المساعد الشخصي الرقمي

مشاهدة النسخة كاملة : اتوبيسات الهيئة



mr_virus
29-10-2006, 10:55 PM
السلام عليكم ورحمه الله وبركاته...
اتوبيس الهيئة
ربنا يحفظنا
من اتوبيسات الهيئة
حوار يحدث كل يوم بين المواطنين الغلابة
7
7
7
7

- اقفشه بقالنا ساعه واقفين

- اجرررررررررري يا معلم

- اجري يا ابن ادم جري الوحوش الاتوبيس متلحقوش !!!


مصري:- استني ياعم انت ..... استني وانبي ..... ما تستني بقي

وبعد صراع شديد ومعاناه كبيره استطعنا اللحاق باتوبيس الهيئه العنيد الذي يرفض الانتظار فهو يمضي في طريقه وعلي من يريد الركوب ان يأخذ الميداليه الذهبيه في سباق العدائين في الاولمبياد القادم ... اما من يريد النزول في المكان الذي يريده فيكفيه شرف التجربه او ان يكون حاصلاً علي كورساً مكثفاً في القفز بالمظلات

و عن الفتره ما بين الركوب والنزول فحدث ولا حرج واليكم حديثي .... بلا حرج !!!

مصري : سيد افندىىىىىىىىىىىىىى

سيد افندي : ايوه يا مصري بسلك نفسي اهو

المعلم حنفي : امسك في ديل الجلابيه وحاول متتحركش !!!

رمزي بيه : كانت شوره مهببه

مصري : هو الواد تيتو فين ؟؟

سيد افندي : يا تيتوووووووووووووووووووووووووو

تيتو : :021: شيل رجلك من علي رقبتي حرام عليك :021:

مصري : انت فين ياد مش شايفك

تيتو : حتشوفني ازاي وانا تحت رجليك ما تشيل رجلك يابن ........

مصري : اشيل رجلي !!!! انت عبيط ياد واحطها فين ان شاء الله .. خليك كده لغايه ما نوصل

سيد افندي : واد يا مصري شايف الوليه اللي هناك دي ؟

مصري : اه شايفها مالها ؟

سيد افندي : كانت حاطه اديها في جيب الراجل اللي واقف جنبها

مصري : تهيئات ياعم سيد هو انت شايفني اساساً علشان حتشوف اللي في اخر الاتوبيس

سيد افندي : عليا الطلاق كانت حاطه اديها ... استني استني دي بتنزل اهي

مصري: ما تنزل ياعم واحنا مالنا

المعلم حنفي : حراااااااااااااااااااااااااااااااااااااااااااااااا ااااااااامى

- وعند هذه الصيحه انطلق الجميع ليبحث في جيوبه عن اي شيء واشرأبت الاعناق وحمي الوطيس وازدادت الصيحات .... حراااااامي ... موبايلي .... محفظتي يا حوش ........ المهيه انا لسه قابضها ...... الفانله راحت فين يا نهار اسود الوليه حتقول عليا ايه لما ادخل عليها من غير فانله ....... !!!

مصري : سرقوا منك ايه يا معلم حنفي ؟

المعلم حنفي : محفظتيىىىىىىىىىىىى

سيد افندي : كان فيها فلوس كتير ..

رمزي بيه : ولا يهمك يا معلم الرجاله ياما بتتسرق ههههههههههه

المعلم حنفي : المحفظه كانت فاضيه بس انا برده متسرقش

مصري : وكل الهيصه دي والمحفظه فاضيه امال لو كان فيها فلوس كنت عملت ايه

المعلم حنفي : انا بشيل الفلوس حوالين وسطي امان برده

تيتو : ابوس ايدك مش عارف اتنفس شيل رجلك اخد نفسين وحطها تاني

الكمساري : العربيه فاضيه قدام يا حضرات

مصري : يا اسطي حرام عليك فاضيه فين بس ده انا واقف علي رجل واحده وعلي دماغ صاحبي كمان

الكمساري : اللي مش عاجبه ينزل ..... يالا يا حضرات قدام شويه

المعلم حنفي : طب نزلنا يا اسطي ورينا حتنزلنا ازاي

السواق : اللي عاوز ينزل ينط في الملف اللي جاي علشان الاشاره !!

واحده ست : يا لهوووووووووووووي

المعلم حنفي : في ايه يا ست مالك

نفس الست هي هي : الحقني يا اخويا دكر البط اللي شارياه من السوق سرقوه ولاد الحراميه يا لهوووووووي

رمزي بيه : يا ستي معلش حنعمل ايه حتي الحراميه مفيش في قلوبهم رحمه بيتشطر علي واحده ست غلبانه وياخد دكر البط اللي حيلتها

مصري : ما تنقطتنا بسكاتك يا عم رمزي انا موبايلي باين اتسرق هو كمان هو راح فين ابن اللذين ده

رمزي بيه : ههههههههههههههههههه حتي انت كمان يا مصري ههههههههههههه انا الوحيد في الاتوبيس اللي متقلبتش

مصري: حرامي غشييييييييييييم سايب اغني واحد في الاتوبيس وقلب الغلابه

سيد افندي : ما تيالا يا جدعان انا مش قادر استحمل انا راكب علي ضهر عيل صغير والواد فيص تحت مني !!

مصري : يالا ياعم سيد ....... يا اسطى وانبي المحطه الجايه

السواق : ممنوع يا كابتن نط من الباب علي السريع كده

مصري : ياعم نزلنا في المحطه هو ايه اللي ممنوع

السواق : ما تلخص يا كابتن حتنزل ولا لاء

مصري: حنزل ياعم الله يخرب بيتك ...... كتفك يا كابتن وانبي ... عديني يا ست

واحد شكله غريب : يالا يا حضرات انا لا جاي اشحت ولا اقول لله معايا فلايه تطلع 100 املايه .. معايا كتاب السحر ... يالا يا مدام اعملي عمل لجارتك اللي كيداكي .... معايا كتاب كيف تتعلم القراءه في اسبوع ... كيس العسليه بنص جنيه يالا يا حضرات حد يقول هات حاجه

المعلم حنفي : عديني ياد يا بتاع العسليه خليني انزل

نفس الواد ابو شكل غريب : خمس مكنات حلاقه بسعر واحده ... علبه امواس بجنيه بس ... خد علبه شوكلاته للولاد .. ودوق قبل ما تشتري !!!

رمزي بيه : يا اخي خدلك جنب خليني اعدي انا كمان

الواد ابو شكل غريب تاني : فانلات وغيارات داخليه جميع المقاسات ... عاين الفانله وال ... بنفسك قبل ما تشتري ... جميع المقاسات وقيس قبل ما تشتري !!!

تيتو : حتي انت يا بتاع الفانلات....... شيل رجلك يابن ال........

مصري : خد يا تيتوووووووووو امسك طرف الحبل ده وانا حشدك

تيتو : اشهد ان لا اله الا الله وان محمداً رسول الله ... مش طايل الحبل يا مصري ..... اهو مسكته اهو شدني بقي




- واخيراً وبعد محاولات ثعلبيه ومناورات حربيه اشبه بمناوره بدر او عاصفه الصحراء استطعنا بعون الله ان احنا ننزل من الاتوبيس

مصري : ااااااااااه الله يخرب بيت اللي شار علينا الشوره الهباب دي .. كنا ركبنا تاكس احسن

سيد افندي : تاكس ايه يبني ده اقل واجب ياخد عشرين جنيه ادينا ركبنا ووصلنا كلها بجنيه يبقي وفرنا 19

مصري: وموبايلي اللي اتسرق ومحفظه عم حنفي ولا تيتو اللي اللوز لزقت في الحجاب الحاجز من كتر ما دوسنا علييه

رمزي بيه : تعيشوا وتتقلبوا يا رجاله انا طلعت نضيف من الحوار ده

مصري : ايه ده يا رمزي بيه ... هي جزمتك فين ؟؟؟ هو انت كنت جاي معانا حافي ؟ !!

رمزي بيه : جزمتي !!!! ..... يا نهار اسود ده الجزمه اتسرقت ..... حرااااااااااااااااااااااااااااااااااااااااااااااام ي

mr_virus
29-10-2006, 10:57 PM
http://i106.photobucket.com/albums/m258/hany_3h/kalemat/3h045.gif

wight_knight
30-10-2006, 12:21 PM
شديدة بجد
تشكر على النقل
هو الاتوبيس كان رقمة كام ؟

mr_virus
30-10-2006, 08:48 PM
اتوبيس 6 اللى بيروح كل حتة

ميمو المصرى
31-10-2006, 01:01 AM
http://i106.photobucket.com/albums/m258/hany_3h/kalemat/3h045.gif



غير انه منقول مكرر كمان
:ranting2: :ranting2: :ranting2:

mr_virus
02-11-2006, 10:13 PM
شكرا يا مان

moura
03-11-2006, 07:43 AM
تححححححححححححححححححححفة

جداااااااااااااااااااااااااااااااااااااااااا

انا اول مرة اقراه...بس جامد جدا

mr_virus
03-11-2006, 07:26 PM
شكرا ليكىىىى

بنت شهريار
07-11-2006, 03:19 AM
ههههههههههههههههههههه
حد يحجزلنا فى الاتوبيس دا
دى اكيد رحله العذاب والضنا
مشكوووووووووور يافيروس

mr_virus
07-11-2006, 06:47 PM
العفوووووووووووو


Photo Gallery