المساعد الشخصي الرقمي

مشاهدة النسخة كاملة : يوميات طالب مع يوم دراسى جديد



نوسة
01-11-2006, 07:55 PM
من غير اى مقدمات كده ونرزع الكلام وش كده ونقول الفاشل هو ..... ولا بلاش اكيد انتو عرفتو هو مين

ويبدأ اليوم الدراسى بــــــ


ماما says : بودااااااااا ...انت ياعبد الرحمن يلا اصحى عشان تلحق تلبس وتروح المدرسه

انا says : إإإإإإإإإإإإإإ يووووووووووه.... ولاااااااا خبى الكنز كويس احسن حد يشوفه ..

ماما says : كنز ايه يابنى ...طيب قولى هو فين وانا مش هقول لحد - بتاخدنى فى الكلام يمكن يكون فيه كنز فعلا -

انا says : هه كنز ايه يا ماما انتى بتحلمى وانتى صاحيه وانا فايق وانا نايم ولا ايه فى الف ليله وليله ديه هيا الساعه كام دلوقتى ؟

ماما says : الساعه سبعه وربع ..يلا عشان تلحق تلبس وتمشى .. انت جهزت حاجتك ؟..انت يابنى جهزت حاجتك ؟..عبد الرحماااااااااااااااااان ..انت نمت تانى

انا says : خخخخخخخخخخخخخخخخ

ماما says : يلا يابنى متتعبنيش ..يلا وخد اشرب كبايه الكاكاو ديه ..

انا says : فيييييييييين الكاكاو ؟ - وطبعا قايم وعنيا بتسلم على بعضها ومش عارف افتح -

ماما says : قوم يلا عشان تشربه اهو فى ايدى اهوه

انا says : هو فين هاتى - واروح قالب الكبايه على بق واحد ..واروح مرمى على السرير و خخخخخخخخخخ انام تانى وطبعا الجو برد -

ماما says : يابنى متغلبنيش اصحى حرام عليك ..

انا says : هو اخويا صحى ولا لسه نايم ؟

ماما says : لسه نايم اهو ..

انا says : طب روحى صحيه هو الاول ..اشمعنى جيتى تصحينى انا الاول ..هو على راسه ريشه يعنى ..

ماما says : يابنى انت وهو واحد ..طيب هروح اصحيه واجى الاقيك صحيت ..

انا says : طيب صحيه - وفى سرى بقول يارب ما يصحى وتفضل واقفه تصحيه كتير عشان انام -

----------------

وفعلا تروح تصحى اخويا .. وتجيلى بقى تلاقينى ملفوف فى البطانيه وعمال اتلف فيها واتقلب من البرد ولا اكنى بصطاد غزاله تحتيها ..


ماما says : انت يابنى ..ايه اللى انت عامله فى نفسك دا انت تموت فى النوم والراحه كده ..يلا قوووووووم ..

انا says : إإإإإإإإإإإ حااااضر بس هو مش عارف مين هوا قال طيب وبعدين اه اه ولالا - حد فاهم حاجه ؟..ولا أنا -

ماما says : انت بتخرف تقول ايه اصحـــــى يابنى جبتلى الضغط ..

انا says : هه حاضر قايم اهو ..هو اخويا فين ؟

ماما says : فى الحمام بيتوضى اهو وصحى وانا بصحيك من قبله ..

انا says : طيب لما يخرج من الحمام بقى ..هو انا هصحى استناه ..سيبينى نايم شويه ..

ماما says : طيــــــــــــــــــــــــــــــــــــــب .. هو زمانه خارج اهو ..


ويعد كده اخويا يخرج فعلا وماما تيجى تقلى ..


ماما says : اهو خلاص أخوك خرج أهو ..يلا قووووووووووووووووم بقى ..

انا says : اخويا خرج ؟..طيب بابا مش هيصحى و يدخل الحمام ولا ايه ؟

ماما says : ابوك صحى ودخل الحمام وطلع من زمان ..

انا says : طيب واختى ؟

ماما says : أختك صحيت من بدرى وراحت المدرسه - اصل اختى مدرستها بتبتدى بدرى -

انا says : طب وانتى صحيتى ولا لسه مش هتدخلى الحمام تتوضى انتى كمان ..

ماما says : عبد الرحمااااااااااااااااااااااااااااااااااااااااااان .. يلااااااااااااااااااااا

انا says : طيب هيا الساعه كام دلوقتى ؟

ماما says : الساعه تمانيه الا ربع فاضل نص ساعه على دخول المدرسه يلاااااااااااااااا قبل ما يقفلو البوابه - اصل شيخ المعهد عندنا ابن الايه قال ان اللى هيجى بعد الساعه تمانيه وربع هيقفل البوابه ومش هيدخل حد -

انا says : طيب سيبينى عشر دقايق كمان ..

ماما says : يا خراااااااااااااااااااااااااااااااااااااابـــــى ..طيب والله هنادى على ابوك يجى يصحيك ..

انا says : هه أبويا ..- واروح قافز حته قفزه من على السرير ولا الكانجرو-

واروح داخل متوضى ومصلى الصبح فى سرعه البرق ..وطبعا الساعه بقت تمانيه الا عشره ..هوبا على ما جهزت الحاجه ولبست والذى منه تكون الساعه بقت تمانيه وخمسه ..قشطااااااااااات قدامك عشر دقايق يا معلم عشان أوصل للمدرسه ..

----------------------------------

وطبعا هنا انتهى مشوار صحيانى من النوم وليكو ان تتخيلو حال ماما ايه بقى ..وهيا جالها الضغط والسكر .............الخ من شويه

اما بابا بقى مبيتأثرش بالمواقف دى لانكو زى ما شفتو أول ما ماما قالتلى انها هتنادى لبابا اتفزعت وطبعا لانه هيتصرف معايا تصرف مؤلم زى انه يرش ميه "وانتو عارفين ان رش الميه عداوه اساسا يعنى " ..

وبما انه مبيتأثرش بالحاجات ديه ..فالضغط والسكر ............ الخ دول عنده من ايه اكيد هنعرف فى الاجزاء القادمه ..


يـــــتــــبـــــع ..

من بريدى العامر

mr_virus
02-11-2006, 06:35 PM
100%
حلوة جدا
ومستنيين الباقى

نوسة
03-11-2006, 01:40 AM
100%
حلوة جدا
ومستنيين الباقى



اهلا اهلا مستر فايرس

شكرا لمرورك الجميل والباقى فى الطريق

خالص تحياتى الك

moura
03-11-2006, 07:33 AM
عسسسسسسسسسسسسسسسل يا نوسة يا قمر

ومنتظرين باقى الموضوع التحفة دة

بجد جمييييييييييييييل....


مورا..

نوسة
03-11-2006, 09:35 AM
اهلا يا مورااااااااااا

ميرسى ليكى يا قمر انتى اللى عسل

شكرا لمرورك الجميل

خالص تحياتى

amak_77
04-11-2006, 12:19 PM
عسل يا نوسه
مستنين الباقي
المنتدي بقى يفكرني بمسلسلات اسامه انور عكاشة
كل مسلسل ليه16 جزء
يبتدي من ايام الهجرة و ينتهي في المستقبل

شكرا ليكي عايزين نشوف اخرة الفاشل ده ايه

ندى الايام
05-11-2006, 01:46 AM
ههههههههههه جميل يا نوسه بس الله يكون فى عون امه
بجد انا اتعصبت جدا منه وكان نفسى اجيب فرده شبشب
واصحيه بيها علشان يتعدلى ههههههههههههه مستنيه الباقى

SaD BirD
05-11-2006, 06:22 AM
ايه المواضيع الجامده دى......
ألف شكر...

نوسة
12-11-2006, 09:33 AM
عسل يا نوسه
مستنين الباقي
المنتدي بقى يفكرني بمسلسلات اسامه انور عكاشة
كل مسلسل ليه16 جزء
يبتدي من ايام الهجرة و ينتهي في المستقبل

شكرا ليكي عايزين نشوف اخرة الفاشل ده ايه


اهلا اهلا يا امااااااااااك

هكلم اسامة يكمل باقى الاجزاء هههههههههههههههههههههههه

ويدينا طول العمر ربنا


شكرا لمرورك يا اماااااااااك

نوسة
12-11-2006, 09:39 AM
ههههههههههه جميل يا نوسه بس الله يكون فى عون امه
بجد انا اتعصبت جدا منه وكان نفسى اجيب فرده شبشب
واصحيه بيها علشان يتعدلى ههههههههههههه مستنيه الباقى


اهلا اهلا ندى الايااااااااااااااااام

صحية زى ما يعجبك ههههههههههههههههههههه

شكرا لمرورك الجميل

تحياتى اليك

نوسة
12-11-2006, 09:43 AM
ايه المواضيع الجامده دى......
ألف شكر...


اهلا اهلا يا SaD BirD

شكرا لكلامك الجميل ومرورك الاجمل


خالص تحياتى اليك


Photo Gallery