مجدي وعصا سمير برعب *72*: لا طبعا ناجل ايه مافيش اي تأجيلات ..
شوبير : طيب ونقول ايه لو قالوا احنا زي الاهلي ..
نايف : لا لا لا الاهلي كان بيمثل مصر لكن دول بيمثلوا...
شوبير مقاطعا ومزمجرا بغضب : بيمثلوا ؟؟*60*
نايف والكلامات ترتعش علي شفتيه *72* : أأأأأقصد بببببيمثلوا ايوه لكن علينا يا سيادة النائب ..
شوبير يتنهد راضيا : ايوه كدا ..*224* *63*
نايف وهو يزدرد لعابه بصعوبه و بنفس نبرات الخوف*222* : وبعدين همه هايرجعوا قبل الماتش تباعهم ب 48 ساعه .. يعني ممكن يلعبوا وقدامهم وقت .. دا ربنا خلق الكون في 6 ايام يا جدعان ..
الجميع في نفس واحد وبخشوع : ونعم بالله ..

** المشهد الثالث .. ليل داخلي الساعه 10 مساء .. سمير زاهر بمكتبه يتحدث الي المهندس / يحيي الكومي رئيس الاسماعيلي ..
سمير : معلش يا يحيي بيه مش هانقدر نأجل الماتش ..
المهندس يحيي : ليه بس يا كابتن سمير ..
سمير : يا يحيي بيه الاسماعيلي هايرجع امتي ..
المهندس يحيي : قبل الماتش بيومين وهايكون ورانا بعدها ماتش تاني برضه بيومين..
سمير وهو يبتسم بخبث : يا يحيي بيه .. انت بتقول يومين .. يومين يا عالم .. يعني 48 ساعه يعني كل ساعه 60 دقيقه يعني كل دقيقه 60 ثانيه واحنا في عصر التكنولوجيا .. ممكن تعملوا حاجات كتير اوي فيهم ..
المهندس يحيي : بقي دا اسمه كلام يا كابتن زاهر الولاد مرهقين وعندنا اصابات ولسه راجعين من سفر
سمير بحسم : اللواء نايف رفض التأجيل ..
المهندس يحيي متعجبا : رفضه ازاي ؟؟ .. المفروض انتم اصحاب القرار مش هو ..
سمير : احنا في عصر الديموقراطيه يا يحيي بيه .. طالما قال لا يبقي لا .. وتارارا لا لا لم لم ..
المهندس يحيي الكومي يضرب كفا بكف وقد سقطت منه السماعه : لا حول ولا قوة الا بالله .. *25* *61*

** المشهد الرابع .. ليل داخلي الساعه 10 مساء .. المكان .. استديو القناه الفضائيه ..
شوبير يتحدث الي فتحي سند والشيخ طه ..
شوبير : ايه رأيكوا في موضوع التأجيل بتاع الاسماعيلي ..
الشيخ طه وهو يتحسس جيبه ليتاكد من الالف جنيه::m19: *9* طبعا التأجيل مضر جدا ومش من صالح الكورة في مصر ولا في صالح اللعيبه ولا في صالح الاهلي ..
شوبير ينظر اليه محذرا ..
الشيخ طه مستدركا بسرعه : أااقصد ولا في صالح الاسماعيلي .. مافيش احسن من اللعب كل يوم .. دا حتي وانا مدير فني ايام ماتش بطل الجابون مع الاهلي .. كنت بالعب ماتشين كل يوم علشان اللياقه وعلشان مصر .. ويكمل وهو ينتحب : يا حبيبتي يا مصر يا مصر ..
فتحي سند وهو يداعب شاربه ويتحسس جيبه*9* *9* ليعد المبلغ باصابعه : انا من رأيي ان احنا لازم نعمل لجنة متخصصه تدرس موضوع تأجيلات الاسماعيلي دا ولازم نخرج بقرار ان التأجيل دا فيه .. فيه .. فيه .. دا فيه 900 ..
شوبير : 900 ايه يا استاذ فتحي ..
فتحي مزمجرا وهو يشير بعينيه*25* الي جيبه : 900 يا كابتن فيه 900 ..
شوبير : لا يا استاذ فتحي انا متاكد ان القرار دا فيه 1000 ..
فتحي : صدقني 900 ..
شوبير وقد احس بالحرج علي الهواء : فيه 1000 ضرر طبعا يا كابتن .. بس اكيد حصل خطأ ..
فتحي : المفروض يكون فيه الف لكن الواضح انهم بقوا 900 ..
شوبير مقاطعا : نعود لكم بعد الفاصل ..
بعد الفاصل .. شوبير يتحدث الي المشاهدين ..
شوبير : اهلا بكم بعد الفاصل ومعكم الاستاذ فتحي ..
فتحي يتحدث بسعاده *156* *156* : انا كنت باقول أن قرار التأجيل هايكون فيه الف ضرر علي الكورة في مصر ..
شوبير للمشاهدين : احنا كدا قولنا راينا بكل صراحه واللي اتكلموا دول علماء وخبراء وفقهاء وأئمة وجهابذة الكورة في مصر والعالم .. يعني مافيش اي كلام بعد كلامهم .. ودلوقتي اسيبكم مع فيلم جديد عامله محمد نصر بمناسبة فوز الاهلي علي بتروجيت ..
** المشهد الخامس .. ليل داخلي .. الساعه 12 مساء .. منزل سمير زاهر .. التليفون يرن ..
سمير : الو مين معايا ..
الطرف الاخر : معاك شوبير اصحي يا كابتن .. الاسماعيلي فاز النهارده علي السويس ..
سمير منتفضا : انت بتتكلم جد .. :m2:
شوبير بأسي : ايوه وركب القمه ودلدل رجليه كمان ..
سمير وهو ساهم : مش ممكن لازم حل ..
شوبير بحزم : مافيش غير حل واحد .. *4* *4*
سمير بلهفه : الحقني بيه وحياة والدك ..
شوبير مسرعا : نوافق للاسماعيلي علي طلب التأجيل ونلغي نتيجة الماتش ..
سمير : انت شايف كدا ..
شوبير بثقه : مافيش غير كدا .. احنا بتحكمنا مبادئ وقيم .. لازم نأجل الماتش بأثر رجعي ونعيده كمان .. علشان تكافؤ الفرص والمساواه والعدل .. وبعدين علشان مصلحة الكورة في مصر ..*176* :puke:
ثم يستطرد وهو يبكي*22* : يمكن السويس يكسب ..
سمير وهو يضحك : مصر برضه يا شوبير ..*176* *89*
شوبير هامسا : ما انت عارف يا كابتن علشان مصلحة مين ..:m35ايوا ياكابتن بس مش هنلاقى مبررات لاعادة القاء

خلاص ياشوبير

شوبير يرد يقول بس انا فى حاجة قلقانى زاهرايه هى
شوبير الولد حسنى عبدربه واحمد فتحى شفت كان بيلعبوا ازى زى ميكونوا ناوين على حاجة
زاهر حاجة ايه شوبير ماتش الاهلى ياكابتن انا مش مطمن من ساعة مارجع انتا شوفت عمل ايه فى ماتش الاهلى السنة الماضية
زاهر ديه برضه حاجة تفوتك انتا نسيت جمال الغندور وحسن شحاته
شوبير ازاى مش فاهم
زاهر زى كل سنة احمد فتحى يأخذ الانذار التانى *160* قبل ماتش الاهلى انتا نسيت
شوبير طب وحسنى نعمل له ايه زاهر حسن شحاته يضمه للمنتخب فى معسكر اعداد
شوبير زى ماتش الصفاقس لما كانت اللعيبة بتتفرج على الماتش من القرية
زاهر لاه المرة دى مختلفة ده معسكر اعداد منفرد لهذا اللاعب *89* *89* *86* *78*
تمت:m35: :m35:

حسام عمر
27-11-2006, 01:30 PM
لاء جامد اوي اوي الكلام ده

تسلم ايديك يا نجم

فى حب مصر
28-11-2006, 01:08 AM
السلام عليكم
انا قرات الموضوع دة فى منتدى الاسماعيلى
ودة عادى لما يتقال فى منتدى الاسماعيلى دة منتداهم وهما احرار فية
لكن الموضوع ما ينفعش هنا
لانة فية تعصب
ولا انت يا مندى معاك حصانة وفى ناس بتشيد بموضوعك
ارجو الحيادية
ليكن كل واحد امين على ما اوكل لة
يا ترى يا مندى لو جبت موضوع تانى عن تاجيل مباراة الحرس هيلاقى استحسان
والموضوع بتاع مباراة الحرس فى مشاركات كتيرة علية هناك
بس ما ينفعشى تتنشر هنا
لانها ستحزف
اتقو اللة

sea_wolf
28-11-2006, 02:10 AM
لاء جامد اوي اوي الكلام ده

تسلم ايديك يا نجم



استغربت لردك اكثر من استغرابى للموضوع

شكرا لك مشرف القاعة

حسام عمر
28-11-2006, 07:06 AM
الحاجه الوحيده اللي في الموضوع زعلتني التريقه على الشيخ طه


والراجل ده انا بحترمه جدا ً


لكن تحب اجبلك من المنتدى هنا موضيع متعصبه كتير وبدخل وبشارك فيها


وعمري مغلطت


ومنها في موضوع عصام كابو بتاع كأس افريقيا


كان فيه رد كله غلط في الزمالك


كان كل تعقيبي شكرا ً للروح الرياضيه


اما بالنسبه لشوبير فبصراحه انا بكره هو محمد نصر بشده لتعصبهم الشديد

والموضوع فكاهي ومغلطش في الاهلي

واللي عنده اي كلام في الموضوع شيفه انتقاد يقول


واللي شايف كلامي غلط يقول

انا عمري متعملت هنا اني مشرف ومش عضو عادي


يخونا الكلام ده يزعل بجد

انا اتعلمت من احمد ناصر اننا كلنا هنا اخوات وحبايب

اللي شيفني عكس كده يقول

انا بكره الدكتاتوريه

ومحبش اكون كده ابدا ً


ولا كوني اني زملكاوي بقت عيب ولا حرام

ولا ايه الموضوع

ولا هو فيه ايه


انا لسه رافع لابن البلد بطرد واحد زملكاوي وحذف موضيعه وردوده

لانه كان بيغلط في الاهلويه وبيسب


مفيه عضوه جديده كل كلامها تعصب في تعصب


ولا ده حلال عشان هيه اهلويه وحرام على مندي عشان اسمعلاوي وانا عشان زملكاوي


وهل انا حذفتلها موضوع من يوم مدخلت مع انها دخله شمال في الزملكويه

ولا حول ولا قوة الا بالله

وربنا يهديني ويهدي الجميع

سمو البرنس وائل
28-11-2006, 06:26 PM
السلام عليكم ورحمة الله تعالى وبركاته
ايه يا جماعه
هو المنتدى ده بتاع الأهلاويه ولا الزملكاويه
المنتدى للجميع وكل واحد حر يقول رأيه براحته
طالما رأيه مافيهوش اهانه لحد ولا سب لأي نادي أو اي شخص
سواء بقى كان اهلاوي ولا زملكاوي ولا اسمعلاوي ولا اتحاداوي
كل واحد حر في رأيه طالما لم يتعدى حدود الأدب
والعضو صاحب الموضوع ماغلطش في الموضوع
هو العيب الوحيد اللي ممكن ناخده عليه
هو سخريته من اعضاء الاتحاد والتريقه عليهم
وده في رأيي غلط علشان مش من حق اي حد انه يتريق على غيره
حتى لو كان بيكرهه او مختلف معاه
اما عن صلب الموضوع ... هو صح ومافيهوش حاجه غلط
وكل واحد بيفهم عارف كويس ان الاتحاد المصري بيتحيز للأهلي والزمالك
وبييجي على الانديه الباقيه لو في اي موضوع يخص نادي من الاتنين
هو ده الحال في بلدنا
عتابي الوحيد على العضو صاحب الموضوع
انه كان ممكن يصوغ موضوعه بطريقه احسن من كده
من غير سخريه من عباد الله ولا تريقه عليهم
لكن هو من حقه يقول رأيه
زيه زيي انا وعصام كابو وكل الاهلويه اللي في المنتدى
وزيه زي حسام وكل الزملكاويه اللي في المنتدى
وزي اي عضو بيشجع اي نادي تاني
المنتدى للجميع ومش لناس وناس
اسف اني طولت عليكم
تقبلوا تحياتي

sea_wolf
28-11-2006, 06:57 PM
نتفرج على الزمالك
وربنا يوفقو
وبعد كدة نرجع للموضوع

عصام كابو
29-11-2006, 12:14 AM
الحاجه الوحيده اللي في الموضوع زعلتني التريقه على الشيخ طه


والراجل ده انا بحترمه جدا ً


لكن تحب اجبلك من المنتدى هنا موضيع متعصبه كتير وبدخل وبشارك فيها


وعمري مغلطت


ومنها في موضوع عصام كابو بتاع كأس افريقيا


كان فيه رد كله غلط في الزمالك


كان كل تعقيبي شكرا ً للروح الرياضيه


اما بالنسبه لشوبير فبصراحه انا بكره هو محمد نصر بشده لتعصبهم الشديد

والموضوع فكاهي ومغلطش في الاهلي

واللي عنده اي كلام في الموضوع شيفه انتقاد يقول


واللي شايف كلامي غلط يقول

انا عمري متعملت هنا اني مشرف ومش عضو عادي


يخونا الكلام ده يزعل بجد

انا اتعلمت من احمد ناصر اننا كلنا هنا اخوات وحبايب

اللي شيفني عكس كده يقول

انا بكره الدكتاتوريه

ومحبش اكون كده ابدا ً


ولا كوني اني زملكاوي بقت عيب ولا حرام

ولا ايه الموضوع

ولا هو فيه ايه


انا لسه رافع لابن البلد بطرد واحد زملكاوي وحذف موضيعه وردوده

لانه كان بيغلط في الاهلويه وبيسب


مفيه عضوه جديده كل كلامها تعصب في تعصب


ولا ده حلال عشان هيه اهلويه وحرام على مندي عشان اسمعلاوي وانا عشان زملكاوي


وهل انا حذفتلها موضوع من يوم مدخلت مع انها دخله شمال في الزملكويه

ولا حول ولا قوة الا بالله

وربنا يهديني ويهدي الجميع




اخى الحبيب حسام برجاء زيارة هذا اللينك

هنـــــــــــــــــــــــــا (http://www.egyptsons.com/misr/showthread.php?p=721558#post721558)


المشاركة رقم 20

حسام عمر
29-11-2006, 01:02 AM
اخي الجميل وائل


اولا ً الف حمد لله على سلامتك

هل تعرف ان الاسماعيلي عاد من السفر وللاعب الاسمنت بعد اقل من يومين على عودته


وعنده ماتش بعدها ب3 ايام في البطوله العربيه


اشمعنا الاسمعيلي لاء

والزمالك والاهلي اه

الزمالك اتأجله ماتش الاتحاد يوم


هل معنى كده الزمالك احسن من الاسماعيلي


لاء طبعا ً

لانهم هما الاتنين فرق مصريه

فليه التفرقه من المعامله في اتحاد الكره

هو ده اللي بيعم حزازات بين الفرق

وكأن اتحاد الكره يزكي روح التعصب


فأقل واجب

مسرحبة كراكتريه زي دي


ولك مني فائق الاحترام

سمو البرنس وائل
29-11-2006, 02:10 AM
حبيب قلبي حسام باشا
الله يسلمك يا غالي
انا يا حبيبي ماقولتش غير كده
انا قولت نفس اللي انت بتقوله ده
قولت ان اتحاد الكوره متحيز لجانب الاهلي والزمالك
وده على حساب الفرق التانيه
بس اعتراضي على الاسلوب اللي فيه تريقه وسخريه من عباد الله
في اكتر من طريقه نقول بيها اللي احنا عايزينه
مش نقول فلان بيهرش في دقنه والتاني بيقوله كده تملا الدنيا حشرات
دي مش طريقة تعبير يا عمنا
ده اسلوب انا ارفضه تماماً
اما عن اتحاد الكوره
انا قولت اي واحد بيفهم عارف كويس ان الاتحاد متحيز للاهلي والزمالك
ولو في مشكله احد الناديين طرف فيها حايتحيز ليه على حساب الانديه التانيه
واكبر دليل اللي انت قولته
الزمالك اتأجله ماتش الاتحاد
والاهلي اتأجله كام ماتش ؟؟
كتير طبعاً
زي ما يكون الاهلي والزمالك بيلعبوا في البطولات الخارجيه باسم مصر
وباقي الفرق بتلعب باسم كوالا لامبور
هو ده اتحاد الكوره بتاعنا وهي دي بلدنا
لك مني كل التحيه والتقدير
يا اكبر زملكاوي
تقبل تحياتي

a_leader
05-12-2006, 08:43 PM
السلام عليكم
انا شايف ان من حق اى حد انه ينتقد اتحاد الكورة او ينتقد اى شخص غير حيادى
ولا هو الاهلاوية بس اللى من حقهم ينتقدوا ؟؟
الراجل بيتكلم عن الظلم و المحسوبية و دى حاجة واضحة للدنيا كلها
اهم حاجة اننا نكون بنحترم بعض على الاقل كأعضاء هنا فى المنتدى
مادام الانتقاد غير شخصى يبئى مفهوش اى مشكلة
يعنى انا مثلا مابحبش جوزيه
هل لو قلت هذا الكلام ابئى بغلط فى عصام او عمرو او محمود مثلا ؟؟
طبعا مستحيل
و نفس الامر ينطبق على القبطان
الراجل بيكره اتحاد الكورة و الاهلى
هو حر يكرههم براحته ,, محدش له عنده حاجة مادام لم يمس اى عضو بسوء
ياريت يا جماعة من فضلكم ماناخودش الامور بصفة شخصية و نزعل من بعض اونطة
زى ماهو بيكره الاهلى ياما ناس بتكره الاسماعيلى و الزمالك ,,,,
عادى يا شباب
اهم حاجة هى احترامنا لبعض

a_leader
12-12-2006, 12:38 PM
الموضوع اهو يا قبطان فى ايه بس ؟؟؟؟؟؟؟؟؟؟؟؟؟؟؟؟؟؟؟؟؟

Trogan
12-12-2006, 03:49 PM
يا جماعه الموضوع للهزار و الفرفشة مش للكلام الكتير


Photo Gallery