المساعد الشخصي الرقمي

مشاهدة النسخة كاملة : في شوارع القاهرة.. "تتجوزيني" ياهانيا



نوسة
21-11-2006, 07:18 AM
القاهرة - مريهان عبد المجيد-عيون المشاهد/ 14-11-2006

http://www.br2h.com/up/uploads/3186cd22c0.jpg


لافتة هانيا
"دى إيه حكايتها دى كل شوية الناس تيجى تقف تتفرج و تصورها بالموبايلات؟ -ده بيقولوا واحد دفع 35 ألف جنيه عشان يحطها هنا! دا أنا ممكن يدينى الفلوس دى وأنا أشيله - اللافتة - فوق دماغى و ألف بيها شوارع مصر"

هذه الكلمات العفوية البسيطة قالها حارس عقار هاله تواجد إعلان كبير مضيء بشارع وزارة الزراعة في منطقة الدقي وسط القاهرة فيه شعر وكلام مسجوع باللغة الإنجليزية من شخص ما لحبيبته، ويحتل اسم الحبيبة"هانيا" الخمس الأعلى من الإعلان، كما وحمل إعلان أخر أعلى كوبري المنيب بالجيزة أعلانا أضخم لنفس الشخص وعليه "تتجوزيني" بخلفية مليئة بالورود و على اليمين يدان متشابكتان.

http://www.br2h.com/up/uploads/e375159309.jpg

تتجوزيني ياهانيا
المهم بعد ما شفت الإعلانين قلت أكيد إحساس حلو أنك تلاق واحد عايز يروح للعالم كله ويقوله أنه بيحبك وعايز يجوزك لأ ومش كدة وبس ودافع في الإعلان 35 ألف جنية مصري...

فكرت مع نفسي وقلت: الله الرومانسية دي حاجة جميلة قوي..بس يا ترى لو كان جبلي عربية بدلها هكون مبسوطة أكثر ولا إحساسي باللحظة الرومانسية أفضل.. أنا بكلمكم بصراحة يعني، وأعدت أسأل هل لحظات الرومانسية اليومين دول بقت مكلفة كدة، وهل المقاسي اللي بتجرى حولنا خلتنا بنحقر أو بنستهيف أي طريقة للتعبير عن المشاعر..

المهم عرفت أن "مجنون هانيا" بيشتغل في شركة إعلانات وهم عاملوا له خصم على الإعلان كبير قوي فيدوبك دفع حق تكلفة الطباعة..يعني حسبها برده " هذا نقلا عن أحد المدونين شريف

منقول من اسلام اون لاين

osha
21-11-2006, 07:24 AM
مش عارفة ليه الفكرة دي فكرتني بفيلم السلم والتعبان بتاع هاني سلامة وحلا شيحا
افتكر برضه انه تحايل على المدير بتاعه - طارق التلمساني - عشان يوافق على اقراضه لوحة الاعلانات بصالح بيها حبيبته
بس طريقة رومانسية اوي اوي
ياريت بقى يعمل دعوات الفرح على لوحات اعلانية والدعوة تكون للجميع
وينزل مقاطع فيديو من الفرح على لوحات الاعلانات اللي بتشتغل فيديو في المهندسين
هههههههههههههه
شكرا على الخبر الطريف يا نوسة وربنا يهدي

سـيف الديـن
21-11-2006, 07:54 AM
الموضوع ده كان فيه تقرير اخبارى مفصل عنه عرضه عمرو اديب فى برنامجه القاهرة اليوم
فيه يفط منها فى اماكن مكلفة واسعارها غالية وكمان يفط مضيئة بأحجام كبيرة جدا

ممكن تكون هانيا عند حبيبها تستحق اكتر من كده
وممكن يكون حبه ليها اكبر من كده
الحب ميعرفش تكلفة وكل تكلفة تهون من اجل عودة الحبيب
ويمكن بنات كتير تتمنى انها تكون هانيا

الخوف ان كل بنت تسيب خطيبها وتقوله مشهرجعلك الا لما تعلقلى يافطة :d

خبر طريف والفعل اطرف

شكرا يا اخت نوسة

emerald
21-11-2006, 09:11 AM
السلام عليكم

هيا فكرة حلوة يا نوسة.. :l2: .. بس لا زم حبيب هانيا كان حاصل على خصم كبير جدا جدا جدا.......:nooo:


بس هيا حركة لذيذة يعني.. على الله تكون هانيا شافتها وما راحت فشوش..

شكرا لك يا نوسة.. على الموضوع الطريف..:f2:

amak_77
21-11-2006, 10:39 AM
الله يا نوسه
حاجة جميلة جدا جدا
انا كنت اعرف واحد كان هيمعمل حاجة زي كدا
بس مش كدا بالضبط
كان هيعزمها عن طريق شركة اعلانات في مكان هيه بتحبة اوي
في جرين بلازا تقريبا
و كان هيعلق في كل حته يفط قماش جميلة باسمها
وبعض الكلمات الشاعرية الي بتحبها من بعض الاغاني الي كانو بيسمعوها مع بعض
كان هيخلي المطعم خالص عشان تبقى لوحدها

و يشغل موسيقى و مرة واحدة وهيه بتشوف المينو يقوم مشغل بحبك يا فلانه تتجوزي
و تشوف نفس الكلام مكتوب في المينيو في نفس الوقت

بس نصيبة بقى انهم اتفرقوا
ملحقش يعمل حاجة

بس جميلة اوي الفكرة دي و بيتيهالي الي يعمل اعلان زي ده
اكيد هيكون قادر يحيب لزوجته عربية لما يتجوزوا
مش مشكلة يعني الحكايه دي
الا بقى لو كانت حيلته من الدنيا كلها ال سبعين الف الي عمل بيهم الاعلان

شكرا يا نوسه على الموضوع الرائع

zizoYAzizo
21-11-2006, 10:56 AM
مش بعيد يكون اعلان سمنه اسمها هنيا :d عاملى اعلان الواحد ب 35.000 جنيه

طيب انا ممكن اعملها استيكرات والزقها على الاتوبيسات والزق الاستيكر على كشكول الطالب و 48 تيكت

بجنيه ههههههههههههههههه

تسلم ايدك يانوسه وربنا يهدى

bedo_ic
21-11-2006, 11:14 AM
ده اسمه واحد فاضى او مجنون عاطفى ... او حاسس بفراغ
او عايز يلفت الانتباه ليه او ليها
وعلى العموم اكيد ممكن يطلع بعد كده فىالتليفزيون ويبقى مشهور على حساب هنيا
تحياتى
بيدووووووووووووو

Amira
21-11-2006, 11:23 AM
أنا لو مكان الأخت هانيا مش هاوافق - لأنه يوم ما هايتخانقو مش بعيد تلاقيه عاملها نفس الافتة و كاتبلها "طلقيني يا هانيا" وسط الشارع" :d

لكن الحكاية دي لو جد فعلا يبقي الأخ مجنون هانيا ده :stpd:


كان هيعزمها عن طريق شركة اعلانات في مكان هيه بتحبة اوي
في جرين بلازا تقريبا
و كان هيعلق في كل حته يفط قماش جميلة باسمها
وبعض الكلمات الشاعرية الي بتحبها من بعض الاغاني الي كانو بيسمعوها مع بعض
كان هيخلي المطعم خالص عشان تبقى لوحدها

و يشغل موسيقى و مرة واحدة وهيه بتشوف المينو يقوم مشغل بحبك يا فلانه تتجوزي
و تشوف نفس الكلام مكتوب في المينيو في نفس الوقت

أنا الفيلم دا شفته فين قبل كدا :d

ضحكتينا يا نوسة علي الصبح :f:

amak_77
21-11-2006, 02:23 PM
أنا الفيلم دا شفته فين قبل كدا :d


ليه يا بنتي و الله مش فيلم :ranting2:
كان هيعمل كدا بس محصلش ظروف بقى :h:
مش عارف هوه شافها في فيلم ولا لأ
بس اعتقد انه مظهرتش في فيلم الحاجة دي قبل كدا
و اعتقد انها اختراعه و عجبتني اوي:good:

ندى الايام
21-11-2006, 03:31 PM
تتجوزيني ياهانيا
يا خوفى يا نوسه هانيا دى تطلع ست عجوزه وهو داخل على طمع اصلى مش مصدقه انى فى حد رقيق اوى كده هههههههههههه

لأنه يوم ما هايتخانقو مش بعيد تلاقيه عاملها نفس الافتة و كاتبلها "طلقيني يا هانيا" وسط الشارع
والله يعملها ما هو كده كده دماغه لسعه ههههههههه

و كان هيعلق في كل حته يفط قماش جميلة باسمها
وبعض الكلمات الشاعرية الي بتحبها من بعض الاغاني الي كانو بيسمعوها مع بعض
كان هيخلي المطعم خالص عشان تبقى لوحدها

و يشغل موسيقى و مرة واحدة وهيه بتشوف المينو يقوم مشغل بحبك يا فلانه تتجوزي
و تشوف نفس الكلام مكتوب في المينيو في نفس الوقت
تاريرررررررررررررررررررررا رااااااااااااااااااااااااااااااااااااا ههههههههههه والله مش مصدقه انى فى ناس كده

شكرا يا نوسه على الموضوع الجميل ده

نوسة
22-11-2006, 12:51 PM
مش عارفة ليه الفكرة دي فكرتني بفيلم السلم والتعبان بتاع هاني سلامة وحلا شيحا
افتكر برضه انه تحايل على المدير بتاعه - طارق التلمساني - عشان يوافق على اقراضه لوحة الاعلانات بصالح بيها حبيبته
بس طريقة رومانسية اوي اوي
ياريت بقى يعمل دعوات الفرح على لوحات اعلانية والدعوة تكون للجميع
وينزل مقاطع فيديو من الفرح على لوحات الاعلانات اللي بتشتغل فيديو في المهندسين
هههههههههههههه
شكرا على الخبر الطريف يا نوسة وربنا يهدي


اهلا اهلا يا اؤش اؤش

بصراحة هى فكرة جميلة ومجنونة ههههههههههههههههه عجبتنى لانها رومانسية اوى

اوى وهتلاقيها بعد شوية منتشرة

اما بقى عن مقاطع الفيدو فكرتينى فى كاس العالم واحدة هنا فى مصر عملت شاشات

عرض للماتشات لانها عندها اشتراك وقالت خلى الناس تتفرج با العند فى الحج صالح

شكرا لمرورك الجميل يا اوشا

تحياتى اليك

نوسة
22-11-2006, 01:37 PM
الموضوع ده كان فيه تقرير اخبارى مفصل عنه عرضه عمرو اديب فى برنامجه القاهرة اليوم
فيه يفط منها فى اماكن مكلفة واسعارها غالية وكمان يفط مضيئة بأحجام كبيرة جدا

ممكن تكون هانيا عند حبيبها تستحق اكتر من كده
وممكن يكون حبه ليها اكبر من كده
الحب ميعرفش تكلفة وكل تكلفة تهون من اجل عودة الحبيب
ويمكن بنات كتير تتمنى انها تكون هانيا

الخوف ان كل بنت تسيب خطيبها وتقوله مشهرجعلك الا لما تعلقلى يافطة :d

خبر طريف والفعل اطرف

شكرا يا اخت نوسة


اهلا اهلا يا سيف الدين

انا لو كنت اعرف ان عمرو اديب هيتكلم عليها كنت اتفرجت انا قريتها فى اسلام اون لاين

وضحكت جدا وعجبتنى بصراحة

واكيد هو فعلا بيحبها وبجنون كمان

ومش الخوف ان كل بنت تعملها طبعا الحاجات دى ليها مستويات معينة وطبقة معينة

اكيد هتلاقيها منتشرة بينهم وربنا يرحمنا من شر التقليعات والتقليد

شكرا ليك يا سيف والاجمل واطرف هو مرورك الجميل

تحياتى اليك

zaatota2007
23-11-2006, 01:35 AM
الله على مجنون هانيا
شيفين الرومنسية يا سلااااااااااااام تعرفوا ان برة الواحد بيفكر كتير قوى فى الطريقة اللى هيطلب بيها ايد حبيبته.
انا منكرش ان الفكرة لذيذة ... بس حرام الفلوس..... اينعم فكرة روشة بس حرام الفلوس فعلا .... 70000 علشان يطلب ايديها و الشبكة تبقى بكام و الفرح .... بس الحركة جامدة بس ربنا يستر فعلا ومتبأش موضة بين الطبقة العليا و حسرة بين الطبقة الدنيا

اماك صاحبك الرومنسى دة لسة ناوى يتجوز ولا اقلع عن الفكرة ... احنا فى الخدمة بردوا ههههههههههه
شكرا يا نوسة رغم ان الصور مظهرتش عندى بس الموضوع مش محتاج صور

نوسة
23-11-2006, 08:26 PM
السلام عليكم

هيا فكرة حلوة يا نوسة.. :l2: .. بس لا زم حبيب هانيا كان حاصل على خصم كبير جدا جدا جدا.......:nooo:


بس هيا حركة لذيذة يعني.. على الله تكون هانيا شافتها وما راحت فشوش..

شكرا لك يا نوسة.. على الموضوع الطريف..:f2:


اهلا اهلا يا اميرالد

هى طبعا فكرة حلوة ويارب تكون شافتها او حد بلغها بس اذا كانت مصر كلها عرفت هى

مش هتعرف ههههههههههههههههههههههه

شكرا لمرورك الجميل وعلى فكرة انا رديت عليكى فى 3اياااااااام وكل مرة اكتر من مرة

وميطلعش الرد السيرفر جننى


تحياتى اليك

نوسة
23-11-2006, 08:32 PM
السلام عليكم

هيا فكرة حلوة يا نوسة.. :l2: .. بس لا زم حبيب هانيا كان حاصل على خصم كبير جدا جدا جدا.......:nooo:


بس هيا حركة لذيذة يعني.. على الله تكون هانيا شافتها وما راحت فشوش..

شكرا لك يا نوسة.. على الموضوع الطريف..:f2:


اهلا اهلا يا اميرالد

هى طبعا فكرة حلوة ويارب تكون شافتها او حد بلغها بس اذا كانت مصر كلها عرفت هى

مش هتعرف ههههههههههههههههههههههه

شكرا لمرورك الجميل وعلى فكرة انا رديت عليكى فى 3اياااااااام وكل مرة اكتر من مرة

وميطلعش الرد السيرفر جننى


تحياتى اليك

amak_77
23-11-2006, 08:36 PM
تاريرررررررررررررررررررررا رااااااااااااااااااااااااااااااااااااا ههههههههههه والله مش مصدقه انى فى ناس كده

اه و الله يا ندي في ناس كدا كتيييير


صاحبك الرومنسى دة لسة ناوى يتجوز ولا اقلع عن الفكرة ... احنا فى الخدمة بردوا ههههههههههه
شكرا يا نوسة رغم ان الصور مظهرتش عندى بس الموضوع مش محتاج صور

هههههههههههههههههههههههههههههههههه
ايوة لسه موجود فاضي يا زئتوتا
بس مش عاررف بقة ظروفه ايه
هساله ليكي و يا بخت من وفق راسين في الحلال

ولا ايه يا نوسه معلش برد معاكي

تمرحنة
26-11-2006, 01:55 AM
شكرا يا نوسه على الموضوع الرائع

صحيح الخوف ان كل بنت تسيب خطيبها وتقوله مشهرجعلك الا لما تعلقلى يافطة


Photo Gallery