ممكن تعرفنا على هواياتك؟؟ [الأرشيف]

بنت مصر

20-04-2003, 07:56 PM

السلام عليكم ورحمة الله وبركاته

الأخوة والاخوات الكرام

منتدى لؤلؤة المشرق العربي ابناء مصر ماشاء اصبح ذاخرا بالاعضاء النشيطين
لذا فرغبة منا في التقارب وزيادة التعارف ادعو كل من يرغب المشاركة
في تقديم نبذه عن مجال هواياتة ((أدب - شعر - رسم - سباحة - موسيقى - رياضة ....الخ))
واذا سمح المجال أكثر لتقديم جزء من انتاجه ليسعدنا ويسعد أخواننا الاعضاء
نكون له شاكرين ومقدرين ..... فمن يبدأ معنا بالمشاركة؟؟؟

انتظر

وأنتظر

ثم أنتظر

بسنت

مصراوى

21-04-2003, 07:05 AM

سلام عليكم
هوايتى القراءة
وكتابة القصص والمقالات الساخرة
أما عن انتاجى فهو مرفق من خلال التوقيع
واحده بنت حلال ساعدتنى الله يكرمها وأظهرته
:D:D:D

المنياوى

21-04-2003, 07:15 AM

وهواياتى كمان المراسلة والقراءة وحب الأطلاع
وهواياتى كمان بحب احمد صالح الاعب الخلوق بنادى الزمالك ده خاصة
اما عامة فانا بحب نادى الزمالك بشراهة
اوعى تطلعى اهلاوية عن تكرهينى

محمد البنيان

21-04-2003, 07:35 AM

شكرا لمعدة الطرح
الغالية بنت مصر

أحب الادب شوي
وأحب السباحة شوية وبخاف كثير مره
ما تعود مكة لايوجد بها بحر
مطلع جدا على حركة الرياضة ولاعب كرة قدم حاليا
أحب الاهلي السعودي والاهلي المصري فقط
أحب المراسلة والتعارف
أحب السفر والترحال

واخر هواية بل حقيقة
هي
احبكم

استاذي مصرواي ومن سمعك من شاهد ردك .. .. ..

من محب لك

Mrs. Virgo

21-04-2003, 08:06 AM

:) بحب العزف على البيانو ...
أي مقطوعه بسمعها ...
ممكن اعزفها في أقل من 10 دقايق ..

:) بحب قراءة الكتب جدا ...
كل حاجه تيجي في إيدي ممكن أقرأها ..
قصص ، معلومات ...

:) بحب الموسيقى جدا ...
وبحب اسمع كل انواع الموسيقى والغناء ...
طبعا كل حسب المزاج والمناسبه .. :)

:) وعندي هوايه غريبه شويتين ..
بحب أغني واحكي القصص للأطفال ..
علشان بحب اقلد أصوات شخصيات قصص الأطفال ..
يعني اصوات الأم والطفل .. والجده .. والحيوانات .. كل واحد نبره مختلفه.
بيسعدني اشوف الإستغراب والإبتسامه في عيون الأطفال في وقت واحد :)

:)بحب السباحه والبحر جدا ..
بس للأسف مش بعرف أعوم غير تحت الميه .. زي السمك ..
يعني بسبح على الشط بس .. علشان اقدر كل دقيقه اطلع اخد نفسي :)

بس كفايه كده :D

شكرا بنت مصر على موضوعك الجميل ده .. :)
خلاني أطلع كل مواهبي .. :D

مصراوى

21-04-2003, 08:47 AM

Miss. Virgo
سمعينا حاجه بصوت الجده
:D:D:D
وبلاش سباحة الله يكرمك احنا عايزينك
:3::3::3:

مصراوى

21-04-2003, 09:19 AM

أخى محمد البنيان
انت أهلاوى أأأأأأأأأه من اللى جرى لينا
:2::2::2:
بجد وحشتنا مشاركاتك الحلوة
مع تحياتى الصادقة

محمد البنيان

21-04-2003, 11:05 AM

Miss. Virgo
الحبوبة
مكن طلب
اسمع من الفقرة الرابعة
صوت زوج الجدة
بعد طلب مصرواي
لوووووووووو سمحتي

شكر استاذي مصرواي
على الشعور النبيل منك
ويالله .. .. ..
نعوض الهزيمة إن شاء الله لاحقا ..

من محب لك

بنت مصر

21-04-2003, 12:24 PM

اهلا بيكم جميعا وبهواياتك الحلوة
فالانسان لو ماعندهوش هواية يبقى
أكيد عايش في فراغ وملل

اعجبتني جدا هواياتك يا فيرجو
وبناءً عليه نطالبك يا ميس فيرجو
بعرض انتاجك وتنزلي لنا ملف صوتي
فيه تقليد اللي طلبه منك مصراوي ومحمد البنيان:D

ممكن اطلب برضه من محمد البنيان يعرض لنا فيلم تسجيلي
عن اهدافه اللي احرزها في كره القدم ..

أنا هوايتي بقا هي اني اطلب من محمد البنيان ومصراوي وكل
الاهلاوية انهم يبطلوا يشجعوا الاهلي بعد هزيمته من الزمالك 3/1 :D

مصراوى

21-04-2003, 03:03 PM

:mad::mad::mad:
عدوة الاهلى رقم 1
برده الدورى أهلاوى أو شلتاحاوى بس عمره ما حيكون زملكاوى
:3::3::3:

بنت النيل

21-04-2003, 04:29 PM

همممممم

طيب واللى عنده هوايات تانية بخلاف المذكور اعلاه
ممكن يقول عليها :rolleyes:

بنت مصر

21-04-2003, 04:35 PM

دا انتي تنوري يا بنت النيل والله بس قولي يا حبيبيتي

ويامصراوي انا مستعدة اشجع شارونيح ولا اني اشجع اهلوليح :D

بسنت

بنت النيل

21-04-2003, 04:52 PM

شكرا يابسنت على الترحيب
سأعود بعد ان اكتبهم

اصل هواياتي كتيرة جدا بصراحة
لدرجة اني احيانا لااجد الوقت الكافي لممارسة بعضها فتتراجع لبعض الوقت

ولكن مبدئيا ان احب القراءة وخصوصا الشعر والأدب الساخر
واحب اللغة العربية جدا واحترمها جدا جدا واعتز بها واغار عليها من اي محاولة تشويه تحدث لها
وطبعا احب مايتعلق بالقراءة كالكتابة مثلا ولي بعض المحاولات نشرت بعضها هنا والبعض غير قابل للنشر لظروف تتعلق بهامش الحرية الممنوح في النقد :D

وسأعود لاستكمال باقي الهوايات :1:

بحر الإسكندرية

21-04-2003, 05:26 PM

ممكن تسمحولي بالاشتراك معاكم ؟ :)

انا بالنسبة لهواياتي أولها في الوقت الحالي هو الكمبيوتر و خصوصاً الانترنت و البحث عن البرامج اللي فيها فائدة .
أنا الحمد لله الانترنت و الكمبيوتر دول بقى عاملين زي الادمان بالنسبالي لدرجة المضحك انه لما أغيب عن الكمبيوتر لمدة بسيطة من غير ما أعملش في المدة دي حاجة أحس ان إيدي بتلعب لوحديها كأنها على الكيبورد :)

أنا ليا هواية تانية و هي ركوب العجل ( الدراجة ) أحسن حد يفتكرها عجل:D:D , بأعشق حاجة اسمها عجلة , بس اللي المشكلة اللي بتواجهني ساعات ان اللي حواليّا بيقولي اني كبرت على ركوب العجلة بس انا شايفها ان ركوب العجلة مش مقيد بسن معين .

أنا عندي هوايات تانية كتير و الحمد لله , بس خلي غيري يأخد فرصته :)

أشكركم جميعاً و أشكر بنت مصر على فكرتها في وضع موضوع جميل زي ده :)

Mrs. Virgo

22-04-2003, 09:50 AM

:3: ماشي .. اتريقوا .. اتريقوا ..

:2: :2: :2: :2: :2: :2:

لو سمحتوا .. بصه على توقيعي .. :2:

محمد البنيان

22-04-2003, 10:30 AM

عزيزتي
Miss. Virgo
وشفنا التوقيع وبعدين
ايه العمل يعني ..
ممكن أ أ أ
بعدين اقولها وافصح عنها

بنت مصر
كل واحد وله ميول
شارونيح
واهلوليح
وبولينج
ووو

رضينا برد مصرواي

من محب لك

Mrs. Virgo

22-04-2003, 10:58 AM

:confused: يعني أنا غيرت هواياتي . انت مش بتعرف تقرأ ولا إيه !!
والهوايات الجديده خلاص .. سر .. مش هقولكم عليه .. :p :p :p :3:

بنت مصر

22-04-2003, 06:00 PM

بنت النيل الغالية
ربنا يزيدك من فضله انتي فعلا ما شاء الله
بتمتلكي كل ادوات الكاتبة الرائعة واول اداه فيهم
اننا بنحبك أوي :D تاني اداة هي امتيازك في اللغة العربية
والباقي بقا يقولهولك أهل الكار

(الكار مش يعني العربية) يعني ما ينفعش مثلا ابدا نقول انك تجيدي اللغة الكار :D
ولكن بقصد بأهل الكار يعني النقاد واهل الادب والشعر

والله يا بحر اسكندرية وانا كمان بحب العجلة اوي بس مش اي مكان ينفع لها :(
عموما هي هواية جميلة جداااا يظهر ان كل الاسكندرانية طباعهم واحدة:D

ميس فيرجو الحبيبة انا اسفة اوي يا لميسة الغالية ما عاش ولا كان اللي
يتريق عليكي ابدا احنا بس بنتنأور :3:

وفي انتظار باقي المواهب الصاعدة والنازلة ايضا :D

بسنت

هنا القاهرة

23-04-2003, 11:53 AM

الاخوة الطيبون السلام عليكم و رحمة الله و بركاته .
أما أنا فأهوى الاتي حسب الترتيب :
قراءة كتاب الله العظيم القران الكريم .
قراءة كتب التاريخ . و كل مايتعلق بالجغرافيا .
وأحب الخروج الى المنتزهات خاصة الى الصحراء مع الأصدقاء.
ولعب كرة القدم .
أحب أن أنصح نفسي اخواني ان كل شئ نعمله سنحاسب عنه يوم القيامة و الحساب في ذلك اليوم بالحسنات و السيئات .
فقبل عمل اي شئ فكر اولا .
هل هذا العمل فيه رضاء الله عز و جل أم فيه غضبه.
أخوكم / أسامة

بنت النيل

23-04-2003, 01:30 PM

العزيزة بسنت :)
شكرا ياست الكل على مدحك لي وذوقك وادبك الجم ( الكتير قوي خالص جدا يعني :D )

انا سعيدة انكم بتحبوني ووالله وانا كمان باحبكم قوي وربنا يعلم

بالنسبة لهواياتي التانية فهي اغلبها هوايات يدوية

يعني باحب الخياطة جدا جدا ... وتقريبا باخيط اغلب الحاجات وكان نفسي ادرسها دراسة محترفين ( بس الوقت بقي :3: )

باحب التريكو والكروشية والتطريز وتوابعهم ;) ... يعني كل الاشغال اليدوية الفنية ... واي حاجة تُتاح لي فرصة اني اتعلمها ماعنديش اي مانع :)

باحب المطبخ جدا ( اطبخ بس ... لكن الاكل مش غاوياه :p ) لحسابات الرشاقة والذي منه ... وطبعا احب الحلويات قوي ... واحب اعملها جدا لكن لاعتبارات الرشاقة مش باكل منها كتير ... يعني باعمل الحاجة واسيبهم يتدبسوا فيها في البيت :3:

باحب النباتات المنزلية وباعرف اعتني بيها كويس قوي قوي
عندي كمية غير طبيعية من الكتب في كل المعارف المطبخية والديكوراتية الخاصة بالاشغال اليدوية والاعمال الفنية ( ممكن افتح بيهم ورشة معتبرة :D )

طبعا باحب الكمبيوتر ومدمنة نت واي حاجة تقع تحت ايدي احب اتعلمها
مدمنة منتديات زي ماانت اكيد واخدين بالكم

اهم حاجة باحب ارتاح عندها هي الموسيقى والغناء
باحب الموسيقى الكلاسيك جدا وعندي مكتبة مش بطالة من السيمفونيات والاوبرات ... على قدي يعني
باحب طبعا الاغاني المصرية الاصيلة وخصوصا القصائد ... احب اسمع كل حاجة فيها طرب ... لكن اغاني الخبط والرزع مااحبهاش

وكفاية كده بقي احسن انا باحب الرغي :3:

بنت مصر

23-04-2003, 07:38 PM

أخي العزيز هنا القاهرة ( ولو ان هنا الاسكندرية احلى) .. تعصب وعنصرية :D

ألف شكر اخي العزيز على المشاركة الكريمة
هواياتك كلها رائعة وملتزمة وفي مرضاه الله
واشكرك جدا أيضا على نصيحتك الكريمة
والتى تدل على التقوى وخوف الله
نسأل الله ان يرضيك ويرضى عنك

أختي الغالية بنت النيل
ما اجمل هواياتك المتعددة والتى تدل على حس مرهف جدا
عجبتيني اوي في الخبط والزرع ديوموتيني من الضحك:D
ربنا يزيدك من فضله يارب

بسنت

lina

27-04-2003, 05:50 PM

هواياااااات!!:confused:

ياااااااااااه دوول كتير و على رأي الاخت بنت النيل مش لاقيه الوقت الكافي عشان امارسهم كلهم ههههه اصل انا بيزي :D بيزي جدا خلو بالكو هههههه

بحب الانترنت والكمبيوتر عموما

بحب اعمل صداقات مع ناس كتير و من مختلف البلدان

بحب اتعلم لغات

بحب اساعد غيري على قد مقدر

بحب السباحه والمشي

بحب القرآن جدا

بحب الموسيقى ( ولو انهم بيقولو ح القرآن والموسيقى عمره ما يجتمع :confused: بس انا اجتمع عندي !! سبحانه :rolleyes: )

بحب التصوير

بحب اتزنق في موقف واطلع منه زي الشعره من العجين هههههه :D

بحب الاكل و احب الطبيخ

بحب بابا و ماما و اخواتي و و و هههههههه

بحب حاجات كتير هفتكر الباقي وارجع اكتبه :p

يلا بقى سلام عشان ماما زمانها جايه جايه بعد شويه جايبه لعب وحاجات :1:

:D باي باي لينا

بنت مصر

28-04-2003, 11:27 AM

ماشاء الله لينا على المواهب اللي ترفع الراس والرقبة (مش تخليها قد السمسة :D)

والله والله والله منورة وزي العسل برضه وفي كل الاحوال

بسنت

شعاع الشمس

28-04-2003, 11:52 AM

الأخت بنت مصر

تسلمى على الموضوع.
أهم هواياتى:

القراءة فى مجالات متعددة
الرياضة وخاصة كرة القدم-تنس
الموسيقى معظم انواعها
محاولة كتابة القصة القصيرة وهى أقرب للخاطرة
الأتنرنت
المراسلة

تحياتى
شعاع الشمس

بنت مصر

28-04-2003, 11:59 AM

والله يا شعاع الشمس هواياتك كلها راقية ورقيقة
بس بقا انت كشفت نفسك انك بتكتب خواطر
واحنا ولا شفنا حاجة فعشان كده
وعقابا ليك لازم تنكش لنا في كل
خواطرك عشان نقراها وبلاش
البخل دا :D

بسنت

شعاع الشمس

28-04-2003, 12:14 PM

امركِ يافندم........حاضر

تحياتى
شعاع الشمس

lina

28-04-2003, 01:12 PM

كاتب الرسالة الأصلية : بنت مصر
ماشاء الله لينا على المواهب اللي ترفع الراس والرقبة (مش تخليها قد السمسة :D)

والله والله والله منورة وزي العسل برضه وفي كل الاحوال

بسنت

:D :D :D ربنا يخليكي ليا يا ست الكل .. انتي اللي منوره المنتدى واللهي و كلامك على قلبي زي العسل :)

اما عن بقيه سلسله الهوايات فهي كالتالي

بحب الرغي
بحب الهزار
بحب المقالب
بحب متابعة غروب الشمس و شروقها

بموت في المذاكره ,, :D كركركركركر ( اوعي تصدقي :confused: )

بحب السفر والرحلات
بحب اجمع اي تذكار (سوفينير) او هديه او كرت من صديق

كفايه كده عشان ادي فرصه لغيري :D

سلام
لينا ;)

بنت مصر

29-04-2003, 09:01 PM

ربنا يزيدك يا لينا هوايات يارب :D

lina

29-04-2003, 09:29 PM

ويزيدك حسنات يا بسنت يا حبيبتي يا رافعه روحي المعنويه :D:D

سلام
لينا

Mrs. Virgo

30-04-2003, 08:29 AM

:rolleyes:

لينا !!!!!!!!!!!!!!!!!!!!!!!!!!
بحب اجمع اي تذكار (سوفينير)

طيب عايزين قائمه باسماء المطاعم والفنادق إلي بتروحي لها ..
:( احسن يتهموا حد ثاني بيها .. :3: :3: :3: :3:

Proud_Muslimah

30-04-2003, 10:31 PM

اجمل التحيات والتقدير للمشتركين ,,وفخورة جدا باخواني واخواتي لانه ان دل يدل على وعي ونضوج...:rolleyes:

والواحد اصبح يفكر ويشعر ان الشباب اصبحوا من غير هدف...:4:

وطبعا لاانسى ان اقدم خالص تقديري وحبي لصاحبة الفكرة العزيزة(البكاشة)بسنت;)

مرمـــــر

01-05-2003, 02:24 AM

اخواني الاعزاء

ممكن اشارك معكم

بس اولا نشكر الاخت بنت مصر ع طرح الموضوع الحلو دة

انا شفت هوايات الاخوة الاعضاء وماشاء الله كلها هوايات جميله

وربنا يوفق الجميع يارب

*انا من هواياتي احب اقرء القصص والشعر

احب اسمع الموسيقا والاغاني القديمه

وبحب اسمع الاغاني الوطنيه:D بجد ممكن تكون غريبه شويه

بس والله بحس انها بتؤثر في نفسي
كذلك من هواياتي السماع الي مشاكل الاخرين بجد
احب اسمع لكل اصدقائي الا ممكن تحصله مشكله وبحاول اشارك في حلها

من هواياتي فعلا اني احب الخروج دايما للاماكن الخضراء واني اعيش مع نفسي

فترة من الوقتمليانه بقي سرحان في ملكوت الله بس ياخسارة ما بحقق هوايتي

كثيرا بما اني متوجدة بالسعوديه والخروج غير متاح دايما

كذلك الارتباط بالاطفال وخاصه البنات
وكتير طبعا من الهوايات ولكن انا اكثرت عليكم في الكلام

وشكرا لكم جميعا

اختكم
مرمر

بنت مصر

04-05-2003, 09:43 PM

براود الغالية منورة حبيبتي واهلا بيكي وبمرورك
انتي فين يا براود وحشتينا

مرمر الغالية
هواياتك جميلة ورقيقة زيك
ربنا يزيدك من كل مفيد

واعتذر عن التأخير في الرد

بسنت

بنت النيل

04-05-2003, 09:50 PM

مساء الفل :)

حبيت افكركم وافكر نفسي معاكم ان بسنت كالعادة بتسال الناس وبتزوغ من الاجابة :D:D:D

Mrs. Virgo

05-05-2003, 09:38 AM

:confused: أه والله عندك حق ..

بسنت .. ومن منطلق طباخ السم بيدوقه .. هواياتك إيه !! :)

بنت النيل

05-05-2003, 06:24 PM

ومازال مسلسل طناش بسنت مستمرا وبنجاح ساحق :D

اين الرد يابسنت ياهرابة :3::3:

مسك

05-05-2003, 07:03 PM

بصراحه يااخوان هذه اول مشاركه معكم ومتشرف بكم جميع وعلى يقين تام انني بين اهلي واحبابي .
انا اجمل هوايه بالنسبه لي هي رحلات الصيد البريه والتعايش مع الصحراء فالصحراء علمتني اشياء كثيره لم اعرفها في المدينه ولذلك اصبحت الصحراء والعيش بها هي معشوقتي ولكن اصبح الان لي معشوقتان ( الصحراء ومنتدى ابناء مصر )
وتحياتي للجميع ،،،

lina

05-05-2003, 07:30 PM

اهلا وسهلا بيك اخي مسك واحنا اللي زدنا شرف بانضمامك لينا ;)

ارجو ان تكون مبسوط معانا ونستمتع بكل ما هو جديد منك وتستفيد انتا كمان

هوايتك غريبة بعض الشئ ..بحس ان الصيد عموما مغامرة ولا سيما في الصحرا

بس للأسف مش بتستهويني الحاجات دي;)

اتمني تقضي وقت سعيد معانا:3:

تحياتي
لينا :)

بنت مصر

05-05-2003, 07:31 PM

هههههههههههه بنت النيل وميس فيرجو الغاليين
شكلكم اتفقتوا عليا انت الاتنين بس فيرجو تعرف اني عضلات

سيبوني ارحب باخينا الجديد اللي انضم لعائلتنا ((مسك))
وان اتمنى له اجمل الاوقات واطيبها وان يسعد
بوجوده معنا كما سعدنا به بيننا
:106:
منور اخي مسك اتمنى تجد لدينا ما يلقى استحسانك

بنت النيل وفيرجو حقول حاضر:3:

بسنت

بنت النيل

06-05-2003, 03:43 PM

عضلات ايه وعضمات ايه :3:
هو احنا بنتهدد

بلاش هروب وقولي بقى

كل شوية تطلعي بتزويغه شكل :3::3:

مسك

06-05-2003, 05:11 PM

شكرا اخت لينا على الرد وعلى الصراحه منك وحقيقة ان هواياتي الكثير والكثير لايتعجبهم ولكن للناس فيما يعشقون مذاهب .
اتمنى اني اهوى القرءه او كتابة القصص بس والله مالي خلق في القراءه كرهتني المدرسه حتى في اني اقراء قصه قصيره لاني اتذكر استاذ سليمان واستاذ عبدالعزيز وهما الكابوسان الي اشوفهم مع كل كتاب او قصه فذهبت الى الصيد بالبراري وحيد وكل مااشوف ارنب او حمام اتذكر مدرسيني وانتقم منهم بصيدهم ههههههههههههه .
بس الحمد لله مو هؤلاء الي يوقفون العلم عند احد بفضل من الله وبقوة العزم تخطيت شهادة الماجستير غضباً عنهم جميع ..

تحياتي ،،،

lina

06-05-2003, 05:46 PM

اخي مسك اهلا وسهلا بك مره تانيه ,, والصراحه مطلوبه دائما ,, زي ما بيقولو الصراحه راحه ;)

واتفق معاك في ان كثير من المدرسين والمدرسات يكرهوك في عيشتك هههههه
حتى انا كرهت الكتب عموما بس القراءه عادي ممكن اقرأ اي حاجه بس مش من كتاب .. غالبا من النت في الوقت الحالي

ومبروك عليك الماجستير

عقبالي .. انا طموحي ثانوي وبس :2: :2:

بنت مصر مش تعرفينا على هواياتك وللا انتي ناويه تهربي على طول؟!! :confused:

تحياتي
لينا :D :3:

ابن البلد

06-05-2003, 07:04 PM

هواياتي جمع الأصدقاء

مرمـــــر

07-05-2003, 02:37 PM

اختي الغاليه

بنت مصــــــــــر

شكرا لكي وع طرحك الموضوع دة

بس متهربيش كتير من انك تعرفنا هوايتك

ولا ايه

وبلاش العضلات علشان احنا كمال اجسام هههههههههههههههههه

وشكرا لكي اختي ع ردك الطيب لي

وجزاكي الله كل الخير

اختكم

مرمر

بنت مصر

07-05-2003, 06:51 PM

بصراحة يا ابن البلد موتني من الضحك وانت بتقول
هوايتك جمع الاصدقاء ...... هو احنا طوابع بريد
ايه رأيك بعد الكلام دا لا انا صديقتك ولا اعرفك
ومتبرية منك لحد ما تقول لي فئة كام:D

مرمر الغالية اهلا بيكي حبيبتي وتستاهلي كل خير
وانا على العموم ما بخافش الا من اللي خلقني
بس مادمتي كمال اجسام يبقى حقول :rolleyes:

هواياتي كتير ومتشعبة جدا خدوا عندكوا

بحب القراءة
وبحب الانترنت وخصوصا منتدى ابناء مصر (لؤلؤة المشرق العربي)
وكمان الاتاري والبلاي ستيشن
ومابحبش التليفزيون ولا هالة سرحان:D
وبحب الفول والطعمية والتي في الفيفتي يعني الشاي في الخمسينة بس باللبن
وبحب الصداقة والفسح بس الانترنت فرق بيني وبينهم شوية
بحب الاطفال بس البنات بس والاولاد لا
بحب العجلة برضه زي بحر اسكندرية
وبحب كرة القدم لما فريق الاهلي يكون مغلوب من الزمالك والاسماعيلي :D

وكفاية كده عشان الحسد :D

بنت النيل

07-05-2003, 07:12 PM

مش كفاية يابسنت
بطلي حركات

انت اتأخرتي قوي في انك تعترفي بهواياتك :3:
فعقابا لك على التأخير فيه دور تاني تحكي فيه وانت بتشربي دور شاى معتبر في الخمسينة

ياللا :D:D

بنت مصر

07-05-2003, 07:16 PM

لا يا بنت النيل بقا مفيش داعي للكروتة دي
دي ما ينفعهاش شاي في الخميسنة
يا عزومة غدا يا بلاش :D

بنت النيل

07-05-2003, 07:41 PM

احنافينا من حركات الطمع دي :3:

خلاص

ماشي

ندبح لك دكرين فول معتبرين ومعاهم كباب مفلفل معتبر وسلطانية طرشي حراق واديها بقى :3::3:

ابن البلد

08-05-2003, 10:58 AM

بسنت
مين قال أنك من الأصدقاء
حاجه غريبه أوي يا خواتي الناس اللي بتحشر نفسها دي بالعافيه
أيوه أصدقائي طوابع بريد ومعادن وعملات نادرة جدا جدا جدا جدا
أما سياتك بقه فا من النوع الخشابي ههههههههههههه
حاجه كده شايلها للزمن ههههههههههههههه :30: يمكن تغلي بعد كده ههههههههههههههههه

ياله سلاموا عليكوا بقه لحسن ننضرب