المساعد الشخصي الرقمي

مشاهدة النسخة كاملة : اثبت مصريتك



dieselman
26-11-2006, 01:06 PM
من هو المصري
المصرى هو اللى :

ممكن يعدي التلاتين ولسه عايش مع أمه وأبوه وماعندهومش مشكلة.

يشخص المرض ويوصفلك الدوا وبيفهم في النقاشة والكهربا وتصليح العربيات
والطبيخ والسياسة والكورة وهو أبيض ياورد.

بيحط الريموت كونترول في كيس بلاستيك كعادة فرعونية.

يقف يتكلم على الباب نص ساعة بعد إنتهاء الزيارة والسلام.

لمّا تفتح نملية المطبخ هتلاقي عنده عشرين برطمان بتاع مربى فاضي
بقالهم سنين ومازال مُصِر على جمع المزيد

ييجي بعد معاده بساعتين ويفتكر إن ده عادي.

لسه عنده إصرار إنه يتكلم بصوت عالي في التليفون لما تكون المكالمة
دولية عشان التاني يسمعه.

بيعتبر نفسه أفضل واحد في الشرا والفصال وبعد كده يكتشف إن الحاجة في
المحل اللي جنبه أرخص من غير فصال.

بيحتفظ بأكياس محلات اللبس والأحذية وورق الهدايا تحت مرتبة السرير
لسنوات ومابيستخدمهاش.

بيشتري قبل الفطار في رمضان مواد إستهلاكية أصلا موجود عنده في البيت
لسه ماستخدمهاش

بيكون عنده شواية لزوم الرحلات أقصى استخدام لها كان مرة واحدة في
العيد.

بيفتكر إن أي حد بيشتغل في الخليج بيغرف فلوس من غير حساب.

بيكون مشغول بقيمة التيبس أو البقشيش طول العشا ياترى ربع جنيه ولا نص
جنيه.
برده بيتخانق ساعة دفع الحساب بحرارة شديدة على إنه هو اللي لازم
يدفع.

بيفرش ملاية سرير على طقم الأنتريه عشان يفضل نضيف لما ييجي ضيوف
ومابيشيلهاش لما ييجو


فهل انت مصري؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟ ؟؟؟؟؟؟؟:2:

بنت العروبة
26-11-2006, 02:10 PM
هههههههههههههههههههه
بجد موضوع جامد جدا يا dieselman
انا ما كنتش عارفة اكملة من كتر ما انا بضحك
و اهلا بيك معانا فى المنتدى
فى انتظار المزيد

بنت العروبة
26-11-2006, 02:18 PM
اعملوا نفسكم مش واخدين بالكم من كل المشاركات
ههههههههههههه

dieselman
26-11-2006, 02:32 PM
انا مصري وابويااااااااااااااااا مصري
اثبت مصريتي

بنت العروبة
26-11-2006, 02:32 PM
اسفة جدا
انا فى غاية الخجل

بنت العروبة
26-11-2006, 02:34 PM
مشاركة مكررة اسفة يا جماعة السيفر جننى

florensa
26-11-2006, 06:43 PM
السلام عليكم ورحمة الله وبركاتة
ههههههههههههههههههههههههه
بجد يعنى مش عارفة اقولك اية بس المواضيع دى كانت من زمان
مظنش انها كتير دلوقتى
اما عن غرف الفلوس فى الخليج فا دى صحيحة يعنى محدش بيكدب فيها
اما عن مصر فاانا مصرية
الحمدلله على نعمة العقل

mr_virus
26-11-2006, 07:52 PM
هههههههههههههههههههه
اهلا بيك وسطنا

(هدهد)
27-11-2006, 12:11 AM
السؤال هو
هل انت نفسك مصرى؟؟؟؟؟؟؟؟؟

انا عن نفسى الى الان
مصرى
الله اعلم هغير ولا لاء
عامه اطير شويه وجى
وررررررررررررررررررررررررررررررررررر

mido_0a0
27-11-2006, 08:34 AM
انا مصري وابويا مصري

dieselman
29-11-2006, 01:36 AM
انا مصررررررررررررري وابويا مصري


Photo Gallery