المساعد الشخصي الرقمي

مشاهدة النسخة كاملة : انا والهبل وهواك



mr_virus
03-11-2006, 07:40 PM
انا والهبل وهواك





سيداتي سادتي كله يظبط موجة راديو على قناة " الإف إخص"
20006600
حيث المرح و الهرج و التهييس و قناتنا هي أول قناة تنمي
التفاهة عند
الشباب وتفخر بأنها لا تقتصر فقط على الراديو بل و أيضا
التلفزيون
عشان نطبق المثل " اللى ما يشتري يتفرج "
و أيضا قناتنا تقدم باقة مختارة و غير مختارة من الأغاني بهدف
على
كل لون يا بتسطا "
و الأن نترككم مع برنامج "أنا والفسيخ وهواااك " مع أسامة
سمير :
تحذير هام :
" ننصح مرضى القلب و الضغط مراجعة الطبيب قبل الإستماع المحطة
غير
مسؤلة عن أى أصابات "
المذيع ( عفانا الله و عفاكم ) : أحبائي الحَبيبة اللى بيحبه
الحب
عشان خاطر الحب (مش عشان حاجة تانية...) موضعنا النهاردة عن""
الحياء
في الحب"" وده موضوع يؤرق كل شبابنا الحَبيّب و نحب ننبه على
كل اللى
هيتصلوا بينا البنين منهم والبنات(
أقل من 18 سنة) على انهم يخلوا التليفون جمبهم تحت البطانية
ويتأكدوا إن كل اللى فى البيت ناموا ( عشان ياخدوا راحتهم فى
الفضفضة
واعرف اعملهم انلايزيشن كويس يرضيهم ويبسطهم ) .....ونستقبل
أول إتصال
حريمى
المذيع :
الووووووووو
الحبيبة : ألو إزيك يا أثامة أنا بحبك أوي اوي بجد بحبك
موووووت وكان
نفسى أكلمك من زمان
المذيع : فعلا .. فعلا ..أنا اتحب حقيقي ( ويستدرك بعد
مصمصة شفايفه
وبلع ريقه) بس إحنا موضعنا إنهاردة عن الحياء في الحب إنت
متجوزة
؟
الحبييبة : لأ
المذيع : مخطوبة ؟
الحبييبة : توء
المذيع مرتبطة عاطفيا ؟
الحبيبة : أه
المذيع : طب يا ترى قلتيلوا بحبك؟
الحبييبة في إندهاش و إندفاع شديد : طبعا كتير بس هو مأليش
خالص...
المذيع : أه ممكن يكون هو بيكسف أو في أنواع من الشباب ما
بيصرحش
بحبه لأنه أكيد بيكون بيلعب
بعواطف البنت بس أنا بشجعك علي الإستمرار في
العلاقة
الحبيبة : اثامة بث حاثة إني بحب واحد تاني بث الأولاني مالي
علية
حياتي
المذيع : أنا رأي إنك تسيبي الأول و التاني و تحبي من أول و
جديد
و دلوقتي نسمع أغنية "الإختاشوا ماتوا"
إذا لم تستح إصنع ما شئت
ملقوشة

ريحانة الاسلام
03-11-2006, 09:31 PM
والله كلامك صح "الإختاشوا ماتوا" وكل الصحيين ............وله بلاش

وشكرا على الموضوع

mr_virus
03-11-2006, 09:34 PM
العفو

SaD BirD
05-11-2006, 05:58 AM
لا جميله بجد....
شكرا ليك.......

ندى الايام
06-11-2006, 06:59 AM
هههههههههههههه يخرب بيت خفه دمك يا فيروس
بجد البرنامج ده بيستفزنى جدا جد ا وبفضل اضحك عليه وانا بسمعه
الموزيع شعره شايب واعد يتكلم مع شويه مرهقين فى اعدادى وثانوى على الحب
كان المفروض الموزيع يكون شاب صغير كانت تبقى مقبوله شويه
بس نقول ايه بقى ربنا يهديه ويهدينا وعلى فكره اسم المحطه كده احسن هههههههه

mr_virus
06-11-2006, 02:55 PM
أى خدددددددمممممممة

بنت شهريار
07-11-2006, 03:15 AM
اللى اختشوا ماتوا؟؟
لا وحياتكم دول لسه على قيد الحياة ومعمرين وفى تزايد مستمرررررررر كمان
فعلا يا فيروس
انت والفسيخ وهواك
ههههههههههههههههههههههه
مشكور يا اخى العزيز
كانت معكم بنت شهريار
من قناة اعترافات مالهاش لزوم
تحيااااااااااااااااتى

mr_virus
07-11-2006, 06:48 PM
ممنوع الاعلان عن اى برنامج اخر



شكرا ليكى

ميمو المصرى
08-11-2006, 04:13 AM
هههههههههههههه يخرب بيت خفه دمك يا فيروس
بجد البرنامج ده بيستفزنى جدا جد ا وبفضل اضحك عليه وانا بسمعه
الموزيع شعره شايب واعد يتكلم مع شويه مرهقين فى اعدادى وثانوى على الحب
كان المفروض الموزيع يكون شاب صغير كانت تبقى مقبوله شويه
بس نقول ايه بقى ربنا يهديه ويهدينا وعلى فكره اسم المحطه كده احسن هههههههه



أولا أسامه منير 40 سنة يعنى مش عجوزززززز
وثانيا مفيش أى كلام بيضحك فى البرنامج
وثالثا مش كل اللى بيتكلموا مراهقين لا ونادر وجود مراهقين كمان
ورابعا مش عيب ان الواحد يلاقى الشىء الخفى اللى يفسرله مشاعره
وخامسا اى شاب صغير حيقدم البرنامج مش كان حينفع لانه حيبقى محتاج يتعلم هوه الاول يعنى ايه حب
وخامسا اسم البرنامج جميل جدا جدا جدا
وسادسا دى وجهات نظر

وأخيرا انا مش من متابعين البرنامج اوى انما بسمعه

فى رعاية الله

kaber
08-11-2006, 12:48 PM
يعنى اهه نقول كويس

mr_virus
08-11-2006, 07:17 PM
عم ميمو انت واخد الموضوع جد اوى كده ليه



kaber شكرا على مرورك

بنبونه
02-01-2007, 07:58 PM
بقولك ايه انت مالك براجل ده
هو الراجل يجيب شلل اطفال

بس متتريقش على اثامه منيغ

mr_virus
02-01-2007, 08:39 PM
حاضر يا ست مقلبت المواجع

Maruko
02-01-2007, 09:30 PM
والله الموضوع لطيف وظريف جدا انت دحكتنا بصراحة
يعني انا ابصملك بالعشرة ان البرامج دي برامج تهييس هي وكل البرامج الي من النوعية دي
والمفروض محدش يزعل من الحق لان هي دي الحقيقة
المفروض الواحد يكون عنده اولويات شوية اكتر من كدة
واكيد طبعا الواحد لو بيعمل حاجة صح مش هيخبي على اهله
وشكرا الموضوع بجد فل

Cute Jessy
02-01-2007, 09:56 PM
ههههههههههههههههههه

البرنامج بجد يبقع المرارة ,, ومعاك حق مش يليق عليه غير انا والهبل و هواك

وبعدين البرنامج ده وش نحس عليا بجد ههههههههه

مش عارفة ليه كل مأسمعه تاني يوم أروح لخطيبي وانا بتلكك وعايزة أتخانق

وبتشل من العبط اللي في البرنامج حقيقي

برنامج الشلل السريع

وبعدين مش ده بس دي المحطة دي بقت بالمذيعين اللي فيها نموذج العته

وهي السبب في انتشار العديد من الإغاني الغريبة بجد

وياخوفي تبقي وباء وماشي ,, وياعيني اذاعة الأغاني أبتديت تتعدي

وتتطبطب وتدلع علشان متقفلش

شكرا ليك كتير

mr_virus
03-01-2007, 12:18 PM
والله الموضوع لطيف وظريف جدا انت دحكتنا بصراحة
يعني انا ابصملك بالعشرة ان البرامج دي برامج تهييس هي وكل البرامج الي من النوعية دي
والمفروض محدش يزعل من الحق لان هي دي الحقيقة
المفروض الواحد يكون عنده اولويات شوية اكتر من كدة
واكيد طبعا الواحد لو بيعمل حاجة صح مش هيخبي على اهله
وشكرا الموضوع بجد فل
شكرا لمروك يا shery_m
فعلا الواحد لو بيعمل حاجه صح ليه يخبى على اهله
___________________________


ههههههههههههههههههه

البرنامج بجد يبقع المرارة ,, ومعاك حق مش يليق عليه غير انا والهبل و هواك

وبعدين البرنامج ده وش نحس عليا بجد ههههههههه

مش عارفة ليه كل مأسمعه تاني يوم أروح لخطيبي وانا بتلكك وعايزة أتخانق

وبتشل من العبط اللي في البرنامج حقيقي

برنامج الشلل السريع

وبعدين مش ده بس دي المحطة دي بقت بالمذيعين اللي فيها نموذج العته

وهي السبب في انتشار العديد من الإغاني الغريبة بجد

وياخوفي تبقي وباء وماشي ,, وياعيني اذاعة الأغاني أبتديت تتعدي

وتتطبطب وتدلع علشان متقفلش

شكرا ليك كتير

هو ده الشلل الtakeway

florensa
03-01-2007, 03:39 PM
السلام عليكم ورحمة الله وبركاتة
المشكلة انى قريتها قبل كدة وملقتش رد اكتبة
وانهاردة بردة مش لقيا رد ليها بس قولت مبدهاش بقا لازم اقول اى حاجة وخلاص
اثامة دا باين علية مذيع خمث نجوم
بس فعلا اللى يتقال اللى اختشوا ماتوا من زمان
شكرا يا فييرس موضوع جميل

mr_virus
03-01-2007, 03:43 PM
شكرا ليكى يا florensa

mr_virus
22-04-2007, 02:30 PM
مستمعينا الاعزاء النهارده هنتكلم عن موضوع مهم جدا و هو ازاى نلفت نظر اللى بنحبه عشان نعرف اننا بنحبه من غير مايبان اننا بنحبه ( والله مانا فاهم حاجه )
المهم دا موضوع طبعا انا واثق انه شاغل كتير من البنات والشباب وانا مستنى ايميلاتكم و اتصالتكم

ومعانا تليفون ونقول الوووووووو
المتصل: ازيك يا اسامه على فكره موضوع الحلقه النهارده يجنن وانا بحبك قوى يا اسامه و ماما كمان بتحبك موت
اسامه: ربنا يخليكى بس انتى موطيه صوتك ليه بس؟
المتصل: اصلى بتكلم من تحت السرير مانت عارف بقى اننا مجتمع شرقى و متخلف فيها ايه يعنى لما بنت تكلم واحد مايص الساعه 1 بعد نص الليل مش فاهمه انا ايه الرجعيه دى المهم خلينا فى موضوعنا انا يا اسامه اسمى باكينام وبحب ولد زميلى فى الكليه و هو مش حاسس بيه يا ترى اعمل ايه معاه ؟ ؟
اسامه: بصى فى كذا طريقه اولها انك تيجى قدامه و تعملى انك اتخبطى فيه و توقعى كتبك و هو اكيد هيلمهم معاكى تروحى وش ماسكه ايديه على انها الكتاب ( قال يعنى ايده ملمسها ورقى اصمله ) و تروحى مسبله بحنيه و رقه وقايلاله معاكش سجاره فرط يا زميلى ..... والمفروض انه لو انسان رومانسى هيفهم انك بتموتى فيه


لو ماجبتش معاه ممكن تجربى طريقه تانيه : ممكن تخليه ماشى فى الشارع وتسلطى واحده صاحبتك تعاكسه و لما هو يضايق قوى من المعاكسه ويبقى خلاص هيعيط تدخلى انتى وتروحى ضربه صاحبتك قلمين(هتدفعى تمنهم طبعا بعد الفيلم ده ) و تقوليلو لامؤاخذه يا كابتن اصل البنات مبقاش عندها رحمه اليومين دول ومبقوش يفرقو بين الولد المؤدب والولد اللى سيكو سيكو وهو لو بيفهم اكيد هياخد موبيلك وابقى احكيلى بقى على الباااااااااقى


لو منفعتش معاه والا حاجه من الكلام ده يبقى اتاكدى بقى من نفسك الاول
وباهديلك اغنيه ( ليه يا زمان مسيبتناش ابريااااااااااااااااااااااا )

اعزائى المستمعين فى انتظار مكالماتكم








وترقبوا الحلقه القادمه
:m34:

شعاع من نور
24-04-2007, 01:21 AM
هههههههههههههههههه.....

من ضمن كل التعليقات اللي سمعتها على البرنامج ده....تعليقك هو الأجمل....حقيقي تسلم إيدك يا فيرس...

أول مرة اتشرفت بيه...كنت في مكان عام أنا وبنت خالتي..بس بصراحة هلكت م الضحك....
برنامج هادف فعلاً..!!!!!!.....:invasion:

تحياتي...

Mr. zamalek
24-04-2007, 06:28 AM
يا جماعة والله الراجل بتاع برنامج انا والنسور وقفاك ده لما كنت بسمعه كان بيجيبلي حاله من البله(بلاهه يعني ) :m16:
(طبعا حد يسألني يقولي بله زغلول ولا بله امهات اكيد مش هرد عليه)
ههههههههههههه

mr_virus
24-04-2007, 10:17 AM
هههههههههههههههههه.....

من ضمن كل التعليقات اللي سمعتها على البرنامج ده....تعليقك هو الأجمل....حقيقي تسلم إيدك يا فيرس...

أول مرة اتشرفت بيه...كنت في مكان عام أنا وبنت خالتي..بس بصراحة هلكت م الضحك....
برنامج هادف فعلاً..!!!!!!.....

تحياتي...

فعلا برنامج هااااااااااااااااااااادف جدا

اشكرك على مرورك الجميل






يا جماعة والله الراجل بتاع برنامج انا والنسور وقفاك ده لما كنت بسمعه كان بيجيبلي حاله من البله(بلاهه يعني )
(طبعا حد يسألني يقولي بله زغلول ولا بله امهات اكيد مش هرد عليه)
ههههههههههههه

هههههههههههههه
حلوه Mr. zamalek

شكرا على مرورك

mr_virus
24-04-2007, 10:22 AM
باقى الاجزاء هتلاقوها هنا
http://www.egyptsons.com/misr/thread73677.html


Photo Gallery