المساعد الشخصي الرقمي

مشاهدة النسخة كاملة : مروة دياب هتجوعنا... هتجوعنا



أم أحمد
16-10-2006, 10:54 AM
السلام عليكم ورحمة الله وبركاته
كما تعودنا كل يوم مع لقاء جديد ومبدع جديد

موعدنا اليوم مع شاعرة جميلة
حساسة ورقيقة
مشاعرها تتسم بالرقة
وشخصيتها تتسم بالجمال
موعدنا اليوم مع الشاعرة الجميلة مروة دياب
اهلا بك مروة في مطبخ ابناء مصر
اوعي تتأخري علينا
عشان احنا جعانين اوي:good:
ونفسنا نستمتع بكل ما تقدميه لنا من افطار واشعار

اتفضلي يا مروة دخول مطبخ ابناء مصر

http://gallery.egyptsons.com/data/media/49/mayfairbig.jpg (http://gallery.egyptsons.com)



الي اللقاء في الغد مع مبدع جديد وكلام مفيد وطبق لذيذ :f2:

د. جمال مرسي
16-10-2006, 11:14 AM
أهلا بك يا مروة
أعرف أنك ستكونين كبيرة في المطبخ كأنت في الشعر
سأنتظر إفطاري اليوم من يدك
و افطاركم عندي غدا إن شاء الله
كل عام و الجميع بخير
و الشكر لأختينا أم أحمد و بوكي

boukybouky
16-10-2006, 11:51 AM
أهلاً بك مروة و بأكلاتك و أشعارك

و في الإنتظار كي نملأ بطوننا و عقولنا

دمتِ بكل خير

في رعاية الله ،،

مروة دياب
16-10-2006, 02:09 PM
بسم الله الرحمن الرحيم
إحم..
و الله لم يكذب عنوان الموضوع أبدًا.. "و شكل الناس مش ناوية تفطر النهاردة:lol2: ".
طبعًا أنا في غاية الإحراج من د. جمال و أم أحمد و بوكي بوكي... ليس على تأخير الإفطار فحسب.. بل على الإفطار المقدم، و فكرت أن يكون الإفطار شعريًا لكن ما ذنب الصامئين؟؟

أرحب بكم في البداية حول مائدتي المتواضعة جدًا.. و الحمد لله نجحت في تحويل البالطو الأبيض من بالطو طالب في طب إلى بالطو شيف "و يا ريته نافع في الاتنين:no: :'( :'( ".. ما علينا.
(النهاردة حقدم لكم أكلة اسكندراني، و بصراحة أنا مش أعرف غيرها)
بعد حيرة طويلة في اختيار الصنف المقدم، لأنهم عودونا في الكلية إن كل شيء عدا المسلوق مضر بالصحة و يجب الاحتراس في تناوله!!!
يعني كلام كتب..
ممم
نبدأ؟؟
طيب
طبق رز أبيض مصري أصيل.. و معه باذنجان مخلل –الله أعلم إزاي خللوه-
و سمك مشوي سكندري
طبعا ستقولون مروة جاءت تهرج؛ فكل الناس تعرف هذه الأكلة و لم تقدم جديدًا.. لكن السر طريقة شوي السمك..
و بصفتي من أهل الإسكندرية الحلويين، لا أستطيع إفشاء سر المهنة.. و هناك حل بسيط..
اطلبي من أخيك الصغير أو ابنك أن يذهب إلى أقرب بائع سمك و يطلب منه أن يشوي له عددًا منها قبل الإفطار بدقائق..
ثم افتحي الباب عند رنين الجرس، لتجدي ابنك و قد أحضر لك السمك المشوي و صومًا مقبولاً و بالهناء و الشفاء.
ممم
أما من يقطن خارج الإسكندرية.. فأنا أؤمن له بنظرية الإحساس..
(الإحساس أهم من التجربة نفسها، يعني تخيل نفسك قاعد تحت كوبري ستانلي مع أسرتك و بتفطر سمك مشوي
أنا عارفة إني مش قدمت لأي حد أي حاجة؛ المشكلة إن ست الكل مشغولة جدًا ، و بعدين إنتو عايزين تاكلوا من إيدي أنا مش من إيد ماما صح؟؟ الله يعينكم)
و كما قال أستاذي المتنبي:
ما كل ما يتمنى المرء يدركه تجري الرياح بما لا تشتهي السفن
لكن أنا أحب أن أقدم لكل أم و لكل من انتظرت أكلة (و هي مش عارفة مين اللي حيقدمها)، وجبة اعتذار شعرية خفيفة عن تأخر الإفطار.. أو عدم الإفطار أصلاً:

سامحيني..

اسمعيني أطـرق الباب افتحي لي = إن أردت البوح عنّي فاسْأليني
لا تـرديني بخـذلانٍ و جـرحٍ = أو تزيدي من أنيني من يقيني
أو تزيديني جـمارًا فوق جمري = أو تلومي بعدما شُـلَّتْ يميني
إنني و الـذُّلُّ في عـيني أتـيتُ = و طرقت الباب من دمع اليقينِ
جئتُ أرجو منكِ صَفْحًا يا ورودي = فـاطـبعي العَفْوَ جميلاً بجبيني
و اسمعـيني.. أنَّ في قلبي اشتياقي = وانهمى دمعي يناديكِ امسحيني
سامحيني و اقبـلي مني اعتذاري = إن تريدي نزع فتْلٍ من أنيني
سامحـيـني إن تمـاديت الخطايا = إنَّ في عيـنيَّ شوقًا.. سامحيني

ابن البلد
16-10-2006, 02:37 PM
انا قلت برضك 19 سنة أكيد عندها خبره شوية في الاكل:2: بس انت فوقتي تخيلي خالص أنتي طلعتي خبيرة اكل درجة اولي *109*

طيب يا مروة أنت كده عملتي الاكل ولا لسه هتعمليه ولا نبعت نطلبه من المحل*109* علشان أنا جعان بصراحة :eat:
:d

عصام علم الدين
16-10-2006, 03:03 PM
الأخت الفاضله مروه دياب
سلام الله عليكم ورحمته وبركاته

آدي اللي شفناه من الطب ومكتب التنسيق
يعني دلوقتي إفرضي الواد اللي بيجيب السمك المشوي طمع فيه
ولا وزعوا على قطط الحته وهو جاي في السكه
هيكون موقفنا إحنا إيه بقى؟
بس إنت أكيد عامل حسابك ومحضرالنا كام قـُرص عيش
على برشامتين سلطه وإزازة دوا شرب بطعم التمر وكام بكرة شاش
عشان ننشف بيهم إيدينا بعد الأكل
بس تفتكري واحد زيي ماعندوش تأمين صحي في مصر مسموحله يفطر النهارده
عموماً كل سنه وإنت طيبه
وياريت تزودي كمية إقراص السمك المشوي عشان أنا بحبه قوي

أخوك
عصام علم الدين

د. جمال مرسي
16-10-2006, 06:25 PM
أما السمك المشوي يا مروة فأنا أعشقه و لا سيما البوري منه
و أما القصيدة فكانت أجمل من كل أصناف الحلويات
بارك الله بك و لك
و كل عام و أنت و الأسرة بخير
د. جمال

لميس الامام
16-10-2006, 10:29 PM
اهلا بمروة شيف السفرة الرمضانية ..
الحقيقة اول ما قريت سمك قلت حاكون اول من حضر وأكل واشبع بما لذ وطاب!!!!!
لكني لقيت الاعزاء ابن البلد وعصام عز الدين والدكتور جمال سبقوني..صحتين وعافية على قلوبهم
لكن اكيد سابولي حتة سمكاية مشوية اهي تسد الرمق.. :hop: :hop:
وبعدها اخدنا جرعة رائعة من ابيات الشعر اللي فتحت الشهية زيادة وزيادة
بس ولا يهمك اول ما انزل اسكندرية على طول على طول..............
ح اجيب السمك واشويه انا بنفسي لاني من متذوقي السمك وكل المأكولات البحرية ...
وحاكل لما اشبع هههههههه
تسلم ايديك يا دكتورة هي اكلة صحية وجميلة دايما يارب سفرتك عامرة ..

لميس الامام

شاعر الرومانسية
17-10-2006, 04:24 AM
اهلا يا دكتووووووووووووووووووورة

مش فاهم ... يعنى انتى خايفة على سر طريقة الشوى.. ومش خايفة علينا نموت من الجوع:fartnew:
وبعدين هو احنا يعنى حنروح ننافس الاسكندرانية فى شوى السمك ....
يا دكتورة .. المهم النفس
عموما عموما واضح ان الولد طمع فى الباقى وطفش ....
ولم يستدل حتى ساعته على اى اثر ولا للولد ولا للسمك ....
ولا لدكتورة مروة دياب شخصيا:huh:

وجاءنا انها مستخبية من ساعة جريمتها الشنعاء ... بتجويع اهل المنتدى ..
بمكان غير معلوم وفره لها السادة اعضاء رابطة شوى السمك ...
وذلك لما بذلته من جهد جهيد وحرص حريص على عدم افشاء سر الصنعة


هذا ويحسب للأخت مروة ...
انها ارادت ان تجدد فى نهاية الشهر الفضيل ..
ففكرت فى تنفيذ وتحقيق اسم الموضوع عالية
( اية بقالكوا 22 يوم بتاكلوا... مش كفاية كدة :ranting2: )

ونحن اذا نشكر الاخت مروة .. على ما قامت به من جهد فى سبيل تخفيف الحمل على معدتنا العامرة من جراء ما فعلناه فى انفسنا طيلة الايام السابقة

كما نشكرها على الوجبة المعنوية الهائلة ... والمتمثلة فى كلماتها الرائعة ..والتى عوضتنا بغذاء الروح عن غذاء المعدة:2:

ونتمنى من الاخوة القادمين بعدها .. الالتزام بنفس المنهاج
والاجر والثواب من عند الله...

عن رابطة الجائعين بالمنتدى ..
"شاعر الرومانسية "

أم أحمد
17-10-2006, 06:57 AM
بسم الله الرحمن الرحيم
إحم..
و الله لم يكذب عنوان الموضوع أبدًا.. "و شكل الناس مش ناوية تفطر النهاردة:lol2: ".
طبعًا أنا في غاية الإحراج من د. جمال و أم أحمد و بوكي بوكي... ليس على تأخير الإفطار فحسب.. بل على الإفطار المقدم، و فكرت أن يكون الإفطار شعريًا لكن ما ذنب الصامئين؟؟

أرحب بكم في البداية حول مائدتي المتواضعة جدًا.. و الحمد لله نجحت في تحويل البالطو الأبيض من بالطو طالب في طب إلى بالطو شيف "و يا ريته نافع في الاتنين:no: :'( :'( ".. ما علينا.
(النهاردة حقدم لكم أكلة اسكندراني، و بصراحة أنا مش أعرف غيرها)
بعد حيرة طويلة في اختيار الصنف المقدم، لأنهم عودونا في الكلية إن كل شيء عدا المسلوق مضر بالصحة و يجب الاحتراس في تناوله!!!
يعني كلام كتب..
ممم
نبدأ؟؟
طيب
طبق رز أبيض مصري أصيل.. و معه باذنجان مخلل –الله أعلم إزاي خللوه-
و سمك مشوي سكندري
طبعا ستقولون مروة جاءت تهرج؛ فكل الناس تعرف هذه الأكلة و لم تقدم جديدًا.. لكن السر طريقة شوي السمك..
و بصفتي من أهل الإسكندرية الحلويين، لا أستطيع إفشاء سر المهنة.. و هناك حل بسيط..
اطلبي من أخيك الصغير أو ابنك أن يذهب إلى أقرب بائع سمك و يطلب منه أن يشوي له عددًا منها قبل الإفطار بدقائق..
ثم افتحي الباب عند رنين الجرس، لتجدي ابنك و قد أحضر لك السمك المشوي و صومًا مقبولاً و بالهناء و الشفاء.
ممم
أما من يقطن خارج الإسكندرية.. فأنا أؤمن له بنظرية الإحساس..
(الإحساس أهم من التجربة نفسها، يعني تخيل نفسك قاعد تحت كوبري ستانلي مع أسرتك و بتفطر سمك مشوي
أنا عارفة إني مش قدمت لأي حد أي حاجة؛ المشكلة إن ست الكل مشغولة جدًا ، و بعدين إنتو عايزين تاكلوا من إيدي أنا مش من إيد ماما صح؟؟ الله يعينكم)
و كما قال أستاذي المتنبي:
ما كل ما يتمنى المرء يدركه تجري الرياح بما لا تشتهي السفن
لكن أنا أحب أن أقدم لكل أم و لكل من انتظرت أكلة (و هي مش عارفة مين اللي حيقدمها)، وجبة اعتذار شعرية خفيفة عن تأخر الإفطار.. أو عدم الإفطار أصلاً:

سامحيني..

اسمعيني أطـرق الباب افتحي لي = إن أردت البوح عنّي فاسْأليني
لا تـرديني بخـذلانٍ و جـرحٍ = أو تزيدي من أنيني من يقيني
أو تزيديني جـمارًا فوق جمري = أو تلومي بعدما شُـلَّتْ يميني
إنني و الـذُّلُّ في عـيني أتـيتُ = و طرقت الباب من دمع اليقينِ
جئتُ أرجو منكِ صَفْحًا يا ورودي = فـاطـبعي العَفْوَ جميلاً بجبيني
و اسمعـيني.. أنَّ في قلبي اشتياقي = وانهمى دمعي يناديكِ امسحيني
سامحيني و اقبـلي مني اعتذاري = إن تريدي نزع فتْلٍ من أنيني
سامحـيـني إن تمـاديت الخطايا = إنَّ في عيـنيَّ شوقًا.. سامحيني


مروة يا مروة
كده برضه يا مروة
ده انا بقولك جعانين جعانين
تقومي تيجي تجوعنيا اكثر
لا بقي يا جميل
كفاية اوي ريحة السمك المشوي
اه انا باتخيل اهو وشايفاه قدامي
يا سيدي يا سيدي
هاعمل ايه
الجعان يحلم بريحة السمك ههههههههه
تسلم ايدك يا مروة
بس سيبك انتي علي رائ شاعر الرومانسية
الاهم هو غذاء الروح
وانا استمتعت بالقصيدة جدااا
مش مهم بقي الجوع
الجوع بيروح ويجي مش كده ولا ايه
شرفتينا يا مروة ونورتينا في مطبخنا الجميل
وان شاء الله نشوفك دائما منورانا
دمتي بكل الخير

Abdou Basha
17-10-2006, 07:45 AM
أنا شايف مروة كتبت بتأثير عنوان الموضوع .
مروة دياب هتجوعنا... هتجوعنا (http://www.egyptsons.com/misr/showthread.php?p=690645#post690645)

amal3
17-10-2006, 10:34 PM
العزيزة مــــــــــــــــــــــروة

والله يامروة من أمبارح وأنا بدخل عشان أكتبلك رد وبعد ماأكتبه النت ميكملش أرسال الرد

لدرجة أن 3 مرات أكتب والرد يتلغى مع فصل النت

وأنهارده قولت يارب يكمل

بس بصراحة يامروة بسم الله ماشاء الله

أيه الشطارة دى ...ليس فى الأمكان أبدع مما كان

عملتى أللى عليك وأكثر ههههههههههههههه جوعتينا

بس أنا أعرف مقولة بتقول (إن الكلمه والأحساس هما غذاء الشعراء )

فيكفينا ألذ غذاء وأطيب كلمة

وفقك الله وكل عام وأنت بخير

وإن شاء الله عيد سعيد ومبارك عليك

أختك آمال مصطفى

مروة دياب
18-10-2006, 10:23 PM
(شوفتوا د. جمال؟؟ فطر و حَلّى كمان، و لميس الإمام و آمال مصطفى.. شوفتوا إحساس الشاعر)
الإخوة الكرام:
ابن البلد
عصام علم الدين
(هوة إنتو ما أكلتوش ليه؟؟)
شاعر الرومانسية
(بصراحة، النت كان مقطوع.. لكن لا أخفيك سرًّا إنو حتى لو كان موجود مش كنت حدخل إلا بعد مرور فترة أطمئن فيها إن المعدة اللي جوعتها بجد فطرت و اتسحرت كمان.. بالهناء و الشفاء، و على رأيك بقالهم أكتر من 20 يوم بياكلوا!!:ranting2: و بعدين دي إسمها الحداثة في المطبخ العربي، حاجة كده زي الفانتازيا هههههههه)
أم أحمد
(أنا كنت صريحة معاكِ من البداية.. صح؟؟*115* )
أبو باشا
(أنا مش حبيت أكذب أم أحمد و لا بوكي، يعني هما حبايبي و قالوا إني حجوعكم فتدخلوا تلاقوني أكلتكم؟؟ ده اسمه كلام؟؟)
آمال و لميس الإمام
مروركما أسعدني كثيرًا على مائدة شعرية.. لكن هل يتحقق الاستمتاع بالشعر في حضرة السمك المشوي؟
أشكر الجميع على تشريف مطبخي المتواضع (قال يعني كان في مطبخ و لا طبيخ أصلاً:d ).. و أحب أن أقول لكم أني عرفت السر..
السر هو أني وجدت بالطو الشيف و لم أجد طربوشه فكان الأكل نص نص..:roll2:
إن شاء الله في رمضان القادم سأحضر طربوشًا محترمًا.. أنا عندي أغلى منكم؟!!!

الجوع سيد الأخلاق
تحياتي و كل عام و أنتم بألف خير و عز

سمـاء
19-10-2006, 04:23 AM
لقيت ف الميل جايالى دعوة

عزومة ف اسكندرية على شروة

سمك مشوى وفيه كتير أسرار

يا سلام على عزومتك يا مروة