المساعد الشخصي الرقمي

مشاهدة النسخة كاملة : " ســـر الطبخـــة".. أسرار الوصفات المستخبية بقلم / شاعر الرومانسية



الصفحات : [1] 2 3

شاعر الرومانسية
20-11-2006, 04:56 AM
كلنا ممكن نكون بنطبخ زى بعض..
او بطرق متقاربة:2:

بس كل واحد ..
بيبقى له حاجة خاصة به فى وصفته

وكل طبخة
بيبقى ليها ترّكة .. او سر خاص لصانعها

وممكن دة اللى بنقول علية بالبلدى " النفس ":good:

حبيت افرد الموضوع دة ..
عشان نقول فية سر وصفات كل واحد فينا

طبيخ / حلويات / عجائن /............... الخ

مش حنوصف الوصفات العادية المعروفة
حنقول بس السر او الجزئية ...
اللى بتدى الطعم الخاص والمميز لوصفة معينة

اللى عندة سر يقوله..
واللى عندة طلب لسر وصفة معينة يطلبة

واللى محتاج بقية الوصفة بقى ..
عنده شيفنا العزيز بودا وموضوعة القيم ..:good:
اطلب اى وصفة تلاقيها قدامك


مع تمنياتى للجميع ..
بطبخات ووصفات .. ذات اسرار ونكهات خاصة :h:

مع أطيب تحياتى ،،،:f:

emerald
20-11-2006, 08:01 AM
السلام عليكم

فكرة حلوة يا شاعر الرومنسية..

ان شاء الله اكون من المتابعين للموضوع.:2:

بارك الله فيك.

ليلة عشق
20-11-2006, 08:24 AM
الأخ الفاضل شاعر الرومانسية

تسجيل حضور ومتابعة باذن الله ....
لك خالص الشكر والتقدير .....

تحياتي
ليلة عشق

أم أحمد
20-11-2006, 10:11 AM
يا صباح الاسرار الحربية ههههههه
قصدي الاسرار المطبخية :good:
يا سيدي علي حلاوة الافكار الجهنمية
في انتظار اول سر في خلطة الاطعمة الشهية
شاعر الرومانسية تسجيل حضور ومتابعة
تحياتي وتقديري

jemmy
20-11-2006, 03:27 PM
خيااااااااااااااااااااااااااانه

خيانه عظمى من حبيب قلبى واخويا شاعر الرومانسيه

ايه ده بقى احنا مش اتفقنا على المشروع بتاعنا وسر الخلطه بتاعتنا

جاي تنشرها على الملئ فى موضوع كده برضه يا شاعر

حبيبى شاعر الرومانسيه

موضوع جميل وشيق

على فكره انا الحمد لله شيف تمام فى المطبخ

وبصراحه انا بحب استعمل جوزه الطيب والحبهان فى معظم اكلاتى

وعلى فكره فى سر خطير بقى احب اقولهولك هنا عشان انت حبيبى

يا سلام لو تفرم حوالى 20 جرام من( الليه بتاعه الخروف )اثناء تحميرك البصله

لاي اكله بيدخل فيها صلصه الطماطم

وماتقولش لعدوك عليها بقى واي خدمات

مع تمنياتى للجميع بالتوفيق

*174*

شاعر الرومانسية
21-11-2006, 03:24 AM
السلام عليكم

فكرة حلوة يا شاعر الرومنسية..

ان شاء الله اكون من المتابعين للموضوع.:2:

بارك الله فيك.



اهلا بيك .. emerald

سعدت باعجابك بالفكرة...

ولا نريدك من المتابعين من بعيد لبعيد...
ولكن من المشاركين فيها ان شاء الله


مع اطيب وارق تحياتى،،،:f:

شاعر الرومانسية
21-11-2006, 03:35 AM
الأخ الفاضل شاعر الرومانسية

تسجيل حضور ومتابعة باذن الله ....
لك خالص الشكر والتقدير .....

تحياتي
ليلة عشق


ليلة عشق العزيزة..
اهلا بك بمطبخنا العامر ..
واهلا بك بقاعة ارسرار:2:


منتظرين اسرارك المطبخية يا استاذة:good:


تقبلى خالص تحياتى،،،:f:

شاعر الرومانسية
21-11-2006, 03:45 AM
يا صباح الاسرار الحربية ههههههه
قصدي الاسرار المطبخية :good:
يا سيدي علي حلاوة الافكار الجهنمية
في انتظار اول سر في خلطة الاطعمة الشهية
شاعر الرومانسية تسجيل حضور ومتابعة
تحياتي وتقديري



جميل والله يا عزيزتى .. ام احمد

انتى كمان بتزجلى ( بتكتبى زجل ...:good: )

شكرا يا فندم .. على كلماتك الجميلة..
وعلى تثبيت الموضوع
والله ندعو ان يوفقنا لكشف جميع الاسرار:2:

اختى الكريمة
تقبلى خالص مودتى .. وعظيم تقديرى،،،:f:

fencer
21-11-2006, 04:49 PM
و الله فكرة حاوة يا رومانسي
اتمنى ترد عليا المرة دي وما تطنش زي العادة

sea horse
22-11-2006, 08:09 AM
العزيز شاعرنا الجميل
ايوه كده الافكار اللوزعية علشان ينشط المطبخ اللى نام من بعد رمضان
تحية كبيره اوى للموضوع الشيق
بس انت ماقلتش اى سر ؟؟؟
و تحية لسر العزيز جيمى
فعلا جوزة الطيب و الليه الضانى من الاسرار الحربية
:good:
صباح الفل
:eat:

أم أحمد
22-11-2006, 10:31 AM
احنا هنستني كده كتير ولا ايه
فين الاسرار الجهنمية
مستنية انا اي فكرة
عشان اطبخ بقي هههه
ايه يا شاعر الرومانسة
انت نسيت الاسرار ولا ايه

NANANADER707
22-11-2006, 10:36 AM
بسم الله الرحمن الرحيم
اسعد الله صباحك الله صباحك بكل خير اخى الفاضل شاعر الرومانسيه
وان شاء الله اكون من المتابعين لهذا الموضوع ونعرف منك اسرار كثيرة
بارك الله فيك ( والدال على الخير كفاعله)

شاعر الرومانسية
22-11-2006, 11:14 AM
اعتذر اخوانى الاحباء لتأخرى ..
مش حقولكوا زى جلال علام ..
كنت بدورلكوا على الجديد ورحت امريكا... وطلعت على اليابان ..ونزلت على الهند
لالالالا
انا فعلا كنت مشغول ومدخلتش اليومين اللى فاتوا

معلش النوبة :2:

شاعر الرومانسية
22-11-2006, 11:17 AM
اخى الكريم .. جيمى

خيانة لية بس يا باشا
دى حاجة ودى حاجة ..
انا معاك قلتلك قلبا وقالبا...


بالنسبة لموضوع اللية دة فهلا جامد جدا
وله تأثيرة - ولو بكمية صغيرة - فى الطعم
خاصة الطواجن .. وخصوصا البامية
شكرا لاولى اسرارك ياغالى..

ومنتظرين المزيد...

تقبلى اخلص امنياتى،،،:f:

شاعر الرومانسية
22-11-2006, 11:21 AM
و الله فكرة حاوة يا رومانسي
اتمنى ترد عليا المرة دي وما تطنش زي العادة



عزيزى الغالى .. فنسر

انا مقدرش يا باشا والله اطنشك
ولو دة حصل مرة .. يبقى اكيد بدون قصد:fartnew:

شكرا لمرورك ...
واكيد عندك اسرار يا غالى انت وعزيزتنا اوشا..
ومش حتحرمونا منها


منتظرررررررررررررررين اسرار المطبخ الامريكى:good:


تقبل ارق تحياتى،،،:f:

شاعر الرومانسية
22-11-2006, 11:26 AM
العزيز شاعرنا الجميل
ايوه كده الافكار اللوزعية علشان ينشط المطبخ اللى نام من بعد رمضان
تحية كبيره اوى للموضوع الشيق
بس انت ماقلتش اى سر ؟؟؟
و تحية لسر العزيز جيمى
فعلا جوزة الطيب و الليه الضانى من الاسرار الحربية
:good:
صباح الفل
:eat:



منور الدنيا كلها يا شيف...سى هورس


بس يا شريكى العزيز مش لقتنى اتأخرت ...
كنت تقص الشريط انت وتبدأ باولى اسرارك
مش احنا واحد والا اية..:good:

دة انا اخوك الصغير فى عالم المطبخ:2:

احلى صباح لاحلى شيف :f:

شاعر الرومانسية
22-11-2006, 01:08 PM
احنا هنستني كده كتير ولا ايه
فين الاسرار الجهنمية
مستنية انا اي فكرة
عشان اطبخ بقي هههه
ايه يا شاعر الرومانسة
انت نسيت الاسرار ولا ايه


اهلا بيكى مرة تانية أم أحمد

والله انشغلت امبارح ومدخلتش خالص
وكمان النت كان سىء للغاية:ranting2:
وكمان السرفر بيقولى مزدحم كتيررررررررررررررر:@


وجارى تنزيل الاسرار تباعا يا فندم

:download:


تقبلى من خالص تحياتى،،،:f:

شاعر الرومانسية
22-11-2006, 05:07 PM
بما ان استاذنا العزيز .. جيمى
بدأ وجاب سيرة اللية ودورها فى اكساب الصلصات والطواجن طعم مميز ..
وطبعا البامية تأتى على راس الطواجن


يبقى نقول سر طاجن البامية

اولا ..
يتم تشويح البامية فى شوية سمنة صغيرة مع فص مستكة
ورشها اثناء التشويح برشة قرفة مع رشتين كسبرة ناشفة

ثانيا..
بعد اتباع الطرق العادية فى عمل الصلصة (بصل مع توم )
وقبل السوا ..مع اخر غلوة يعنى..
نحط التحديقة المعتبرة ( توم مع كسبرة ناشفة مع فلفل اسمر )
وممكن طبعا نضيف فلفل اخضر حامى مفروم لهواة المشطشط:2:

يدوبك غلوة واحد عشان التوم بيبان طعمة اكتر وهو نى
وطبعا مع عصير الليمون
والف هنا وشفا:good:

وعلى الفكرة التحديقة دى انا ممكن نحطها مع انواع طبيخ تانية.. زى

الفاصوليا الخضرا ... البسلة


والى اللقاء مع اسرار جديدة...

للجميع اطيب تحياتى،،،:f:

hamiss
23-11-2006, 06:17 AM
صباح الخير ياأهل الدار..:2:

فكرة الموضوع حلوة اوى شاعر الرومانسية .. تسلم الافكار الجهنمية ديه:good:

وبما انى ماليش فى التسبيك والشطة واللية والوصفات القوية دى :@

فاسرار طبخاتى محدودة لانى تبع طريقة الوصفات السهلة والمذاق اللذيذ ..:y:

اول الاسرار فى عمل البانيه ..

ـــ وهو ان نضع قليل من اللبن مع البيض الذى يوضع قبل البقسماط

ـــ وايضا نضع مع البقسماط قليل من البكنج بودر وطبعا على حسب كمية البقسماط المستعملة فيمكن ان يكون لكل كوب بقسماط ملعقة شاى بيكنج بودر وخلطهم باليد جيداً قبل الاستعمال

ـــ ويجب بعد وضع البيض والبقسماط سواء على اللحم او صدور الفراخ ان نضعهم فى الثلاجة وقت لايقل عن التلت ساعة

كل هذه الخطوات السابقة تجعل البانية متماسك على اللحم او صدور الفراخ بدون تفكيك وله طعم رائع ولذيذ:hey:

والى لقاء آخر للكشف عن اسرار مطبخية جديدة:eat:

سلام:f:

شاعر الرومانسية
24-11-2006, 05:27 AM
اهلا بيك هاميس..

منورة الموضوع ..والمطبخ كله

ايوة كدة طلعيلنا من جعبتك...
شوية من اسرارك المطبخية الدفينة:2:

مهم اوى فعى انك تحطى البانية نص ساعة او ساعة فى التلاجة قبل القلى ..
وياريت كمان فى الفريزر وتقلى فى زيت غزير

كمان ممكن نضيف على البيض واللبن زبادى ومعلقة خل ونص ليمون ومعلقة صلصة
ونضرب كله فى الخلاط ونتبل الفراخ البانية فيها لمدة ساعتين
دى بتدى طعم هايل وانا مجربها

اهلا بك دايما مع اسرارك ...:good:
اللى مش حتبقى اسرار هنا:2:

تقبلى اطيب تحياتى ،،، :f:

osha
24-11-2006, 05:40 AM
يا مساء الورد على الجميع
حلو اوي حكاية الطبخ واسراره
انا عن نفسي اهم حاجة باعملها عامة في كل الطبيخ هو قدح السمن جيدا - الامردا بيخف الحموضة بعد الاكل
حلويا حسن الموضوع وانا متابعة

sea horse
25-11-2006, 08:43 AM
و الله يا ابو على معاك عالخط
بس السيرفر فعلا بقى يزهق من كتر المحاولات
معلش ....
لاجل المطبخ نستحمل السيرفر
صباح الفل
:eat:

بنت شهريار
26-11-2006, 05:08 AM
الله الله الله
ايوا كداااااا خلى المستخبى يبان
اهلا بيك ياشاعرنااااااا
يامجوعنا من قبل مانبدا
منتظرين الجديد
تسلم ايدك
ارق تحياتى وتقديرى

hamiss
27-11-2006, 05:30 AM
أهلاً بيك شاعر الرومانسية:2:

ده نورك والله ونور مطبخك كمان:good:

سر كدة بسرعة :plane:

نضع قليل من الملح اثناء ضرب البيض فى الخلاط لعمل الكيك وده بيخلي البيض يعلى ويزيد اكتر واكتر:hop:

سلام:f:

شاعر الرومانسية
27-11-2006, 07:45 PM
يا مساء الورد على الجميع
حلو اوي حكاية الطبخ واسراره
انا عن نفسي اهم حاجة باعملها عامة في كل الطبيخ هو قدح السمن جيدا - الامردا بيخف الحموضة بعد الاكل
حلويا حسن الموضوع وانا متابعة


العزيزة .. اوشا

فينك يا فندم من زماااااااااااااااااااااااااان

منورة المطبخ ... واسراره:2:

دا انا قلت انك حتهرينا اسرار طبخ والذى منه ...:good:

بالنسبة لقدح السمن ...

اعتقد ان دة بيساعد على تطاير بعد المواد منه ..
واللى بيساعد على عدم حدوث الحموضة

دة بالمعلومات الفزيقية والمعملية ...
مش خبرة مطبخية يعنى:fartnew:

وبعدين فين عزيزن الغالى ابو الفناسر
قعد يقولى بتطنشنى بتطنشنى .. وهو الى راح وطمنشنا :@


شكرا لمرورك ... واسرارك ..
ومنتظرينك مشاركة ... مش مجرد متابعة يا استاذة:hop:



تقبى خالص تحياتى،،،:f:

شاعر الرومانسية
27-11-2006, 08:10 PM
و الله يا ابو على معاك عالخط
بس السيرفر فعلا بقى يزهق من كتر المحاولات
معلش ....
لاجل المطبخ نستحمل السيرفر
صباح الفل
:eat:


معلش ياعزيزى ...
خليك وراااااااااااه:plane:


فين اسرارك يا شيييييييييييييييييييييف:2:


اجمل تحياتى ياغالى،،،:f:

osha
28-11-2006, 05:30 AM
والله يا حسن اول ما قررت اشارك في الموضوع دا لقيت كل النصائح طارت من دماغي زي ما تطايرت بعض المواد بسبب قدح المادة الدهنية!!
بس وعد اني اعود بقوة الى قاعة المطبخ حيث أثبتت كل التجارب أنها الأأمن على الاطلاق :stpd:

الدكتورة نسيبة
29-11-2006, 05:23 PM
ما شاء الله ما شاء الله

ايه الجمال والحلاوة دى كلها بجد موضوع تحفة جداااااااااا وفكرته حلوة وجديدة

تسلم ايدك يا استاذ حسن وفى انتظار جديدك واسرار باقى الاعضاء

sea horse
01-12-2006, 07:47 AM
صباح الفل يا مطبخ الكل
سر عالماشى لاحلى محشى كرنب
يكون عندك حتة ليه ضانى فى الفريزر
ولما نيجى نعمل المحشى
نطلعها و نبشر منها حته صغيره بالمبشره على الخلطة
و نرجعها تانى الفريزر
هاتفرق اوى .........
صباح الفل
:eat:

شاعر الرومانسية
02-12-2006, 03:20 AM
الله الله الله
ايوا كداااااا خلى المستخبى يبان
اهلا بيك ياشاعرنااااااا
يامجوعنا من قبل مانبدا
منتظرين الجديد
تسلم ايدك
ارق تحياتى وتقديرى




عبيررررر
اهلا بيكى فى مطبخنا .. وبين اسرارنا :good:

بس انا عمرى ما اقدر اجوعكوا يافندم:2:

يلا عاوزين من حضرتك اهم اسرار المطبخ الدمياطى
من سمك والصيادية وجمبرى وخلافه

اهلا بيكى دايما معانا ...

وليكى اجمل تحية،،،:f:

شاعر الرومانسية
04-12-2006, 04:09 AM
والله يا حسن اول ما قررت اشارك في الموضوع دا لقيت كل النصائح طارت من دماغي زي ما تطايرت بعض المواد بسبب قدح المادة الدهنية!!
بس وعد اني اعود بقوة الى قاعة المطبخ حيث أثبتت كل التجارب أنها الأأمن على الاطلاق :stpd:



لالالالالالالالالالالا
عذر غير مقبول يافندم


منتظرينك على احر من البوتجاز ههههههههههه
قصدى احر من الجمر


وسلامنا الى عزيزنا ... حسام
اللى مطنشنا:2:


تحياتى لجميع الاسرة :f:

شاعر الرومانسية
04-12-2006, 04:25 AM
ما شاء الله ما شاء الله

ايه الجمال والحلاوة دى كلها بجد موضوع تحفة جداااااااااا وفكرته حلوة وجديدة

تسلم ايدك يا استاذ حسن وفى انتظار جديدك واسرار باقى الاعضاء



دكتورتنا العزيزة
اهلا وسهلا بيكى ... منورانا والله:good:


ومنتظرين تواجدك ومشاركاتك طبعا


حتى لو باسرار من مطبخ الغالية ماما:2:


تحياتى يا نسيبة ،،،:f:

شاعر الرومانسية
04-12-2006, 04:39 AM
اعزائى الكرام....

انهاردة حنقول سر جديد من اسرار وصفاتنا


طبعا فى البرد دة كلنا بنحب طبق الشوربة السخنة

خصوصا شوربة الخضار المشكل:good:


اولا .. انا بشوح الخضار الطازة المقطع فى معلقه زبدة مع فص مستكه
ومعاه قطع الكرفس واكمل الشوربة عادى

وبعدين بعمل تتبيلة زى تقلية الملوخية .. ( معلقة توم مدقوق مع فلفل اسمر وشوية كسبرة ناشفة )
واحمرها فى السمنة واضيفها على الشوربة بعد السوا .. اما فى الحلة ..او فى طبق الشوربة الرئيسى
بتدى طعم ونكهه لذيذة جدااا للشوربة


جربوها .. وادعولى:2:


واشوفكم تانى ... فى سر جديد:plane:


للجميع ارق واطيب تحياتى ،،، :f2:

emerald
04-12-2006, 10:03 AM
السلام عليكم

كل الاسرار حلوة..

لذيذ اخر سر يا شاعر الرومنسية..:eat:

من غير ما نجرب شكلها شئ خطير والله..:hey:

شكرا لك عى السر..*162*


بارك الله فيك.

osha
05-12-2006, 03:48 AM
يا باشا مانقدرش نتأخر على المطبخ الا الزباين تجوع وتطفش

سر النهارده بقى عشان المكرونة اللي باحبها بكل اشكالها وانواعها وبكل الطرق الممكنة
بعض الناس بتشتكي من ان المكرونة بتعجن اثناء السلق
حل هذه المشكلة من جزئين
اولا كمية الملح اللي بتوضع في الماء لازم تكون كافية وافتكر ان العيار بيكون موجود على علبة المكرونة
وياريت لو سي هورس يأكد لي الجزئية دي - اصل موضوع العيار بتاع الملح هو عارفه كويس

ثانيا بقى وهو الاهم في نظري
درجة حرارة النار
النار لو عالية اثناء سلق المكرونة اللي حيحصل انها حتستوي من بره وحتفضل ناشفة من القلب وبالتالي حنسيبها على النار فترة اطول من اللازم وكده يبقى ضمنا التعجين والعياذ بالله
الحل المثالي ان النار تكون متوسطة وليست عالية على الاطلاق
جربوا وحتدعولي ان شاء الله وياريت تدعو قبل ما تجربوا احتياطي :d

شاعر الرومانسية
08-12-2006, 04:10 PM
السلام عليكم

كل الاسرار حلوة..

لذيذ اخر سر يا شاعر الرومنسية..:eat:

من غير ما نجرب شكلها شئ خطير والله..:hey:

شكرا لك عى السر..*162*


بارك الله فيك.



اهلا بيكى emerald

منورانا ..


جربيها فعلا بتبقى لذيذة جدا بعد الطشة دى:good:



وفين اسرارك يا استاذة ...
مش كنتى تسيبلنا ذكرى كدة من اسرار مطبخك:2:


منتظرين عودتك ..


تقبلى خالص تحياتى ،،،:f:

شاعر الرومانسية
09-12-2006, 10:42 AM
يا باشا مانقدرش نتأخر على المطبخ الا الزباين تجوع وتطفش

سر النهارده بقى عشان المكرونة اللي باحبها بكل اشكالها وانواعها وبكل الطرق الممكنة
بعض الناس بتشتكي من ان المكرونة بتعجن اثناء السلق
حل هذه المشكلة من جزئين
اولا كمية الملح اللي بتوضع في الماء لازم تكون كافية وافتكر ان العيار بيكون موجود على علبة المكرونة
وياريت لو سي هورس يأكد لي الجزئية دي - اصل موضوع العيار بتاع الملح هو عارفه كويس

ثانيا بقى وهو الاهم في نظري
درجة حرارة النار
النار لو عالية اثناء سلق المكرونة اللي حيحصل انها حتستوي من بره وحتفضل ناشفة من القلب وبالتالي حنسيبها على النار فترة اطول من اللازم وكده يبقى ضمنا التعجين والعياذ بالله
الحل المثالي ان النار تكون متوسطة وليست عالية على الاطلاق
جربوا وحتدعولي ان شاء الله وياريت تدعو قبل ما تجربوا احتياطي :d


منورة اوشا العزيزة .. باسرارك اللذيذة:good:

على فكرة برضة ... من ضمن اساليب منع تعجن المكرونة


وضع معلقة زيت ومعلقة حل على مياه سلق المكرونة مع الملح
الزيت ... بيخليها ما تعجنش
والخل ... بيخليها ماتنشيش


واحلى تحية ... للعزيزة اوشا
وبرضة منتظر رد استاذنا فنسر ...
الى طفش مننا:fartnew:


تحياتى :f:

sea horse
13-12-2006, 08:58 AM
شاعرنا الجميل
انا متابع موضوعك الشيق
فعلا المطابخ اسرار ... خاصة لما تحط الحله عالنار
والسر عادة عند صاحبه ... الا اذا كان كريم واداه للى يحبه
و ياعالم هايعرف يطلع منه حاجه ...والا هايشيله فى التلاجه
و عجبى ...
مع الاعتذار للشعر و الشعراء
:2:
صباح الفل يا ابو على
:eat:

شاعر الرومانسية
17-12-2006, 12:44 AM
شاعرنا الجميل
انا متابع موضوعك الشيق
فعلا المطابخ اسرار ... خاصة لما تحط الحله عالنار
والسر عادة عند صاحبه ... الا اذا كان كريم واداه للى يحبه
و ياعالم هايعرف يطلع منه حاجه ...والا هايشيله فى التلاجه
و عجبى ...
مع الاعتذار للشعر و الشعراء
:2:
صباح الفل يا ابو على
:eat:



استاذى وملاذى

لاء ياعم .. مش ينفع كدة


متابعة اية دى اللى من بعيد لبعيد ياعم الشيف

عاوزين كام سر من اسراراك الدفينة

والا انت سيبت الطبخ بقى ونقلت على الاشعار:2:


منتظر رجوعك يا شيييييييييف:plane:


تقبل خالص تحياتى،،،:f:

emerald
18-12-2006, 08:08 AM
السلام عليكم








جربيها فعلا بتبقى لذيذة جدا بعد الطشة دى:good:



وفين اسرارك يا استاذة ...
مش كنتى تسيبلنا ذكرى كدة من اسرار مطبخك:2:


:f:



اسرار مين يا اخي .. خليها على ربك..*13*

بالنسبة للشربة انا عملتها .. يوم السبت .. امي تقول انها كويسة وكمان اخي الى الصغيرة..

بس انا شفت انها ممتازة والله..:chirolp_krackr:

تسلم ايدك على وصفاتك..

يا ليت لو في كمان كم سر عشان اجربهم .. ههههههه

شكرا لكم..

بارك الله فيكم.

شاعر الرومانسية
19-12-2006, 07:39 PM
السلام عليكم







اسرار مين يا اخي .. خليها على ربك..*13*

بالنسبة للشربة انا عملتها .. يوم السبت .. امي تقول انها كويسة وكمان اخي الى الصغيرة..

بس انا شفت انها ممتازة والله..:chirolp_krackr:

تسلم ايدك على وصفاتك..

يا ليت لو في كمان كم سر عشان اجربهم .. ههههههه

شكرا لكم..

بارك الله فيكم.


برافو اختنا الكريمة ..:good:
والحمد لله انها عجبتك ..

وبما انك بقى بدأى بالشوربة معانا ..
فنستمر فى اسرار صنع الشوربات ..


قبل ما ندخل على التقيل:2:

راجعلك بسر جديد من اسرار صنع أجمل الشوربات


تقبلى خالص تحياتى،،،:f:

شاعر الرومانسية
21-12-2006, 09:35 AM
دايما نسمع عن شوربة الكريمة

شوربة الخضار بالكريمة
كوسة بالكريمة او جزر او بسلة

انهاردة حنقول طريقة عامة لشوربة اى خضار بالكريمة تدينا طعم الكريمة الذيذ فى الاكل..

احنا نسلق اى نوع من الخضار اللى احنا عاوزينة ( بسلة / جزر / كوسة / بطاطس ) او جميعهم ومعهم فاصوليا خضرا ونضربهم فى الخلاط ونصفيهم ..
نبشر بصلة على ملعقة زبد ونحمرها على النار حتى تزبل ونضيف ملعقتين دقيق ورشة جوزة الطيب ويضاف الخضار المصفى مع اللبن والمرق والكريمة اللبانى والبقدونس

اى خدمة يا emerald
جربى بقى اى نوع لشوربة الكريمة وقوليلى اية الاخبار


تحياتى،،،:f:

emerald
23-12-2006, 09:29 AM
السلام عليكم


استاذ شاعر..

شكرا لك على الوصفة .. وخصوصا احنا في موسم صوم تقبل الله منا ومنك صالح الاعمال يا رب..

ان شاء الله اعملها اقلك على الاخبار..بس شكلها صعبة بس يلا .. احنا ورانا حاجة ههههههه


كل عام وانت بخير..

بارك الله فيك.

شاعر الرومانسية
25-12-2006, 05:27 AM
السلام عليكم


استاذ شاعر..

شكرا لك على الوصفة .. وخصوصا احنا في موسم صوم تقبل الله منا ومنك صالح الاعمال يا رب..

ان شاء الله اعملها اقلك على الاخبار..بس شكلها صعبة بس يلا .. احنا ورانا حاجة ههههههه


كل عام وانت بخير..

بارك الله فيك.


اهلا بيك دائما اختى الكريمة..
وربنا يتقبل منك الصوم ونكون على عرفات العام القادم صحبة باذن الله

على فكرة ..
الوصفة مش صعبة ولا حاجة والله...
وبعدين انتى قدها وقدود ..

صوما مقبولا .. وتسلم ايدك مقدما ان شاء الله


وكل عام وانتى والاسرة فى أحسن حال ...
تقبل خالص تحياتى ،،،:f:

شاعر الرومانسية
27-12-2006, 03:18 AM
أخوانى الاعزاء...

كل عام وانتم بخير وفى أسعد حال
وبمناسبة العيد الاضحى الكريم والذى

نشوف انهاردة سر جديد من اسرار المطبخ ... وسر صنية الفتة اللذيذة

طبعا بعد سلق اللحمة بالحبهان والمستكة وورق اللورى
وعمل الارز الابيض وتجهيز العيش المقطع ورشة بالفلفل الاسمر ومعلقتين زبدة وتحميصه فى الفرن

نجى لاهم حاجة ..

نعمل تقلية من التوم المفرى ونشوحة فى الزبدة على النار وقبل ما يصفر نضيف الخل ونيبه يغلى لفترة على النار وناخد نصف المقدار على جنب ونضيف عصير الطماطم الى الباقى ونتركة يتسبك
ونجيب كمية الشوربة اللى حنسقى بيها الفتة ونضيف عليها كمية التوم بالخل اللى اخدنها ونغليها على النار ونسقى بيها العيش ونتركه حتى يتشرب..
وممكن نضيف معلقتين من الصلصة المتسبكة بالتوم على العيش قبل االارز

ونكمل عادى بعد كدة باضافة الارز على الوش ووضع الصلصة المتسبكة على الوش

وبألف هنا وشفا ....

وكل عام وانتم بخير،،،


مع أطيب امنياتى،،،:f:

الطير الغريب
09-01-2007, 10:14 PM
بسم الله الرحمن الرحيم
انا والحمد لله من الممتازين فى المطبخ
واحب اشكر شاعر الرومانسية على الفكرة العبقرية دى
واحب اقول ان من الاسرار الخطيرة جدا
هى
انه كل ما كانت التوابل طازجة كل ما كانت فوائدها من ريحة وطعم
اجمل بكتيييييييييييييير
يعنى انا لا اشجع التوابل المطحونة الجاهزة
مثل الفلفل الاسود والابيض والكمون وجوزة الطيب والكزبرة
افضلها سليمة وتطحن فى وقت الطبخ

شاعر الرومانسية
12-01-2007, 03:52 AM
بسم الله الرحمن الرحيم
انا والحمد لله من الممتازين فى المطبخ
واحب اشكر شاعر الرومانسية على الفكرة العبقرية دى
واحب اقول ان من الاسرار الخطيرة جدا
هى
انه كل ما كانت التوابل طازجة كل ما كانت فوائدها من ريحة وطعم
اجمل بكتيييييييييييييير
يعنى انا لا اشجع التوابل المطحونة الجاهزة
مثل الفلفل الاسود والابيض والكمون وجوزة الطيب والكزبرة
افضلها سليمة وتطحن فى وقت الطبخ



اخى الكريم .... الطير الغريب

اهلا وسهلا بيك فى مطبخنا العامر ... بصفة عامة

وبموضوعى بصفة خاصة

بخصوص التوابل هكلامك مظبوط جدااااااا
وانا فعلا مجرب دة
وبيكون استخدام التوابل المطحونة طازة
وفور اعداد الوصفة .. ذات طعم مميز جدااا

شكرا لتواجدك ..:h:
ومنتظرين وصفة من وصفاتك المطبخية
ويها من اسرارك ما يفيدنا ونضمة لموسوعتنا المطبخية


تقبل كل الود ... وخالص التقدير،،،:f:

شاعر الرومانسية
15-01-2007, 02:07 AM
اية البخل دة ...
محدش عاوز يقول سر من اسرار مطبخة:@

خلالاص ..
خلوها علينا المرة دى

انهاردة مش حنقول سر لطبخة او وصفة معينة

حنقول طريقة حلوة وجربتها فى عمل اى تخديعة لاى خضار

انا لما بعصر الطماطم او بضربها فى الخلاط بحط معاها كام فص توم وفلفة رومى ( ويا حبذا لو فلفلة حامية كمان ) والتوابل بقى من فلفل وبهارات وممكن شوية كسبرة ناشفة

وبضرب كله فى الخلاط وارمية على البصلاية المشوحة فى الزيت او السمن تتسبك وتحطى اى خضار بعد كدة
( بسلة /فاصوليا/لوبيا / كوسة / بامية ....)
ولو صنية بطاطس بحط البطاطس مع حلقات البصل والصلصة المحبشة دى واحطهم كلهم على النار لحد ما تتسبك واضيف الشوربة وبعدين على الفرن عدل


جربوها وحتحسوا بالفرق


يلا ان شالله ما حد حوش..:2:

بالف هنا وشفا مقدما..
ويجعله عاااااااامر....


تحياتى ،،،:f:

الطير الغريب
20-01-2007, 04:27 PM
بسم الله الرحمن الرحيم

إضافة بسيطة على الفتة

لو قمنا بتحمير العيش المقطع فى شوية ليا

ثم نسقيه بالشوربة بالثوم والخل

هتلاقى الطعم مختلف خالص

الطير الغريب
20-01-2007, 04:57 PM
بسم الله الرحمن الرحيم

احب اقولكم طريقتى فى عمل شوربة الماشروم:okk:

اولا: نقوم ببشر بصلة متوسطة ووضعها مع ملعقتين سمن وندبلها على النار

ثانيا: نقطع الماشروم قطع صغيرة ونحمرها مع البصل.

ثالثا: نضع ملعقة ثوم مفروم ونقلب .

رابعا: نضع خمسة معالق دقيق ونقلب حتى يصفر الدقيق

ثم نسقيه بكوب من اللبن وكوب من الشوربة ونقلب جيدا

ومع التقليب كلما احتاج المزيج الى سائل نضيف شوربة او لبن وبعد عشر دقائق نرفعها
من على النار .

ملحوظة : يا ريت نضع التوابل اللى عايزنها بس تكون مفرومة طازة .


عند عمل هذه الشوربة بنعملها قبل الاكل على طول علشان دى موش يفضل انها

تتسخن علشان شوربتها متتقلش.

عند التقديم نضع على وش الشوربة شوية بقدونس.
*180*

وبالهنا والشفا

واحب اوصلكم تحية صديقتى هدى عبد المهيمن.