المساعد الشخصي الرقمي

مشاهدة النسخة كاملة : مرتضى راجع يقلب المواجع



محمود زايد
26-10-2006, 04:08 PM
هيئة مفوضي الدولة توصي بعودة منصور لرئاسة الزمالك

http://images.filbalad.com/filgoal/NewsPics/Medium/Pic_5927.jpg

ألغت هيئة مفوضي الدولة قرار المجلس القومي للرياضة بحل مجلس إدارة نادي الزمالك برئاسة مرتضى منصور ، وأصدرت توصية بعودته إلى رئاسة النادي مرة أخرى.كما ألغت هيئة مفوضي الدولة التابعة للقضاء الإداري قرار مجلس إدارة نادي الزمالك الحالي برئاسة ممدوح عباس بشطب عضوية منصور ، إذ إنه لم يخالف أي شرط من شروط عضوية الأندية ، بحسب القرار.وطلبت الهيئة من القضاء الإداري سرعة عودة منصور إلى رئاسة الزمالك مرة أخرى ، بالإضافة إلى عودة عضويته العاملة بالنادي الأبيض.ودخل نادي الزمالك في صراعات طويلة منذ تولي منصور الرئاسة العام الماضي ، وتم حل مجلس الإدارة مرة أولى بواسطة ممدوح البلتاجي وزير الشباب السابق وتعيين مجلس مؤقت برئاسة مرسي عطا الله ، قبل أن يعود منصور مرة أخرى بحكم قضائي.وبعد خلافات حادة مع منصور ، قدم ثمانية من أعضاء مجلس الإدارة المنتخب استقالتهم ، وتم تعيين ثمانية أعضاء بدلا منهم يتقدمهم رؤوف جاسر نائب رئيس النادي.وثارت مشاكل كبيرة مرة ثانية بين منصور من جهة وبين جاسر والأعضاء المعينين من جهة أخرى ، انتهت بايقاف منصور عن ممارسة صلاحيات منصبه بقرار من صقر إثر تجاوزات فاقت الحد خلال المباراة النهائية لكأس مصر بين الأهلي والزمالك في يونيو الماضي.لكن منصور نجح في الحصول على حكم قضائي جديد ببطلان قرارات المجلس القومي للرياضة ووجوب عودته إلى رئاسة النادي ، ليتم أخيرا حل المجلس للمرة الثانية وتعيين مجلس معين جديد برئاسة ممدوح عباس.

المصدر (http://worldcup.filbalad.com/Arabic/News.asp?NewsID=28462)

مبروك عودة الحق لاصحابه وعقبال الرجوع الرسمى :good: :hop:

نادر فؤاد
26-10-2006, 08:00 PM
والله الراجل ده هيخرب الزمالك وده الكلام اللى انا قولته لناس زمالكاوية كتير
لما كانو فرحنين اوى بفوزه اول مره برئاسة الزمالك
شكرا محمود وكل سنه وانت طيب

سـلـوى
27-10-2006, 01:42 AM
هو مش هيرحمنا بقى
ربنا يهديه
و يرحمنا من اللى بيعمله
و اللى بيسئ للكثير

تسلم يا محمود للنقل

محمود زايد
27-10-2006, 09:40 AM
والله الراجل ده هيخرب الزمالك وده الكلام اللى انا قولته لناس زمالكاوية كتير
لما كانو فرحنين اوى بفوزه اول مره برئاسة الزمالك
شكرا محمود وكل سنه وانت طيب

والله يانادر الكلام ده كل الاهلاويه قالوه لما مرتضى نجح بس نقول ايه جماهير الزمالك كانت بتقول عليه الدرع والسيف للنادى وعلى فكرة فى ناس فرحت لما سمعت الخبر ده فيبقى مبروك عليهم عودة الدرع والسيف للنادى
شكرا على المرور يانادر وكل سنه وانت طيب :good:

محمود زايد
27-10-2006, 09:41 AM
هو مش هيرحمنا بقى
ربنا يهديه
و يرحمنا من اللى بيعمله
و اللى بيسئ للكثير

تسلم يا محمود للنقل

ربنا يسمع منك ياسلوى بس طالما فى ناس عاوزينه يبقى مرتضى عمره ماهيبطل حركاته دى
شكرا على المرور ياسلوى :good:

حسام عمر
27-10-2006, 10:20 AM
ده قرار

لم توافق عليه المحكمه بعد

يا توافق يا متوفقش

وان شاء الله مش حتوافق

عصام كابو
27-10-2006, 11:59 AM
الف مبروك لكل الاهلوية (قبل الزمالكاوية) رجوع المغوار

مرتضى بك أبو المناصير

و الحدق يفهم



مرتضى راجع يا ولاد.......... هتولع.... هتولع

محمود زايد
27-10-2006, 04:45 PM
ده قرار

لم توافق عليه المحكمه بعد

يا توافق يا متوفقش

وان شاء الله مش حتوافق

لالا بلاش كده خليك متفائل ياحسام ومرتضى لازم يرجع علشان الزمالك محتاج له:p :p

محمود زايد
27-10-2006, 04:54 PM
الف مبروك لكل الاهلوية (قبل الزمالكاوية) رجوع المغوار

مرتضى بك أبو المناصير

و الحدق يفهم



مرتضى راجع يا ولاد.......... هتولع.... هتولع



الله يبارك فيك ياعصام
حقيقى الخبر ده اثلج صدورنا كاهلاويه ربنا يتمه على خير ويرجع الدرع والسيف للزمالك الحبيب :p :d

فى حب مصر
28-10-2006, 03:17 AM
السلام عليكم

وتانى تانى تانى
راجعين نتفرج تانى
على الخناق والعراك
من تانى

محمود زايد
29-10-2006, 10:08 AM
السلام عليكم

وتانى تانى تانى
راجعين نتفرج تانى
على الخناق والعراك
من تانى

هتولع هتولع :good: :good:

محمود زايد
29-10-2006, 10:10 AM
الف الف الف مبروك لكل اهلاوى عودة مرتضى منصور
بصراحة رجع فى الوقت المناسب


ههههههههههههههههههههههههههههههههههههههه
خالى الزمالكوية يشجعو الصفاقسى براحتهم
وبكرة نشوف خبتهم

الله يبارك فيك يامحمد باشا
مرتضى صاحب حق ومن حقه يرجع لناديه الحبيب
احنا مع الشرعيه :good:

حسام عمر
29-10-2006, 10:38 AM
خالى الزمالكوية يشجعو الصفاقسى براحتهم
وبكرة نشوف خبتهم


دي اشاعات اهلويه بيداروا بيها عملتهم السابقه

وتابع الماتش وشوف كمية الزملكويه اللي ريحين يشجعوا الفريق المصري


وبعد الجمله الاخيره

متوقع رد هادي من اي زملكاوي


ربنا يهدي ويشفي

عمرو صالح
29-10-2006, 12:23 PM
ده مش حكم مجرد توصيه عموما لو رجع يبقى هنرجع تاني للدوامة

الله يرحم ايامك يا درويش

مكنتش عاجبهم

Trogan
29-10-2006, 03:01 PM
في حاجه عجيبه جدأ لو لاحظتوا

ان محمد عبد المنصف(الحارس الاحتياطي) امه دعيالوا اوي وكذلك مرتضى منصور كل واحد منهم لزق في مكانه

ربنا يرجعلنا عبد الواحد (وحيد) بالسلامه ادعوا معايا

Abdou Basha
30-10-2006, 07:21 AM
هو الراجل ده مش بيخلص... ملوش تاريخ صلاحية
*109*

حسام عمر
30-10-2006, 11:14 AM
هو الراجل ده مش بيخلص... ملوش تاريخ صلاحية
*109*


جامده اوي العباره دي

ههههههههههههههههههههههههههههههههه


Photo Gallery