المساعد الشخصي الرقمي

مشاهدة النسخة كاملة : كلام اونطة ؟؟ خلى بالك



جوليت
11-10-2006, 01:02 AM
ياترى كلام الحبيب لحبيبتة كله صح ؟؟
تعالوا نشوف ...


انافى بعادك ما بنمش طول الليل
(بس بنام شويه العصر)

ياريت فيه كلمه تعبر ع اللى انا حاسس به غير بحبك
(لانى فى الحقيقه مبحبكيش)

اول مره اقول كلمه بحبك لواحده
(وتصدقنى ودا لانك هبله طبعا)

انتى كنتى اجمل واحده فى الحفله امبارح
(بس ابقى اعملى عمليه تجميل فى ودانك ومناخيرك وبقك)

حنتجوز طبعا يا حبيبتى بس ادينى فرصه 6 شهور
(وبعدها مش هتشوفى وشى)

باحس دايما انى مسئول عنك
(فى الحاجات اللى متكلفش فلوس)

بتبقى حلوة اوى وانتى بتبكى
(بس فاهم دموعك كويس ومش هتجوزك)

انا مستاهلكيش
(وهتكتشفى بعدين الحقيقه دى بنفسك)

ازاى كنت عايش من غيرك قبل كده
(اكيد احسن من دلوقتى وع العموم قربت ارجع اعيش من غيرك تانى)

طول الليل بحلم بيكى
(اللهم احفظنا من الكوابيس)


كلمه منك واقاطع كل الناس
(الا ميمى وسوسو وتوتو و .....)

ماالقمر الا انعكاس لوجهك حبيبتي
( في الليالي المظلمة )

لما اشوفك يروح مني الكلام وانساه
( من الصدمة )

عنيكي احلى مافيكي
(لما تلبسي نظارة الشمس)

فايفك زي الفراولة
( بتاعت الصوبات )

تتجوزيني ياحبيبتي
( يارب تقول لا )

وحشتيني ووحشني كلامك
( اللي زي الحجاره )

نادر فؤاد
11-10-2006, 01:23 AM
ههههههههههههههههههههههه
حرام عليكى والله الظلم حرام داحنا فى رمضان
على العموم كل سنه وانتى طيبه

ابو ماجد
11-10-2006, 02:30 AM
ههههههههههههههههههههههه
حرام عليكى والله الظلم حرام داحنا فى رمضان
على العموم كل سنه وانتى طيبه


عزيزي نادر لا تنسي

ان الظلم في شرع الحبيب عدالـــــــه


بعدين دا مش ظلم.. عارف ليه..

لان اجابه الطرف التاني لازالت.. محجوبه.؟؟

ورينا دموعها ...

فيه واحد تقدم لبابا اليوم..

اخو صحبتي .بيتصل لك يوم

جوليت
11-10-2006, 06:56 AM
ههههههههههههههههههههه

شكرا لردودكم الظريفة

عبده الدرملى
11-10-2006, 11:47 AM
ههههههههههههههه
انتوا ظالمين الشباب والحب معا
فى ناس كويسه وتقدر قيمه الحب

mr_virus
11-10-2006, 08:55 PM
انتوا ظالمين الشباب والحب معا
فى ناس كويسه وتقدر قيمه الحب
عندك حق

جوليت
12-10-2006, 12:46 PM
طبعا فى ناس بتحب بجد بس فى ناس تانية بتهزر وبضيع وقت صح؟؟؟

ندى الايام
13-10-2006, 11:29 PM
هههههههههههههههههههههههه
عندك حق يا جوليت فى فعلا ناس كده
بس اعتقد انهم مش كتير اوى
احنا بردو عندنا شباب زى الفل
تسلم ايدك على الموضوع الجميل ده


Photo Gallery