المساعد الشخصي الرقمي

مشاهدة النسخة كاملة : المعلم حسن شحاتة .. و الضيع اللامتناهى فى حلزونات التدريب



أمير المصرى
17-11-2006, 09:55 PM
يمكن العنوان غريب شوية .. معلش أصلى لما باتفرج على ماتشات منتخب مصر بقيادة المعلم حسن شحاتة باحس بنوع من الانبعاص المكنون فى ثنايا الدوافع المحشورة

معلش لتانى مرة ..بس هو دة فعلا احسن تعبير عن خطة الكابتن المعلم فى تدريب المنتخب المصرى..

مصر فى هذا الوقت تملك مجموعة من أفضل اللاعبين فى تارخها الحديث و لا تقل أبدا بل وربما تزيد فى المهارة عن الأجيال الذهبية السابقة فى الكرة المصرية ..

ممكن أى حد متابع المنتخب يقول لى احنا بأى خطة فى أى ماتش؟

انا حاسس ان اننا بنلعب بخطة 4-2-4 بتاعة الفيلم الكوميدى الشهير

يعنى الأخ المدير الفنى بيختار التشكيل و يقول لهم اتكلوا على الله و شدوا حيلكوا فى الملعب يا رجالة..

حتى فى التغييرات فهى تغييرات عقيمة .. تغيير مهاجم بمهاجم او لاعب بوسط بآخر فى نفس المركز بدون أى فكر أو تغيير فى الطريقة

ارجع يا كابتن حسن الى مكانك الطبيعى فى دورى الدرجة التانية و اشتغل زى السنارة تنزل تجيب فرقة تطلعها الممتاز و ترجع تجيب غيرها و كنت أستاذا فى ذلك و لكن اللعب الدولى يحتج لفن و خبرة و اسأل مانويل جوزيه

و يا ريت الاخوة فى اتحاد الكرة يعملوها مرة لوجه الله و يجيبوا مدرب محترم للمنتخب بعيدا عن البيزنس و العمولات ..

حرام تضيعوا الجيل ده من اللاعبين المهرة..اللى مش هايتكرروا تانى قريبا..

ملحوظة : يوجد استفتاء أعلى الصفحة

محمود زايد
17-11-2006, 11:42 PM
والله يا امير انت قولت كل اللى فى نفسى لان اتمنى اشوف ولو مرة واحده منتخبنا بيلعب بتشكيل وخطه واضحه وثابته مرة نلعب ب4/4/2 وبعدين الماتش اللى بعده نلعب ب3/5/2 ولعيبه بتلعب فى غير مراكزها مش عارف امتى هيكون لنا شكل فى الملعب
فى باك يمين مستواه عالى جدا اسمه اسلام الشاطر ليه الكابتن حسن مش بيضمه وبيلعب احمد فتحى اللى مافيش ولاكرة عرضيه منه صح كمان حسنى عبد ربه مستواه سئ الايام دى ومع ذلك مصمم على ضمه ويكون اساسى طول المباراة واحمد حسن اللى عاوز الكرة يلعب بها لوحده ويفضل يلف حوالين نفسه لما يجيب لنا شلل واحنا بنتفرج عليه وغيره من العجايب والغرائب من المنتخب اللى على رايك فى افضل واقوى المواهب لكن محتاج مدرب يوظفهم صح
الفريق للاسف بيعتمد على مهارات ومجهود اللعيبه بدون اى خطه من الكابتن حسن وياريت فعلا مدرب عالمى يدرب مصر ولو مرة واحده فى حياتنا بدل المدربين النص لبه اللى بيجيبوهم

عصام كابو
18-11-2006, 08:08 AM
اهلا بيك يا امير و شكرا على الموضوع الجميل

بصراحة انا بقالى فترة كبيرة بافكر فى حكاية الكابتن حسن شحاتة ده و كنت مرة اقول انه كويس و مرة اقول وحش

و بعدين لما استعدت تاريخه فى ذهنى وجدت الاتى

الكابتن حسن شحاته كان محظوظ جداً بالفوز على الاهلى و هو يلعب بدون حارس مرمى فى نهائى كاس مصر و عللى الرغم من ان الاهلى تم احتساب ضربة جزاء للاهلى و هو يلعب بدون حارس برضه ضربة الجزاء ضاعت بغرابه شديدة و فاز مع المقاولون بكاس مصر ........ بالحظ

الكابتن حسن شحاته لعب مع الزمالك فى كاس السوبر و كان الزمالك فى بداية كبوتة الرهيبة و التى يعيشها حتى الان و لم يلاحظ احد ان الزمالك كان سيئا جدا يعنى مش المقاولون هو اللى جبار و فاز مع المقاولون بالسوبر بالحظ

الكابتن حسن شحاته كان محظوظا جدااااااااااااااا بالفوز مع مصر فى كاس الامم الافريقية الاخيرة لان البطولة اقيمت فى مصر و بحضور جماهير غفيرة و مؤثرة للغاية و تحرك الحجر بل انها تستطيع مساعدة اى فريق فى الدنيا على الفوز و مع دعوات 70 مليون مصرى بالفوز و ظهور شعور جارف بالانتماء لمصر هذا بالاضافة الى جيل لن يتكرر من اللاعبين يعنى كل الظروف خدمته للفوز

اما دون ذلك فهو لم يحقق شيئا يذكر

لم نرى معه مباريات ممتعه... لم نرى معه قدرة فنية على ادارة المباريات... لم نرى معه تغييرات نصفق له عليها اثناء المباريات

شوف مانويل جوزيه بلاعبى الاهلى فقط بيعمل ايه... شوف مانويل جوزيه بعد اصابة معظم لاعبى فريق الاهلى بيعمل ايه... شوف مانويل جوزيه يدير المباريات ازاى
و ساعتها سوف تعرف الفرق بين مدير فنى و اخر لا يمتلك فى حياته سوى الحظ

عذراً للاطالة و لكنك ضغطت على الجرح

أحمد ناصر
18-11-2006, 10:41 AM
حسن شحاتة حقق بطولة أفريقيا
وكان بها 5 فرق متأهلة لكأس العالم
وهى تونس وساحل العاج وغانا وأنجولا وتوجو
بالإضافة إلى خمس منتخبات غاية فى القوة مثل الكاميرون ونيجيريا والسنغال وجنوب أفريقيا والمغرب
لذلك فإنه من الظلم أن ننحى حسن شحاتة عن مهمة تدريب المنتخب لأنه نجح فى المهمة بجدارة
ويجب إعطاؤه الفرصة حتى نهاية كأس الأمم القادمة بغانا

أمير المصرى
18-11-2006, 02:44 PM
محمود

عصام

أحمد

شرفتونا و نورتونا

أهلا بيكوا و مستنيين باقى الآراء

و أنا مختلف مع احمد ناصر فى رأيه لأن فوز حسن شحاته بكأس الأمم الافريقية 2006 ليس له أى علاقة بالمهارة التدريبية و لا الخطط الفنية بل هو مزيج من مهارات فردية لبعض اللاعبين و الحماس الناتج عن الجماهير و الشحن الاعلامى و لكنى متأكد 100 % لو كان هذا الفريق يدربه عامل غرفة خلع الملابس و له كل الاحترام كان سيحقق نفس النتائج و ربما قدم عروضا أرقى مما رأيناه و نراه...

raspberry
18-11-2006, 08:47 PM
والله فعلا لم يقدم حتى الان حسن شحاته لعب ممتع مع المنتخب أعترف شخصيا بهذا وأويد الاراء التى تسير فى هذا النسق ولكن من الاجحاف ان نصفه بالفشل والضياع ان فى هذا بعض من القسوه الشديده عليه خاصة انه مدرب وطنى يقبض بالمصرىو حقق انجازات محليه ودوليه فى ظل هذا الجو المشحون ضده والا هو لازم يبقى مستر ((خاسن شخاتا)) ويقبض بالدولار عشان نخلع عليه العبقريه

على العموم انا صوت بأنه مدرب جيد أو قل ((مجتهد)) وأعتقد ان هذا الخيار كان من الممكن ان يكون مع خيارات التصويت لان دا افضل وصف لحسن فى رأيى

أمير المصرى
19-11-2006, 12:20 AM
شكرا يا raspberry على مرورك و مشاركتك معنا و اهلا بك فى المنتدى

بس لازم تعرف ان الموضوع مش موضوع مصرى و اجنبى و لو خدت بالك انا و الاخوة اللى شاركونى الرأى اعترضنا على المدربين المضروبين اللى بييجوا مصر كنوع من البيزنس مع رجال اتحاد الكرة

و لن اعترض ابدا اذا تولى المنتخب مدرب مصرى له انجازات و مستوى فنى معروف و لكنى اعترض على نغمة اعطاء الفرصة للمدربين المصريين فنأتى بأمثال فاروق جعفر و محسن صالح و حسن شحاتة ممن لم يتعدى واحد منهم حدود المحلية حتى ان احدا منهم لم يدرب ناديا كبيرا فى مصر او حتى جيبوتى بل تعاملوا مع فرق صغيرة و حقق بعضهم انجازات وهمية فى ظروف غامضة

المنتخب ليس نادى و ليس من دور المنتخبات صناعة مدربين مغمورين بل يجب ان يتولى قيادته اكثر الناس خبرة و دراية بالعمل فالوصول لنهائيات كأس العالم يختلف كثيرا عن الوصول لنهائى كأس مصر

عمرو صالح
19-11-2006, 12:34 PM
سلام عليكم

انت نفسك يا امير كاتب حلزونات يعني حبه فوق وحبه تحت مش عارفين نحكم على الراجل

كلنا عارفين ظروف فوز مصر ب افريقيا 2006 الحضور الجماهيري الغير عادي والمهارات العالية للاعبي المنتخب لأنهم كانوا في افضل مستواياتهم وخصوصاً بركات وابو تريكه واحمد حسن
بدون ما ننكر دور باقي الفريق
اعتقد انه جه الوقت اللي نقوله شكرا يا كابتن شحاته
ونشوف مدرب في قدرات جوزيه مش شرط يكون جوزيه نفسه لكن ميقلش عن فكره ومهاراته التدريبية

شكرا يا امير على طرح الموضوع للمناقشة

حسام عمر
19-11-2006, 01:57 PM
هو مدرب ممتاز

لكن الفكر التعصبي

مؤثر بشده

وربنا يهدي

محمود زايد
19-11-2006, 02:06 PM
حسام بص للموضوع على انه اهلى وزمالك وبيقول الفكر التعصبى علشان حسن شحاته زملكاوى
بس على فكرة ياحسام انا اهلاوى وانت عارفنى متعصب للاهلى قد ايه بس لعلمك مش بحب فى الزمالك كله وبحترمهم وقدرهم الا حمادة امام وحسن شحاته الاثنين دول بالذات لهم تقدير عندى كبير جدا
والموضوع مش كده بس عاوزين نشوف منتخب مصر يقدم كرة جميله ويكون لنا شكل ده منتخب مصر و اولى من التعصب للاهلى او الزمالك ولما بنقول كده خايفين اولا واخيرا على سمعه منتخب مصر

أحمد ناصر
19-11-2006, 03:29 PM
حسام بص للموضوع على انه اهلى وزمالك وبيقول الفكر التعصبى علشان حسن شحاته زملكاوى
بس على فكرة ياحسام انا اهلاوى وانت عارفنى متعصب للاهلى قد ايه بس لعلمك مش بحب فى الزمالك كله وبحترمهم وقدرهم الا حمادة امام وحسن شحاته الاثنين دول بالذات لهم تقدير عندى كبير جدا
والموضوع مش كده بس عاوزين نشوف منتخب مصر يقدم كرة جميله ويكون لنا شكل ده منتخب مصر و اولى من التعصب للاهلى او الزمالك ولما بنقول كده خايفين اولا واخيرا على سمعه منتخب مصر
طيب يا حودة
إنت مش معايا إن أنا وكل الأهلاوية دافعنا عن مانويل جوزيه؟
وقلنا إنه مدرب ممتاز!
وردينا على اللى قالوا إنه محظوظ وإنه فاز بفضل نجوم الفريق والمساندة الجماهيرية!
وإن النجوم الكبارالكبار يلزمهم مدرب كبير وإلا ينفرط عقد الفريق!
وإن مستوى الأهلى عندما إنخفض بشدة هذا الموسم دافعنا أيضا عن جوزيه وقلنا إنه مدرب بطولات !
طيب ليه ما نعملش نفس الحكاية ونطبق نفس المبدأ مع حسن شحاتة
وليه مانهاجمش كل اللى قالوا عليه إنه بيفوز علشان محظوظ..وإن المنتخب مليان نجوم..وإن الفوز جاء بدعاء الجماهير..
هو درب المقاولون فى الدرجة الثانية وفاز به على الأهلى وعلى الإسماعيلى وعلى الزمالك!يبقى ده إسمه حظ ؟
وبعدين درب منتخب الناشئين وفاز به ببطولة أفريقيا يبقى حظ إزاى؟
وبعدين فاز بأكبر بطولة فى أفريقيا نقوم نقول الجماهير والنجوم هم السبب؟
طيب فين الموضوعية بقى؟
على فكرة أنا مش قصدى عليك ..
أنا قصدى إن أغلب اللى بيهاجموا حسن شحاتة بيهاجموه لإنهم أهلاوية

محمود زايد
19-11-2006, 03:50 PM
طيب يا حودة
إنت مش معايا إن أنا وكل الأهلاوية دافعنا عن مانويل جوزيه؟
وقلنا إنه مدرب ممتاز!
وردينا على اللى قالوا إنه محظوظ وإنه فاز بفضل نجوم الفريق والمساندة الجماهيرية!
وإن النجوم الكبارالكبار يلزمهم مدرب كبير وإلا ينفرط عقد الفريق!
وإن مستوى الأهلى عندما إنخفض بشدة هذا الموسم دافعنا أيضا عن جوزيه وقلنا إنه مدرب بطولات !
طيب ليه ما نعملش نفس الحكاية ونطبق نفس المبدأ مع حسن شحاتة
وليه مانهاجمش كل اللى قالوا عليه إنه بيفوز علشان محظوظ..وإن المنتخب مليان نجوم..وإن الفوز جاء بدعاء الجماهير..
هو درب المقاولون فى الدرجة الثانية وفاز به على الأهلى وعلى الإسماعيلى وعلى الزمالك!يبقى ده إسمه حظ ؟
وبعدين درب منتخب الناشئين وفاز به ببطولة أفريقيا يبقى حظ إزاى؟
وبعدين فاز بأكبر بطولة فى أفريقيا نقوم نقول الجماهير والنجوم هم السبب؟
طيب فين الموضوعية بقى؟
على فكرة أنا مش قصدى عليك ..
أنا قصدى إن أغلب اللى بيهاجموا حسن شحاتة بيهاجموه لإنهم أهلاوية

اهلا يااحمد
لو بصيت على الرد الاولانى هتلاقينى مش بهاجم حسن شحاته كشخصه وما قولتش انه فاز باى بطوله بالحظ بالعكس عمر مافى مدرب هيفوز بكل البطولات دى كلها بالحظ ومن فرق كبيرة
لكن انا اللى اقصده انى اشوف منتخبنا بيلعب كرة زى كل المنتخبات بخطه واضحه وتشكيل واضح وثابت وكل لاعب بيلعب فى مركزه الطبيعى وده كله شغل مدرب والمدرب هنا الكابتن حسن
يعنى مثلا اسلام الشاطر باك يمين ومستواه الايام دى عالى ليه الكابتن حسن شحاته مش بيضمه ومصمم على احمد فتحى مع ان مستواه ضعيف وحسنى عبد ربه زيه بالظبط واحمد حسن وغيره من اللعيبه تصور منتخب مصر مافيش فيه باك شمال غير سيد معوض والكابتن حسن يطلعه ويلعب امير عزمى مكانه فى مبارة جنوب افريقيا طيب عاوز افهم ياترى الكابتن حسن هيعمل كده برضه فى المباريات الرسميه ولا ده مجرد سد خانه لانه مالحقش يضم باك شمال غير سيد معوض مع العلم ان دائرة اختيارات الكابتن حسن للاعبين واسعه لانها بتشمل جميع اللاعبين فى الانديه
الكابتن حسن بيلعب فى المباريات الوديه 4/4/2 وفى الرسمى 3/5/2 مش المفروض برضه يكون طريقتنا لعبنا ثابته وماتتغيرش مع ملاحظه ان طريقه 4/4/2 اساسا مش مناسبه للاعب المصرى يبقى ليه نلعب بيها من الاساس
انا مايهمنيش حسن شحاته او غيره المهم اشوف منتخبنا بيلعب كرة زى بقيه المنتخبات مش تأليف وعك وحرقه دم

حسام عمر
19-11-2006, 03:57 PM
طيب يا حودة
إنت مش معايا إن أنا وكل الأهلاوية دافعنا عن مانويل جوزيه؟
وقلنا إنه مدرب ممتاز!
وردينا على اللى قالوا إنه محظوظ وإنه فاز بفضل نجوم الفريق والمساندة الجماهيرية!
وإن النجوم الكبارالكبار يلزمهم مدرب كبير وإلا ينفرط عقد الفريق!
وإن مستوى الأهلى عندما إنخفض بشدة هذا الموسم دافعنا أيضا عن جوزيه وقلنا إنه مدرب بطولات !
طيب ليه ما نعملش نفس الحكاية ونطبق نفس المبدأ مع حسن شحاتة
وليه مانهاجمش كل اللى قالوا عليه إنه بيفوز علشان محظوظ..وإن المنتخب مليان نجوم..وإن الفوز جاء بدعاء الجماهير..
هو درب المقاولون فى الدرجة الثانية وفاز به على الأهلى وعلى الإسماعيلى وعلى الزمالك!يبقى ده إسمه حظ ؟
وبعدين درب منتخب الناشئين وفاز به ببطولة أفريقيا يبقى حظ إزاى؟
وبعدين فاز بأكبر بطولة فى أفريقيا نقوم نقول الجماهير والنجوم هم السبب؟
طيب فين الموضوعية بقى؟
على فكرة أنا مش قصدى عليك ..
أنا قصدى إن أغلب اللى بيهاجموا حسن شحاتة بيهاجموه لإنهم أهلاوية

اقسم بالله اني مش بدافع عنه عشان هو زملكاوي


لكنه افضل مدرب مصري موجود

بعد الجوهري طبعا ً

والمدربين الاجانب حظنا معاهم سيء

والمدربيين العالميين احنا مش قد مرتبتهم

بعد كل ما تقدم

اليس هو افضل الموجوديين

raspberry
19-11-2006, 06:34 PM
طيب يا حودة
إنت مش معايا إن أنا وكل الأهلاوية دافعنا عن مانويل جوزيه؟
وقلنا إنه مدرب ممتاز!
وردينا على اللى قالوا إنه محظوظ وإنه فاز بفضل نجوم الفريق والمساندة الجماهيرية!
وإن النجوم الكبارالكبار يلزمهم مدرب كبير وإلا ينفرط عقد الفريق!
وإن مستوى الأهلى عندما إنخفض بشدة هذا الموسم دافعنا أيضا عن جوزيه وقلنا إنه مدرب بطولات !
طيب ليه ما نعملش نفس الحكاية ونطبق نفس المبدأ مع حسن شحاتة
وليه مانهاجمش كل اللى قالوا عليه إنه بيفوز علشان محظوظ..وإن المنتخب مليان نجوم..وإن الفوز جاء بدعاء الجماهير..
هو درب المقاولون فى الدرجة الثانية وفاز به على الأهلى وعلى الإسماعيلى وعلى الزمالك!يبقى ده إسمه حظ ؟
وبعدين درب منتخب الناشئين وفاز به ببطولة أفريقيا يبقى حظ إزاى؟
وبعدين فاز بأكبر بطولة فى أفريقيا نقوم نقول الجماهير والنجوم هم السبب؟
طيب فين الموضوعية بقى؟
على فكرة أنا مش قصدى عليك ..
أنا قصدى إن أغلب اللى بيهاجموا حسن شحاتة بيهاجموه لإنهم أهلاوية
أحييك على موضوعيتك

أمير المصرى
19-11-2006, 10:40 PM
أولا شكرا جزيلا لكل الأساتذة اللى قالوا رأيهم فى الموضوع و لكل انسان وجهة نظر واجبة الاحترام..


أنا لفتت نظرى بعض النقاط احب أعقب عليها اذا سمحتولى:


هو مدرب ممتاز

لكن الفكر التعصبي

مؤثر بشده

وربنا يهدي

يشهد الله انى لم لم اطرح هذا الموضوع لأنى أهلاوى و أكره حسن شحاتة و لكن لأنى صعبان عليا الجيل ده من اللاعبين مايلعبش فى كأس العالم ....



طيب يا حودة
إنت مش معايا إن أنا وكل الأهلاوية دافعنا عن مانويل جوزيه؟
وقلنا إنه مدرب ممتاز!
وردينا على اللى قالوا إنه محظوظ وإنه فاز بفضل نجوم الفريق والمساندة الجماهيرية!
وإن النجوم الكبارالكبار يلزمهم مدرب كبير وإلا ينفرط عقد الفريق!
وإن مستوى الأهلى عندما إنخفض بشدة هذا الموسم دافعنا أيضا عن جوزيه وقلنا إنه مدرب بطولات !
طيب ليه ما نعملش نفس الحكاية ونطبق نفس المبدأ مع حسن شحاتة
وليه مانهاجمش كل اللى قالوا عليه إنه بيفوز علشان محظوظ..وإن المنتخب مليان نجوم..وإن الفوز جاء بدعاء الجماهير..
هو درب المقاولون فى الدرجة الثانية وفاز به على الأهلى وعلى الإسماعيلى وعلى الزمالك!يبقى ده إسمه حظ ؟
وبعدين درب منتخب الناشئين وفاز به ببطولة أفريقيا يبقى حظ إزاى؟
وبعدين فاز بأكبر بطولة فى أفريقيا نقوم نقول الجماهير والنجوم هم السبب؟
طيب فين الموضوعية بقى؟
على فكرة أنا مش قصدى عليك ..
أنا قصدى إن أغلب اللى بيهاجموا حسن شحاتة بيهاجموه لإنهم أهلاوية


و الله لو كان حسن شحاتة قدم لنا كرة قدم حقيقية و حتى لو لم يحقق البطولات لما هاجمته و لا أعتقد أن اثنين فى مصر يختلفوا على مهارة و خبرة و ذكاء مانويل جوزيه كمثال للمدربين الكبار حتى ولو خسر البطولات فهو يقدم لنا كرة حديثة و جماعية و ممتعة ولكن مع حسن شحاته الأمر يختلف فنحن نكسب المباريات و لكنه فوز باهت .. باحس ان مباريات المنتخب عقيمة و لا متعة فيها ولا فن اللهم الا مهارات فردية من بعض اللاعبين ..

انا مانكرش انه حقق انجازات و لكنه لم يصل للنضج الكروى لتولى تدريب منتخب كبير .. و النضج طبعا ليس بالسن و لكن له معايير أخرى...

احنا ممكن نتعاطف مع حسن شحاتة و لكن مش معنى انى باحبه أو باحترمه أو عايزه ياخد فرصته انى اديله تدريب منتخب مصر كدة من الباب للطاق زى مابيقولوا


اقسم بالله اني مش بدافع عنه عشان هو زملكاوي


لكنه افضل مدرب مصري موجود

بعد الجوهري طبعا ً

والمدربين الاجانب حظنا معاهم سيء

والمدربيين العالميين احنا مش قد مرتبتهم

بعد كل ما تقدم

اليس هو افضل الموجوديين

طبعا انا متأكد انك بتتكلم للمصلحة العامة و كلنا كدة بدون أى اهواء و انتماءات..

انت بتقول ان المدربين الاجانب حظنا معاهم وحش .. أنا معاك فى دى بس هم الأجانب اللى مسكوا المنتخب قبل كدة كانوا مدربين أساسا؟

حضرتك عارف طبعا ان الموضوع ماهو الا بيزنس و عمولات لرجال اتحاد الكرة و يتم اختيار مدرب أجنبى غلبان عايز يعمل له سبوبة من امثال جيرار جيلى و تارديللى و قبلهم رادوليسكو و غيرهم كتير

و موضوع ان حسن شحاته هو أحسن مدرب مصرى بعد الجوهرى طبعا رأيك له احترامه الشديد ولو انى اختلف معك فأنا لا أحب الاثنين فالجوهرى مدرب ممتاز بمقاييس الثمانينات و توقف عند هذه المرحلة و حسن شحاته ذكرت رأيى فيه قبلا و يمكن المدرب المصرى الوحيد حاليا اللى اعتقد انه ممكن يصلح لتدريب المنتخب هو طه بصرى بس مش دلوقتى .. عايز يستوى شوية كمان..
ملحوظة : طه بصرى زملكاوى علشان ماحدش يقول انى متعصب..

حسام عمر
20-11-2006, 12:21 PM
امير باشا

المدربين العالميين لا يقل مرتبه عن 100000 يورو


يعني 750000 جنيه


فقبل ما ينزل الملعب الصحف بتهجمه وتقول

انه مرتبه بكفي لتعين 200000 عاطل

وممكن يصلح مدارس مصر

فبتبقى الناس كرهته قبل متشوف منه حاجه

ومستنياله اول خطأ

ومتنساش انه هو عنده اللي يترجمله

فبيكره نفسه واليوم اللي مضى مع هذا البلد

اما بالنسبه لجوزيه

فأذكر انه قبل تعين حسن شحاته التفكير كله كان فيه

ولو بالأستعاره

ولكن الاهلي رفض بشده

واخيرا ً كل التوفيق للمنتخب

وكل التوفيق لبلدنا العظيمه مصر

raspberry
20-11-2006, 03:30 PM
امير باشا

المدربين العالميين لا يقل مرتبه عن 100000 يورو


يعني 750000 جنيه


فقبل ما ينزل الملعب الصحف بتهجمه وتقول

انه مرتبه بكفي لتعين 200000 عاطل

وممكن يصلح مدارس مصر

فبتبقى الناس كرهته قبل متشوف منه حاجه

ومستنياله اول خطأ

ومتنساش انه هو عنده اللي يترجمله

فبيكره نفسه واليوم اللي مضى مع هذا البلد

اما بالنسبه لجوزيه

فأذكر انه قبل تعين حسن شحاته التفكير كله كان فيه

ولو بالأستعاره

ولكن الاهلي رفض بشده

واخيرا ً كل التوفيق للمنتخب

وكل التوفيق لبلدنا العظيمه مصر

الله ينور عليك يا حسام :2:
يعنى يبقى الحال كما هو عليه :hop: لغاية ما نشوف حد احسن منه والراجل كتر خيره مش فارض نفسه يعنى ولا رامى نفسه :huh: وحقق انجازات مع كل الفرق اللى دربها والمنتخبات مش فاهم بصراحه سبب محدد اننا نتهمه الاتهامات القاسيه دى ونقول عليه فاشل وضايع:n: دا بدل ما نشكره انه متحمل هذه المسئوليه الكبيره جدا وبعدين اللوم فى اختيياره وبقاؤه لحد الان رغم تواضع مستواه مفروض يكون على ابو سمره وابو حميد ((زاهر وشوبير يعنى)) مش كده والا اييييييييييييييييييييه:good:

أمير المصرى
20-11-2006, 07:33 PM
كتب : هيثم نبيل

لماذا نلعب مباريات ودية ؟ ولماذا نهنئ أنفسنا بعد أن نفوز في مباراة ودية رغم تأكيدنا المستمر أن النتائج في المباريات الودية لا تعنينا في شئ ؟ وما هي الفائدة المطلوبة والمرجوة من إقامة المباريات الودية .

كل هذه الأسئلة دارت في عقلي وأنا أشاهد كمية كبيرة من المباريات الودية التي أقيمت مساء الأربعاء سواء العربي منها أو العالمي وبالطبع كانت المشاهدة الأكبر لمباراة مصر وجنوب أفريقيا في إنجلترا .

دعونا نتفق على شئ في البداية وهي أن المباريات الودية في جميع أنحاء العالم لها معنى واحد وهو تجربة عناصر جديدة لكي يعتمد عليها منتخب أي بلد في الفترات القادمة أو تجربة طريقة لعب معينة للفريق الذي يلعب مباريات ودية من أجل تنفيذها في المباريات الرسمية أو تعود كل لاعب على مركزه أو توظيف بعض اللاعبين في مراكز جديدة وفي النهاية يكون الهدف من التجربة أو المباراة الودية في المجمل هو الإعداد بشكل جيد للارتباطات الرسمية القادمة للفريق وتهيئة البديل المناسب لكل لاعب في المنتخب أو النادي وإذا كانت المباراة أمام منتخب عالمي له أسمه فيكون الغرض منها أختبار قوتك أمام الكبار وفي هذه الحالة يجب أن تلعب بتشكيلتك الأساسية لأنك تريد أن تختبر نفسك بشكل جدي وعملي .

هذه هي فائدة المباريات الودية وبما أننا كنا نلاعب جنوب أفريقيا في مباراة ودية أتمنى من أي شخص أن يقول لي ماذا استفدنا من التجربة ؟ غير النصف مليون جنيه التي حصل عليها اتحاد الكرة بإقامة هذه المباراة ؟ هل جربنا طريقة لعب معينة ؟ بالطبع لا لأننا لا نلعب بطريقة لعب من الأساس !! هل جربنا لاعب جديد ؟ بالطبع لا على الرغم من أن الأمور كانت سانحة تماما في هذه المباراة ففريق جنوب أفريقيا ليس جيد وغير مكتمل الصفوف أساسا ثم أن المنتخب تقدم بهدف مبكر وكان لابد لنا أن نبدأ في تجربة اللاعبين الجدد فأعتقد أن تريكة لم يلعب في مركز جديد له حتى نختبره وليس هو الناشئ الذي نسعى لكي نعرف مستواه ؟؟ ولا إبراهيم سعيد هو اللاعب الذي نختبره الآن ؟؟ ولا عماد متعب هو المهاجم الذي نسعى الى معرفة هل يستطيع اللعب الدولي أم لا ولا عمرو ذكي هو اللاعب الذي نختبره الآن ؟؟

على الجانب الأخر كان لدينا لاعبين يجب بالفعل أن نجربهم في هذه التجربة وأن نستفيد منها فمثلا أحمد حسن لماذا أنضم لقائمة المنتخب ؟ هل لكي يلعب أخر ثلاث دقائق في المباراة ؟ ولماذا لم نقم بتجربة – مدافع أيسر – في هذه المباراة على الرغم من عدم وجود أي مدافع أيسر في منتخب مصر حاليا إلا سيد معوض الذي أصيب ؟

لماذا لا ينضم إسلام الشاطر لمنتخب مصر على الرغم من أن الكل يعلم أنه أفضل مدافع أيمن في مصر حاليا ؟ ولكن الوحيد الذي يعاقب إسلام الشاطر حتى الآن على تألقه – ودعوني أكون صريحا أكثر من اللازم – وعلى انضمامه للأهلي هو حسن شحاته – وأتحداه أن ينفي هذا !!!!!

لماذا لم نجرب بدائل لأبو تريكة وعماد متعب وعمرو ذكي وإبراهيم سعيد وأحمد حسن وسيد معوض ؟؟ لماذا لم نجرب طريقة لعب جديدة ؟ وبأي طريقة تلعب مصر أساسا ؟ لماذا نهنئ أنفسنا بعد فوز باهت على فريق – فقير – في مباراة ودية ؟

ويشاء القدر أن يكون في نفس اليوم عدة مباريات ودية منها المباراة التي شاهدت أجزاء منها مباراة تركيا وايطاليا .. منتخب ايطاليا – بطل العالم - يلعب بتشكيلة لا تضم من اللاعبين الأساسيين الا حارس المرمى – بوفون – وماتيراتزي – الموقوف من فترة وغائب عن المنتخب – وروسي أما بقية الفريق فهم لاعبون جدد يقوم المدير الفني بتجربتهم وإعدادهم للمباريات القادمة ؟؟

الفرق بيننا وبينهم أن لعبة – الفوز على الضعاف – إستهوت المدير الفني لمنتخب مصر ولأننا كنا ننتقد جوزيه لتمسكه بلاعبيه الأساسيين للمحافظة على أرقام قياسية معينة على الرغم من حاجة هؤلاء اللاعبين للراحة فيبدو أن المدير الفني لمنتخب مصر يريد أن يصبح هو الأخر محل النقد في هذه النقطة لكي يقول لنا – وانا مالي بتاع الأهلي بيعمل كده – !!!!!!!

في النهاية نصيحة للمعلم ولإتحاد الكرة أرحمونا الله يرحمكم – نحن نلعب كرة قدم ولسنا في حرب إثبات أن المعلم – مدير فني عالمي – بالفوز على فرق مثل – كفر الهنادوة ؟؟؟؟؟؟؟؟؟؟




هذا الخبر تم اضافتة فى 16/11/2006
المحتوى من yallakora


Photo Gallery