المساعد الشخصي الرقمي

مشاهدة النسخة كاملة : بطاطس الصفقاقس وكيكة أبوتريكة



أحمد ناصر
06-11-2006, 11:30 AM
والله العظيم أحوالنا عجيبة جدا
هو جرى إيه لينا يا ناس؟
الله يخرب بيت الكورة إذا كانت هاتعمل فينا كده
الأهلى غلب الزمالك نلاقى نكت عن واحد زملكاوى إشترى كيكة طلع له فيها أبوتريكة
والأهلى إتعادل مع الصفاقس نلاقى نكتة عن الأهلاوى اللى راح لبتاع الخضار قال له فيه عندك يامعلم بطاطس ..قاله :لأ فيه عندى صفاقس..
زمان كانت المداعبات بين الأهلاوية والزمالكوية دمها خفيف والقفشات تخرج من على طرف اللسان دون أن تدخل القلب
صحيح إنه كان فيه مشجعين متخلفين وكانوا يلبسوا فانلة حسن شحاتة للحمار ويطوفوا به فى الشوارع إذا الأهلى فاز أو يلبسوا فانلة الخطيب لكلب ويعملوا له زفة إذا الزمالك فاز
لكن دى كانت حالات نادرة وبسيطة
وعمرها ما تعدى الليلة التى أقيمت فيها المباراة
لكن ما يحدث فى هذه الأيام تعدى كل حدود اللياقة وأصبح مرض مقزز
والله أنا بأشمئز مما أراه يحدث بين البعض من الجماهير المجنونة سواء فى الأهلى أو فى الزمالك هذه الأيام
الموضوع تعدى حاجز القفشات البريئة والخفيفة إلى المشاحنات من النوع الثقيل
وكأن الرياضة أصبحت مجال للكره والتشاحن والبغضاء
فنرى لافتة طويلة عريضة فى مدرجات بورسعيد مكتوب عليها (بورسعيد مش بتحبك يا أهلى)وبعدين سيد متولى لمح إن الراجل ده زملكاوى وكمان دى أول مرة يحضر ماتش للمصرى فى الدور الأول
طيب والناس التى كانت تلبس فانلات الصفاقسى دى إيه حكايتها يا حاج سيد؟
والناس اللى لبست فانلات الصفاقسى من جماهير الزمالك فى مباراته مع بترول أسيوط بالأمس
وعشرات الألوف من الجنيهات التى يضيعها شباب العرب فى رسائل ال sms التى تظهر على شاشات التلفاز وننشر فيها غسيلنا القذر وتعصبنا الأحمق سواء للأهلى أو الزمالك
وأحيانا بين جماهير الأهلى وجماهير تونسية أو سعودية
وتلاقى واحد أهلاوى أهبل بيتعصب لجوزيه وكإنه طارق بن زياد
وواحد زملكاوى عبيط بيتعصب لكاجودا كإنه عقبة بن نافع
وكأن الناس يضعون الرياضة فى كفة ويضعون تعاليم الأديان فى كفة أخرى
الظاهر إن صدام حسين مش هو لوحده اللى تم الحكم عليه بالإعدام
لكن عقول وضمائر عدد لا يستهان به من مشجعى الكرة فى مصر والعالم العربى

عمرو صالح
06-11-2006, 12:31 PM
اهلا بأحمد ناصر في قاعة الرياضة
موضوع يتسحق المناقشة خصوصاً مع تزايد موجات التعصب الغير مبرره
خصوصاً تجاه الاهلي وبطريقة لفتت نظر الجميع
اسجل حضور وان شاء الله سأعود للمناقشة من جديد

أحمد ناصر
06-11-2006, 01:17 PM
اهلا بأحمد ناصر في قاعة الرياضة
موضوع يتسحق المناقشة خصوصاً مع تزايد موجات التعصب الغير مبرره
خصوصاً تجاه الاهلي وبطريقة لفتت نظر الجميع
اسجل حضور وان شاء الله سأعود للمناقشة من جديد
أهلا بك يا عمرو
وأنا فى إنتظارك

اشرف المملوك
06-11-2006, 01:54 PM
الأخ الكريم/أحمد ناصر
التعصب الأعمى مرفوض
والتشيع الرياضى مطلوب
وحب المنتخب وأسم مصر
فوق الجميع
فكل الأندية هى فى الأخر تصب لمصلحة المنتخب
وأى فريق يمثل مصر مهما كان أسمه فالمفروض
أننا نكون كلنا وراءه ونشد من أزره
شكرا جزيلا لطرح هذا الموضوع
دومت بكل خير

ابن البلد
06-11-2006, 02:39 PM
يا أحمد دول مجانين :d
وبعدين بيبقه نظام أيه بقه أصل الزمالكويه هما اللي عملوا كذا الاول
فلازم الاهلوية يردوا
او الاهلوية شتموا الزملكوية في مبارة مكنش حتى الزمالك بيلعب فيها
فلازم الفريق التاني يرد

يعني من الآخر الروح الرياضية عندنا كفته
وعايزة لها السيخ المحمي :d

أحمد ناصر
06-11-2006, 03:18 PM
الأخ الكريم/أحمد ناصر
التعصب الأعمى مرفوض
والتشيع الرياضى مطلوب
وحب المنتخب وأسم مصر
فوق الجميع
فكل الأندية هى فى الأخر تصب لمصلحة المنتخب
وأى فريق يمثل مصر مهما كان أسمه فالمفروض
أننا نكون كلنا وراءه ونشد من أزره
شكرا جزيلا لطرح هذا الموضوع
دمت بكل خير
الأخ العزيز أشرف المملوك
وإبتغاء مرضاة الله أولا وأخيرا
والإعتصام بحبله لا التفرق بسبب ترهات لا تسمن ولاتغنى عن جوع
وشكرا لك على المشاركة والتعليق

أحمد ناصر
06-11-2006, 03:46 PM
يا أحمد دول مجانين :d
وبعدين بيبقه نظام أيه بقه أصل الزمالكويه هما اللي عملوا كذا الاول
فلازم الاهلوية يردوا
او الاهلوية شتموا الزملكوية في مبارة مكنش حتى الزمالك بيلعب فيها
فلازم الفريق التاني يرد

يعني من الآخر الروح الرياضية عندنا كفته
وعايزة لها السيخ المحمي :d
:d
والله يا أحمد المجانين دول ها يجننونا معاهم
وعلى رأيك
مش ممكن نعرف أبدا مين اللى إبتدى
وبعد الجماهير كانت ممتازة فى مباراة الأهلى والزمالك التى أعقبت كأس أفريقيا
ونادت جماهير الأهلى على لاعبىالزمالك
ونادت جماهير الزمالك على لاعبى الأهلى
وفرحنا بالروح الرياضية الجميلة
لكن شوية كده والظاهر إن ريما هاترجع لعادتها القديمة
شوية من الأهلوية إتعصبوا بعد الأهلى ما إتعادل مع الصفاقس
وشوية من الزمالكوية شمتوا فى الأهلوية

تخيل إنى قرأت رسالة SMS ى أحد البرامج
واحد بينتقد تصريحات جوزيه بإنه صنع إنجازات الأهلى وبيقوله ((الأهلى يصنع ولا يصنع))
يعنى مش عارف بصراحة إيه الكلام العجيب ده؟
وكإنه ناقصنا إننا نأله الأندية كمان
يعنى مش كفتة وبس
لأ ده بتنجان كمان
:d

محمود زايد
06-11-2006, 06:59 PM
اهلا اخى الحبيب احمد نورت القاعه من تانى
موضوعك جميل بس انا عاوز اقولك حاجه الكرة من غير تعصب ماتنفعش تبقى طبطبه او دلع بس تعصب يكون حميد مش تعصب شتيمه وسب وخروج عن المالوف على فكرة انا مش بحب الزمالك نهائى وده بصراحه بس صدقنى لو الزمالك لعب امام اى فريق من خارج مصر عمر ما اشجع الفريق ده امامه لان فى الاخر الفوز و الهزيمه تنسب لمصر
بس حالات التعصب ضد الاهلى اكتر من اى حالات تعصب ضد فريق اخر وهقولها لما الاهلى اتغلب فى اتحاد جدة فى كأس العالم للانديه مواقع الزمالك كلها خرجت علينا بتهنئه اتحاد جدة ليه علشان اتحاد جدة هو شقيق نادى الزمالك وعامل معاه توأمة طيب بالذمه ده كلام اتحاد جدة السعودى اقرب للزمالك المصرى من الاهلى المصرى والموضوع اتكرر مع ماتش الصفاقسى تبص تلاقيهم كاتبين يازملكاويه شجعوا الصفاقسى ليه علشان الحجه الجاهزة وهى التوامة ويافطه ماتش المصرى والاهلى فى بورسعيد حاجه تكسف وغيره الامثله كتير
نقطه اخيره لاحظتها من خلاص تواجدى باستمرار على النت انا مالقتش جمهور عربى قابل فريق مصرى وتمنى الفوز للفريق المصرى دائما واقفين مع بعض حتى لو امنيته من جواه ان الفريق ده يتغلب بس عمره ما يظهره امامنا مافيش حد بيعمل الكلام الخايب ده الا الجمهور المصرى اللى بيهون عليه فريق بلده بحجه انه بيكرهه ومش قادر يشوفه وهو بيفوز
ربنا يهدى الجميع
شكرا ياباشا على موضوعك الجميل وروحك الطيبه
تحياتى

عصام كابو
06-11-2006, 11:32 PM
أحمد ناصر....مش عارف....يا ترى أقولك أهلاً بيك فى قاعة الرياضة؟؟

دى أصلاً بيتك و إحنا اللى ضيوف عندك

ياريت ما تكونش زيارة قصيرة كالعادة

موضوع رائع كالعادة يا ابوحميد :good: :good:

و الرد عليه محتاج شوية مخمخة... عن اذنك أروح أمخمخ و أرجعلك... ههههههههه

jemmy
07-11-2006, 01:05 AM
الاخ الحبيب

وصديقى العزيز الباشمهندس / احمد ناصر

الحقيقه انا لن ارحب بك فى قاعه الرياضه لان ان كان هناك ترحيب

فالافضل ان ترحب انت بنا

وهكذا كما قال الاخ العزيز / عصام كابو

ثانيا :

موضوع جميل جدا اخى الفاضل ولونى مش متابع مايحدث من اخبار رياضيه

فى مصر غير عن طريق الجرايد وهى لا تكتب كل ما هو حقيقى

وبعدين موضوع التعصب ده موضوع قديم قوي غرس فى اعماق جمهور الكره المصريه

وبعدين انت تعرف يا ابو حميد ان جمهور الاهلى فى سنه من السنين هو الذي اجبر

حسن شحاته ( المدرب الوطنى ) على الاعتزال فى السبعينات

وده موضوع لاداعى للخوض فيه هنا كذلك جمهور الزمالك ياما عمل وعلى سبيل

المثال اعتزال حارس مرمى الاهلى السابق ( مروان كنفانى ) ليس بسبب ضربه

الجزاء المشهوره !

ولكن بسبب جمهور الزمالك ايضا

يعنى كده بصراحه تنتهى الحياه وتنتهى الدنيا

ولن تنتهى التصرفات الهمجيه لبعض من جمهور الكره المصريه


مع احترامى لجميع الاخوه الاعضاء وجميع جماهير الكره

المحترمين

مع تمنياتى لك وللجميع بالتوفيق

*174*

sea_wolf
07-11-2006, 05:03 AM
تسجيل
ولى عودة

عصام كابو
07-11-2006, 10:37 AM
وبعدين انت تعرف يا ابو حميد ان جمهور الاهلى فى سنه من السنين هو الذي اجبر

حسن شحاته ( المدرب الوطنى ) على الاعتزال فى السبعينات

*174*



اخى الحبيب جيمى

الكابتن حسن شحاتة اعتزل فى الثمانينات و كان عمره يناهز السابعة و الثلاثين عاما

و اتذكر جيدا ان الجماهير طالبته بالاعتزال بعد انخفاض مستواه بشكل ملحوظ

و ليس لجماهير الاهلى اى دخل فى اعتزاله

و اتذكر جيدا ان الجماهير قارنت بين اعتزال حسن شحاته بعد ان لفظته الملاعب و بين اعتزال بيبو بعده بسنوات و هو فى قمة مستواه و بعد ان حصل على بطولة افريقيا و كانت الجماهير تتطالبه بعدم الاعتزال

لزم التوضيح و عذرا اخى جيمى

عصام كابو
07-11-2006, 10:39 AM
السلام عليكم و رحمة الله و بركاته
بص يا ابوحميد
انا بقى لي رأى صريح جدا هاقوله و اجرى على الله

احلى حاجة فى الكورة هو التشجيع و الانتماء و مش هقول التعصب لان جرى العرف على اخذ كلمة التعصب على انها مش كويسة
و الشئ الممتع بين الجماهير فعلا و اللى بيخلى للكورة مذاق خاص هو ان يقوم المشجعون لفريق ما بغيظ و مناغشة مشجعى الفريق الاخر بس بخفة دم و بقفشات مرحة و بلا اى تجاوز

لكن انا هقول يا اخى شجع و انتمى لفريقك زى ما انت عايز
اتمنى الخسارة للفربق المنافس زى ما انت عايز
ماتحبش الفريق المنافس زى ما انت عايز
غيظ و ناغش الجمهور المنافس زى ما انت عايز
بس خد بالك فى حدود للكلام ده
اعمل اللى انت عايزة بس من غير تجاوز من غير قلة ادب من غير شتيمة او سب من غير ما تخدش حياء احد بكلام خارج من غير ما تؤذى المشاعر الوطنية من غير ما تجرح فى اشخاص ابرياء
و لازم تتقبل فكرة ان يقوم جمهور الفريق الاخر بعمل نفس المناغشات معك بس برضة فى الحدود السابقة

يعنى غيظ المشجع المنافس زى ما انت عايز بس بشرط ان لا تتعدى حدود اللياقة و تشتم او تسب و تقبل ان يرد عليك بنفس الاسلوب

برضه لو اتمنيت ان الفريق المنافس يخسر...ماشى بس بلاش يكون ده فى مباراة تحمل الطابع الوطنى....اما بقى لو انت مش قادر تتخلص من احساسك و تتمنى الفريق المنافس ينهزم فى مباراة تحمل الطابع الوطنى فعلى الاقل ماتظهرش ده يا اخى....... اذا بليتم فاستتروا

لو ما بتحبش فريق معين برضة ماشى.... بس خللى الحكاية جواك و ماتظهرهاش و لو مش قادر تمنع ده يا اخى و عايز تقوله اتكلم بلسانك انت مش بلسان الناس كلها

بعنى مثلا بمناسبة اللافتة فى ماتش المصرى انت ياللى كتبت اللافتة دى مابتحبش الاهلى .. مفيش مانع..... طيب ليه تتكلم بلسان محافظة باكملها يا عم مش قادر تمنع نفسك عن التعبير بعدم حبك للاهلى طيب قول فلان مابيحبش الاهلى و خلاص.. انت مين نصبك انك تتكلم بلسان جمهور محافظة كاملة؟؟؟


كلمة اخيرة: من المعروف ان جماهير الاهلى فى الصعيد اغلبية كاسحة و كل المتابعين للكورة تعرف ده زى ما هو من المعروف شعبية الزمالك فى محافظات القناة
هل عمر نادى الزمالك تمت معاملته فى الصعيد بنفس الطريقة التى يتم معاملة الاهلى بها فى محافظات القناة؟؟
هل تم تكسير اتوبيسات اللاعبين و الجماهير الزمالكاوية فى الصعيد
هل تم الاعتداء على جماهيره اثناء مغادرتهم للمحافظة و تم خلع قضبان السكة الحديدية فى اتجاه القاهرة (و الله حصل مع الاهلى)
هل قوبل الزمالك بنفس الروح العدائية التى يقابل بها الاهلى فى محافظات القناة
هل مرة تم وضع لافتة بتقول مثلا اسوان مش بتحبك يا زمالك
هو ده الفرق بين جماهير الاهلى و جماهير الزمالك

فى النهاية اشكرك يا احمد على طرح الموضوع الجميل و عذرا للإطاله

أحمد ناصر
07-11-2006, 04:00 PM
اهلا اخى الحبيب احمد نورت القاعه من تانى
موضوعك جميل بس انا عاوز اقولك حاجه الكرة من غير تعصب ماتنفعش تبقى طبطبه او دلع بس تعصب يكون حميد مش تعصب شتيمه وسب وخروج عن المالوف على فكرة انا مش بحب الزمالك نهائى وده بصراحه بس صدقنى لو الزمالك لعب امام اى فريق من خارج مصر عمر ما اشجع الفريق ده امامه لان فى الاخر الفوز و الهزيمه تنسب لمصر
بس حالات التعصب ضد الاهلى اكتر من اى حالات تعصب ضد فريق اخر وهقولها لما الاهلى اتغلب فى اتحاد جدة فى كأس العالم للانديه مواقع الزمالك كلها خرجت علينا بتهنئه اتحاد جدة ليه علشان اتحاد جدة هو شقيق نادى الزمالك وعامل معاه توأمة طيب بالذمه ده كلام اتحاد جدة السعودى اقرب للزمالك المصرى من الاهلى المصرى والموضوع اتكرر مع ماتش الصفاقسى تبص تلاقيهم كاتبين يازملكاويه شجعوا الصفاقسى ليه علشان الحجه الجاهزة وهى التوامة ويافطه ماتش المصرى والاهلى فى بورسعيد حاجه تكسف وغيره الامثله كتير
نقطه اخيره لاحظتها من خلاص تواجدى باستمرار على النت انا مالقتش جمهور عربى قابل فريق مصرى وتمنى الفوز للفريق المصرى دائما واقفين مع بعض حتى لو امنيته من جواه ان الفريق ده يتغلب بس عمره ما يظهره امامنا مافيش حد بيعمل الكلام الخايب ده الا الجمهور المصرى اللى بيهون عليه فريق بلده بحجه انه بيكرهه ومش قادر يشوفه وهو بيفوز
ربنا يهدى الجميع
شكرا ياباشا على موضوعك الجميل وروحك الطيبه
تحياتى
حبيب قلبى ياحودة
إنت مابتحبش الزمالك

المشكلة مش فى عدم الحب
المشكلة الحقيقية فى الكراهية التى يكنها بعض الجماهير لجماهير الفرق المنافسة

الحكاية بتقلب لخناقات حقيقية بالكلام وأحيانا بالإيدين
وتلاقينا بنكره بعض رغم إننا أبناء بلد واحد وأبناء دين واحد

إنت فاكر السنة اللى فاتت لما قلت لك إن التوانسة إستغربوا فى مباراة الأهلى والنجم فى القاهرة إن جماهير الزمالك شجعت النادى الأهلى؟
رغم إن جماهير الأندية المنافسة للنجم أطلقت أبواق سياراتها فرحا بفوز الأهلى؟

وحتى فى مباراة الأهلى مع الصفاقس
الإستاد كان مليان بأعلام الأندية الأخرى

نفسى الروح دى تبقى هى الغالبة
ودى مش ها تتحقق غير بإن الجماهير العاقلة تتغاضى عن تعصب الجماهير المتعصب

إن شاء الله نتكاتف مع بعض ونحاول نغلب الروح الرياضية دى
وشكرا لك يا محمود على مشاركتك القيمة

amr emam
07-11-2006, 06:03 PM
فعلا عندك حق والله يا احمد

موضوع التعصب ده مرفوض جدا

الحقيقه الموضوع زاد كتير

تحياتى يا نجم

عمرو

sea_wolf
07-11-2006, 10:12 PM
ما شاء الله
انا شايف كل الناس مش رافضة التعصب
طيب مين الى بيشجع الفرق المنافسة لينا وهى مش وطنية
طيب مين بيسب ويشتم الفريق المنافس ولية


عايز اسئل سؤال بسيط خالص
للى بيكره الاهلى او الى بيكرة الزمالك
هو الزمالك او الاهلى اية مش مجموعه من اللعيبة
يعنى مثلا لو ابو تريكة بيلعب للاهلى هيبقى كويسة وعندة اخلاق ومحترم ومحببوب من الاهلوية
طيب نتخيل ابو تريكة مثلا هينتقل للزمالك
الجماهير الاهلوية هتنساة وهتنسى هو قدم ايه فىالاهلى وبمجرد ما يروح الزمالك هيبقى انسان مش محترم ومش مودب وعلى غير خلق وهات يا شتيمة فيه وفى اهلة
مش هو نفس الشخص الى كانتالجماهير شيلاه علىاكتافها لما كانبيلعب فى الاهلى مثلا


وغير كدة بردو هو الزمالك او لعيبة الزمالك او الاهلى دول مش مصرين ومسلمين
لما نلاقى فريق غير مصرى بيلعبهم
تلاقى كل الامنيات للفريق دة انه يفوز
طيب ليه هو بيلعب فريق يهودى علشان كدة بتكرهوة
يا اخوانى الرياضة عادى فايز ومهزوم


المباراة الى فاتت بين الاهلى والصفاقسى كنت بتفرج عليها فى قهوة
كانت فى ناس زملكاوية بيشجعو الصفاقسى

انا استغربت علشان حاجة واحدة بس
لو الزمالكاوية دول بيشجعو الزمالك بنفس الروح كان الزمالك بقى وضع تانى


يا ريت نعرف ان الرياضة فايز ومهزوم ودة وضع طبيعى
شجع فريقك زى ما انت عايز
بس يا ريت تسيبك من الفريق التانى مهما كان

حسام عمر
08-11-2006, 10:23 AM
وانا بقول القاعه منوره ليه

ولا يكرم المرؤ في داره


بعد مباره الاهلي والصفاقصي

زادت روح التعصب بشده

لدرجة انه بقى عادي وانتا ماشي في الشارع

تلاقي اتنين مسكين في بعض

يقلولك ده عادي اهلاوي وزملكاوي

مع انه الكلام ده كان في اول التسعينات وانقرض

اللي رجعه تاني

الزملكويه اللي كانوا بيشجعوا الاهلي متوقعوش رد فعل بعض الاهلويه اللي حصل بعد المباره


والاهلويه كانوا بينظروا الى عدد من الزملكويه اللي بيشجعوا الصفاقص انهم خونه وعملاء

وكل واحد من الطرفين ابتدا يجيب احداث تاريخيه يؤكد سلامة موقفه

المفروض انها تتنسي من زمن


ولكني اتوقع بعد نهايه مبارة يوم السبت


ان تعود الامور الى الافضل


ملحوظه روح التعصب اصابت الجميع ( وانا منهم )


لانه في كلام كان صعب جدا ً


المهم

ايد على ايد

كلنا مع بعض

مصر الحبيبه زي الرعد

*35* :m17: :m21: :m10:

فى حب مصر
09-11-2006, 12:24 AM
السلام عليكم

عندك حق
التعصب زاد جدااااااااااااااا
واصبحة لغة التعصب حادة جداااااااا وتصل للتجريح
انا اهلاوى جداااااااا وبحب الاهلى
لكنى ارى ان التعصب ضد الاهلى زايد عن الحد بكتيرررررررررر
دائما اتمنى واشجع كل فرق مصر وهى تلعب مباريات دولية
ولكنى اخشى ان اتغير مع الموجة لانى الاقى الرد بالعكس
يهاجم الاهلى ويتمنون لة الهزية من اى فريق عربى او افريقى

والحديث لة بقية

أحمد ناصر
09-11-2006, 09:42 AM
أحمد ناصر....مش عارف....يا ترى أقولك أهلاً بيك فى قاعة الرياضة؟؟

دى أصلاً بيتك و إحنا اللى ضيوف عندك

ياريت ما تكونش زيارة قصيرة كالعادة

موضوع رائع كالعادة يا ابوحميد :good: :good:

و الرد عليه محتاج شوية مخمخة... عن اذنك أروح أمخمخ و أرجعلك... ههههههههه
الغالى عصام
إحنا كلنا أصحاب بيت ومافيش حد ضيف إلا الضيف أحمد :d

وعدت ووفيت بوعدك فى المخمخة
:h:

أحمد ناصر
09-11-2006, 10:01 AM
الاخ الحبيب

وصديقى العزيز الباشمهندس / احمد ناصر

الحقيقه انا لن ارحب بك فى قاعه الرياضه لان ان كان هناك ترحيب

فالافضل ان ترحب انت بنا

وهكذا كما قال الاخ العزيز / عصام كابو

ثانيا :

موضوع جميل جدا اخى الفاضل ولونى مش متابع مايحدث من اخبار رياضيه

فى مصر غير عن طريق الجرايد وهى لا تكتب كل ما هو حقيقى

وبعدين موضوع التعصب ده موضوع قديم قوي غرس فى اعماق جمهور الكره المصريه

وبعدين انت تعرف يا ابو حميد ان جمهور الاهلى فى سنه من السنين هو الذي اجبر

حسن شحاته ( المدرب الوطنى ) على الاعتزال فى السبعينات

وده موضوع لاداعى للخوض فيه هنا كذلك جمهور الزمالك ياما عمل وعلى سبيل

المثال اعتزال حارس مرمى الاهلى السابق ( مروان كنفانى ) ليس بسبب ضربه

الجزاء المشهوره !

ولكن بسبب جمهور الزمالك ايضا

يعنى كده بصراحه تنتهى الحياه وتنتهى الدنيا

ولن تنتهى التصرفات الهمجيه لبعض من جمهور الكره المصريه


مع احترامى لجميع الاخوه الاعضاء وجميع جماهير الكره

المحترمين

مع تمنياتى لك وللجميع بالتوفيق

*174*
أهلاااا يا جيمى
كل سنة وإنت طيب
بالنسبة لحسن شحاتة أعتقد إن الجماهير التى كانت تهتف ضده من أجل إجباره على الإعتزال كانت من جماهير الزمالك لا من جماهير الأهلى
وأعتقد إنها كانت من الجماهير المرتزقة والتى تنفذ رغبات مجالس الإدارات
ومتفق معك فى إن التعصب موجود من زمان
ومن الصعب جدا القضاء عليه
لكن الصعب جدا ليس مستحيل
والروح الجميلة التى ظهرت فى أثناء بطولة أمم أفريقيا تظهر لنا معدن جماهير الكرة
والتى نستطيع أن نستغل تلك الروح من أجل تقدم الرياضة
بدلا من إزكاء روح التعصب المقيتة
ولازم كل واحد فينا يبدأ بنفسه ومايمشيش مع موجة التعصب أبدا

أحمد ناصر
09-11-2006, 10:04 AM
فعلا عندك حق والله يا احمد

موضوع التعصب ده مرفوض جدا

الحقيقه الموضوع زاد كتير

تحياتى يا نجم

عمرو
أهلا يا عمور
إزيك يا حبيب قلبى
وحشتنى جدا
وشكرا على تشريفك للموضوع

أحمد ناصر
09-11-2006, 10:11 AM
تسجيل
ولى عودة
أخى الحبيب سى وولف
وعدت وأوفيت

ما شاء الله
انا شايف كل الناس مش رافضة التعصب
طيب مين الى بيشجع الفرق المنافسة لينا وهى مش وطنية
طيب مين بيسب ويشتم الفريق المنافس ولية


عايز اسئل سؤال بسيط خالص
للى بيكره الاهلى او الى بيكرة الزمالك
هو الزمالك او الاهلى اية مش مجموعه من اللعيبة
يعنى مثلا لو ابو تريكة بيلعب للاهلى هيبقى كويسة وعندة اخلاق ومحترم ومحببوب من الاهلوية
طيب نتخيل ابو تريكة مثلا هينتقل للزمالك
الجماهير الاهلوية هتنساة وهتنسى هو قدم ايه فىالاهلى وبمجرد ما يروح الزمالك هيبقى انسان مش محترم ومش مودب وعلى غير خلق وهات يا شتيمة فيه وفى اهلة
مش هو نفس الشخص الى كانتالجماهير شيلاه علىاكتافها لما كانبيلعب فى الاهلى مثلا


وغير كدة بردو هو الزمالك او لعيبة الزمالك او الاهلى دول مش مصرين ومسلمين
لما نلاقى فريق غير مصرى بيلعبهم
تلاقى كل الامنيات للفريق دة انه يفوز
طيب ليه هو بيلعب فريق يهودى علشان كدة بتكرهوة
يا اخوانى الرياضة عادى فايز ومهزوم


المباراة الى فاتت بين الاهلى والصفاقسى كنت بتفرج عليها فى قهوة
كانت فى ناس زملكاوية بيشجعو الصفاقسى

انا استغربت علشان حاجة واحدة بس
لو الزمالكاوية دول بيشجعو الزمالك بنفس الروح كان الزمالك بقى وضع تانى


يا ريت نعرف ان الرياضة فايز ومهزوم ودة وضع طبيعى
شجع فريقك زى ما انت عايز
بس يا ريت تسيبك من الفريق التانى مهما كان
*128*
لا فض فوك
بجد ردك جميل جدا
لو وفر كل مشجع طاقته لتشجيع فريقه
وترفع عن الدخول فى مهاترات لا داعى لها لأنها تضر ولا تنفع
ولو أيقنا إن الرياضة وسيلة وليست غاية
لوفرنا فى قلبنا مساحة للحب ولما تركنا للكراهية أى مساحة لتشغلها

أحمد ناصر
09-11-2006, 11:13 AM
السلام عليكم و رحمة الله و بركاته
بص يا ابوحميد
انا بقى لي رأى صريح جدا هاقوله و اجرى على الله


وعليكم السلام ورحمة الله وبركاته يا عصام
وأنا إتعودت دايما على صراحتك اللى بأحترمها




احلى حاجة فى الكورة هو التشجيع و الانتماء و مش هقول التعصب لان جرى العرف على اخذ كلمة التعصب على انها مش كويسة
و الشئ الممتع بين الجماهير فعلا و اللى بيخلى للكورة مذاق خاص هو ان يقوم المشجعون لفريق ما بغيظ و مناغشة مشجعى الفريق الاخر بس بخفة دم و بقفشات مرحة و بلا اى تجاوز



بس لازم نتفق على إن خفة دم القفشة تكون من وجهة نظر اللى بتوجه له القفشة
لإنى ممكن أهزر والآخر لا يتقبل هزارى
وعملية التجاوز دى نسبية
علشان كده لازم أكون متأكد الأول إن من أمزح معه سيتقبل مزاحى معه بدون زعل


لكن انا هقول يا اخى شجع و انتمى لفريقك زى ما انت عايز
اتمنى الخسارة للفربق المنافس زى ما انت عايز
ماتحبش الفريق المنافس زى ما انت عايز
غيظ و ناغش الجمهور المنافس زى ما انت عايز
بس خد بالك فى حدود للكلام ده
اعمل اللى انت عايزة بس من غير تجاوز من غير قلة ادب من غير شتيمة او سب من غير ما تخدش حياء احد بكلام خارج من غير ما تؤذى المشاعر الوطنية من غير ما تجرح فى اشخاص ابرياء
و لازم تتقبل فكرة ان يقوم جمهور الفريق الاخر بعمل نفس المناغشات معك بس برضة فى الحدود السابقة

يعنى غيظ المشجع المنافس زى ما انت عايز بس بشرط ان لا تتعدى حدود اللياقة و تشتم او تسب و تقبل ان يرد عليك بنفس الاسلوب




تجريح الأبرياء وإيذاء المشاعر الوطنية آفة رهيبة تفشت هذه الأيام وأتمنى أن تختفى هذه الآفة من ملاعبنا




برضه لو اتمنيت ان الفريق المنافس يخسر...ماشى بس بلاش يكون ده فى مباراة تحمل الطابع الوطنى....اما بقى لو انت مش قادر تتخلص من احساسك و تتمنى الفريق المنافس ينهزم فى مباراة تحمل الطابع الوطنى فعلى الاقل ماتظهرش ده يا اخى....... اذا بليتم فاستتروا

لو ما بتحبش فريق معين برضة ماشى.... بس خللى الحكاية جواك و ماتظهرهاش و لو مش قادر تمنع ده يا اخى و عايز تقوله اتكلم بلسانك انت مش بلسان الناس كلها

بعنى مثلا بمناسبة اللافتة فى ماتش المصرى انت ياللى كتبت اللافتة دى مابتحبش الاهلى .. مفيش مانع..... طيب ليه تتكلم بلسان محافظة باكملها يا عم مش قادر تمنع نفسك عن التعبير بعدم حبك للاهلى طيب قول فلان مابيحبش الاهلى و خلاص.. انت مين نصبك انك تتكلم بلسان جمهور محافظة كاملة؟؟؟


كلمة اخيرة: من المعروف ان جماهير الاهلى فى الصعيد اغلبية كاسحة و كل المتابعين للكورة تعرف ده زى ما هو من المعروف شعبية الزمالك فى محافظات القناة
هل عمر نادى الزمالك تمت معاملته فى الصعيد بنفس الطريقة التى يتم معاملة الاهلى بها فى محافظات القناة؟؟
هل تم تكسير اتوبيسات اللاعبين و الجماهير الزمالكاوية فى الصعيد
هل تم الاعتداء على جماهيره اثناء مغادرتهم للمحافظة و تم خلع قضبان السكة الحديدية فى اتجاه القاهرة (و الله حصل مع الاهلى)
هل قوبل الزمالك بنفس الروح العدائية التى يقابل بها الاهلى فى محافظات القناة
هل مرة تم وضع لافتة بتقول مثلا اسوان مش بتحبك يا زمالك
هو ده الفرق بين جماهير الاهلى و جماهير الزمالك


اللى بيشجع الفريق من بلد آخر نكاية فى الفريق المنافس من بلده لازم نشك فى وطنيته
ولازم يعرف إنه عنده مرض خطير مش لازم يسكت عنه ويحاول يعالجه
والأخ اللى عمل اليافطة فى بورسعيد حتى لو كان قال فلان الفلانى ما بيحبش الفرقة العلانية وبينشر ثقافة الكره ..مش هايخد وزر لوحده
لإن فيه ناس كتير هاتقلده وهياخد أوزرار مثل أوزارهم جميعا
لإن كل الأديان السماوية بتحث الناس على أن تحب بعضها البعض
والرياضة ليست بشيء مستقل يمكن أن تفرد له أية إستثناءات يمكننا أن نتجاوز من خلالها التعاليم الدينية
وعموما ظاهرة التعصب المرفوض بالإساءة إلى الفرق المنافسة موجودة فى كثير من جماهير الأندية المصرية بلا إستثناء
لكن ربما تزيد عند البعض وتقل عند البعض الآخر
بمناسبة الكلام عن مدن القناة والصعيد
أتذكر أننى حضرت مباراة لأسوان مع الأهلى فى إستاد أسوان
وقتها فاز الأهلى 3-1
وصرح إبراهيم حسن لاعب الأهلى فى ذلك الوقت أنه أحس أنه لعب فى إستاد القاهرة من فرط تشجيع الجماهير للنادى الأهلى
وتلك حقيقة فرح بها جمهور الأهلى فى ذلك الوقت
ورغم أننى أهلاوى منذ الطفولة إلا أننى كنت واحد من الناس الذين شجعوا أسوان بحرارة وتمنوا فوزها
وحزنت كثيرا من تشجيع الجماهير للأهلى ووجدت فى ذلك شيئ قبيح
ففى أسوان يعيش عدد كبير جدا جدا من أبناء محافظات الصعيد ..نزحوا إلى أسوان فى سنوات بناء السد العالى وأقاموا فيها..وأنجبوا أولاد وأحفاد..لكنهم للأسف لا يعتبرون أنفسهم أبناء أسوان..ولم يزرعوا ذلك فى أبنائهم..
بل ظلوا على إنتمائهم للمحافظات التى نزحوا..وغرسوا هذا فى أبنائهم..
هؤلاء هم الذين شجعوا الأهلى فى إستاد أسوان..
ورغم أن جماهير الأهلى لم ترى إلا جانب من الصورة التى أسعدتها
إلا أننى رأيت الجانب الذى أعتبره مظلم وقبيح من الصورة
فكيف أولد على أرض مدينة وأعيش فيها كل سنوات عمرى ومع ذلك لا أعتبر نفسى إبنا لها؟
وكيف لا أقدم إنتمائى لفريق مدينتى ومحافظتى على أى فريق آخر..




فى النهاية اشكرك يا احمد على طرح الموضوع الجميل و عذرا للإطاله

بل أنا الذى أشكرك يا عصام لأنك أثريت الموضوع بمداخلتك القيمة
وشكرا جزيلا لحضورك المتميز

sea_wolf
09-11-2006, 11:58 AM
فكيف أولد على أرض مدينة وأعيش فيها كل سنوات عمرى ومع ذلك لا أعتبر نفسى إبنا لها؟
وكيف لا أقدم إنتمائى لفريق مدينتى ومحافظتى على أى فريق آخر..

[/B]




طيب تقول اية بقى فى الحصل فى مباراة الاهلى وصفاقس


سيبك انت المحترم محترم بردو

أحمد ناصر
09-11-2006, 01:32 PM
وانا بقول القاعه منوره ليه

ولا يكرم المرؤ في داره


بعد مباره الاهلي والصفاقصي

زادت روح التعصب بشده

لدرجة انه بقى عادي وانتا ماشي في الشارع

تلاقي اتنين مسكين في بعض

يقلولك ده عادي اهلاوي وزملكاوي

مع انه الكلام ده كان في اول التسعينات وانقرض

اللي رجعه تاني

الزملكويه اللي كانوا بيشجعوا الاهلي متوقعوش رد فعل بعض الاهلويه اللي حصل بعد المباره


والاهلويه كانوا بينظروا الى عدد من الزملكويه اللي بيشجعوا الصفاقص انهم خونه وعملاء

وكل واحد من الطرفين ابتدا يجيب احداث تاريخيه يؤكد سلامة موقفه

المفروض انها تتنسي من زمن


ولكني اتوقع بعد نهايه مبارة يوم السبت


ان تعود الامور الى الافضل


ملحوظه روح التعصب اصابت الجميع ( وانا منهم )


لانه في كلام كان صعب جدا ً


المهم

ايد على ايد

كلنا مع بعض

مصر الحبيبه زي الرعد

*35* :m17: :m21: :m10:
أخى وصديقى وصاحبى حسام عمر
فعلا معك حق فى إن مباراة الأهلى والصفاقس وترت الأجواء بين جماهير الأهلى والزمالك
مافيش حد فينا ملاك
كلنا ممكن تأخذنا الحمية والتعصب أحيانا
لكن لإن كل أبناء منتدى أبناء مصر محترمين والحمد لله وبنحب بعض بجد
فنقدر بسهولة نستحمل بعض
ونستوعب بعض
ونتكاتف لنشر الروح الرياضية سواء فى المنتدى أو حتى خارجه
وأملنا فيك كبير بإعتبارك كبير الزمالكوية فى المنتدى
إن شاء الله بطولة أبطال الدورى القادمة نرى فيها الأهلى والزمالك فى النهائى يا حسام
*3*

أحمد ناصر
09-11-2006, 01:42 PM
السلام عليكم

عندك حق
التعصب زاد جدااااااااااااااا
واصبحة لغة التعصب حادة جداااااااا وتصل للتجريح
انا اهلاوى جداااااااا وبحب الاهلى
لكنى ارى ان التعصب ضد الاهلى زايد عن الحد بكتيرررررررررر
دائما اتمنى واشجع كل فرق مصر وهى تلعب مباريات دولية
ولكنى اخشى ان اتغير مع الموجة لانى الاقى الرد بالعكس
يهاجم الاهلى ويتمنون لة الهزية من اى فريق عربى او افريقى

والحديث لة بقية
إزيك يا جميل؟
إنت عارف إن أجمل أنواع الإحسان هى أن تحسن إلى من أساء إليك
علشان كده حتى لو فيه عدد من جماهير نادى أساءت إلى النادى الذى أشجعه فروعتك تظهر عند التغاضى عن تلك الصغائر
وتظهر فى تمسك بموقفك من التشجيع المثالى
وثباتك على مبدأك فى رفض التعصب الأعمى
:h: *3*

أحمد ناصر
09-11-2006, 01:56 PM
السلام عليكم

عندك حق
التعصب زاد جدااااااااااااااا
واصبحة لغة التعصب حادة جداااااااا وتصل للتجريح
انا اهلاوى جداااااااا وبحب الاهلى
لكنى ارى ان التعصب ضد الاهلى زايد عن الحد بكتيرررررررررر
دائما اتمنى واشجع كل فرق مصر وهى تلعب مباريات دولية
ولكنى اخشى ان اتغير مع الموجة لانى الاقى الرد بالعكس
يهاجم الاهلى ويتمنون لة الهزية من اى فريق عربى او افريقى

والحديث لة بقية
إزيك يا جميل؟
إنت عارف إن أجمل أنواع الإحسان هى أن تحسن إلى من أساء إليك
علشان كده حتى لو فيه عدد من جماهير نادى أساءت إلى النادى الذى أشجعه فروعتك تظهر عند التغاضى عن تلك الصغائر
وتظهر فى تمسك بموقفك من التشجيع المثالى
وثباتك على مبدأك فى رفض التعصب الأعمى
:h: *3*

أحمد ناصر
09-11-2006, 02:04 PM
طيب تقول اية بقى فى الحصل فى مباراة الاهلى وصفاقس


سيبك انت المحترم محترم بردو
معاك حق
المحترم محترم
وكان فيه جماهير من الزمالك محترمة ذهبت للإستاد لتشجع الأهلى
وجماهير الأهلى أيضا جماهير محترمة
ومنظرها فى الإستاد وتشجيعها كان أكثر من رائع
لكن أى مجموعة من جماهير الأهلى ستشجع الفريق الذى يلعب فى البطولة العربية ضد الزمالك كالفريق الليبى مثلا لا يمكن أن أصبغ عليها صفة الإحترام

sea_wolf
10-11-2006, 01:01 AM
استاذ احمد
دى سلسلة
يعنى انت شجعت فريق منافس ليا
لازم انا اشجع فريق منافس ليك


وزى ما قلتلك دى سلسلة
بس لازم تنكسر السلسة دى ويحصل توقف ليها
علشان متتكررش المواقف


ونفسى نفهم او الجماهير تفهم
ان الكرة الى بين الاهلى والزمالك دة كره فى دماغنا احنا بس
يعنى حازم وهادى خشبة لما بيتقابلو مبيخدوش بعض بالطوب
او الخطيب وفاروق جعفر مش لو واحد فيهم لقى التانى ماشى فى شارع بيسيبو وبيمشى فى شارع تانى

ونفسى نسئل نفسنا سؤال
هل لعيبة والجهاز الفنى وادارة الزمالك و لعيبة والجهاز الفنى وادارة النادى الاهلى بيكرهو بعض كدة او بيتعاملو مع بعض زى ما الجماهير بتاعت الاهلى والزمالك ما بيتعاملو مع بعض

أحمد ناصر
12-11-2006, 10:39 AM
استاذ احمد
دى سلسلة
يعنى انت شجعت فريق منافس ليا
لازم انا اشجع فريق منافس ليك


وزى ما قلتلك دى سلسلة
بس لازم تنكسر السلسة دى ويحصل توقف ليها
علشان متتكررش المواقف


ونفسى نفهم او الجماهير تفهم
ان الكرة الى بين الاهلى والزمالك دة كره فى دماغنا احنا بس
يعنى حازم وهادى خشبة لما بيتقابلو مبيخدوش بعض بالطوب
او الخطيب وفاروق جعفر مش لو واحد فيهم لقى التانى ماشى فى شارع بيسيبو وبيمشى فى شارع تانى

ونفسى نسئل نفسنا سؤال
هل لعيبة والجهاز الفنى وادارة الزمالك و لعيبة والجهاز الفنى وادارة النادى الاهلى بيكرهو بعض كدة او بيتعاملو مع بعض زى ما الجماهير بتاعت الاهلى والزمالك ما بيتعاملو مع بعض
طيب إ،ت معايا فى إن فوز الأهلى بالبطولة أمس أجمل فرصة لكسر تلك السلسة؟
وبالذات أنه كان هناك تكاتف جماهيرى حميم
وكانت هناك مشاعر جميلة وعميقة من مختلف مشجعى الأندية الأخرى
وظهر كده فى كل البرامج التى جائت بعد المباراة
حتى أن أول رسالة تهنئة تلقيتها كانت من صديقى الحميم والزمالكاوى الصميم حسام عمر
والأكيد إن لاعبى الأهلى والزمالك فى المنتخب دايما أصحاب
وأإلب نجوم الزمالك والأهلى القدامى على علاقة طيبة ببعضهم البعض
فإن لم يكن بداعى الصداقة فبداعى الإحترام المتبادل

sea_wolf
12-11-2006, 12:37 PM
بصراحة افضل فرصة لكسر هذا التعص بالاعمى هى الان
واعتقد لا يوجد احد فى مصر لم يفرح لفوز الاهلى بالامس وفوز مصر
وانا بردو ليا اصدقاء كتير اوى زمالكاوية وبنتفرج على مباريات الاهلى والزمالك مع بعض وبتكون فى قفشات بنا ومن اجمل القشات التى لم انساها
كنا نتفرج على مباراة الاهلى والزمالك الشهيرة 6/1 فى قهوة وكنا متفقين ان الى يحاسب هو المهزوم وكمان كل هدف بطلب مختلف
ولكن للاسف صدقنا الزملكاوى بعد الهدف الثالث ساب القهوة ومشى لان الحساب تقل

ومرة تانية لما فاز الزمالك على الاهلى فى بطولة السوبر كنت انا وهو بنتفرج عليها بردو مع بعض وانا لابس تيشرت الاهلى الاحمر وهو لابس قميص وتيشرت تحتة ابيض ولما اتهزم الاهلى مشيت انا وهو فىالشارع فكل الناس كانت بتتريق عليا فاطر هو يخلع القميص بتاعة ويدهونى علشان البسة
ههههههههههههههههههههههههههههههههههههه

الف مبروك لكل مشجعى الكورة فى مصر
الف مبروك لكل المصرين

أحمد ناصر
14-11-2006, 09:21 AM
بصراحة افضل فرصة لكسر هذا التعص بالاعمى هى الان
واعتقد لا يوجد احد فى مصر لم يفرح لفوز الاهلى بالامس وفوز مصر
وانا بردو ليا اصدقاء كتير اوى زمالكاوية وبنتفرج على مباريات الاهلى والزمالك مع بعض وبتكون فى قفشات بنا ومن اجمل القشات التى لم انساها
كنا نتفرج على مباراة الاهلى والزمالك الشهيرة 6/1 فى قهوة وكنا متفقين ان الى يحاسب هو المهزوم وكمان كل هدف بطلب مختلف
ولكن للاسف صدقنا الزملكاوى بعد الهدف الثالث ساب القهوة ومشى لان الحساب تقل

ومرة تانية لما فاز الزمالك على الاهلى فى بطولة السوبر كنت انا وهو بنتفرج عليها بردو مع بعض وانا لابس تيشرت الاهلى الاحمر وهو لابس قميص وتيشرت تحتة ابيض ولما اتهزم الاهلى مشيت انا وهو فىالشارع فكل الناس كانت بتتريق عليا فاطر هو يخلع القميص بتاعة ويدهونى علشان البسة
ههههههههههههههههههههههههههههههههههههه

الف مبروك لكل مشجعى الكورة فى مصر
الف مبروك لكل المصرين
:d
ههههههههه
مواقف طريفة ومضحكة جدا

أعتقد فعلا أن هناك الكثير من الجماهير من الأندية المصرية الأخرى محت الصورة السيئة التى طفت عندما رفع عدد من الجماهير راية التعصب ضد الأهلى
وتبارت الجماهير فى برامج التليفزيون والإذاعة ورسائل ال sms
لكى تؤكد على أن الأغلبية الكاسحة فرحانة لفوز الأهلى كممثل لمصر

وأتمنى من كل قلبى أن يكون حماسنا للدين والوطن أكبر وأضخم من حماسنا للرياضة والأهلى والزمالك
فالناس فى مصر أصحاب معدن أصيل
ولديهم طاقة هائلة وكامنة
وحب الخير ليس له فى قلوبهم حدود
آه لو إستطعنا أن نستثمر الطاقة البشرية فيما ينفع ويفيد
الرياضة جميلة والإنتماء رائع والأمل فى مستقبل مشرق لا حدود له
أسأل الله العفو والعافية


Photo Gallery