المساعد الشخصي الرقمي

مشاهدة النسخة كاملة : اثبت مصريتك



dieselman
26-11-2006, 01:07 PM
من هو المصري
المصرى هو اللى :

ممكن يعدي التلاتين ولسه عايش مع أمه وأبوه وماعندهومش مشكلة.

يشخص المرض ويوصفلك الدوا وبيفهم في النقاشة والكهربا وتصليح العربيات
والطبيخ والسياسة والكورة وهو أبيض ياورد.

بيحط الريموت كونترول في كيس بلاستيك كعادة فرعونية.

يقف يتكلم على الباب نص ساعة بعد إنتهاء الزيارة والسلام.

لمّا تفتح نملية المطبخ هتلاقي عنده عشرين برطمان بتاع مربى فاضي
بقالهم سنين ومازال مُصِر على جمع المزيد

ييجي بعد معاده بساعتين ويفتكر إن ده عادي.

لسه عنده إصرار إنه يتكلم بصوت عالي في التليفون لما تكون المكالمة
دولية عشان التاني يسمعه.

بيعتبر نفسه أفضل واحد في الشرا والفصال وبعد كده يكتشف إن الحاجة في
المحل اللي جنبه أرخص من غير فصال.

بيحتفظ بأكياس محلات اللبس والأحذية وورق الهدايا تحت مرتبة السرير
لسنوات ومابيستخدمهاش.

بيشتري قبل الفطار في رمضان مواد إستهلاكية أصلا موجود عنده في البيت
لسه ماستخدمهاش

بيكون عنده شواية لزوم الرحلات أقصى استخدام لها كان مرة واحدة في
العيد.

بيفتكر إن أي حد بيشتغل في الخليج بيغرف فلوس من غير حساب.

بيكون مشغول بقيمة التيبس أو البقشيش طول العشا ياترى ربع جنيه ولا نص
جنيه.
برده بيتخانق ساعة دفع الحساب بحرارة شديدة على إنه هو اللي لازم
يدفع.

بيفرش ملاية سرير على طقم الأنتريه عشان يفضل نضيف لما ييجي ضيوف
ومابيشيلهاش لما ييجو


فهل انت مصري؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟ ؟؟؟؟؟؟؟:2:

ميمو المصرى
28-11-2006, 01:56 AM
أيووووووووه أنا مصرى ومصرى اوى كمان
بس مش بعمل اى حاجه من الحاجات دى

عبده الدرملى
30-11-2006, 12:51 AM
ههههههههههههههه
انا مصرى وابويا مصر
بس والله عندك حق
موضوع جميل

mora_727
01-12-2006, 07:52 AM
علشان ابقي مصري لازم اعمل كدا يعني,,,,,,,,!!!!!!! طيب لية ما عملش زي ما عمل زويل و جمال عبد الناصر و السادات وغيرهم كتير من الناس اللي حبت مصر بجد.....
احنا اكبر من كدا بكتير بس لو كل واحد يعامل ضميرة بجد و يحب الخير للناس و يتقي الله و نبقي اسرة و احدة بيت واحد

thereallove
02-12-2006, 01:46 AM
لا بقي انا مصري وابويا مصري

لو مش مصدق اسال مياه النيل

خالد الفارس
03-12-2006, 12:13 PM
وانا مصرى وابويا مصرى اشمعنا انا يعنى
بس على فكرة بتحصل كتير الحاجات دى

basemhamza
12-12-2006, 08:56 PM
ههههههههههههههه
موضوع جميل فعلا
انت عارف وانا في السوبر ماركت كان في عرض نازل علي المربي (4 برطمان) فكرت اشتريه علشان البرطمانات شكلها عجبني فقط بغض النظر عن نوع المربي
طبعا مشتريتهوش


Photo Gallery