المساعد الشخصي الرقمي

مشاهدة النسخة كاملة : نــــكت على المشـــــرفيــن



الصفحات : [1] 2 3 4 5

سـيف الديـن
15-11-2006, 06:40 PM
http://up.haridy.org/storage/KHETM43.gif (http://www.egyptsons.com/misr/thread112214.html)


إزيكم ياجماعة - عاملين ايه ( يارب تكونو عاملين كفته على الفحم *53* ومعاها شوية سلطه حامية :eat: )

المهم أنا جيتلكم أقولكم شوية نكت *58* على المشرفين *65* ( ربنا يستر - شكلى كده برسم على طردى من المنتدى *72* )

النكت حصريا على منتدى أبناء مصر :y: وده أول عرض ليها ( التذكرة بـ 25 جنيه *15* )

أنا بس طالب منكم خدمه *78*
لما انطرد من المنتدى تعملوا مسيرة ومظاهرة *143* وتضغطو عليهم يرجعونى تانى *3*


1 - خطيبة مشرف كل ماتتصل بيه تطلعلها رسالة مسجلة - السرفر مشغول حالياً ، حاول فى وقت آخر .

2 - مشرف شغال فى المرور كل مايشوف عربية مخالفة يديها تقييم سالب .

3 - مشرف كتب كتابه فى موضوع وعمل الحفلة فى قاعة التهانى والمناسبات ووزع على المعازيم تقييمات موجبة

4 - مشرف زعلان من مراته عملها حظر

5 - مشرف عام غطسوه تانى

6 - مشرف خلف توأم إحتفظ بواحد والتانى حطه فى قاعة المكرر

7 - مشرف جاتله فاتورة التليفون كبيرة عملها تعديل

8 - زوجة مشرف نسيت تحط الملح فى الأكل حطلها تقييم سلبى

9 - مشرف زهق من مراته عملها ايقاف

10 - مشرف بيتغزل فى خطيبته وبيقولها إنتى موضوع عمرى ... أنتى مشاركة حياتى .. إنتى كل صلاحياتى ...

11 - مشرف عاوز يخطب عضوة قالها ممكن أسجل عندكم فى البيت بس ياريت والدك ميتأخرش عليا فى رسالة التفعيل

12 - مشرف عنده حالة نفسية كل مايكتب موضوع يحذفه

13 - مشرف عاوز يعرف حبيبته بتحبه أو مبتحبوش دخل على القاعة وبدأ يحذف المواضيع واحد ورا التانى ( بتحبنى - مبتحبنيش - بتحبنى - مبتحبنيش )

14 - مشرف عام موظف فى مصلحة حكومية شرط على كل عضو يكتب مشاركة يحط عليها ورقة دمغة

15 - مشرف دخل قاعة المناقشات طلع منها بخمس غرز وإرتجاج فى المخ

16- مشرف دخل قاعة المرأة طلع منها بست اشهر

17 - مشرف دخل قاعة القضايا السياسية قبضوا عليه فى مظاهرة

18- مشرف إختلف مع المشرف عام نقلة مشرف على قاعة المواضيع المكررة

19 - مشرف عاوز يطرد عضو مميز من المنتدى حطله أحد مواضيعه حتتبن حشيش وبلغ عنه

20 - مشرف مردش على الموضوع ده اختفى فى ظروف غامضة .


كان معكم (العضو السابق :shutup2: ) سـيف الديـن

ممنوع النقل أو اللطش إلا باذن كتابى وذكر المصدر
:f2:

mr_virus
15-11-2006, 08:15 PM
6 - مشرف خلف توأم إحتفظ بواحد والتانى حطه فى قاعة المكرر
تحفه


8 - زوجة مشرف نسيت تحط الملح فى الأكل حطلها تقييم سلبى

9 - مشرف زهق من مراته عملها ايقاف
اقل واجب

17 - مشرف دخل قاعة القضايا السياسية قبضوا عليه فى مظاهرة
شكلك هتتلم

____________________________
انا فين انا مين انا ليهههههه
معملتش حااااااااااااااااااجه

موضوع هايل جدا ولو انت اللى كتبه تبقى بجد ليك مستقبل بارع

وعايزين منك حجات تانيه

mr_virus
15-11-2006, 08:19 PM
سورررررررررررررررررررررى

سـيف الديـن
15-11-2006, 08:32 PM
انا فين انا مين انا ليهههههه
معملتش حااااااااااااااااااجه

موضوع هايل جدا ولو انت اللى كتبه تبقى بجد ليك مستقبل بارع

وعايزين منك حجات تانيه
شكراً يا mr_virus وتعليقك ده شهادة اعتز بيها

الموضوع مكتوب وحصرياً لمنتدى ابناء مصر ولن تجده فى اى منتدى آخر حتى الآن بس مشعارف بعد شوية ممكن ينتشر :d

إن شاء الله نكتب شوية كمان والى عاوز يشارك ويضيف يبقى شئ جميل

:f2:

ضابط شرطة
15-11-2006, 08:50 PM
فرحان بالموضوع ؟؟

تلاقيهم في قاعة الادارة عاملين عليك اجماع لايقافك هههههههههههههههههههه

جامدين :y:

ورد جوري
15-11-2006, 08:55 PM
هههههههههههههههههههههههههههههههههههههههههههههههههه هه
تحفة

يبقى يا ريت تكم على فضايح المشريفين وتجيب حتتين من واقع خخخخخخخ


بهزر يا سعدت المشرف سلالالالالالالالالالالالالالالالالالالالالالا م


شكرا يا سيف على الموضوع الحلو

amak_77
15-11-2006, 08:58 PM
جامد يا مان
جو اون

انا مقلتش حاجة يامشرفين
انا بشتغله بس

أنفـــــال
15-11-2006, 09:29 PM
- مشرف مردش على الموضوع ده اختفى فى ظروف غامضة .
OOOoppssss!!
أنا بارد أهو .. :)
على فكرة انا حاسة انك كنت هنا قبل كدة ؟؟؟
مش كدة يا سيف ؟؟
مش غريب عليا خالص اسلوبك و لا مشاركاتك ...
مش قادرة احس انك جديد عليا .. :)

saladino
15-11-2006, 10:18 PM
اية دة بقا ههههههههههههههههههه

شكلى اوقف عضويتك بس على الله السرفر مطليعش مزدحم ههههههههههههه
شكرا

سـيف الديـن
15-11-2006, 10:20 PM
فرحان بالموضوع ؟؟

تلاقيهم في قاعة الادارة عاملين عليك اجماع لايقافك هههههههههههههههههههه

جامدين :y:

وكمان باعتينلى ضابط شرطة - ولا يهمنى :d

طيب الحق ارد عليكم بسرعة قبل ما اتوقف :d

شكرا ياسعادة الباشا وأى خدمة

:f2:

سـيف الديـن
15-11-2006, 10:31 PM
يبقى يا ريت تكم على فضايح المشريفين وتجيب حتتين من واقع خخخخخخخ
لو مبقيتش عضو سابق هبقى اتكلم ده إن لحقت اكمل باقى الردود على الموضوع :d

شكرا ياورد بس يارت التذكرة لأن فيه ناس دخلت من غير مايشترو تذاكر :2:

:f2:

سـيف الديـن
15-11-2006, 10:38 PM
جامد يا مان
جو اون

انا مقلتش حاجة يامشرفين
انا بشتغله بس

بتشتغلنى يا amak_77 :@

طيب لما اقول نكت على الاعضاء هتكون انت اول اللستة إن شاء الله

عضو ( اسمه amak_77 ) خلف بنت سماها مشاركة :d

:f2:

سـيف الديـن
15-11-2006, 10:58 PM
OOOoppssss!!
أنا بارد أهو .. :)
على فكرة انا حاسة انك كنت هنا قبل كدة ؟؟؟
مش كدة يا سيف ؟؟
مش غريب عليا خالص اسلوبك و لا مشاركاتك ...
مش قادرة احس انك جديد عليا .. :)

يامرحب بالمشرفين يامرحب
انا كمان حاسس انى كنت هنا قبل كده والمكان مش غريب عليا
يمكن علشان ده منتدى ابناء مصر وهما نفسهم ابناء مصر الى عايشين معاهم فى الحقيقة
شكرا يا أخت انفال على ردك المتميز
:f2:

سـيف الديـن
15-11-2006, 11:10 PM
اية دة بقا ههههههههههههههههههه

شكلى اوقف عضويتك بس على الله السرفر مطليعش مزدحم ههههههههههههه
شكرا

هلت أنوار المشرفين
صلادينو مشرف الصور والغرائب انت جيت
طيب خد دى هدية منى ليك قبل ما السرفر تشتغل
مشرف قاعة الصور والغرائب كل مايكتب موضوع يعمل منه أصل وصورتين :d
:f:

MaTR|X
15-11-2006, 11:18 PM
ههههههههههههههههههههههههههههههههه
لا حول ولا قوة الا بالله

كان لسه بيشارك معانا امبارح
اتخطف يا عينى..

amak_77
15-11-2006, 11:28 PM
عضو ( اسمه amak_77 ) خلف بنت سماها مشاركة

جامدة اوي
هههههههههههههههههههههههههههها
مشاركة اماك
لا حلوة
طب لو واد هنسميه ايه مقلتش
ماشي يا عم مفبولة

أم أحمد
15-11-2006, 11:33 PM
اهلا بيك يا سيف
موضوع جميل
والاجمل انه من تأليفك
بس خد بالك بقي الموضوع بقي حصريا لابناء مصر
في انتظار المزيد من مشاركاتك الجميلة

سـيف الديـن
15-11-2006, 11:41 PM
جامدة اوي
هههههههههههههههههههههههههههها
مشاركة اماك
لا حلوة
طب لو واد هنسميه ايه مقلتش
ماشي يا عم مفبولة

ده انت مصمم بقى :1:

عموماً يا amak_77 لولد ممكن تسميه ( رد ) ولو توأم ولدين ممكن تسميهم ( رد ، تعليق ) :d

طيب قولى لو 3 توائم هتعمل فيهم ايه

اكيد فيه حل

هتسميهم ( رد ، تعليق ، اقتباس )

أكيد هتسألنى وتقولي لوبنتين توأم هتعمل ايه

بسيطة

هتسميهم ( مشاركة ، مدونة ) :d :d :d

شكرا يا اماك على روحك الحلوة وتواصلك مع الموضوع

سلوى سالم
15-11-2006, 11:42 PM
بجد نكت حلوى مافيش احسن من كدا ههههههههه

شكرآ ليك يا سيف

سـيف الديـن
15-11-2006, 11:55 PM
ههههههههههههههههههههههههههههههههه
لا حول ولا قوة الا بالله

كان لسه بيشارك معانا امبارح
اتخطف يا عينى..

أهلا يا MaTR|X نورت النكت بس اوعى تكون من المشرفين :2:
انا ظبطت معاهم وسمحولى ارجع ارد عليكم وبعدها يقررو مصير عضويتى :d
لو حصل حاجة هتشوفك فى المسيرة
:f: :f2: :f:

osha
16-11-2006, 12:09 AM
ههههههههههههههههههههههههههههههههههههههههههههه ه
حقيقي نكت تحفة يا سيف الدين
واللي اجمل منها انها مخصوصة لأبناء مصر ودا شئ اسعدني للغاية
بس مش عارفة انا متفقة مع انفال في اني اسلوبك مش جديد عليا
عامة في انتظار المزيد المميز منك

سـيف الديـن
16-11-2006, 12:14 AM
اهلا بيك يا سيف
موضوع جميل
والاجمل انه من تأليفك
بس خد بالك بقي الموضوع بقي حصريا لابناء مصر
في انتظار المزيد من مشاركاتك الجميلة

أهلا بمشرفة القاعة الفاضلة أم أحمد
ممنون لأن الموضوع حاز اعجابكم وهو فعلاً حصريا على منتدى ابناء مصر
وإن شاء الله يدوم التواصل مع القاعة
:f2:

سـيف الديـن
16-11-2006, 12:18 AM
بجد نكت حلوى مافيش احسن من كدا ههههههههه

شكرآ ليك يا سيف

الاحلى هو مرورك يا اخت سلوى
الحمد لله انها عجبتكم
شكرا على الرد والتعليق

:f:

بنت شهريار
16-11-2006, 01:03 AM
- مشرف عام غطسوه تانى

ههههههههههههههههههههه
شكلك انت اللى هاتغطس ياسيف


مشرف مردش على الموضوع ده اختفى فى ظروف غامضة .

دا ممكن امر وارد
انما لو انت اختفيت هانعرف السبب علطووووول
هههههههههههههههههههه
ياعينى عليك
ملحقتنش تنورنا

عسسسسسسسسسسل
لذيذة موووووووت ياسيف
وكويس انك مش كاتب عنوانك
علشان محدش فيهم يوصلك بسهوله
انا سمعت ان جارى البحث عنك

تسلم ايدك
نورتنا واسعدنا وجودك
تحياااااااااااااتى

قلب مصر
16-11-2006, 01:33 AM
ههههههههههه
لا بجد انا ضحكت لما فطست من الضحك على النكت
تسلم ايدك ............. لا ما ينفعش
تسلم دماغك
بجد النكت تجنن
ومنتظرين منك موضوعات جميلة بقى طالما الأسلوب بالشكل الرائع دا

ميمو المصرى
16-11-2006, 01:44 AM
جميله النكت يا سيف
مطرود مطرود متقلقش
أصبــــــر على ررزقــك
ههههههههههههههه



فى رعاية الله

سـيف الديـن
16-11-2006, 09:35 AM
هههههههههههههههههههههههههههههههههههههههههههههه
حقيقي نكت تحفة يا سيف الدين
واللي اجمل منها انها مخصوصة لأبناء مصر ودا شئ اسعدني للغاية
بس مش عارفة انا متفقة مع انفال في اني اسلوبك مش جديد عليا
عامة في انتظار المزيد المميز منك

يامرحب بالأخت osha مشرفة قاعة تحت العشرين
بما ان الموضوع عجب حضرتك وبما ان حضرتك مشرفة قاعة تحت العشرين
انا طالب من حضرتك خدمة صغيرة
فيه قصة كانت الأبلة بتقرأها لنا لما كنا فى الحضانة وكانت عن ملك وأمير وأميرة وساحرة وحاجات زى كده
ياريت لو حضرتك عندك رابط ليها على الانترنت أكون ممنون لو حطتيه لنا
وبالنسبة للاسلوب انا برده مشحاسس باى غربة بينكم
شكراً لحضرتك المجاملة والاطراء
:f2:

بسمة أمل
16-11-2006, 09:47 AM
بسم الله الرحمن الرحيم
ههههههههههههه
بجد نكت جميلة جدا
شكرا جداااا عليهم
ومستنيين انك تكتب حاجات حلوة كدة تانى

سـيف الديـن
16-11-2006, 11:48 AM
عسسسسسسسسسسل
لذيذة موووووووت ياسيف
وكويس انك مش كاتب عنوانك
علشان محدش فيهم يوصلك بسهوله
انا سمعت ان جارى البحث عنك

تسلم ايدك
نورتنا واسعدنا وجودك
تحياااااااااااااتى

أهلا يابنت شهريار - ياترى شهرزاد أخبارها ايه وعاملة ايه معاكى :d
الحمد لله إن النكت عجبتك
أنا عملت احتياطاتى فى حالة وصولهم لعنوانى وخدت تأشيرة دخول لكوستاريكا :d
شكرا ليكى على التحذير :f:

سـيف الديـن
16-11-2006, 12:07 PM
ههههههههههه
لا بجد انا ضحكت لما فطست من الضحك على النكت
تسلم ايدك ............. لا ما ينفعش
تسلم دماغك
بجد النكت تجنن
ومنتظرين منك موضوعات جميلة بقى طالما الأسلوب بالشكل الرائع دا

انا سعيد فعلاً يا اخت قلب مصر لردك ولأن النكت عجبتكم :f:
تسلمى حضرتك على ردك المبتسم وعلى كلماتك المشجعة
إن شاء الله التشجيع ده هيخلينى أكتب تانى وتالت بس متزهقوش منى :1:
شكرا لرد حضرتك

mr_virus
16-11-2006, 12:17 PM
إن شاء الله التشجيع ده هيخلينى أكتب تانى وتالت بس متزهقوش منى
أنت الى هتزهاء من كل شويه هيقولولك: تانى تانى تانى تانى تانى

ساندريلا
16-11-2006, 12:25 PM
ههههههههه كلها نكت جميلة شكرا ليك يا سيف وياريت تجيب نكت اكتر :good:

سـيف الديـن
16-11-2006, 12:43 PM
جميله النكت يا سيف
مطرود مطرود متقلقش
أصبــــــر على ررزقــك
ههههههههههههههه

فى رعاية الله

الاجمل هى ابتسامتك ياميمو
ادينا صابرين لما نشوف هيعملوا معانا ايه
انا سمعت ان فيه مشرف رفع عليا قضية :d
شكرا على ردك

سـيف الديـن
16-11-2006, 01:08 PM
بسم الله الرحمن الرحيم
ههههههههههههه
بجد نكت جميلة جدا
شكرا جداااا عليهم
ومستنيين انك تكتب حاجات حلوة كدة تانى

اهلا بالأخت بسمة أمل مشرفة قاعة لقاءات فى حب الله
طبعا مشرفى قاعة لقاءات فى حب الله خارج النكت - عاوزكم بقى فى صفى :d
الحمد لله إن النكت عجبتكم وحازت اعجابكم *105*
شكرا على التشجيع الجميل :f:

سـيف الديـن
16-11-2006, 01:15 PM
أنت الى هتزهاء من كل شويه هيقولولك: تانى تانى تانى تانى تانى
شكرا يا mr_virus على تواصلك الجميل وإن شاء الله هيكون فيه تانى بشكل مختلف
:f: :f: :f:

ابن البلد
16-11-2006, 01:22 PM
ههههههههههههه
لا حلوين :d

15 - مشرف دخل قاعة المناقشات طلع منها بخمس غرز وإرتجاج فى المخ

:d

سـيف الديـن
16-11-2006, 01:32 PM
ههههههههه كلها نكت جميلة شكرا ليك يا سيف وياريت تجيب نكت اكتر :good:

شكرا ياسندرلا والحمد لله انها عجبتك وان شاء الله أكتبلكم اكتر :f:

سـيف الديـن
16-11-2006, 01:51 PM
ههههههههههههه
لا حلوين :d


:d

برائة ياشــباب

إفــــراج

المشرف العام موافق

شكرا يا ابن البلد

:f2:

zizoYAzizo
16-11-2006, 06:39 PM
13 - مشرف عاوز يعرف حبيبته بتحبه أو مبتحبوش دخل على القاعة وبدأ يحذف المواضيع واحد ورا التانى ( بتحبنى - مبتحبنيش - بتحبنى - مبتحبنيش )

14 - مشرف عام موظف فى مصلحة حكومية شرط على كل عضو يكتب مشاركة يحط عليها ورقة دمغة

15 - مشرف دخل قاعة المناقشات طلع منها بخمس غرز وإرتجاج فى المخ


هههههههههههههههههه جميله ياسيف تحفه اهلا بيك معانا فى المنتدى بس يارب ماتتخطف اليومين الى جايين

عـزالديـن
16-11-2006, 06:52 PM
20 - مشرف مردش على الموضوع ده اختفى فى ظروف غامضة .

:d :d :d :d :d

لو جالى القلب من كتر الضحك هيكون ده ذنبك ياسـيف الديـن

جميل جداً والأجمل انك كتبته حصرياً لمنتدى أبناء مصر *105*

بإنتظار المزيد من كتاباتك الممتعة :y:

وبالنسبة للطرد فتأكد إنه هيحصل :d

لو مكتبتش تانى :1:

:f2:

سيد جعيتم
17-11-2006, 12:15 PM
فعلاً ظريف وسنتخذ فوراً إجراءات إيقافك فى المشمش

Hesham Nassar
17-11-2006, 12:26 PM
حلوه النكت يا سيف ..http://www.egyptsons.com/misr/images/smilies/080402cool_prv.gif
http://www.egyptsons.com/misr/images/smilies/old/thumbsup.gif
http://www.egyptsons.com/misr/images/smilies/050103hrm_prv.gif

monmon_aso1982
17-11-2006, 12:33 PM
نما الى علمى انه سوف يتم القبض على العضو
الذى قام بكتابة مجموعة من النكت على مشرفى
أبناء مصر
والقبض على من يشجعه
الحقوااااااااااااااااااااااااااااااااااااااااااااا اااااااااااا يا جماعة
أهربوااااااااااااااااااااااااااااااااااااااااااااا اااااااااااااااااااااااا
واستخبوا فى قاعة هريدى علشان تتربصوا فى الذرة
وأنا مش هابلغ عنكم
هاهاهاهاهاهاهاهاهاهاهاهاهاهاهاهاها
قد أعزر من انذر
فيه أغنية لحليم بتقول
مفقود مفقود مفقود مفقوووووووووووووووووووووووود يا ولدى ياولدى
يلا كان نفسنا تكون معانا اكثر من كدا
سلامى ليك
ومش هاقول رأيي وأنا مالى ياعم

مي مؤمن
17-11-2006, 06:26 PM
ههههههههههههههه نكتك حلوة قوي يا سيف واحلى حاجه انها حصريا في منتدى ابناء مصر واحنا معاك يالله امرنا لله هنطرد هنطرد بس ربنا يستر ما نتطرتش احنا تكون انت مظبط نفسك مع المشرفين و........
مستنين منك المزيد من النكت

ايهاب احمد75
17-11-2006, 08:35 PM
جامده وجديده ورائعه بس اوعى تكون متفق مع المشرفين علشان يعرفوا مين اللى هيضحك عليهم ويوقفوه عارف انا الحركات دى هههههههههههههههههههههه

بجد ساهمت فى رسم ضحكه من القلب على كل الوجوه شكرا لك

ألب أرسلان
17-11-2006, 09:31 PM
هههههههههههههههههههههه
راح كلبوش يا حبة عينى ههههههههه

بس فعلا نكت تحفة وعلى فكره أنا يرضوا مشرف
بس فى منتدى تانى ( آه لو كنت عندى ) هههههههه

بس والله رائعة جدا , متشكرين على النكت

أخوك فى الله

sameh atiya
17-11-2006, 09:33 PM
نكت روعه تسلم ايدك
بجد جميله جدا
فى انتظار نكتك على المشرفين
ههههههههههههههه

بس انا معاك ما تخافش:m19:

bedo_ic
17-11-2006, 09:34 PM
مش عارف اقولك ايه انت لم هدومك وحضر نفسك ..... حتتخطف حتتخطف ..
بس والله جميل
بيدووووووووووووووووو

همســـة حب
17-11-2006, 11:21 PM
ردى متاخر معلش لظروف

حقيقى منور وموضوعك تحفه

فى حب مصر
18-11-2006, 01:24 AM
السلام عليكم
ههههههههههههههههههههههههههههههههههههه

حلوة
هههههههههههه


Photo Gallery